تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭداعى ايماقتار، وبلىستار ىندەتتەن ساقتانۋ قىزمەتىن عىلمي، ءتارتىپتى ورىستەتتى

  تيانشان تورىنىڭ حابارى (ءتىلشى كاڭ حاۋيان) كوكتەم مەرەكەسى كەزىندە، تۇتاس رايونىمىزدىڭ دەنساۋلىق ساقتاۋ، سالاماتتىق سالاسىنداعى 200 مىڭ ادام قىزمەت ورىندارىندا تاباندىلىقپەن ىستەپ، جاڭا تيپتەگى ايدارشا ۆيروسىمەن جۇعىمدالۋدان بولعان وكپە قابىنۋ ىندەتىنەن ساقتانۋ شايقاسىن ويداعىداي جۇرگىزۋگە ساقاداي سايلاندى. 1-ايدىڭ 25-كۇنى، ءتىلشىنىڭ اۆتونوميالى رايوندىق دەنساۋلىق ساقتاۋ، سالاماتتىق كوميتەتىنەن ۇعىسۋىنا قاراعاندا، اۆتونوميالى رايونىمىزداعى 3 دارەجەلى شيپاحانالار ماماندار ۇيىرمەسىن ايماقتارعا، وبلىستارعا جىبەرىپ، ساقتانۋ، تىزگىندەۋ، جەتەكشىلىك ەتۋ قىزمەتىن ورىستەتكەن، رايونىمىزداعى ءارقايسى ايماقتار، وبلىستار ىندەتتەن ساقتانۋ قىزمەتىن عىلمي، ءتارتىپتى ورىستەتىپ، تۇتاس شينجياڭداعى بۇقارانىڭ باس اماندىعى مەن حاۋىپسىزدىگىن قورعاۋدا.

  ۇعىسۋعا قاراعاندا، نەگىزگى ساتىداعى قۇرىلىمداردىڭ ىندەتتەن ساقتانۋ، تىزگىندەۋ قىزمەتىن جاقسى ىستەۋىنە جەتەكشىلىك ەتۋ ءۇشىن، اۆتونوميالى رايونىمىزداعى دەنساۋلىق ساقتاۋ، سالاماتتىق تاراۋلارى تىنىس جولى، اۋىر ناۋقاس، بالالار، جۇعىمدالۋ، جۇڭگوشا ءدارى-دارمەك، ساراپتاۋ (ميكروپ)، بەينە كەسكىن، شيپاحانا ىشىندە جۇعىمدالۋ، جۇقپالى اۋرۋدى ءبىر جاقتى ەتۋ، سياقتى سالالار بويىنشا 50 نەشە ماماندى ۇيىمداستىرىپ، كوپ سالا بويىنشا 5 ناۋقاس تۇجىرىمداۋ-ەمدەۋ ماماندار ۇيىرمەسىن قۇرىپ، تۇتاس رايونىمىزداعى وسى اۋرۋ سپەتتى اۋرۋلاردى ساراپتاپ، ايىرىپ، تۇجىرىمداپ، انىقتالعان ناۋقاستاردى ەمدەپ ساۋىقتىردى ورىستەتكەن، سونداي-اق اۆتونوميالى رايوندىق جاڭاشا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ، تىزگىندەۋ قىزمەتىنە باسشىلىق ەتۋ گرۋپپاسىنىڭ باسشىلىعىندا، ارالاپ جەتەكشىلىك ەتۋ، كاسىپتىك جاقتان بالۋ، قاتەرلى، اۋىر ناۋقاستاردى بىرىگىپ انىقتاۋ، باقىلاۋ، تەكسەرۋ سياقتى قىزمەتتەردى ورىستەتكەن.

  ”شيپاحانامىزدان 12 مامان اۆتونوميالى رايوننىڭ ماماندار ۇيىرمەسىنە قوسىلىپ، ايماقتار، وبلىستارعا بارىپ نەگىزگى ساتىلاردىڭ ىندەتتەن ساقتانۋ، تىزگىندەۋ قىزمەتىنە جەتەكشىلىك ەتتى، تۇڭعىش توپتا ىلە وبلىسىنا اتتانعان ماماندار جەتىپ الىپ، ايىرىۋ، تۇجىرىمداۋ، شيپاحانا ىشىندە جۇعىمدالۋدى تىزگىندەۋ سياقتى قىزمەتتەرگە جەتەكشىلىك ەتتى“،-دەپ تانىستىردى اۆتونوميالى رايوندىق حالىق شيپاحاناسى ەمدەۋ ىستەرى ءبولىمىنىڭ مەڭگەرۋشىسى لەي ۋي. بۇل شيپاحانا 3 جەردەن قىزۋى ورلەگەندەردى تەكسەرۋ امبالاتورياسىن قۇرىپ، بايقاپ كورۋگە الىنعانداردى ۋاق-ۋاق بايقاپ، ەمدەۋ قىزمەتكەرلەرىن باۋلۋ، باسقارۋ جانە ساقتانۋ جاعىنان قامتاماسىزداندىرۋدى كۇشەيتىپ، شيپاحانانىڭ اۋرۋ كورۋ مىندەتىن ءتارتىپتى ورىنداۋ نەگىزىندە، مامانداردى ايماقتاردىڭ، وبلىستاردىڭ ىندەتتەن ساقتانۋ، تىزگىندەۋ قىزمەتىنە جەتەكشىلىك ەتۋگە جىبەرگەن. ول: ”ەمدەۋ قىزمەتكەرلەرىمىزدىڭ جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ جانە ەمدەۋ شايقاسىندا جەڭىسكە جەتۋ سەنىمى كامىل، كۇش-قۋاتى جەتەدى“،-دەدى.

  تاياۋدا، اۆتونوميالى رايونىمىزداعى بارلىق ەمدەۋ قۇرىلىمدارى جاڭا تيپتەگى ايدارشا ۆيرۋسىمەن جۇعىمدالۋدان بولعا وكپە قابىنۋ ىندەتىنە قاراتا، مەملەكەتتىك دەنساۋلىق ساقتاۋ، سالاماتتىق كوميتەتى تۇراقتاندىرعان ارنا بويىنشا، قالاي الدىن الا تەكسەرۋ، بولەك تەكسەرۋ، جۇيەلى ەمدەۋ، شيپاحانا ىشىندە جۇعىمدالۋدان ساقتانۋ سياقتى جاقتاردان ارناۋلى تاربيەلە جۇرگىزدى، ايماقتار، وبلىستار ىندەتتەن ساقتانۋ قىزمەتىن عىلمي، ءتارتىپتى ورىستەتۋدە.

  تانىستىرۋعا قاراعاندا، حوتان ايماعى 1-ايدىڭ 23-كۇنى ساعات 20 عا دەيىن، 6 رەت ايماق دارەجەلى كۋرىس اشقان، مۇندا 1220 (رەت) ەمدەۋ قىزمەتكەرى قامتىلعان. شوعىرلى، الىس ارالىقتى جۇيە سياقتى تاسىلدەرمەن اۋدان دارەجەلى ەمدەۋ قۇرىلىمدارى، اۋىل-قالاشىق دەنساۋلىق ساقتاۋ ورىندارى، اۋىل-قىستاق دەنساۋلىق ساقتاۋ بولىمدەرى 40 نەشە رەت كۋرس ۇيىمداستىرعان، مۇندا 2200 ەمدەۋ قىزمەتكەرى قامتىلعان. كەڭ كولەمدە باۋلۋ ءار دارەجەلى ەمدەۋ قىزمەتكەرلەرىنىڭ ءوز باسىنان باستاپ ساقتانۋ تانىمدارى مەن ەمدەۋ قابىلەتتەرىن جوعارىلاتىپ، الدىن الا تەكسەرۋ، بولەك تەكسەرۋ، اۋاشالاپ باقىلاۋ سياقتى جۇيەلى شەبەرلىكتى اناعۇرلىم يگەرۋىنە مۇمكىندىك جاسالعان.

  قاشقار ايماعى باسشىلىق گرۋپپاسىن جانە ساقتانۋ-تىزگىندەۋ قولباسشىلىق شتابىن، ەمدەۋ-قۇتقارۋ ماماندار گرۋپپاسىن قۇرىپ، ساقتانۋ-تىزگىندەۋ جوباسىن، ەمدەۋ-قۇتقارۋ جوباسىن جاساپ، كەمەلدەندىرىپ، ساقتانۋ-تىزگىندەۋ قىزمەت قاراجاتىن قامتاماسىز ەتتى، ءار دارەجەلى شيپاحانالار جانە اۋرۋدان ساقتانۋ-تىزگىندەۋ ورتالىقتارى تۇگەلدەي تاۋلىك بويى كەزەككە تۇرۋ، كۇزەتۋ قىزمەتىن تياناقتاندىرعان. ءارى گازەت-جۋرنال، راديو، تەلەۆيزيا، ينتەرنەت سياقتى اقپارات قۇرالدارىنان جانە 12320 ىستىق لەنيالى تەلەفونىنان تولىق پايدالانىپ، ساياسات، شارالاردى ۇگىتتەۋدى، تۇسىنىك جاساۋدى كۇشەيتىپ، ىندەتتەن ساقتانۋ بىلىمدەرىن كەڭىنەن ۇگىتتەپ، جۇرتتىڭ ءوزىن قورعاۋ تانىمى مەن قابىلەتىن جوعارىلاتقان.

  ىلە وبلىسىنىڭ ورىنباسار باستىعى جاڭ جۇي بىلاي دەپ تانىستىردى: ىلە وبلىسى قۇرعان باسشىلىق گرۋپپاسىنىڭ قاراۋىندا ەمدەۋ-قۇتقارۋ، ىندەتتەن ساقتانۋ-تىزگىندەۋ سياقتى 6 ارناۋلى گرۋپپا بار ءارى اۋەجاي، پويەز ستانسياسى، اۆتوكولىك جولاۋشى تاسىمال بەكەتى سياقتى قاتىناس تۇيىندەرىندە دەنە تەمپەراتۋراسىن ولشەۋ ءتۇيىنىن قۇرىپ، جەرگىلىكتى اۋرۋدان ساقتانۋ-تىزگىندەۋ ورتالىقتارىنىڭ جانە دەنساۋلىق ساقتاۋ بويىنشا زاڭ اتقارۋدى باقىلاۋ مەكەمەسىنىڭ قىزمەتكەرلەرى ىلەدەگى ادامداردىڭ دەنە تەمپەراتۋراسىن ولشەدى ءارى الەۋمەتتىك اقپارات قۇرالدارى ارقىلى جاڭا تيپتەگى ايدارشا ۆيرۋسىمەن جۇعىمدالۋدان بولعان وكپە قابىنۋ ىندەتىنەن ساقتانۋ-تىزگىندەۋ قىزمەتىن كەڭ كولەمدە ۇگىتتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.