حالىق تورىنىڭ 1-ايدىڭ 25-كۇنى ۇرىمجىدەن بەرگەن حابارى (ءتىلشى حان تيڭ). 1-ايدىڭ 24-كۇنى، شينجياڭ ۇيعۇر اۆتونوميالى رايوندىق بازاردى باقىلاۋ-باسقارۋ مەكەمەسى «جاڭا تيپتەگى ايدارشا ۆيروسىمەن جۇعىمدالۋدان بولعان وكپە قابىنۋ ىندەتى كەزىندە باعا قيمىلىنا ەسكەرتۋ بەرۋ، ساقتاندىرۋ حاتىن» جاريالاپ، بازار ءتارتىبىن ءبۇلدىرۋ، زات باعاسىن قىمباتتاتۋ ارەكەتتەرىن باقىلاۋ-باسقارۋدى زاڭ بويىنشا كۇشەيتتى. سونىمەن بىرگە ، قاتىستى كاسىپورىنداردى شاقىرىپ اڭگىمەلەسىپ، كاسىپورىندارعا ەرەكشە مەزگىلدە قوعامدىق جاۋاپكەرشىلىكتى ويداعىداي ارقالاۋدى ەسكەرتىپ، قىمباتقا ساتۋ ءۇشىن باسىپ قويۋ، زات باعاسىن قىمباتتاتۋ سياقتى زاڭعا، ەرەجەگە قايشى ارەكەتتەردىڭ تۋىلۋىنا قاتاڭ تيىم سالدى.
اۆتونوميالى رايوندىق بازاردى باقىلاۋ-باسقارۋ مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى مامەتجان ابلا بىلاي دەپ تانىستىردى: كەيبىر جەرلەردە ماسكا سياقتى دارىگەرلىك تاۋارلار باعاسىنىڭ تولقۋى سياقتى جايتتەرگە مەڭزەس، اۆتونوميالى رايوندىق بازاردى باقىلاۋ-باسقارۋ مەكەمەسى باقىلاۋ-باسقارۋ ەسكەرتۋىن دەر كەزىندە تاراتىپ، تيجارات جۇرگىزۋشىلەردەن ءادىل، زاڭدى، ادال ، سەنىمدى بولۋ باعا بەلگىلەۋ پرينسيپىنە قاتاڭ بويسۇنىپ، تۇتىنۋشىلار ءۇشىن باعاسى لايىقتى تاۋار جانە قىزمەت وتەۋمەن قامداۋىن ءارى زاڭ بويىنشا قاتاڭ انىق باعا قويۋىن قاتاڭ تالاپ ەتتى، ءوزارا استاسىپ، ورايدان پايدالانىپ باعانى قىمباتتاتۋ؛ قىمباتقا ساتۋ ءۇشىن باسىپ قويۋ، بازار باعاسىن مەڭگەرۋ؛ باعانىڭ قىمباتتايتىندىعى جونىندەگى ينفورماتسيانى جالعاننان قۇراستىرۋ، تاراتۋ، زات باعاسىن قىمباتتاتۋ سياقتى ارەكەتتەرگە قاتاڭ تيىم سالدى. سونىمەن قاتار ءار دارەجەلى بازاردى باقىلاۋ-باسقارۋ تاراۋلارىنان باعانى تەكسەرۋدى، شارلاۋدى جانە ەسكەرتۋدى، ساقتاندىرۋدى كۇشەيتىپ، باعا جاعىنداعى زاڭعا قايشىلىق جاساۋ ماسەلەلەرىن زاڭ بويىنشا دەر كەزىندە قاتاڭ تەكسەرىپ، ءبىر جايلى ەتۋدى ءارى سەنىمدىلىك جاعىنان جازالاپ ساقتاندىرۋدى تالاپ ەتتى.
وسى كۇنى تۇستەن كەيىن، اۆتونوميالى رايوندىق بازاردى باقىلاۋ-باسقارۋ مەكەمەسى شينجياڭ جيۋجوۋتۇڭ ءدارى-دارمەك سەرىكتەستىگىن شاقىرىپ اڭگىمەلەسىپ، كاسىپورىنعا ەرەكشە مەزگىلدە قوعامدىق جاۋاپكەرشىلىكتى ارقالاۋدى ەسكەرتتى، قىمباتقا ساتۋ ءۇشىن باسىپ قويۋ، زات باعاسىن قىمباتتاتۋ سياقتى زاڭعا، ەرەجەگە قايشى ارەكەتتەردىڭ تۋىلۋىنا قاتاڭ تيىم سالدى. بۇل كاسىپورىن مىنالاردى ءبىلدىردى: بۇكىل شينجياڭداعى ءار قايسى ۇلكەن ءدارى-دارمەك دۇكەندەرىنە 250 مىڭنان ارتىق ماسكا ورنالاستىردىق، ونىڭ ۇستىنە ءار كۇنى زاتتى تولىقتاپ شينجياڭنىڭ جەر-جەرىنە جىبەرەمىز، تولايىم ساتۋ بۋىنىندا باعا وزگەرمەيدى؛ تارالمالى تۇماۋعا قارسى ءدارى-دارمەكتەر مەن زارارسىزداندىرۋ بۇيىمدارى تولىق.
سونىمەن بىرگە تورداعى تاۋارلاردىڭ باعاسىن باقىلاۋ-باسقارۋدى كۇشەيتىپ، تورداعى ساۋدا تۇعىرىنداعى تاۋارلاردىڭ باعاسىن باقىلاپ-تەكسەرىپ، تورداعى ساۋدا تۇعىرىن تۇعىرداعى ماسكا، قول جۋۋ سۇيىقتىعى سياقتى ءتۇيىندى تاۋارلاردىڭ باعاسىن باقىلاۋدى-مەڭگەرۋدى كۇشەيتۋگە قۋزادى.
قوعامداعى ءار سالا تيجارات جۇرگىزۋشىلەردىڭ زاڭعا، ەرەجەگە قايشى ارەكەتتەرىن باقىلايدى، 12315 كە بەلسەنە تەلەفون بەرىپ، ارىز ايتسا، اشكەرەلەسە بولادى، تەكسەرىپ انىقتالسا، بازاردى باقىلاۋ-باسقارۋ تاراۋلارى زاڭ بويىنشا قاتاڭ ءبىر جايلى ەتەدى، جاعدايى ناشار تيپتىك دەلولاردى اشىق جاريالايدى. ارىز ايتۋ ينفورماتسيالارىنىڭ ءبارىن بازاردى باقىلاۋ-باسقارۋ تاراۋلارى زاڭدا بەلگىلەنگەن مەرزىم ىشىندە ءبىر جايلى ەتەدى.
