تيانشان تورىنىڭ حابارى (ءتىلشى سۋ رۇڭجى). 1-ايدىڭ 25-كۇنى ءتىلشى ءۇرىمجى سولتۇستىك جولاۋشى تاسىمال بەكەتىن شولعاندا، جولعاعا شىققان جولاۋشىلاردىڭ ساقتانۋ شارالارىنىڭ كورنەكتى جوعارىلاپ، ىرىقتى تۇردە ماسكى تاعىپ ءارى قىزمەتكەرلەردىڭ دەنە تەمپەراتۋراسىن تەكسەرتۋىنە بەلسەنە سايكەسكەندىگىن بايقاعان.
ىندەتتەن ساقتانۋ-تىزگىندەۋ قىزمەتىن ويداعىداي ىستەۋ ءۇشىن ۇرىمجىدەگى ءىرى جولاۋشى تاسىمال بەكەتتەرى كۇتۋ بولمەسىنىڭ، بەلەت ساتۋ زالىنىڭ تازالىق سەرپىنىن جانە زارارسىزداندىرۋ جيىلىگىن ارتتىردى ءارى بەكەتكە كىرگەن، شىعاتىن جولاۋشىلاردىڭ دەنە تەمپەراتۋراسىن تەكسەرىپ، جۇرىس-تۇرىستارىنىڭ حاۋىپسىز بولۋىن قامتاماسىز ەتتى. سول كۇنى تۇستەن بۇرىن ءۇرىمجى سولتۇستىك جولاۋشى تاسىمال بەكەتىنىڭ بەلەت ساتۋ زالىندا ءبىر قىزمەتكەر قولىنا تەرمومەتر ۇستاپ، جولاۋشىلاردىڭ دەنە تەمپەراتۋراسىن ولشەپ، جولاۋشىلاردىڭ دەنە تەمپەراتۋراسى قالىپتى بولعاندا عانا بەلەت ساتۋ زالىنا كىرگىزىپ جاتتى. سونىمەن بىرگە، ماسكىسىن الىپ تاستاعان جولاۋشىلار كەزدەسسە قىزمەتكەرلەر ولاردىڭ جانىنا بارىپ، ماسكىسىن ءۇرتىس تاعىپ وتىرۋدى ەسكەرتتى.
ءۇرىمجى سولتۇستىك بەكەتىنىڭ باستىعى ۋاڭ فۋگو تىلشىگە قازىر كوكتەمگى تاسىمالدىڭ قاۋىرت مەزگىلى ەكەندىگىن، جولاۋشى اعىنىنىڭ جايشىلىقتاعىدان ءسال ارتقاندىعىن، وزدەرىنىڭ اۆتوكولىكتەردى، جولاۋشى تاسىمال بەكەتى ءىشىن زارارسىزداندىرۋ قىزمەتىن ويداعىداي ىستەۋمەن بىرگە، بارلىق شوفەرعا جانە قىزمەتكەرگە ماسكى مەن قولعاپ تاراتقاندىعىن ايتتى.
”ماسكى تاعىپ، حاۋىپسىزدىك ساقتانۋ شارالارىن ويداعىداي ىستەۋ وزىمىزگە، باسقالارعا جانە قوعامعا جاۋاپتى بولعاندىق“ دەدى شونجىدان ۇرىمجىگە قايتىپ كەلگەن جولاۋشى ما رۇيفىڭ.
وسىدان سوڭ ءتىلشى ءۇرىمجى جوعارى قارقىندى تەمىر جول حالىقارالىق اۆتوكولىك جولاۋشى تاسىمال بەكەتى، ءۇرىمجى وڭتۇستىك جولاۋشى تاسىمال بەكەتى، ءۇرىمجى 1-تامىز اسكەري جابدىقتاۋ جولاۋشى تاسىمال بەكەتىنەن جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ-تىزگىندەۋ قىزمەتىن ويداعىداي ىستەۋ ءۇشىن، ءارقايسى بەكەتتەر بەكەتتەن كىرەتىن-شىعاتىنداردىڭ دەنە تەمپەراتۋراسىن ولشەۋ، اۋا الماستىرۋ، زارارسىزداندىرۋ سياقتى قىزمەتتەردى ىسكە قوسقاندىعىن، جولاۋشىلاردىڭ بەلسەنە سايكەسكەندىگىن ۇعىستى.
مۇنان سىرت، ءتىلشى ءۇرىمجى تاس جول تاسىمال باسقارۋ مەكەمەسىنەن كەزەكتە ۇرىمجىدەگى ءارقايسى ءىرى جولاۋشىلار بەكەتتەرىنىڭ بارلىق تاسىمال جەلىلەرىنىڭ تۇگەلدەي قالىپتى اۆتوكولىك جۇرگىزىپ جاتقاندىعىن ۇعىستى.
