− جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ شەشىمدەرى، ورنالاستىرۋلارى كادرلار مەن بۇقارانىڭ اراسىندا كۇشتى اڭىس قوزعادى
شينحۋا اگەنتتىگىنىڭ ءتىلشىسى
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 1 - ايدىڭ 25 - كۇنى ءماجىلىس اشىپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنەن ارنايى تۇردە مالىمەت تىڭداپ، ىندەتتەن ساقتانۋ - تىزگىندەۋ، اسىرەسە، ناۋقاستاردى ەمدەۋ قىزمەتى جونىندە قايتالاي اقىلداسىپ، قايتالاي ورنالاستىرۋ جاساپ، قايتالاي اتتانىسقا كەلتىردى. باس شۋجي شي جينپيڭ ءماجىلىستى باسقاردى ءارى ماڭىزدى ءسوز سويلەدى.
”ءار دارەجەلى پارتكوم مەن ۇكىمەت، ءسوز جوق، پارتيا ورتالىق كوميتەتىنىڭ شەشىمدەرى، ورنالاستىرۋلارى بويىنشا، جاپپاي اتتانىسقا كەلىپ، جان - جاقتى ورنالاستىرۋ جاساپ، قىزمەتتەردى جاپپاي كۇشەيتىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى ۇستاۋ كەرەك“. باس شۋجي شي جينپيڭنىڭ ماڭىزدى ءسوزى جانە ءماجىلىس جاساعان شەشىمدەر، ورنالاستىرۋلار قالىڭ كادرلار مەن بۇقارا اراسىندا كۇشتى اڭىس قوزعادى. كوپشىلىك مىنانى ءبىلدىردى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، سەنىمدى بەكەمدەپ، قيىندىقتى بىلەك بىرىكتىرە جەڭىپ، وسى جولعى ىندەتتەن ساقتانۋ - تىزگىندەۋ توسقاۋىل شايقاسىندا، ءسوزسىز، جەڭىسكە جەتۋىمىز كەرەك.
ىندەت − بۇيرىق، ساقتانۋ - تىزگىندەۋ − جاۋاپكەرشىلىك
1 - ايدىڭ 25 - كۇنى ءتۇن ورتاسى، ۋحان دۇڭحۋ كورىنىس اۋماعى پارتكومىنىڭ شۋجيى لي دۇڭحۇي باياعىداي ناۋقاستاردى تاسۋدى ورنالاستىرۋمەن قاربالاس ەدى.
”باس شۋجيدىڭ ءسوزىن تىڭداپ، وسى ساتتە بەينە ’مىزعىماس تىرەك‘ سياقتى سەنىمىمىزدى بەكەمدەگەنىن سەزىندىم“. لي دۇڭحۇي بىلاي دەدى: بارلىق كۇش - قايراتتى جۇمساپ، قىزۋى ورلەگەن بارلىق ناۋقاستاردىڭ ەمدەلۋگە تيىستىلەرىنىڭ ءجۇز پايىز قابىلدانىپ ەمدەلۋىنە، قالدىرىلىپ باقىلانۋعا تيىستىلەرىنىڭ ءجۇز پايىز قالدىرىلىپ باقىلانۋىنا، باسقا جەرگە اپارىپ ەمدەلۋگە تيىستىلەرىنىڭ ءجۇز پايىز باسقا جەرگە اپارىلىپ ەمدەلۋىنە شىنايى كەپىلدىك ەتەمىز.
حۋبەي ولكەلىك پارتكوم مىنانى ءبىلدىردى: پارتيا ورتالىق كوميتەتىنىڭ حۋبەيگە جەتەكشىلىك گرۋپپاسىن جىبەرۋ سىندى كەلەلى شەشىمىن شىن جۇرەكتەن قولداپ، ىندەتتەن ساقتانۋ - تىزگىندەۋدى كەزەكتەگى ماڭداي الدى ءىرى ءىس رەتىندە قاراپ، ساتىلار بويىنشا جاۋاپكەرشىلىكتى تياناقتاندىرامىز، ولكەلىك پارتكومنىڭ تۇراقتى كوميتەتى، ورىنباسار ولكە دارەجەلى پارتيالى باسشى كادرلار اۋماقتاردى، قالالاردى، وبلىستاردى كوتەرمەگە الىپ، ىندەتتەن ساقتانۋ - تىزگىندەۋدىڭ ءبىرىنشى شەبىنە ىشكەرىلەي بارىپ ماسەلەلەردى شەشىپ، ىندەتتەن ساقتانۋ - تىزگىندەۋ توسقاۋىل شايقاسىندا باتىل جەڭىسكە جەتەمىز.
مەملەكەتتىك دەنساۋلىق ساقتاۋ، سالاماتتىق كوميتەتى مىنانى ءبىلدىردى: ىندەتتەن ساقتانۋ - تىزگىندەۋدىڭ شەشۋشى كەزەڭىندە، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىندەتكە توتەپ بەرۋ قىزمەتى باسشىلىق گرۋپپاسىن قۇرۋ شەشىمىن جاساۋى ءارقايسى جاقتاردىڭ كۇش - قۋاتىن ۇيىستىرۋ، ءبىر تۇتاس ارەكەتتەنۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جاپپاي قول جەتكىزۋدە ماڭىزدى مانگە يە.
”ىندەت جاعدايى قىسىلتاياڭ وسىنداي ساتتە، ءتوراعا شي جينپيڭنىڭ ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن ارنايى باسقارىپ اشۋى، ءبىزدىڭ باتىلدىقپەن شايقاس جۇرگىزىپ، ءسوزسىز جەڭىسكە جەتۋ سەنىمىمىزدى اناعۇرلىم بەكەمدەي ءتۇستى“، - دەدى قۇرلىق ارميا اسكەري شيپاگەرلىك داشۋەسى ەمدەۋ اترەتىنىڭ باس مامانى ماۋ چيڭ.
بەيجيڭ قالالىق پارتكوم مىنانى ءبىلدىردى: ىندەتتەن ساقتانۋ - تىزگىندەۋ قىزمەتىن ويداعىداي ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، اناعۇرلىم مىزعىماس پوزيتسيا، اناعۇرلىم قاتاڭ شارا، اناعۇرلىم باتىل ارەكەت ارقىلى شىن مانىندە پارتيا ورتالىق كوميتەتىنىڭ ءتۇرلى شەشىمدەرىن، ورنالاستىرۋلارىن ناقتاپ تياناقتاندىرامىز.
ىندەت جاعدايىنا مەڭزەس، تيانجين قالالىق پارتكوم مىنانى ءبىلدىردى: نەگىزگى باسشى كادرلار، ءسوزسىز، قىزمەت ورىندارىنان تاپجىلماي، الدىڭعى شەپتە تۇرىپ قولباسشىلىق ەتىپ، ەڭ جوعارى دارەجە، ەڭ قاتاڭ شارا ارقىلى حالىقتىڭ ءومىرىنىڭ حاۋىپسىزدىگى مەن دەنساۋلىعىن بار كۇشپەن قورعايدى.
قوعام حاۋىپسىزدىگى مينيسترلىگى مىنانى ءبىلدىردى: ءماجىلىس شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاۋاپكەرشىلىگى مەن حالىققا سۇيىسپەنشىلىگىن تولىق ايگىلەپ، ءبىزدىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋىمىزگە ءتۇبىرلى بويسۇنۋ ولشەمىن ازىرلەدى.
ساۋدا ىستەرى مينيسترلىگى مىنانى ءبىلدىردى: نەگىزگى جاۋاپتى جولداس گرۋپپا باستىعى بولعان ىندەتكە توتەپ بەرۋ قىزمەت باسشىلىق گرۋپپاسىن قۇرىپ، قاتىستى قىزمەتتەردى جاپپاي كۇشەيتىپ، اسىرەسە، ۇيىمداستىرىپ سايكەستىرۋدى كۇشەيتىپ، جەر - جەردەگى ساۋدا ىستەرىنە جاۋاپتى تاراۋلاردىڭ بازاردى قامداۋىن قامتاماسىزداندىرۋ قىزمەتىن ويداعىداي ىستەۋىنە دەن قويا جەتەكشىلىك ەتەمىز.
ءومىر بارىنەن قىمبات، جۇعىمدالعان ناۋقاستاردى بار كۇشپەن قۇتقارۋ، ەمدەۋ كەرەك
شۇعىل ەمدەۋ اترەتىنىڭ ءبىر مۇشەسى رەتىندە، جىجياڭ تايجوۋ قالالىق ورتالىق شيپاحاناسى تىنىس جولى جانە قاتەرلى، سالماقتى اۋرۋلار مەديتسينالىق ءبولىمنىڭ تەتە اعا شيپاگەرى ياڭ شي ۋحانعا كومەككە اتتانعان پويەزدا وسى رەتكى ماڭىزدى ءماجىلىستىڭ رۋحىنان حابار تاپتى.
”باس شۋجيدىڭ ’بۇكىل پارتيا، بۇكىل ارميا، بۇكىل ەلدەگى ءار ۇلت حالقى سىزدەر جاقتا تۇرادى، بارلىعى سىزدەردىڭ مىعىم سۇيەنىشتەرىڭىز‘ دەگەن سوزىنە ەرەكشە اسەرلەندىم. پارتيا ورتالىق كوميتەتىنىڭ شەشىمدەرى، ورنالاستىرۋلارى حالىق بارىنەن جوعارى دەيتىن بيلىك جۇرگىزۋ ۇستانىمىن تولىق ايگىلەدى. وزىمىزگە سەنىمدى بولعان سوڭ تابيعي تۇردە ادىلەت جولىندا العان بەتىمىزدەن قايتپايمىز!“.
ءۇرتىس 10 نەشە كۇن ىندەتكە قارسى اتتانۋدىڭ ءبىرىنشى شەبىندە ەرلىكپەن شايقاس جاساعان انحۇي ولكەسى فۋنان اۋداندىق حالىق شيپاحاناسى تىنىس جولى اۋرۋلارى ءبولىمى ەكىنشى ناۋقاستار اۋماعىنىڭ مەڭگەرۋشىسى چۇي كايشين تەبىرەنە بىلاي دەدى: ءماجىلىس ورتاعا قويعان ”ءتورتتى شوعىرلاندىرۋ“ بويىنشا قۇتقارۋ، ەمدەۋ پرينسيبى سالماقتى ناۋقاستاردىڭ اناعۇرلىم عىلمي دا ءونىمدى ەمدەلۋىنە، اناعۇرلىم كوپ ادامنىڭ ءومىرىن قۇتقارۋعا، ونىڭ ۇستىنە ايقاسپالى جۇعىمدالۋ حاۋپىن تومەندەتۋگە مۇمكىندىك جاسايدى.
ۋحانداعى جۇعىمدالعان ناۋقاستاردى قۇتقارۋ، ەمدەۋدىڭ ”نەگىزگى شايقاس مايدانى“ − جينينتان شيپاحاناسىندا، كومەككە كەلگەن شاڭحاي قالالىق 1 - حالىق شيپاحاناسى تىنىس جولى جانە قاتەرلى، سالماقتى اۋرۋلار مەديتسينالىق ءبولىمى شيپاگەرلەر گرۋپپاسىنىڭ باستىعى جوۋ شين 1 - ايدىڭ 25 - كۇنى ءتۇن ورتاسىندا 136 اترەت مۇشەسىنىڭ قورعانۋ قىزمەتىنىڭ ناقتاپ تياناقتاندىرىلعاندىعىن تۇراقتاندىردى.
”ءماجىلىس حابارىن نەشە قايتالاپ كوردىم، ورتالىق قالىڭ ەمدەۋ - دەنساۋلىق ساقتاۋ قىزمەتكەرلەرىنە كوڭىل ءبولىپ جانە ويداعىداي قورعاپ، ساقتانۋ قۇرىلعىلارىن ورنالاستىرۋدى، ساقتانۋ شارالارىن تياناقتاندىرۋدى ويداعىداي ىستەۋدى العا قويدى، بۇل مەنى ەرەكشە شابىتتاندىردى. ءبىز، ءسوزسىز، ماڭىزدى تاپسىرمانى ورىنداپ، ناۋقاستاردى بار كۇشىمىزبەن قۇتقارامىز، ەمدەيمىز“، - دەدى جوۋ شين.
كەزىندە سارسقا قارسى اتتانۋ شايقاسىنا قاتىناسقان جۇڭگو جۇڭگوشا شيپاگەرلىك عىلىم اكادەمياسىنىڭ باس زەرتتەرۋشىسى، اكادەميك تۇڭ شياۋلين ۋحانداعى ىندەتتەن ساقتانۋدىڭ ءبىرىنشى شەبىنە تاعى كەلدى.”ءماجىلىس جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋدى باسا دارىپتەدى، بۇل ماماندار گرۋپپاسى مۇشەلەرىن جۇڭگوشا شيپاگەرلىك - دارىگەرلىكتىڭ باسىمدىعىن ساۋلەلەندىرىپ، تەزىرەك اناعۇرلىم ءونىمدى ەمدەۋ جوباسى مەن دارىلەرىن زەرتتەپ تاۋىپ، ىندەتتەن ساقتانۋدىڭ قامال الۋ شايقاسىندا جەڭىسكە جەتۋگە كۇش - قۋاتتارىن ارناۋعا شابىتتاندىرادى“، - دەدى تۇڭ شياۋلين.
مەملەكەتتىك ەمدەۋ قامتاماسىزداندىرۋ مەكەمەسى مىنانى ءبىلدىردى: ءار دارەجەلى ەمدەۋ قامتاماسىزداندىرۋ تاراۋلارى پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان ناقتاپ تياناقتاندىرىپ، ناۋقاستاردىڭ مەديتسينالىق قۇتقارۋ، ەمدەۋ قاراجاتىن قامتاماسىز ەتۋدى كەزەكتەگى ماڭداي الدى ءىرى ءىس رەتىندە ناقتاپ يگەرىپ، ەگجەي - تەگجەيلى يگەرىپ، بىردە - ءبىر ناۋقاستىڭ قاراجات ماسەلەسى سەبەپتى، قۇتقارىلۋ، ەمدەلۋدى اقساتپاۋىنا شىنايى كەپىلدىك ەتەدى.
مەكتەپتە قالىڭ ادام شوعىرلانعان، قىسقى دەمالىس سەبەبىمەن جىلجىمالىلىق زور، بۇل ىندەتتەن ساقتانۋ - تىزگىندەۋدەگى ماڭىزدى ءتۇيىن. وقۋ - اعارتۋ مينيسترلىگى مىنانى ءبىلدىردى: پارتيا ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن باتىل دايەكتىلەندىرىپ، تياناقتاندىرىپ، قالىڭ وقىتۋشى - وقۋشىلاردىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، وقىتۋشى - وقۋشىلارعا جاۋاپتى بولامىز، قوعامعا جاۋاپتى بولامىز.
قاتىناس - تاسىمال مينيسترلىگى مىنانى ءبىلدىردى: باتىل دا كەسىمدى بولىپ، قاتىناس - تاسىمالعا ساياتىن ءتۇرلى قىزمەتتەردى تىڭعىلىقتى دا ءونىمدى تۇردە مىقتى يگەرەمىز. كەلەسى قادامدا، ىندەتتەن ساقتانۋ - تىزگىندەۋگە ساياتىن قاتىستى ماسەلەلەردى ىشكەرىلەي تۇجىرىمداپ، ءتۇپ قاينارىن ءدال تاۋىپ، ءتۇرلى ساقتانۋ - تىزگىندەۋ شارالارىن پارمەندى دە ءتارتىپتى تياناقتاندىرامىز.
بىرلەسىپ ساقتانىپ، بىرلەسىپ تىزگىندەپ، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە جەتەمىز
قالىڭ كادرلار مىنانى ءبىلدىردى: ءماجىلىس رۋحىن ونەگەلىلىكپەن تىڭعىلىقتى دايەكتىلەندىرىپ، قىزمەت ورنىمىزدا تاباندى بولىپ، الدىڭعى شەپتە تۇرىپ قولباسشىلىق ەتىپ، ىندەتتەن ساقتانۋ - تىزگىندەۋ كۇرەسىندە سىننان ءوتىپ، ىندەتتەن ساقتانۋ - تىزگىندەۋدىڭ ءبىرىنشى شەبىنە ىشكەرىلەي بارىپ، ءوز جاۋاپكەرشىلىگىمىزدى ءبىلىپ، ءوز جاۋاپكەرشىلىگىمىزدى ادا ەتەمىز.
”ءماجىلىس ىندەتتى باقىلاۋ ولشەۋ، ءبىر - بىرلەپ اداقتاۋ، ساقتاندىرۋ ەسكەرتۋى سياقتى قىزمەتتەردى ويداعىداي ىستەۋدى اتاپ كورسەتتى، ءبىز ىندەت تۋىلعان وڭىردەن اۋىلىنا قايتقانداردىڭ جاعدايىن ونان ارى انىقتايمىز“، - دەدى جىجياڭ ولكەسى جياشان اۋدانى ياۋجۋاڭ قالاشىعى ساياسي - زاڭ كوميتەتىنىڭ شۋجيى پان حۇڭفىڭ، − قازىر بۇل اراداعى نەگىزگى ساتى كادرلارىنىڭ دەمالىسى كۇشىنەن قالدىرىلدى.
شاڭحاي قالالىق دەنساۋلىق ساقتاۋ، سالاماتتىق كوميتەتىنىڭ مەڭگەرۋشىسى ۋ جيڭلەي مىنانى ءبىلدىردى: قوعام حاۋىپسىزدىگى، قاتىناس سياقتى تاراۋلارمەن سايكەسىپ، جول ايرىقتارىن باقىلاۋ - ولشەۋدى قاتاڭ تۇردە ويداعىداي ىستەپ، ءتۇيىندى وڭىردەن شاڭحايعا كەلەتىن ۇشاق كەزەگىندەگى، پويەز رەتىندەگى، كەمەدەگى جانە ارى - بەرى وتكەن قوعامدىق كولىكتەردەگى ادامداردىڭ دەنە تەمپەراتۋراسىن ولشەۋ جانە قاتىستى ينفورماتسيالارىن تىزىمگە الۋ قىزمەتىن ورىستەتەمىز.
”عىلىم - تەحنيكا سالاسى جاۋاپكەرشىلىك ارقالاۋعا باتىل بولىپ، وسى قاتاڭ شايقاستى ويداعىداي جۇرگىزىپ، شەشۋشى رولدى ساۋلەلەندىرىپ، ىسكەرلىك كورسەتەدى“. عىلىم - تەحنيكا مينيسترلىگى 1 - ايدىڭ 25 - كۇنى ارناۋلى تاقىرىپتا ءماجىلىس اشىپ، ىندەتتەن ساقتانۋ - تىزگىندەۋدە شۇعىل جاعدايعا توتەپ بەرۋ بويىنشا عىلىم - تەحنيكادان قامال الۋدى اقىلداسىپ، ورنالاستىردى، الداعى جەردە باسىمدىققا يە كۇش - قۋاتتى شوعىرلاندىرىپ، ۆيرۋستىڭ تارالۋى، جىلدام تەكسەرۋ - ولشەۋ، ىندەتكە ساي بەرىلەتىن ءدارى، ۆاكسينا زەرتتەپ جاساۋ سياقتى جاقتاردا تىڭعىلىقتى قىزمەت ىستەپ، ىندەتتەن ساقتانۋ - تىزگىندەۋدى ويداعىداي ىستەۋ ءۇشىن عىلىم - تەحنيكالىق تىرەك ازىرلەيدى.
جۇڭگو ينجەنەريالىق عىلىمدار اكادەمياسى شۇعىل جاعدايعا توتەپ بەرۋ اڭىس ءبىلدىرۋ مەحانيزمىن شۇعىل ىسكە قوسىپ، كوپتەگەن اكادەميك، مامانداردى ۇيىمداستىرىپ، ۆيرۋس قاينارىن تابۋ، كلينيكالىق قۇتقارۋ، ەمدەۋ جوباسى سياقتى كوپتەگەن جاقتاردا عىلمي تۇجىرىم جاساپ، ساقتانۋ - تىزگىندەۋ تاكتيكاسى، اۋرۋعا دياگنوز قويۋ جانە ەمدەۋ سياقتى كوپتەگەن ماڭىزدى ۇسىنىستاردى سارالاپ قالىپتاستىردى، ەندىگى جەردە تاعى اكادەميك نەمەسە اكادەميكتەر اترەتى مۇشەلەرىن ءبىرىنشى شەپتىڭ جەتەكشىلىك گرۋپپاسىنا قاتىناسۋعا ۇيىمداستىرادى.
ونەركاسىپ جانە ينفورماتسيالاندىرۋ مينيسترلىگى 1 - ايدىڭ 25 - كۇنى كەشتە ءماجىلىس اشىپ، ىندەتتەن ساقتانۋ - تىزگىندەۋدەگى زاتتىق ماتەريالدارمەن قامتاماسىز ەتۋدى كۇشەيتۋدە ماسەلەنى باعدار ەتۋدەن جازباي، دالمە - ءدال كۇش سالىپ، شارا قولدانىپ، قورعانۋ كيىمىنىڭ ءوندىرىس قۋاتى جەتكىلىكسىز بولۋ، ولشەمدى ۇشتاسۋ جەتەرسىز بولۋ سياقتى ماسەلەلەردى باعىتتامالى تۇردە شەشىپ، ۋحان سياقتى ءتۇيىندى وڭىرلەردىڭ قاجەتىن الدىمەن قامتاماسىز ەتۋدى ايقىن العا قويدى.
(تىلشىلەر جياڭ لين، چۇي تيڭ، ۋاڭ شي، لياۋ جۇن، لياڭ جيانچياڭ، حۋ حاۋ، لي يۇن، جاڭ شينشين، ليۋ حۇڭشيا، چىن ۋيۋي، ۋي يۇيكۇن، شۇي حايتاۋ، يۇي ۋان، شيا كى، چوۋ ي، تيان شياۋحاڭ، جوۋ لين، ماۋ جىنحۋا)
(شينحۋا اگەنتتىگىنىڭ 1 - ايدىڭ 25 - كۇنى بەيجيڭنەن بەرگەن حابارى)
