تيانشان تورىنىڭ حابارى (ءتىلشى يۇي جياڭيان). ىندەتتەن ساقتانۋ-تىزگىندەۋ مەزگىلىندە، اۆتونوميالى رايوندىق ءدارى-دارمەكتى باقىلاۋ-باسقارۋ مەكەمەسى دارىگەرلىك ماسكا ونىمدەرىن تىركەۋگە الدىراتىن، جاڭادان قۇرىلاتىن كاسىپورىندار ءۇشىن جاسىل وتكەل اشتى.
1-ايدىڭ 25-كۇنى ءتىلشى اۆتونوميالى رايوندىق ءدارى-دارمەكتى باقىلاۋ-باسقارۋ مەكەمەسىنەن قازىر رايونىمىزدىڭ «دارىگەرلىك ماسكا ونىمدەرىن تىركەۋگە الدىرۋعا جانە وندىرۋگە رۇقسات ەتۋ ىستەرىن جەدەل ءبىتىرۋ جونىندەگى شۇعىل حابارلاندىرۋ»ىن باسىپ تاراتپ، ىندەتتەن ساقتانۋ-تىزگىندەۋ مەزگىلىندە، باعالاۋ، قاراپ بەكىتۋ ءتارتىبىن ىقشامداپ، ەرەكشە ءىستى ەرەكشە ءبىر جايلى ەتۋ پرينسيپى بويىنشا، ەڭ تەز قارقىنمەن تەكسەرىپ بەكىتىپ، دارىگەرلىك ماسكا ونىمدەرىنىڭ بازارعا ءتۇسۋىن جەدەلدەتكەندىگىن ۇعىستى.
اۆتونوميالى رايوندىق ءدارى-دارمەكتى باقىلاۋ-باسقارۋ مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى ۋاڭ جۇڭمين بىلاي دەدى: دارىگەرلىك ماسكا ونىمدەرىن تىركەۋگە الدىرۋ، جاڭادان كاسىپورىن قۇرۋ ويى جانە قابىلەتى بار ورىندار نەمەسە جەكەلەر «دارىگەرلىك ماسكا ونىمدەرىن تىركەۋگە الدىرۋ ولشەمى»نىڭ، «ەمدەۋ اسپاپتارىن وندىرۋگە رۇقسات ەتۋ تالابى»نىڭ قاتىستى بەلگىلەمەلەرى بويىنشا، اۆتونوميالى رايوندىق ءدارى-دارمەكتى باقىلاۋ-باسقارۋ مەكەمەسىنە ءوتىنىش بەرسە، ءبىز ۇستىندە جەتەكشىلىك ەتۋ قىزمەت وتەۋىن كورسەتىپ، باعالاۋ، قاراپ بەكىتۋ ءتارتىبىن ىقشامداپ، دارىگەرلىك ماسكا ونىمدەرىن تىركەۋگە الدىرۋعا، جاڭادان كاسىپورىن قۇرۋعا قاتىستى قىزمەتتەردى مۇمكىندىكتىڭ بارىنشا قۇلشىنا قولدايمىز.
اۆتونوميالى رايوندىق ءدارى-دارمەكتى باقىلاۋ-باسقارۋ مەكەمەسى اقىل-كەڭەس بەرۋ ءۇشىن قاتىستى باسقارما، بولىمدەردىڭ جاۋاپتىلارىنىڭ، بايلانىس جاساۋشىلاردىڭ تەلەفون ءنومىرىن جاريالادى.
