تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن اقىلداستى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى. 1 - ايدىڭ 25 - كۇنى ەگىنشىلىك كالەندارى بويىنشا 1 - ايدىڭ 1 - كۇنى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنەن ارنايى تۇردە مالىمەت تىڭداپ، ىندەتتەن ساقتانۋ - تىزگىندەۋ، اسىرەسە، ناۋقاستاردى ەمدەۋ قىزمەتى جونىندە قايتالاي اقىلداسىپ، قايتالاي ورنالاستىرۋ جاساپ، قايتالاي اتتانىسقا كەلتىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  ءماجىلىس مىنانى ۇيعاردى: پارتيا ورتالىق كوميتەتى ىندەتكە توتەپ بەرۋ قىزمەت باسشىلىق گرۋپپاسىن قۇردى، ول ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا قىزمەت جۇرگىزەدى. پارتيا ورتالىق كوميتەتى حۋبەي سياقتى ىندەت جاعدايى اۋىر رايوندارعا جەتەكشىلىك ەتۋ گرۋپپاسىن جىبەرىپ، قاتىستى جەرلەردىڭ ساقتانۋ - تىزگىندەۋ ءبىرىنشى شەپ قىزمەتىن جاپپاي كۇشەيتۋىن ىلگەرىلەتەدى.

  شي جينپيڭ پارتيا ورتالىق كوميتەتى اتىنان ىندەتتەن ساقتانۋ - تىزگىندەۋ قىزمەتىنىڭ ءبىرىنشى شەبىندە قايراتتانا شايقاس جاساپ جاتقان بۇكىل ەلدەگى بارلىق ەمدەۋ قىزمەتكەرلەرىنە جانە جولداستارعا شىن جۇرەكتەن العىس ايتىپ، بۇكىل ەلدەگى ءار ۇلت كادر - بۇقاراسىنا، اسىرەسە، حۋبەيدەگى ءار ۇلت كادر - بۇقاراسىنا ىقىلاستى سالەم جولداپ، ىندەتتە جاقىندارىنان ايرىلعان وتباسىلارىنان شىن ىقىلاستى حال سۇرادى. شي جينپيڭ بىلاي دەپ باسا دارىپتەدى: بۇكىل پارتيا، بۇكىل ارميا، بۇكىل ەلدەگى ءار ۇلت حالقى سىزدەر جاقتا تۇرادى، بارلىعى سىزدەردىڭ مىعىم سۇيەنىشتەرىڭىز. ءومىر تايشاننان دا قادىرلى. ىندەت − بۇيرىق، ساقتانۋ - تىزگىندەۋ − جاۋاپكەرشىلىك. ءار دارەجەلى پارتكوم مەن ۇكىمەت، ءسوز جوق، پارتيا ورتالىق كوميتەتىنىڭ شەشىمدەرى، ورنالاستىرۋى بويىنشا جاپپاي اتتانىسقا كەلىپ، جان - جاقتى ورنالاستىرۋ جاساپ، قىزمەتتەردى جاپپاي كۇشەيتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى ۇستاۋ كەرەك. سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ جانە ەمدەپ، دالمە - ءدال شارا قولدانساق بولعانى، ءبىز ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە، ءسوز جوق، جەتە الامىز.

  شي جينپيڭ بىلاي دەپ اتاپ كورسەتتى: جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى جەدەل ورشىگەن اۋىر جاعداي الدىندا، ءسوز جوق، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ، ءار دارەجەلى پارتكوم مەن ۇكىمەت ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋدى ويداعىداي ىستەۋدىڭ ماڭىزدىلىعىن جانە كوكەي تەستىلىگىن جەتە تانىپ، ءبىر تۇتاس باسشىلىقتى، ءبىر تۇتاس قولباسشىلىق ەتۋدى كۇشەيتىپ، پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن بۇلجىتپاي ناقتى تياناقتاندىرۋ، دايەكتىلەندىرۋ، تياناقتاندىرۋ جاعدايىن دەر كەزىندە پارتيا ورتالىق كوميتەتىنە مالىمدەپ تۇرۋ كەرەك. ءار دارەجەلى پارتيا، ۇكىمەت ورىندارىنداعى باسشى كادرلار، اسىرەسە، نەگىزگى باسشى كادرلار قىزمەت ورنىنان تاپجىلماي، الدىڭعى شەپتە تۇرىپ قولباسشىلىق ەتىپ، ىندەتتەن ساقتانۋ - تىزگىندەۋ كۇرەسىندە سىننان ءوتۋى، ىندەتتەن ساقتانۋ - تىزگىندەۋدىڭ ءبىرىنشى شەبىنە ىشكەرىلەي بارىپ، دەر كەزىندە ءۇن قاتىپ جەتەكشىلىك ەتىپ، ىندەت جاعدايىن دەر كەزىندە يگەرىپ، دەر كەزىندە ارەكەت قولدانىپ، ءوز جاۋاپكەرشىلىگىن ءبىلۋى، ءوز جاۋاپكەرشىلىگىن ادا ەتۋى كەرەك. بىرلەسىپ ساقتانۋ، بىرلەسىپ تىزگىندەۋ قىزمەتىن كۇشەيتىپ، قاتىستى ءدارى - دارمەكپەن جانە زاتتىق ماتەريالدارمەن قامداۋ، قامتاماسىز ەتۋ قىزمەتىن كۇشەيتىپ، ەمدەۋ قىزمەتكەرلەرىنىڭ حاۋىپسىزدىگىن ساقتاۋ - قورعاۋ قىزمەتىن كۇشەيتىپ، بازارداعى قامداۋ جانە قامتاماسىز ەتۋ قىزمەتىن كۇشەيتىپ، قوعامدىق پىكىر جەتەكشىلىگى قىزمەتىن كۇشەيتىپ، قوعامدىق كۇشتەردى ۇيىمداستىرۋدى، جۇمىلدىرۋدى كۇشەيتىپ، قوعامدىق كەلەلى جاعدايدىڭ ورنىقتىلىعىن قورعاپ، حالىق بۇقاراسىنىڭ كوكتەم مەرەكەسىن تىنىش، بەرەكەلى وتكىزۋىنە شىنايى كەپىلدىك ەتۋ كەرەك.

  ءماجىلىس مىنالاردى باسا دارىپتەدى: حۋبەي ولكەسى ۋحان قالاسى سياقتى جەرلەردە جۋىقتا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى ىركەس - تىركەس تۋىلعاننان بەرى، باس شۋجي شي جينپيڭ باستان - اياق وسكەلەڭ ءمان بەرىپ، كوپ رەت ءماجىلىس اشىپ، كوپ رەت مالىمەت تىڭداپ، ماڭىزدى نۇسقاۋ بەرىپ، ءار دارەجەلى پارتكوم مەن ۇكىمەتتەن جانە قاتىستى تاراۋلاردان حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدى، ەگجەي - تەگجەيلى جوبا جاساپ، ءار جاقتىڭ كۇشىن ۇيىمداستىرىپ ساقتانۋ - تىزگىندەۋ ورىستەتۋدى، شىنايى ءونىمدى شارالار قولدانىپ، ىندەتتىڭ ءورشۋ اۋقىمىن باتىل تەجەۋدى تالاپ ەتتى. پارتيا ورتالىق كوميتەتىنىڭ پارمەندى باسشىلىعىندا مەملەكەتتىك كەڭەس كوپ رەت ءماجىلىس اشىپ اقىلداسىپ، ورنالاستىرۋ جاساپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، ءبىر تۇتاس جوسپارلاپ ورنالاستىرۋدى كۇشەيتىپ، ساقتانۋ - تىزگىندەۋ قىزمەتىندەگى ماسەلەلەردى دەر كەزىندە زەرتتەدى، شەشتى، ءتۇرلى ساقتانۋ - تىزگىندەۋ شارالارى قازىر پارمەندى، ءتارتىپتى جۇرىلۋدە.

  ءماجىلىس مىنالاردى اتاپ كورسەتتى: جەر - جەردىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە تۇرلەر بويىنشا جەتەكشىلىك ەتۋ كەرەك. حۋبەي ولكەسى مەن ۋحان قالاسىنداعى ىندەتتەن ساقتانۋ - تىزگىندەۋ جالپى جاعدايعا سايادى. حۋبەي ولكەسى ىندەتتەن ساقتانۋ - تىزگىندەۋ قىزمەتىن قازىرگى ماڭداي الدى ءىرى ءىس ەتىپ، اناعۇرلىم قاتاڭ شارا قولدانىپ، ىشكە تارالۋدان، سىرتقا شىعىپ كەتۋدەن ساقتانىپ، بارلىق ناۋقاستاردى شوعىرلى اۋاشالاپ قۇتقارىپ - ەمدەپ، ولارمەن ەتەنە جاناسقانداردى ۇيدە مەديتسينالىق باسقارۋعا الىپ، ۋحانعا كىرىپ - شىعاتىنداردى قاتاڭ باسقارىپ - مەڭگەرىپ، ىندەتتىڭ تارالۋىنان باتىل ساقتانۋ كەرەك. حۋبەي ولكەسى مەن ۋحان قالاسىنداعى ءتۇرلى زاتتىق ماتەريالمەن قامداۋدى شىنايى قامتاماسىز ەتىپ، حالىق بۇقاراسىنىڭ قالىپتى نەگىزگى تۇرمىسىنا شىنايى كەپىلدىك ەتۋ كەرەك. باسقا بارلىق ولكەلەر جىلجىمالى ادامدارعا ىندەت بويىنشا باقىلاۋ - ولشەۋ جانە ساقتانۋ - تىزگىندەۋ شارالارىن قولدانىپ، انىقتالعان ناۋقاستاردى قاتاڭ اۋاشالاپ، كۇدىكتى ناۋقاستاردى جانە ەتەنە جاناسقانداردى مەديتسينالىق تالاپ بويىنشا اۋاشالاۋ جانە تەكسەرۋ كەرەك. ءارقايسى قالا، اۋدان، اۋىل (قالاشىق) ايرىقشا قىراعىلىقتى ساقتاپ، شۇعىل جاعدايعا توتەپ بەرۋ ساقتىق جوباسىن جانە توتەپ بەرۋ دايىندىعىن ويداعىداي ىستەپ، قاجەت كەزدە دەرەۋ ىسكە قوسۋ كەرەك. جەر - جەر كوكتەم مەرەكەسى كەزىندەگى كولەمدى الەۋمەتتىك قيمىلداردى ازايتىپ، ادامداردىڭ كەڭ كولەمدە شوعىرلى باس قوسۋىنان بارىنشا ساقتانۋ كەرەك.

  ءماجىلىس مىنالاردى باسا دارىپتەدى: جۇعىمدالعان ناۋقاستاردى بار كۇشپەن قۇتقارۋ، ەمدەۋ كەرەك. ”ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ“ پرينسيبى بويىنشا، اۋىر ناۋقاستاردى جالپىلىق قۋاتى كۇشتى بەلگىلەنگەن ەمدەۋ قۇرىلىمدارىنا شوعىرلاندىرىپ قۇتقارىپ، ەمدەپ، انىقتالعان ناۋقاستاردى دەر كەزىندە جيناپ الىپ ەمدەۋ كەرەك. مەديتسينالىق قۇتقارۋ - ەمدەۋ قوسىنىنىڭ كۇشىن جەدەل تولىقتاپ، جەرگىلىكتى ورىن مەن ارميانىڭ ەمدەۋ بايلىقتارىن ءبىر تۇتاس ورنالاستىرىپ، ۇيلەسىمدى پايدالانىپ، بىرىككەن كۇش قالىپتاستىرۋ كەرەك. دياگنوز قويۋ - ەمدەۋ جوباسىن ۇزدىكسىز كەمەلدەندىرىپ، جۇڭگوشا - باتىسشا شيپاگەرلىكتى بىرلەستىرۋگە تاباندى بولىپ، دياگنوز قويۋ - ەمدەۋ ءتارتىبىن، ءونىمدى ەمدەيتىن ءدارى - دارمەكتەردى، اۋىر ناۋقاستاردى شۇعىل قۇتقارۋ شارالارىن جەدەل ايقىنداۋ كەرەك. ناۋقاستاردى ەمدەۋ - قۇتقارۋ قاراجاتىن قامتاماسىز ەتۋدى كۇشەيتىپ، ناۋقاستاردىڭ دەر كەزىندە قۇتقارىلۋىنا، ەمدەلۋىنە شىنايى كەپىلدىك ەتىپ، قاراجات ماسەلەسى سەبەبىنەن ناۋقاستىڭ قۇتقارىلۋىن، ەمدەلۋىن اقساتۋعا استە بولمايدى. قالىڭ ەمدەۋ - دەنساۋلىق ساقتاۋ قىزمەتكەرلەرىنە كوڭىل ءبولىپ جانە ولاردى ويداعىداي قورعاپ، قورعانۋ جابدىقتارىمەن جابدىقتاۋدى، قورعانۋ شارالارىن تياناقتاندىرۋدى ويداعىداي ىستەۋ كەرەك.

  ءماجىلىس مىنالاردى اتاپ كورسەتتى: زاڭ بويىنشا، عىلمي جولمەن، ءتارتىپتى ساقتانۋ - تىزگىندەۋ كەرەك. ىندەتتى باقىلاۋ - ولشەۋ، اداقتاپ تەكسەرۋ، ساقتاندىرۋ سياقتى قىزمەتتەردى ويداعىداي ىستەپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى شىنايى ورىنداۋ كەرەك. ءتۇيىندى ورىندارداعى، اسىرەسە، اۋىل شارۋاشىلىق ساۋدا بازارىنداعى جانە شوعىرلى ساۋدا بازارىنداعى، ەرەن بازارداعى قۇس تۇرلەرى، جابايى جانۋارلار سياقتىلاردىڭ ساۋداسىن باقىلاۋ - باسقارۋ جانە گيگينالىق ءبىر جاقتى ەتۋ سەرپىنىن ارتتىرىپ، قاينار كوزىنەن ساقتانۋ - تىزگىندەۋدى كۇشەيتۋ كەرەك. بەكەت، اۋەجاي، كەمەجاي سياقتى ءتۇيىندى ورىندارعا، سونداي - اق اۆتوكولىك، پويەز، ۇشاق سياقتى جابىق قاتىناس قۇرالدارىنا اۋا الماستىرۋ، زارارسىزداندىرۋ، دەنە تەمپەراتۋراسىن باقىلاۋ - ولشەۋ سياقتى قاجەتتى شارالار قولدانۋ كەرەك. كۇدىكتى ناۋقاس بايقالا سالىسىمەن سول جەردە الىپ قالىپ باقىلاۋ كەرەك. ىندەتتىڭ تارالۋ، جايىلۋ حاۋىپ - قاتەرىن ەرتە تۇجىرىمداپ، قاينار كوزىن قۋزاستىرۋدى جانە ەتيولوگيالىق تەكسەرۋ - ولشەۋدى، تالداۋ جاساۋدى كۇشەيتىپ، ەمدەۋگە قولدانىلاتىن ءدارى - دارمەكتەر مەن ۆاكسينانى زەرتتەۋ - جاساۋدى جەدەلدەتىپ، ىندەتتەن ساقتانۋ - تىزگىندەۋدىڭ عىلميلىعى مەن ۇتىمدىلىعىن جوعارىلاتۋ كەرەك.

  ءماجىلىس مىنالاردى باسا دارىپتەدى: ىندەت جاعدايىن دەر كەزىندە، ءدال، اشىق جاريالاپ، شەكارا ءىشى - سىرتىنداعىلاردىڭ نازار اۋدارعان ىستەرىنە جاۋاپ قايتارۋ كەرەك. قوعامدىق پىكىر جەتەكشىلىگىن كۇشەيتىپ، قاتىستى ساياسات - شارالاردى ۇگىتتەۋ - ءتۇسىندىرۋ قىزمەتىن كۇشەيتىپ، بۇقارانىڭ اۋرۋدان ءوزىن قورعاۋ تانىمىن جانە قوعامنىڭ سەنىمىن كۇشەيتۋ كەرەك. دۇنيە جۇزىلىك دەنساۋلىق ساقتاۋ ۇيىمىنداعى قاتىستى مەملەكەتتەرگە جانە وڭىرلىك ۇيىمدارعا، سونداي - اق شياڭگاڭ، اۋمىن، تايۋان رايوندارىنا ىندەت جاعدايى تۋرالى ينفورماتسيالاردى دەر كەزىندە حابارلاندىرىپ، سەلبەستىكتى كۇشەيتىپ، بار كۇشپەن توتەپ بەرىپ، ءوڭىردىڭ جانە دۇنيە ءجۇزىنىڭ دەنساۋلىق ساقتاۋ حاۋىپسىزدىگىن بىرگە قورعاۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.