تيانشان تورىنىڭ حابارى. 1 - ايدىڭ 27 - كۇنى اۆتونوميالى رايوندىق وقۋ-اعارتۋ مەڭگەرمەسى شۇعىل حابارلاندىرۋ جاريالاپ، جاڭا تيپتەگى ايدارشا ۆيروسىمەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ جاعدايىنىڭ قاتاڭدىعىنا مەڭزەس، مەكتەپتەردىڭ (بالاباقشا) وقۋ باستاۋىنان ادامداردىڭ شوعىرلانىپ، جۇعىمدالۋ حاۋىپىن كۇشەيتۋىنەن ساقتانۋ، قالىڭ وقىتۋشى - وقۋشىلاردىڭ باس اماندىعىن جانە دەنساۋلىعىن شىنايى قامتاماسىز ەتۋ ءۇشىن، مەملەكەتتىك كەڭەستىڭ ىندەتتەن ساقتانۋ - تىزگىندەۋ جونىندەگى ورنالاستىرۋى جانە اۆتونوميالى رايوننىڭ ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ ءبىرىنشى دارەجەلى اتتانىسقا كەلۋ دابىلىن ىسكە قوسۋ قىزمەتىنىڭ تالابى بويىنشا، ءار دارەجەلى ءار ءتۇرلى مەكتەپتەردىڭ (بالاباقشا) 2020 - جىلى كوكتەمگى وقۋ ماۋسىمىن كەشىكتىرىپ باستاۋدى ۇيعاردى، ناقتى وقۋ باستاۋ ۋاقىتى ىندەتتەن ساقتانۋ - تىزگىندەۋ جاعدايى بويىنشا قايتا حابارلاندىرىلادى.
«حابارلاندىرۋ» تالابى بويىنشا، قىسقى دەمالىس كەزىندە، مەكتەپتەر (بالاباقشا) جابىلىپ باسقارىلادى، كۇندەلىكتى زارارسىزداندىرۋدى، اۋا الماستىرۋدى ويداعىداي ىستەپ، ءارقانداي توپتاسۋ قيمىلىن ۇيىمداستىرۋعا بولمايدى. ءتۇرلى حالىق باسقارۋىنداعى وقۋ - اعارتۋ قۇرىلىمدارى، قوعامدىق تاربيەلەۋ قۇرىلىمدارى دا وسى حابارلاندىرۋ بويىنشا اتقارادى.
