تيانشان تورى   ›   ۇيرەنۋ   ›   شولۋ

ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى ۇستايىق

شينجياڭ گازەتىنىڭ شولۋشىسى

  ءومىر تايشان تاۋىنان دا قادىرلى.

  1 - ايدىڭ 25 - كۇنى ەگىنشىلىك كالەندارى بويىنشا 1 - ايدىڭ 1 - كۇنى، باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنەن ارنايى تۇردە مالىمەت تىڭداپ، ىندەتتەن ساقتانۋ - تىزگىندەۋ، اسىرەسە، ناۋقاستاردى ەمدەۋ قىزمەتى جونىندە قايتالاي اقىلداسىپ، قايتالاي ورنالاستىرۋ جاساپ، قايتالاي اتتانىسقا كەلتىردى، بۇل باس شۋجي شي جينپيڭنىڭ حالىقتىڭ كوسەمى حالىقتى سۇيەتىن شىنايى ىقىلاسىن تولىق ايگىلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولاتىن جاۋاپكەرشىلىگىن تولىق ايگىلەدى، ءبىزدىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىمىزگە ءتۇبىرلى بويسۇنۋ ولشەمىن ازىرلەپ بەردى.

  ىندەت − بۇيرىق، ساقتانۋ - تىزگىندەۋ − جاۋاپكەرشىلىك. كەزەكتە، شينجياڭدا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋعا شالدىققان 4 ناۋقاسقا انىق دياگنوز قويىلدى، ىندەت تۋىلعان سوڭ، اۆتونوميالى رايوندىق پارتكوم وسكەلەڭ ءمان بەرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي ناقتى تياناقتاندىرىپ، جاپپاي اتتانىسقا كەلتىرىپ، جان - جاقتى ورنالاستىرۋ جاساپ، ىندەتتەن ساقتانۋ - تىزگىندەۋ قىزمەتىن جاپپاي كۇشەيتىپ، زاڭ بويىنشا، بەلگىلەمە بويىنشا، ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ 1 - دارەجەلى اتتانىسقا كەلۋ دابىلىن ىسكە قوستى.

  قازىر بۇكىل رايونداعى ىندەتتەن ساقتانۋ - تىزگىندەۋ قىزمەتىنىڭ جاعدايى قاتاڭ، مىندەتى اۋىر، جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ سىندى وسى رەتكى قاتاڭ شايقاستىڭ جەڭىسىنە باتىل قول جەتكىزۋ كەرەك. ءبىز جاڭا تيپتەگى ايدارشا ۆيرۋسپەن جۇعىمدالۋدان بولاتىن وكپە قابىنۋ ىندەتىنەن ساقتانۋ - تىزگىندەۋدى ويداعىداي ىستەۋدىڭ ماڭىزدىلىعىن جانە كوكەي تەستىلىگىن جەتە تانۋىمىز كەرەك. بۇل − ”ءتۇتىنسىز، ءبىراق، ءولىم مەن ومىرگە ساياتىن“ شايقاس، حالىق بۇقاراسىنىڭ ءومىرىنىڭ حاۋىپسىزدىگىنە جانە قوعامدىق كەلەلى جاعدايدىڭ ورنىقتىلىعىنا سايادى، ءسوز جوق، ىندەتتەن ساقتانۋ - تىزگىندەۋدى كەزەكتەگى ەڭ كوكەي تەستى، ەڭ ماڭىزدى ساياسي مىندەت ەتىپ، قاتاڭ شايقاس، قيان - كەسكى شايقاس جۇرگىزۋدىڭ يدەيالىق دايىندىعىن، قىزمەت دايىندىعىن ويداعىداي ىستەپ، جاعدايدى اۋىرىراق مەجەلەسەك تە، قيىندىقتى اناعۇرلىم تولىعىراق ويلاستىرساق تا، قىزمەت شارالارىن اناعۇرلىم قاتاڭىراق جاساساق تا، نەمقۇرايدىلىققا، سالعىرتتىققا، باق سىناۋشىلىققا سالىنۋىمىزعا بولمايدى. كوكەي تەستىلىك سەزىم مەن جاۋاپكەرشىلىك سەزىمدى شىنايى كۇشەيتىپ، سىرتتان كىرۋ قاينارىن باتىل ءۇزىپ، ناۋقاستاردى عىلمي قۇتقارۋ - ەمدەۋدى كۇشەيتىپ، ءبىر جاقتى ەتۋ ءتارتىبىن شىن مانىندە جۇيەگە ءتۇسىرىپ، الەۋمەتتىك باس قوسۋلاردى قاتاڭ باسقارىپ، تىزگىندەپ، زاتتىق ماتەريالمەن قامداۋ قامتاماسىزدىعىن كۇشەيتىپ، ءار ۇلت بۇقاراسىن كەڭ كولەمدە جۇمىلدىرىپ، ۇگىتتەۋدى، تاربيەنى، جەتەكتەۋدى جاقسى ىستەپ، قوعام ورنىقتىلىعىنا باتىل تۇردە شىنايى كەپىلدىك ەتىپ، ۇيىمدىق باسشىلىقتى كۇشەيتۋگە تاباندى بولۋ كەرەك.

  ۆيرۋسپەن كۇرەسىپ، ءومىر ءۇشىن كۇش جالعاۋدا، ءسوز جوق، اركىم ءوز جاۋاپكەرشىلىگىن ءبىلۋى، اركىم ءوز جاۋاپكەرشىلىگىن ادا ەتۋى، بارلىق ادام جاۋاپكەرشىلىك ارقالاۋى كەرەك. ”1 - دارەجەلى اتتانىسقا كەلۋ دابىلى“ دەگەنىمىز ”1 - دارەجەلى سوعىس دايىندىعى“، سوعىسقا ەڭ تولىق دەڭگەيدە اتتانىسقا كەلۋ دەگەن ءسوز، ول وسى رەتكى ىندەتتەن ساقتانۋ - تىزگىندەۋدىڭ توسقاۋىل شايقاسىندا قاعىس قالاتىن ادام بولمايتىندىعىن مەڭزەيدى. ءار دارەجەلى پارتيا، ۇكىمەت ورىندارىنداعى باسشى كادرلار، اسىرەسە، نەگىزگى باسشى كادرلار قىزمەت ورنىنان تاپجىلماي، الدىڭعى شەپتە تۇرىپ قولباسشىلىق ەتىپ، ىندەتتەن ساقتانۋ - تىزگىندەۋ كۇرەسىندە سىننان ءوتۋى، ىندەتتەن ساقتانۋ - تىزگىندەۋدىڭ ءبىرىنشى شەبىنە ىشكەرىلەي بارىپ، دەر كەزىندە باتىل ءۇن قاتىپ جەتەكشىلىك ەتىپ، ىندەت جاعدايىن دەر كەزىندە يگەرىپ، دەر كەزىندە ارەكەت قولدانىپ، ءوز جاۋاپكەرشىلىگىن ءبىلۋى، ءوز جاۋاپكەرشىلىگىن ادا ەتۋى كەرەك. پارتيالى كادرلار نەعۇرلىم كوبىرەك قاجىرلىلىقپەن ەسە قوسا بىلسە، بۇقارانىڭ جول ساپارى سولعۇرلىم حاۋىپسىز بولىپ، دەنساۋلىعى سولعۇرلىم قامتاماسىزداندىرىلىپ، كوڭىلى سولعۇرلىم الاڭسىز بولادى. ءار ۇلت بۇقاراسى مۇمكىندىگىنشە سىرتقا شىقپاي، ۇيدە دەمالىپ، ءوزىن قورعاۋدى جاقسى ىستەسە، ىندەتتەن ساقتانۋ - تىزگىندەۋگە ءتيىستى ۇلەس قوسقان بولىپ تابىلادى.

  قيىندىق نەعۇرلىم اۋىر بولعان سايىن، سولعۇرلىم العا ۇمتىلۋ كەرەك. حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعى بارلىعىنان ماڭىزدى، حالىقتىڭ ءومىرىن، دەنساۋلىعىن قورعاۋ تايشان تاۋىنان دا قادىرلى، ءبىز بوران - شاشىننان قورىقپاي، قيىندىق - كەدەرگىدەن جاسقانباي، اناعۇرلىم پارمەندى شارامەن، اناعۇرلىم ناقتى ستيلمەن قيىندىققا قارسى ورگە ۇمتىلىپ، قايراتتانا، جىگەرلەنە قۇلشىنۋىمىز كەرەك، سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ جانە ەمدەپ، دالمە - ءدال شارا قولدانساق بولعانى، ءبىز ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە، ءسوز جوق، قول جەتكىزىپ، ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعىنا شىنايى كەپىلدىك ەتە الامىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.