تيانشان تورىنىڭ حابارى (سۋرەتىن ءتۇسىرىپ، حابارىن جازعان يۇي جياڭيان). 1-ايدىڭ 25-كۇنى اۆتونوميالى رايوندىق ءدارى-دارمەك باقىلاۋ-باسقارۋ مەكەمەسى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى جاعدايىنا توتەپ بەرۋ، ساقتانۋ-تىزگىندەۋگە ساياتىن ءدارى-دارمەك، ەمدەۋ جابدىقتارىن وتكىزۋشى كاسىپورىندار قىزمەتىن ورنالاستىرۋ ءماجىلىسىن اشىپ، كاسىپورىنداردان زات قاينارىن بەلسەنە ۇيىمداستىرىپ، ىندەتتەن ساقتانۋ-تىزگىندەۋگە ساياتىن تەرمومەتر، ماسكى، قورعانۋ كيىمى جانە كۇندەلىكتى تىماۋ دارىلەرى سياقتى قاتىستى ەمدەۋ قۇرالدارىنىڭ بازاردا قامدالۋىنا شىنايى كەپىلدىك ەتۋدى تالاپ ەتتى.
سول كۇنى، ءدارى-دارمەك، ەمدەۋ جابدىقتارىن وتكىزۋشى 131 كاسىپورىننىڭ ۋاكىلى ماجىلىسكە قاتىناستى. رايونىمىز ءدارى-دارمەك، ەمدەۋ جابدىقتارىن وتكىزەتىن كاسىپورىنداردى جاپپاي جۇمىلدىرىپ، قامداۋعا كەپىلدىك ەتتى، شينجياڭ پۋجيتاڭ ەمدەۋ جانە ءدارى-دارمەك بولشەك ساتۋ جەلىلەس شەكتى سەرىكتەستىگى وتكىزۋشى كاسىپورىندار اتىنان ەمەۋرىن ءبىلدىرىپ ءسوز سويلەدى ءارى ۋادە بەردى: ىندەتتەن ساقتانۋ-تىزگىندەۋ كەزىندە، ءدارى-دارمەك، ەمدەۋ جابدىقتارىنىڭ ساپاسىنا قاتاڭدىقپەن كەپىلدىك ەتىپ، جيىپ الىپ باسىپ قويماي، ورايدان پايدالانىپ باعاسىن ورلەتپەي، ەڭ زور قۇلشىنىسپەن بازاردى قامداۋدى قامتاماسىز ەتىپ، ىرىقتىلىقپەن قوعامدىق جاۋاپكەرشىلىك ارقالايمىز.
شينجياڭ پۋجيتاڭ ەمدەۋ جانە ءدارى-دارمەك بولشەك ساتۋ جەلىلەس شەكتى سەرىكتەستىگى باس القاسىنىڭ كومەكشىسى ياڭ جۇننىڭ تانىستىرۋىنا قاراعاندا، ساقتانۋ-تىزگىندەۋ قىزمەتى جاعىندا، سەرىكتەستىك قىرۋار جان-جاقتىلى دايىندىق قىزمەتتەرىن ىستەپ، ءدارى-دارمەك جانە زارارسىزداندىرۋ، باكتەريا جويۋ ونىمدەرىنىڭ زات مولشەرىن جەتكىلىكتى ەتىپ، بازارعا ءبىر ميلليون پارشادان استام مەديتسينالىق ماسكى سالعان، قازىر تاعى دا ءتارتىپتى تۇردە ىشكى وڭىرلەردەگى ءوندىرىس كاسىپورىندارىنان بەلسەنە ۇيىمداستىرىپ ساتىپ اكەلۋدە ەكەن.
وسى رەتكى ماجىلىستە، اۆتونوميالى رايوندىق ءدارى-دارمەك باقىلاۋ-باسقارۋ مەكەمەسى مىنالاردى تالاپ ەتتى: ساياسي دەڭگەيدى جوعارىلاتىپ، جاۋاپكەرشىلىكتى ارقالاۋدى كۇشەيتۋ كەرەك. قوعامدىق جاۋاپكەرشىلىكتى شىنايى اتقارىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋعا تاباندى بولىپ، كاسىپورىنداردىڭ جاۋاپكەرشىلىك ارقالاۋىن كۇشەيتىپ، ىندەتتەن ساقتانۋ-تىزگىندەۋگە ساياتىن تەرمومەتر، ماسكى، قورعانۋ كيىمى جانە كۇندەلىكتى تىماۋ دارىلەرى سياقتى قاتىستى ەمدەۋ قۇرالدارىنىڭ بازاردا قامدالۋىنا شىنايى كەپىلدىك ەتىپ، ساقتاۋ-تىزگىندەۋ قىزمەتى ءۇشىن بار قايراتتى سالىپ، جاۋاپكەرشىلىكتى تولىق اتقارۋى كەرەك.
ساپا وتكەلىن مىقتاپ يگەرۋ، اسىرەسە، ساقتانۋ-تىزگىندەۋ كەزىندە، ساقتانۋ-تىزگىندەۋگە ساياتىن ەمدەۋ قۇرالدارىنىڭ ساپاسىن باسقارۋدى تيتتەي دە بوساڭسىتۋعا بولمايدى، جالعان، جارامسىز ونىمدەردىڭ، اۋەلى ”ءۇش جوق“ ونىمدەردىڭ ورايدان پايدالانىپ بازارعا اعىلىپ، جۇرتشىلىقتىڭ مۇددەسىن زيانداۋىنان قاتاڭ ساقتانۋ كەرەك.
قامداۋدى قامتاماسىز ەتىپ، قازىرگى بازارداعى كەيبىر ساقتانۋ بۇيىمدارىنىڭ، مەديتسينالىق ماسكىنىڭ جەتىسپەۋى ماسەلەسىنە مەڭزەس، ءارقايسى كاسىپورىندار ساقتانۋ-تىزگىندەۋ بويىنشا توتەپ بەرۋ شارالارىن جاساپ، ارنا باسىمدىعىن ساۋلەلەندىرىپ، بار امالدى قاراستىرىپ دەر كەزىندە زات قاينارىن ۇيىمداستىرىپ، بازاردى قامداۋعا كەپىلدىك ەتۋ كەرەك. مەرەكە كۇندەرىندەگى زات اينالىمى، زات تاسىمالى ءالى دە قالپىنا كەلمەگەن جاعدايدا، اۋە تاسىمالىمەن بەلسەنە حابارلاسىپ، بازار كەمىستىكتەرىن دەر كەزىندە تولىقتاپ، قوعامنىڭ نازارىنا دەر كەزىندە جاۋاپ قايتارۋ كەرەك.
اۆتونوميالى رايوندىق ءدارى-دارمەك باقىلاۋ-باسقارۋ مەكەمەسى ءدارى-دارمەكتەردى بولشەك ساتۋ كاسىپورىندارىنان باعاسىن اشىق جازۋ ءتۇزىمىن مۇقيات تياناقتاندىرىپ، باعا قاعازىنىڭ، باعاسىنىڭ تولىق بولۋىن، باعاسىن بەلگىلەۋ مازمۇنىنىڭ شىنايى دا ايقىن، جازۋلارى انىق، تاۋار بەلگىسى ءدال، بەلگىلەرى كورنەكى بولۋىن شىنايى ورىنداۋدى تالاپ ەتتى. تاۋارلاردا كورسەتىلگەن باعاسىنان سىرت باعا قوسىپ ساتۋعا بولمايدى، ەشقانداي كورسەتىلمەگەن قاراجاتتاردى قوسىپ الۋعا بولمايدى.
سونىمەن بىرگە، ءارقايسى ءدارى-دارمەك جانە ەمدەۋ جابدىقتارىن وتكىزۋ، ساتۋ كاسىپورىندارى دا ىشكى قورعانۋ قىزمەتتەرىن ويداعىداي ىستەپ، تيجارات ورىندارىن زارارسىزداندىرۋ، قورعانۋ قىزمەتىن كۇشەيتىپ، تيجارات ورىندارىنىڭ ىندەت قوزدىرعىشپەن جۇعىمدالماۋىنا شىنايى كەپىلدىك ەتۋلەرى كەرەك. ءبىرىنشى شەپتەگى قىزمەتكەرلەرگە ىرىقتىلىقپەن كوڭىل ءبولىپ، قامقورلىق جاساپ، قورعانۋ جابدىقتارىن تۇگەل دايىنداپ، تولىق دايىنداپ، حاۋىپسىزدىككە شىنايى كەپىلدىك ەتۋ كەرەك.
كەزەكتە، اۆتونوميالى رايوندىق ءدارى-دارمەكتەردى باقىلاۋ-باسقارۋ مەكەمەسى 24 ساعات كەزەكشىلىك ىستەۋ، كەزەكپەن كۇزەتۋ ءتۇزىمىن ورناتىپ، كاسىپورىنداردان ءار كۇنى تەرمومەر، ماسكى، ساقتانۋ كيىمى سياقتى تاپشى زاتتىق ماتەريالداردىڭ قويماداعى قورى مەن دايىندالۋ مولشەرىن ىرىقتىلىقپەن جوعارىعا مالىمدەۋدى تالاپ ەتتى.
اۆتونوميالى رايوننىڭ بازار باقىلاۋ-باسقارۋ جۇيەسى، اۆتونوميالى رايوندىق ءدارى-دارمەك باقىلاۋ-باسقارۋ مەكەمەسى ساقتانۋ-تىزگىندەۋ ونىمدەرىنىڭ بازارىن باقىلاۋ-باسقارۋ قىزمەتىن كۇشەيتىپ، ىندەتتەن ساقتانۋ-تىزگىندەۋ ورايىندا تولىمسىز ونىمدەردى ساتۋ، جيىپ الىپ قامبادا باسىپ قويۋ، باعاسىن ءوسىرۋ ينفورماتسيالارىن ويدان شىعارىپ تاراتۋ، زات باعاسىن قىمباتتاتۋ سياقتى زاڭسىزارەكەتتەردى تيتتەي دە اياۋشىلىق ەتپەستەن، قاتاڭ تەكسەرىپ ءبىر جايلى ەتىپ، كەشەندى زاڭ اتقارۋ تاسىلىمەن ەڭ قاتاڭ جازا بەرۋ ءارى اقپارات قۇرالدارى ارقىلى ايپارالاۋ كەرەك.
