اۆتوبوزداردى زارارسىزداندىردى، اۋا الماستىردى، BRT ايالدامالارىن تولاسسىز زارارسىزداندىردى
تيانشان تورىنىڭ حابارى (حابارىن جازىپ، سۋرەتىن تۇسىرگەن ءتىلشىمىز سو رۇڭجى، ەرىكتى ءتىلشى لي يۇيلين، ان تاۋ) وسى ەكى كۇندە، جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنە قاراتا، ءۇرىمجى قالاسى الەۋمەتتىك قاتىناس اۆتوبوزدارىن، BRT كولىكتەرىن زارارسىزداندىرىپ، اۋا الماستىردى، ءارى، ايالدامالاردى تولاسسىز زارارسىزداندىرىپ، كوپ ءتۇرلى پارمەندى شارالاردان بەلسەندى پايدالانۋ ارقىلى ىندەتتەن ساقتانۋ - تىزگىندەۋ قىزمەتىن جاپپاي، تاپتەشتەي، ءونىمدى ورىستەتىپ، قالا تۇرعىندارىنىڭ حاۋىپسىز ءجۇرىس - تۇرىسىنا بار كۇشپەن پارمەندى كەپىلدىك ەتتى.
1 - ايدىڭ 25 - كۇنى، ءتىلشىنىڭ ءۇرىمجى قالالىق الەۋمەتتىك اۆتوبۋزدار جىنباۋ اۆتوبۋز شەكتى سەرىكتەستىگىنەن ۇعىسۋىنا قاراعاندا، وسى سەرىكتىەستىك ءۇرىمجى قالالىق قاتىناس - تاسىمال مەكەمەسىنىڭ، ءۇرىمجى قالالىق قالا جولاۋشىلار تاسىمالىن ءبىر تۇتاس باسقارۋ كەڭسەسىنىڭ «جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ-تىزگىندەۋ قىزمەتىن تىڭعىلىقتى ىستەۋ جونىندەگى شۇعىل ۇقتىرۋىنىڭ» تالابىنا ساي، بۇگىننەن باستاپ، كوپ ءتۇرلى قارسى تۇرۋ شارالارىن اتقارعان.
ەڭ الدىمەن، ىندەتتەن ساقتانۋ - تىزگىندەۋ جونىندەگى بىلىمدەردى ۇگىتتەۋدى ويداعىداي ىستەپ، ىندەتتەن ساقتانۋ - تىزگىندەۋ قولباسشىلىق ورنىنىڭ الەۋمەتتىك اۆتوبۋزدارعا، الەۋمەتتىك اۆتوبۋز بەكەتتەرىنە جاپسىرعان ىندەتتەن ساقتانۋ - تىزگىندەۋ قولدانبالارى مەن كوڭىل بولەتىن تۇيىندەر جاپسىرمالارىنا سايكەسىپ، قالا تۇرعىندارىنا ويداعىداي ساقتانۋدى ەسكەرتكەن. سونىمەن بىرگە، قاتىناعان اۆتوبۋزدارى مەن قىزمەت ورىندارىن تازالاۋ جۇمىسىن ويداعىداي ىستەگەن.
”سەرىكتەستىككە قاراستى 57 الەۋمەتتىك قاتىناس اۆتوبۋزى جەلىسىن، 1115 قاتىناس اۆتوبۋزىن كۇن سايىن قاتاڭ زارارسىزداندىردىق، تاڭەرتەڭ جولعا شىققاندا جانە كەشتە قايتىپ كەلگەندە ءبىر رەت زارارسىزداندىرىپ، اۆتوبۋزداردىڭ تازالىعىنا شىنايى كەپىلدىك ەتتىك“. ءۇرىمجى قالالىق الەۋمەتتىك قاتىناس اۆتوبۋزى جىنباۋ اۆتوبۋز شەكتى سەرىكتەستىگىنىڭ ءبىر جاۋاپتىسى بىلاي دەدى: ءارقايسى الەۋمەتتىك اۆتوبۋزداردى سايكەستىرۋ بولمەسىنە دەنە تەمپەراتۋراسىن ولشەۋ جابدىعىن ورناتىپ، شوفەرلار اۆتوبۋزعا شىعاردان بۇرىن دەنە تەمپەراتۋراسىن ولشەتىپ، تاسىمال كەزىندە ماسكا تاقتى، اۆتوبۋز سوڭعى بەكەتكە جەتكەننەن كەيىن، تاعى دا ”ءاربىر كەزەكشى اۆتوبۋزداردىڭ اۋاسىن الماستىردىق“.
ءۇرىمجى قالالىق الەۋمەتتىك قاتىناس توبى شەكتى سەرىكتەستىگى دە ىندەتتەن ساقتانۋ قىزمەتىن جاپپاي باستادى. قاراستى 135 جول جەلىسىندەگى قوس باعىتتاعى سوڭعى بەكەتكە جەكە-جەكە زارارسىزداندىرۋ قىزمەتكەرلەرىن ورنالاستىرىپ، 2207 الەۋمەتتىك اۆتوبۋزىن، 76 ورتا تۇرپاتتى جولاۋشىلار اۆتوكولىگىن، 2109 الەۋمەتتىك تاكسيدى جاپپاي زارارسىزداندىردى.
سونىمەن بىرگە، مىنانداي قاتاڭ بەلگىلەمە شىعاردى: زارارسىزداندىرعاندا ءسوزسىز شىلقىتىپ شاشۋ، ءدارىنىڭ ءونىمىنىڭ كادەگە جاراۋىنا كەپىلدىك ەتۋ، زارارسىزداندىرۋ قىزمەتىنىڭ حاۋىپسىز، ءونىمدى رول اتقارۋىن جەبەۋ، زارارسىزداندىرۋمەن ءبىر ۋاقىتتا قىزمەتكەر ورنالاستىرىپ باقىلاۋدى ەستەلىككە الۋ، ءبىر اۆتوبۋزدىڭ قاعىس قالماۋىنا، ءبىر بۋىننىڭ قاعىس قالماۋىنا كەپىلدىك ەتىپ، جاپپاي زارارسىزداندىرۋدى شىنايى ويداعىداي ىستەۋ. قالىڭ جولاۋشىلاردىڭ قىسقى تاسىمال كەزىندە تازا اۆتوبۋزعا، الاڭسىز اۆتوبۋزعا وتىرۋىنا كەپىلدىك ەتۋ، حاۋىپسىز، جايلى، سالاماتتى اۆتوبۋز ورتاسىن جاراتۋ.
