ءار ۇلت حالىق بۇقاراسىنىڭ ءومىرىنىڭ حاۋىپسىزدىگىنە وسكەلەڭ جاۋاپكەرلىكپەن قاراۋ رۋحىمەن شارالاردى كۇشەيتىپ، شىنايى يگەرىپ، ناقتى ىستەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك
چىن چۋانگو ماجىلىسكە قاتىناستى ءارى ءسوز سويلەدى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي، لي ياڭ 1 - ايدىڭ 25 - كۇنى ۇرىمجىدەن حابارلايدى. 1 - ايدىڭ 25 - كۇنى تۇستەن كەيىن اۆتونوميالى رايون بۇكىل رايون بويىنشا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندە بەينە جازبا ءماجىلىسىن اشىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەت جاعدايىنا تالداۋ جۇرگىزىپ، تۇجىرىم جاساپ، ساقتانۋ - تىزگىندەۋ قىزمەتىن قايتالاي جايعاستىرىپ، قايتالاي ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنە وسكەلەڭ ءمان بەردى، باس شۋجي شي جينپيڭ تالاي رەت ىندەتتەن ساقتانۋ - تىزگىندەۋ جانە ناۋقاستاردى قۇتقارۋ - ەمدەۋ سياقتى قىزمەتتەر جونىندە ماڭىزدى نۇسقاۋ بەردى، بۇل باس شۋجي شي جينپيڭنىڭ حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولاتىن جاۋاپكەرشىلىگى مەن حالىققا دەگەن سۇيىسپەنشىلىگىن تولىق ايگىلەدى. قازىر بۇكىل رايونداعى ىندەتتەن ساقتانۋ - تىزگىندەۋ قىزمەتىنىڭ جاعدايى قاتاڭ، مىندەتى اۋىر، جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ سىندى وسى رەتكى قاتاڭ شايقاستىڭ جەڭىسىنە باتىل قول جەتكىزۋ كەرەك.
ءبىرىنشى، كوكەي تەستىلىك سەزىمدى جانە جاۋاپكەرشىلىك سەزىمدى كۇشەيتۋ كەرەك. ىندەتتەن ساقتانۋ - تىزگىندەۋ قىزمەتىنىڭ ايرىقشا ماڭىزدىلىعىن جەتە تانىپ، اناعۇرلىم پارمەندى شارامەن، اناعۇرلىم ناقتى ستيلمەن ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعىنا بار كۇشپەن شىنايى كەپىلدىك ەتۋ كەرەك.
ەكىنشى، سىرتتان كىرۋ قاينارىن باتىل ءۇزۋ كەرەك. ۋحاننان شينجياڭعا كەلگەن ادامداردى اداقتاپ تەكسەرۋدى كۇشەيتۋ، سونداي - اق اۋاشالاۋ شارالارىن دەر كەزىندە قولدانۋ كەرەك؛ كۇدىكتى ناۋقاستارمەن جۋىسۋ تاريحى، ۋحاندا ساياحاتتاۋ تاريحى، سونداي - اق قۇس تۇرلەرىمەن، جابايى جانۋارلارمەن جۋىسۋ تاريحى سياقتى جاعدايلاردى باقىلاۋ - ولشەۋدى، سارالاپ تەكسەرۋدى كۇشەيتۋ كەرەك؛ شينجياڭنان كىرىپ - شىعۋداعى تەكسەرۋ پۋنكتتەرىنىڭ تازالىق كارەنتيندەپ تەكسەرۋ قىزمەتىن كۇشەيتىپ، ساقتانۋ وتكەلىن ءبىرىنشى ورىنعا قويۋعا تاباندى بولىپ، قاتىناستى كارەنتيندەۋدى جاپپاي اتقارۋ كەرەك؛ سىرتتان كەلگەن، اۋىلىنا قايتقان ادامداردىڭ دەنساۋلىعىن جاپپاي ەستەلىككە الىپ، دەنە تەمپەراتۋراسىن جاپپاي ولشەپ، الىپ قالىپ باقىلاۋدى، تەكسەرۋدى جاقسى ىستەۋ؛ ادامدار شوعىرلى ورىندار مەن الەۋمەتتىك قاتىناس قۇرالدارىن تازالاۋ، زارارسىزداندىرۋ، اۋا اۋىستىرۋ سياقتى قىزمەتتەردى كۇشەيتۋ كەرەك.
ءۇشىنشى، ناۋقاستاردى عىلمي قۇتقارۋ - ەمدەۋدى كۇشەيتۋ كەرەك. بەلگىلەنگەن شيپاحانانى، قىزۋ ولشەۋ امبولاتورياسىن، بەلگىلەنگەن اۋرۋ اۋماعىن، شيپاگەر - سەسترالار قوسىنىن قاتاڭ تياناقتاندىرىپ، ”ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ“ تالابى بويىنشا دياگنوزى تۇراقتانعان ناۋقاستاردى بار كۇشپەن قۇتقارۋ - ەمدەۋ كەرەك؛ كۇدىكتى ناۋقاستاردى بىرەۋى بايقالسا بىرەۋىن اۋاشالاۋ، سونداي - اق دەر كەزىندە ەمدەپ، قاينارىنان تىزگىندەۋ، ىندەتتى باقىلاۋ - ولشەۋ، عىلمي ءبىر جاقتى ەتۋ تىزبەگىن باتىل تۇتاستىرۋ كەرەك.
ءتورتىنشى، ءبىر جاقتى ەتۋ ءتارتىبىن شىن مانىندە ولشەمدەندىرۋ كەرەك. ساقتانۋ - تىزگىندەۋ شارالارىن قاتايتىپ، ىندەتتى باقىلاۋ - ولشەۋدى كۇشەيتىپ، دياگنوز قويۋ - ەمدەۋ جوباسىن يكەمدى تۇردە ساپالىلاندىرىپ، ەرتە بايقاۋدى، ەرتە دياگنوز قويۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى جۇزەگە اسىرۋ كەرەك؛ ەمدەۋ قىزمەتكەرلەرىن باۋلۋدى كۇشەيتىپ، ەمدەۋ قىزمەتكەرلەرىنىڭ حاۋىپسىزدىگىن قورعاۋدى جاقسى ىستەپ، ەمدەۋ قىزمەتكەرلەرىنىڭ دەنساۋلىعى مەن كوڭىل كۇي اقاۋسىزدىعىن جاقسى قورعاۋ كەرەك.
بەسىنشى، الەۋمەتتىك باس قوسۋلاردى قاتاڭ باسقارۋ - تىزگىندەۋ كەرەك. ايقىن ايقاسپالى جۇعىمدالۋ حاۋىپ - قاتەرى بار الەۋمەتتىك باس قوسۋ قيمىلدارىن دەرەۋ توقتاتىپ، الەۋمەتتىك اۋماق، ورگان، مەكتەپ سياقتى ورىنداردى جابىق باسقارىپ، ادامداردىڭ ءجۇرىس - تۇرىسى مەن باس قوسۋىن ازايتىپ، ۆيرۋستىڭ تارالۋ ارناسىن ءونىمدى كەسىپ، ادامداردىڭ شوعىرلى باس قوسۋىنان تارالۋ حاۋىپ - قاتەرىن ەڭ جوعارى شەكتە ازايتۋ كەرەك.
التىنشى، زاتتىق ماتەريالمەن قامداۋ قامتاماسىزدىعىن كۇشەيتۋ كەرەك. ءدارى - دارمەك، زارارسىزداندىرۋ بۇيىمدارى، ساقتانۋ - قورعانۋ بۇيىمدارى، قۇتقارۋ - ەمدەۋ اسپاپتارى سياقتى ساقتانۋ - تىزگىندەۋ زاتتىق ماتەريالدارىن ءوندىرۋ، تاسۋ، ساقتاۋ قىزمەتىن بار كۇشپەن جاقسى ىستەپ، ەمدەۋ جابدىقتارى مەن شۇعىل جاعدايعا توتەپ بەرۋ زاتتىق ماتەريالى قامتاماسىزدىعىنىڭ جەتكىلىكتى بولۋىنا شىنايى كەپىلدىك ەتۋ كەرەك؛ ءتۇرلى تۇرمىستىق زاتتىق ماتەريالداردى ساقتاۋدى جانە ۇيىمداستىرۋدى بار كۇشپەن جاقسى ىستەپ، بازاردى باقىلاپ - باسقارۋدى كۇشەيتىپ، زاتتىق ماتەريالمەن قامداۋدىڭ جەتكىلىكتى، باعاسىنىڭ ورنىقتى بولۋىنا شىنايى كەپىلدىك ەتۋ كەرەك.
جەتىنشى، ءار ۇلت بۇقاراسىن كەڭ كولەمدە جۇمىلدىرۋ كەرەك. جەر - جەردەگى ءمالى، اۋىل - قالاشىق، سونداي - اق تۇرعىندار كوميتەتتەرى، قىستاق تۇرعىندار كوميتەتتەرى تۇگەلدەي شۇعىل ارەكەتكە كەلىپ، بىرلەسىپ ساقتانۋعا، بىرلەسىپ تىزگىندەۋگە، جۇمىلا ساقتانىپ جۇمىلا تىزگىندەۋگە، جۇمىلا ساقتانىپ جۇمىلا وڭاۋعا تاباندى بولىپ، توركوزدەندىرىپ باسقارۋ جانە وتباسىلارىن ارالاپ جاپپاي اداقتاپ تەكسەرۋ، تىركەۋگە الۋ سياقتى ساقتانۋ - تىزگىندەۋ شارالارىن ويداعىداي تياناقتاندىرۋ كەرەك.
سەگىزىنشى، ۇگىتتەۋدى، تاربيەنى، جەتەكتەۋدى جاقسى ىستەۋ كەرەك. ىندەت جونىندەگى ينفورماتسيانى جانە ساقتانۋ - تىزگىندەۋ قىزمەتىنىڭ اياق الىسىن دەر كەزىندە جاريالاپ، ساقتانۋ - تىزگىندەۋ بىلىمدەرىن جالپىلاستىرىپ، ءار ۇلت بۇقاراسىن مۇمكىن بار سىرتقا شىقپاۋعا، ۇيىندە دەمالۋعا، جەكە ساقتىقتى جاقسى ىستەۋگە جەتەكتەپ، سالاماتتىققا جاپپاي قىزمەت وتەۋ، جاپپاي باسقارۋ كەرەك.
توعىزىنشى، قوعام ورنىقتىلىعىنا باتىل تۇردە شىنايى كەپىلدىك ەتۋ كەرەك. ساقتىق دابىلىن ۇزبەي قاعۋعا، قىراعىلىقتى ۇدايى ساقتاۋعا تاباندى بولىپ، ءبىر جاعىنان، ىندەتتەن ساقتانۋ - تىزگىندەۋدى يگەرىپ، ەندى ءبىر جاعىنان، ورنىقتىلىقتى قورعاۋدى يگەرىپ، ەكى جاعىن دا يگەرۋ، ەكى جاعىن دا قاتاڭ يگەرۋ كەرەك.
ونىنشى، ۇيىمدىق باسشىلىقتى كۇشەيتۋگە تاباندى بولۋ كەرەك. ءار دارەجەلى پارتكومداردىڭ، ۇكىمەتتەردىڭ ءبىرىنشى باسشىلارىنىڭ، ءبىرىنشى جاۋاپتىلارىنىڭ جاۋاپكەرشىلىگىن، جاۋاپتى باسشىلاردىڭ تىكە جاۋاپكەرشىلىگىن، جەر قاراستىلىعى جاۋاپكەرشىلىگىن جانە تاراۋلاردىڭ فۋنكتسيالىق جاۋاپكەرشىلىگىن قاتاڭ تياناقتاندىرۋ كەرەك؛ بۇكىل شينجياڭ ”ءبىر تۇتاس جۇيە“ بولۋىنا، بيڭتۋان مەن جەرگىلىكتى ورىن ”ءبىر تۇتاس جۇيە“ بولۋىنا تاباندى بولىپ، سايكەسە، بىرلەسە ارەكەت ەتۋ، سەلبەسىپ شايقاس جاساۋ، بىرىككەن كۇش قالىپتاستىرۋ كەرەك؛ ىندەت جاعدايى ينفورماتسياسىن كۇندىك مالىمدەۋ، نولدىك مالىمدەۋ ءتۇزىمىن قاتاڭ اتقارىپ، بىرلەسىپ ساقتانۋعا، بىرلەسىپ تىزگىندەۋگە تاباندى بولىپ، شۇعىل جاعدايلىق كەزەكشىلىكتى كۇشەيتىپ، باقىلاۋ - تەكسەرۋدى كۇشەيتىپ، ساقتانۋ - تىزگىندەۋ قىزمەتىنىڭ پارمەندى، ءتارتىپتى، ءونىمدى ورىستەۋىنە شىنايى كەپىلدىك ەتۋ كەرەك.
