تيانشان تورى
تيانشان تورى   ›   جاڭالىقتار   ›   شينجياڭ حابارلارى

ەگجەي - تەگجەيلى ورنالاستىرۋ جاساپ، قاتاڭ ساقتانىپ، قاتاڭ قورعانىپ، ىندەتكە قارسى جابال اتتاندى

− اۆتونوميالى رايون ءونىمدى شارالار قولدانىپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن ويداعىداي ىستەدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ تۇڭ

  كەزەكتە شينجياڭدا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋعا شالدىققان 3 ناۋقاسقا انىق دياگنوز قويىلدى. ىندەت − بۇيرىق، ساقتانۋ - تىزگىندەۋ − جاۋاپكەرشىلىك! اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى ۇستاپ، زاڭ بويىنشا، بەلگىلەمە بويىنشا ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ ءبىرىنشى دارەجەلى اتتانىسقا كەلۋ دابىلىن ىسكە قوسىپ، جاپپاي جۇمىلدىرىپ، جان - جاقتى ورنالاستىرۋ جاساپ، قىزمەتتەردى جاپپاي كۇشەيتتى؛ جەر - جەر، تاراۋلار جەدەل قيمىلداپ، ءبىرسىپىرا ساقتانۋ - تىزگىندەۋ، ەمدەۋ، قامتاماسىز ەتۋ، سايكەسۋ شارالارىن، مەحانيزمدەرىن تۇگەل تياناقتاندىرىپ، ءتۇرلى ساقتانۋ - تىزگىندەۋ، قۇتقارۋ - ەمدەۋ قىزمەتىن ءتارتىپتى ورىستەتتى، ىندەتتەن ساقتانۋ - تىزگىندەۋدىڭ توسقاۋىل شايقاسى جاپپاي باستالدى.

وسكەلەڭ ءمان بەرىپ، ەگجەي - تەگجەيلى ورنالاستىرۋ جاسادى

  ىندەت تۋىلعان سوڭ، اۆتونوميالى رايوندىق پارتكوم وسكەلەڭ ءمان بەرىپ، اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىن، بۇكىل رايوننىڭ بەينە جازبا ءماجىلىسىن ىركەس - تىركەس اشىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا تياناقتاندىرىپ، ىندەت جاعدايىنىڭ وزگەرىسىنە بىرلەستىرە وتىرىپ، ساقتانۋ - تىزگىندەۋ قىزمەتىن ورنالاستىردى. اۆتونوميالى رايوننىڭ ىندەتتەن ساقتانۋ - تىزگىندەۋ قىزمەت باسشىلىق گرۋپپاسىن جانە قولباسشىلىق شتابىن قۇرىپ، بۇكىل رايوندا جوعارىدان تومەنگە دەيىن ساقتانۋ - تىزگىندەۋ ءبىرىنشى شەبىنىڭ قىزمەتىن جاپپاي كۇشەيتۋدى جوعارى دەڭگەيدە ىلگەرىلەتتى.

  1 - ايدىڭ 25 - كۇنى ەگىنشىلىك كالەندارى بويىنشا 1 - ايدىڭ 1 - كۇنى، اۆتونوميالى رايون تاعى ءبىر مارتە بەينە جازبا ءماجىلىسىن اشىپ، بۇكىل رايوننىڭ ىندەتتەن ساقتانۋ - تىزگىندەۋ قىزمەتىن قايتالاي اقىلداسىپ، قايتالاي جايعاستىرىپ، قايتالاي ورنالاستىرىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىنە وسكەلەڭ جاۋاپكەرلىكپەن قاراۋ رۋحىمەن شارالاردى كۇشەيتۋدى، شىنايى يگەرىپ، ناقتى ىستەۋدى، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە باتىل قول جەتكىزۋدى باسا دارىپتەدى. اۆتونوميالى رايوندىق حالىق ۇكىمەتى دە سول كۇنى اۆتونوميالى رايوننىڭ ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ ءبىرىنشى دارەجەلى اتتانىسقا كەلۋ دابىلىن ىسكە قوسىپ، جۇعىمدالۋ قاتەرى بار الەۋمەتتىك جينالىس قيمىلدارىن توقتاتۋدى، شينجياڭعا كىرگەن ادامداردى، كولىكتەردى اداقتاپ تەكسەرۋدى جانە كارەنتيندەپ تەكسەرۋدى كۇشەيتۋدى، كۇدىكتى ناۋقاستارعا جانە ەتەنە جاناسقانداردى مەديتسينالىق تالاپ بويىنشا اۋاشالاۋ جانە تەكسەرۋ سياقتى شارالار قولدانۋدى تالاپ ەتتى.

جەدەل قيمىلداپ، قاتاڭ ساقتاندى

  ىندەتتىڭ كىرۋىنەن قاتاڭ ساقتانۋدى، ءسوز جوق، ماڭداي الدى ورىنعا قويۋ كەرەك. بىرنەشە كۇننەن بەرى، جەر - جەر، قاتىستى تاراۋلار جەدەل قيمىلداپ، بار كۇشپەن توتەپ بەرىپ، ساقتانۋ وتكەلىن ءبىرىنشى ورىنعا قويۋعا تاباندى بولىپ، قاتىناستى كارەنتيندەۋدى جاپپاي اتقاردى.

  تاس جول جاعىندا، شينجياڭنىڭ شىعىس قاقپاسى قۇمىل قوعام حاۋىپسىزدىگى قاتىناس تاراۋلارىمەن تىعىز سايكەسىپ، شيڭشيڭشيا سياقتى شينجياڭعا كىرۋ - شىعۋدى تەكسەرۋ پۋنكتتەرىندە گيگيەنالىق - كارەنتيندىك تەكسەرۋ ورىستەتىپ، شينجياڭعا كەلگەن ادامداردى اداقتاپ تەكسەرۋدى كۇشەيتتى؛ تەمىر جول جاعىندا، ليۋيۋان بەكەتىنەن باستاپ پويەزعا كىرىپ تەكسەرۋ جۇرگىزدى، ءار بەكەتتى بەكەتتەن شىققان جولاۋشىلاردىڭ دەنە تەمپەراتۋراسىن مۇقيات تەكسەرۋ - ولشەۋگە ۇيىمداستىردى؛ حالىقتىق اۆياتسيا جاعىندا، بۇكىل شينجياڭ بويىنشا جولاۋشى تاسىمال مولشەرى ەڭ كوپ ءۇرىمجى ديوپۋ حالىقارالىق اۋەجايىنىڭ جانە باسقا دا ساياحاتشىلار شوعىرلى جينالاتىن قالالاردىڭ ۇشۋ تەرمينالدارىن ءتۇيىندى تۇردە قاداعالاپ، كەلگەن جانە كەتەتىن جولاۋشىلاردىڭ دەنە تەمپەراتۋراسىنا العاشقى تەكسەرۋلەر جۇرگىزدى، اۋەجايدىڭ شۇعىل قۇتقارۋ ورتالىعى ءار كۇنى ناۋقاس كورۋگە قابىلداعان دەنەسى قىزعانداردىڭ، كۇدىكتى ناۋقاستاردىڭ جاعدايىن دەر كەزىندە جيناقتاپ، مالىمدەپ تۇردى.

  جوعارى مەن تومەن بىرلەسە قيمىلداۋ، بىرلەسىپ ساقتانۋ، بىرلەسىپ تىزگىندەۋ − ”ەرتە بايقاۋ، ەرتە دياگنوز قويۋ، ەرتە مالىمدەۋ، ەرتە اۋاشالاۋ، ەرتە ەمدەۋ“دى تياناقتاندىرۋدىڭ ەڭ ءونىمدى شاراسى. اۆتونوميالى رايون مەن بيڭتۋان، ءارقايسى ايماقتار، وبلىستار، قالالار ارا، اۋداندار، قالالار، رايوندار ارا ءبىر جاعادان باس، ءبىر جەڭنەن قول شىعارا وتىرىپ سايكەسىپ، قاراستى رايونداعى بارلىق تۇرعىنداردىڭ جاعدايىن جاپپاي تەكسەرىپ، دەنە تەمپەراتۋراسىن تەكسەرۋ - ولشەۋ ورنىن بەلگىلەپ، سىرتتان كەلگەن، اۋىلىنا قايتقان ادامداردىڭ سالاماتتىعىن جاپپاي ەستەلىككە الدى، دەنە تەمپەراتۋراسىن جاپپاي ولشەدى. سونىمەن بىرگە، ادامدار شوعىرلانعان ورىندار مەن الەۋمەتتىك قاتىناس قۇرالدارىنا عىلمي، ولشەمدى، ۋاقتىلى، بەلگىلەنگەن تۇيىندە تازالاۋ، زارارسىزداندىرۋ، اۋا الماستىرۋ سياقتى قىزمەتتەر جۇرگىزدى.

عىلمي ساقتانىپ - تىزگىندەپ، ەمدەۋدى قامتاماسىز ەتتى

  ءومىر تايشاننان دا قادىرلى. اۆتونوميالى رايوندىق پارتكومنىڭ تالابى بويىنشا رايونىمىزدىڭ جەر - جەرى، تاراۋلارى حالىق بۇقاراسىنىڭ سالاماتتىعىنا وسكەلەڭ جاۋاپكەرلىكپەن قارايتىن پوزيتسيامەن شۇعىل جاعدايعا توتەپ بەرۋ جوباسىن كەمەلدەندىرىپ، ”ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ“ تالابىن قاتاڭ تياناقتاندىردى. اۆتونوميالى رايون دەنساۋلىق ساقتاۋ، سالاماتتىق جۇيەسىندەگى تىرەكتى كۇشتەردى شىعارىپ، اۆتونوميالى رايون دارەجەلى ماماندار ەمدەۋ اترەتىن، بىرنەشە شۇعىل جاعدايعا توتەپ بەرۋ بولىمشە اترەتىن جانە ايماق، وبلىس، قالا دارەجەلى ەمدەۋ اترەتىن ۇيىمداستىرىپ، ىندەتتەن ساقتانۋعا - تىزگىندەۋگە عىلمي جەتەكشىلىك ەتتى؛ اۆتونوميالى رايوننان 16 بەلگىلەنگەن قۇتقارۋ - ەمدەۋ شيپاحاناسىن، بيڭتۋاننان ءبىر بەلگىلەنگەن شيپاحانانى تۇراقتاندىرىپ، دياگنوزى تۇراقتانعان ناۋقاستاردىڭ ءونىمدى قۇتقارۋ - ەمدەۋگە يە بولۋىن قامتاماسىز ەتتى. اۋدان، قالا، رايوندارداعى 212 ەكىنشى دارەجەلىدەن جوعارى ەمدەۋ قۇرىلىمدارى قىزۋدى ولشەۋ امبولاتورياسىن قۇرىپ، الدىن الا تەكسەرىپ، ءبولىپ دياگنوز قويىپ، ءارقانداي ءبىر اۋداندا ىندەت بايقالسا دەر كەزىندە دياگنوز قويىپ، قۇتقارۋ - ەمدەۋ جۇرگىزۋگە شىنايى كەپىلدىك ەتىپ، بۇقارانى الاڭسىز ەتىپ، ۋايىمنان ارىلتتى.

  زاتتىق ماتەريالمەن قامتاماسىز ەتۋ ىندەتتەن ساقتانۋ - تىزگىندەۋدىڭ نەگىزى. اۆتونوميالى رايوندىق قازىنا ارناۋلى قارجى ءبولىپ، ىندەتتەن ساقتانۋ - تىزگىندەۋگە جانە زاتتىق ماتەريالمەن قامتاماسىز ەتۋگە پايدالاندى.اۆتونوميالى رايوندىق ەمدەۋ قامتاماسىز ەتۋ مەكەمەسى اۆتونوميالى رايون دارەجەلى ەمدەۋ، قۇتقارۋداعى بەلگىلەنگەن 4 شيپاحاناعا شۇعىل 20 ميلليون يۋان ەمدەۋ قامسىزداندىرۋى ارنايى قارجىسىن الدىن الا بەرىپ، شيپاحاناعا جەتكىزىلگەن ءاربىر ناۋقاستىڭ دەر كەزىندە ەمدەلۋىنە شىنايى كەپىلدىك ەتتى، سونىمەن بىرگە جاسىل ارنا اشىپ، شوعىرلى ەمدەۋ، قۇتقارۋداعى بەلگىلەنگەن شيپاحانالارمەن جەكە ەسەپ جاۋىپ، ەڭ الدىمەن تەكسەرىپ اداقتاپ، ەسەپ جاۋىپ، قارجى اجىراتىپ، قۇتقارۋ - ەمدەۋدىڭ ءساتتى بولۋىنا كەپىلدىك ەتتى. اۆتونوميالى رايوندىق ءدارى - دارمەكتى باقىلاۋ، باسقارۋ مەكەمەسى ساقتانۋ - تىزگىندەۋ ءدارى - دارمەكتەرى، ەمدەۋ جابدىقتارى اينالىم كاسىپورىندارىنىڭ باسىن قوسىپ، تەمپەراتۋرا ولشەۋ اسپابى، ماسكا، ساقتىق كيىمى، سونداي - اق داعدىلى تۇماۋ دارىلەرى سياقتى قاتىستى ءدارى - دارمەكتەر مەن جابدىقتاردىڭ بازارداعى قامداۋىنا شىنايى كەپىلدىك ەتۋدى تالاپ ەتتى.

  سونىمەن بىرگە، اۆتونوميالى رايون ىندەتتى كۇندىك مالىمدەۋ، نولدىك مالىمدەۋ ءتۇزىمىن ورناتىپ، ىندەت ينفورماتسياسىن جانە ساقتانۋ - تىزگىندەۋ قىزمەتىنىڭ اياق الىسىن دەر كەزىندە جاريالاپ، ينفورماتسيانىڭ دەر كەزىندە اشىق، جاريا بولۋىن جۇزەگە اسىرىپ، قوعام ءجىتى قاداعالاپ وتىرعان ىستەرگە ىرىقتىلىقپەن جاۋاپ قاتتى.

بۇكىل حالىق ارەكەتكە كەلىپ، ءبىر نيەتپەن ىنتىماقتاستى

  ىندەت الدىندا، بۇكىل رايونداعى ءار ۇلت كادر، بۇقاراسى بەلسەندىلىكپەن سايكەسىپ، كاسىپورىندار مەن ءار سالا قوعامدىق جاۋاپكەرشىلىكتى ىرىقتىلىقپەن ارقالادى، بۇكىل حالىق ارەكەتكە كەلىپ، ءبىر نيەتپەن ىنتىماقتاسىپ، قيىندىقتى بىرگە كوتەرىپ، ىندەتكە قارسى اتتاندى.

  ءۇرىمجى سياقتى جەرلەردەگى اسىلىندە جۇمىس توقتاتىپ، دەمالىسقا قويا بەرگەن ەمدەۋ جابدىقتارىن ءوندىرۋ كاسىپورىندارى قايتادان جۇمىس باستاپ، زارارسىزداندىرۋ سۇيىقتىعى، ماسكا سياقتى ساقتىققا قاجەتتى بۇيىمداردى ءوندىرىپ، ءار ۇلت بۇقاراسىن جەتكىلىكتى قامدادى؛

  ءدارى - دارمەك، ەمدەۋ جابدىقتارىن اينالىمعا سالاتىن 131 كاسىپورىن بىلاي دەپ ۋادە بەردى: ىندەتتەن ساقتانۋ - تىزگىندەۋ كەزىندە ءدارى - دارمەكتەردىڭ، ەمدەۋ جابدىقتارىنىڭ ساپاسىنا قاتاڭ كەپىلدىك ەتىپ، زاتتاردى باسىپ قويماي، ورايدان پايدالانىپ باعانى وسىرمەي، بازاردى قامداۋعا كەپىلدىك ەتەمىز.

  جۇڭگو حالىقارالىق ساياحات باس سەرىكتەستىگى، جۇڭگو جاستار وداعى ساياحات سەرىكتەستىگى سياقتى ساياحات كاسىپورىندارى ىرىقتىلىقپەن الدىن الا كەلىسكەن توپ - ۇجىمدارمەن بايلانىس جاساپ، شينجياڭنىڭ ءىشى - سىرتىنداعى ساياحات توپتارىنىڭ اۋەلگى جوسپارىن كۇشىنەن قالدىرىپ، ساياحاتشىلاردىڭ كوڭىل كۇيىن ورنىقتىردى؛

  اۆتونوميالى رايوندىق مۇراجاي، قاشقار بايىرعى قالاسى، تيانشان بوعدا كولى سياقتى الەۋمەتتىك مادەنيەت ورىندارى مەن ساياحات كورىنىس وڭىرلەرى مەرەكە كەزىندەگى تاقىرىپتىق قيمىلداردى ۋاقىتشا توقتاتىپ، ىندەتتەن ساقتانۋ - تىزگىندەۋگە ىرىقتىلىقپەن سايكەسىپ، بۇقارانىڭ شوعىرلانۋىنىڭ الدىن الدى؛

  ءتۇرلى ارنالار ارقىلى بەدەلدى حابارلاردى قوعامعا دەر كەزىندە جاريالاپ، جاڭا اقپارات قۇرالى تۇعىرلارىنان پايدالانىپ، ىندەتتەن، اۋرۋدان ساقتانۋ جانە ەمدەۋ جونىندەگى عىلمي بىلىمدەردى ءار كۇنى توقتاۋسىز جەتكىزىپ، بۇقارانى ىندەتكە عىلمي توتەپ بەرۋگە، ۇرەيدى جويۋعا جەتەكتەدى...

  ”قولدى ءجيى جۋۋدى، ماسكا تاعۋدى، باس قوسۋدى ازايتۋدى مەن دە، وتباسىمداعىلار دا ورىنداي الدىق“. ءتىلشىنىڭ تەلەفوندا جاساعان تىلشىلىگىن قابىلداعان كەزدە، ءۇرىمجى قالاسىنىڭ تۇرعىنى سۇن چىن شيڭحۇي كينو - فيلم باقشاسىنىڭ ىندەتتەن ساقتانۋ - تىزگىندەۋ كەزىندە ۋاقىتشا تيجارات توقتاتقاندىعى جونىندەگى حابارلاندىرۋىن ەندى عانا تاپسىرىپ العان ەكەن. سۇن چىن مىنالاردى ءبىلدىردى: ەمدەۋ قىزمەتكەرلەرى سياقتى ىندەتكە قارسى اتتانۋدىڭ ءبىرىنشى شەبىندە كۇرەس جاساماسام دا، جەكەلىك ساقتىقتى جاقسى ىستەپ، وتباسىمداعىلاردى سىرتقا از شىعۋعا، باس قوسپاۋعا جەتەكتەيمىن، بۇل مەنىڭ ىستەۋگە ءتيىستى ءىسىم.

  قازىر رايونىمىزداعى ءار دارەجەلى پارتيا، ۇكىمەت ورگاندارى، كاسىپورىن، ءىسورىندار دا ساقتانۋ - تىزگىندەۋدى بەلسەندىلىكپەن جاقسى ىستەپ، شۇعىل جاعدايلىق كەزەكشىلىكتى جانە كىرىپ - شىققان ادامداردىڭ دەنە تەمپەراتۋراسىن باقىلاۋ - ولشەۋ، ينفورماتسياسىن ەستەلىككە الۋ، اۆتوكولىكتەردى زارارسىزداندىرۋ سياقتى قىزمەتتەردى كۇشەيتىپ، ءار جاقتاعى كۇشتەردىڭ ىندەتكە قارسى اتتانۋىنا بار كۇشپەن قولداۋ كورسەتۋدە.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.