باس شۋجي شي جينپيڭنىڭ ماڭىزدى ءسوزىنىڭ رۋحىن جان - جاقتى دايەكتىلەندىرىپ، تياناقتاندىرىپ، سەنىمدى بەكەمدەپ، عىلمي شارا قولدانىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك
چىن چۋانگو ماجىلىسكە قاتىناستى ءارى ءسوز سويلەدى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 26 - كۇنى ۇرىمجىدەن حابارلايدى. 1 - ايدىڭ 26 - كۇنى تۇستەن بۇرىن بۇكىل رايون بويىنشا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى بەينەجازبا ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزىپ، ۇيرەنىپ، دايەكتىلەندىرىپ، بۇكىل رايوننىڭ ساقتانۋ - تىزگىندەۋ قىزمەتىنىڭ جاعدايىنان مالىمەتتى تىڭداپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنە ىشكەرىلەي جايعاستىرۋ، ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: ىندەت تۋىلعاننان بەرى، باس شۋجي شي جينپيڭ باستان - اياق وسكەلەڭ ءمان بەرىپ، تالاي رەت ءماجىلىس اشىپ، تالاي رەت مالىمەت تىڭداپ، تالاي رەت ماڭىزدى نۇسقاۋ بەردى. ەگىنشىلىك كالەندارى بويىنشا 1 - ايدىڭ 1 - كۇنى باس شۋجي شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋ قىزمەتىنەن مالىمەتتى ارنايى تىڭداپ، ىندەتتەن ساقتانۋ - تىزگىندەۋ، اسىرەسە، ناۋقاستاردى ەمدەۋ قىزمەتىن قايتالاي اقىلداسىپ، قايتالاي ورنالاستىرۋ جاساپ، قايتالاي اتتانىسقا كەلتىردى، بۇل باس شۋجي شي جينپيڭنىڭ حالىقتىڭ كوسەمى حالىقتى سۇيەتىن شىنايى ىقىلاسىن تولىق ايگىلەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولاتىن جاۋاپكەرشىلىگىن تولىق ايگىلەپ، ءبىزدىڭ ىندەتتەن ساقتانۋ - تىزگىندەۋ قىزمەتىن جاقسى ىستەۋىمىزگە ءتۇبىرلى بويسۇنۋ ولشەمىن ازىرلەدى. بۇكىل رايونداعى ءار دارەجەلى ورىندار، تاراۋلار مۇقيات ۇيرەنىپ، ءتۇسىنىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، يدەيا مەن ارەكەتتى باتىل تۇردە باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل تۇردە ناقتى تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك.
ءبىرىنشى، تانىمدى ونان ارى جوعارىلاتۋ كەرەك. ءار دارەجەلى پارتكومدار مەن ۇكىمەتتەر ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ىندەتتەن ساقتانۋ - تىزگىندەۋ قىزمەتىن جاقسى ىستەۋدىڭ ماڭىزدىلىعى مەن كوكەي تەستىلىگىن جەتە تانىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە مىقتى يگەرىپ، ءبىر تۇتاس باسشىلىقتى، ءبىر تۇتاس قولباسشىلىقتى بەكەمدەپ، حاۋىپ - قاتەر تانىمىن كۇشەيتىپ، تومەنگى شەكتە ويلاۋدى نىعايتىپ، دالمە - ءدال، عىلمي شارا قولدانىپ، قاتاڭ ساقتانىپ، قاتاڭ قورعانىپ، قاتاڭ ساقتانىپ - تىزگىندەپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا شىنايى كەپىلدىك ەتۋ كەرەك.
ەكىنشى، ساقتانۋ - تىزگىندەۋدى ونان ارى كۇشەيتۋ كەرەك. زاڭ بويىنشا، عىلمي، تارتىپپەن ساقتانىپ - تىزگىندەپ، شەشۋشى بۋىنداردى، ورىنداردى يگەرىپ، بىرلەسىپ ساقتانۋدى، بىرلەسىپ تىزگىندەۋدى شىن مانىندە كۇشەيتىپ،ءتۇرلى شارالاردى تياناقتاندىرىپ، ەگجەي - تەگجەيلىلەندىرىپ، ادامداردى باسقارۋ - تىزگىندەۋدى، بىتىراتۋدى جاقسى ىستەپ، شينجياڭعا كىرگەن ادامداردى اداقتاپ تەكسەرۋدى جانە تەكسەرىپ كارەنتيندەۋدى كۇشەيتىپ، جىلجىمالى ادامدارعا قاراتىلعان ىندەتتى باقىلاۋ - ولشەۋدى جانە ساقتانۋ - تىزگىندەۋدى كۇشەيتىپ، ءتۇيىندى ورىندار، جابىق قاتىناس قۇرالدارى سياقتىلاردى باقىلاۋ - باسقارۋدى جانە گيگيەنالىق ءبىر جاقتى ەتۋ تەبىنىن ارتتىرىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى جۇزەگە اسىرىپ، كۇدىكتى ناۋقاستاردى جانە ەتەنە جۋىسۋشىلاردى مەديتسينالىق اۋاشالاۋدى، تەكسەرۋدى جاقسى ىستەپ، ىندەتتىڭ تارالۋىنان، جايىلۋىنان قاتاڭ ساقتانۋ كەرەك.
ءۇشىنشى، عىلمي قۇتقارۋ - ەمدەۋدى ونان ارى جاقسى ىستەۋ كەرەك. ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، ەمدەۋ، قۇتقارۋ قوسىنىن تولىقتاپ، دياگنوز قويۋ - قۇتقارۋ - ەمدەۋ جوباسىن كەمەلدەندىرىپ، جۇعىمدالعان ناۋقاستاردى بار كۇشپەن قۇتقارىپ - ەمدەپ، سالماقتى ناۋقاستاردى امبەباپ قۋاتى كۇشتى بەلگىلەنگەن ەمدەۋ قۇرىلىمدارىنا شوعىرلاندىرىپ قۇتقارىپ - ەمدەپ، ناۋقاستاردى قۇتقارۋ - ەمدەۋ قاراجاتىمەن قامتاماسىز ەتۋدى كۇشەيتىپ، ناۋقاستاردىڭ دەر كەزىندە ەمدەلۋىنە شىنايى كەپىلدىك ەتۋ كەرەك. نەگىزگى ساتىداعى ەمدەۋ قىزمەتكەرلەرىن كاسىپتىك شەبەرلىككە باۋلۋدى كۇشەيتىپ، ساقتىق جابدىقتارىن سەپتەۋدى، ساقتىق شارالارىن تياناقتاندىرۋدى جاقسى ىستەپ، قالىڭ ەمدەۋ - دەنساۋلىق ساقتاۋ قىزمەتكەرلەرىنە شىن مانىندە كوڭىل ءبولۋ، جاقسى قورعاۋ كەرەك.
ءتورتىنشى، قامتاماسىز ەتۋدى ونان ارى جاقسى ىستەۋ كەرەك. بار امالدى قولدانىپ، زاتتىق ماتەريال جانە كۇش قامتاماسىزدىعىن كۇشەيتىپ، كوپ ءتۇرلى ارنالار ارقىلى ماسكا، ساقتانۋ بۇيىمدارى، ەمدەۋ ءدارى - دارمەكتەرى، ەمدەۋ جابدىقتارى سياقتى الەۋمەتتىك دەنساۋلىق ساقتاۋ جانە ەمدەۋ - دەنساۋلىق ساقتاۋ ماتەريالدارىمەن قامداۋدى قامتاماسىز ەتىپ، ىندەتتەن ساقتانۋ - تىزگىندەۋ قىزمەتىنە پارمەندى قامتاماسىزدىق ازىرلەۋ كەرەك.
بەسىنشى، جەتەكتەۋدى ونان ارى كۇشەيتۋ كەرەك. ىندەت جاعدايىن دەر كەزىندە، ءدال، عىلمي، اشىق جاريالاپ، قاتىستى ساياسات - شارالاردى ۇگىتتەۋدى، ءتۇسىندىرۋدى كۇشەيتىپ، ءار ۇلت حالىق بۇقاراسىنىڭ كوڭىل ءبولىپ وتىرعان، ءجىتى قاداعالاپ وتىرعان ىستەرىنە بەلسەندىلىكپەن جاۋاپ قاتىپ، ءار ۇلت حالىق بۇقاراسىن كەڭ كولەمدە ۇيىمداستىرىپ، اتتانىسقا كەلتىرىپ، سەنىمدى بەكەمدەپ، بارشا جۇرت ءبىر نيەت، ءبىر تىلەكتە بولىپ، قيىن وتكەلدەن بىرگە ءوتىپ، ىندەتتەن ساقتانۋ - تىزگىندەۋگە تاماشا راي جاراتىپ، قوعامنىڭ جاراسىمدىلىعىنا، ورنىقتىلىعىنا شىنايى كەپىلدىك ەتۋ كەرەك.
التىنشى، جاۋاپكەرشىلىكتى ونان ارى ناقتىلاندىرۋ كەرەك. ىندەت − بۇيرىق، ساقتانۋ - تىزگىندەۋ − جاۋاپكەرشىلىك. ءار دارەجەلى پارتيا، ۇكىمەت ورىندارىنداعى باسشى كادرلار، اسىرەسە، نەگىزگى باسشى كادرلار قىزمەت ورىندارىنان تابجىلماي، الدىڭعى شەپتە تۇرىپ قولباسشىلىق ەتىپ، ىندەتتەن ساقتانۋ - تىزگىندەۋدىڭ ءبىرىنشى شەبىنە ىشكەرىلەي بارىپ، دەر كەزىندە باتىل ءۇن قاتىپ، قولباسشىلىق ىستەپ، ىندەت جاعدايىن دەر كەزىندە يەلەپ، دەر كەزىندە ارەكەتكە كەلىپ، ءوز جاۋاپكەرشىلىگىن ءبىلۋدى، ءوز جاۋاپكەرشىلىگىن ارقالاۋدى، ءوز جاۋاپكەرشىلىگىن ادا ەتۋدى باتىل ورىنداۋ كەرەك. جەر - جەر، تاراۋلار ىندەتتەن ساقتانۋ - تىزگىندەۋدىڭ ساياسي جاۋاپكەرشىلىگى مەن قىزمەت جاۋاپكەرشىلىگىن قاتايتىپ، ناقتىلاندىرىپ، بايلىقتى ءبىر تۇتاس جوسپارلاپ ورنالاستىرىپ، تىعىز سەلبەسىپ، سايكەسىپ، توسقاۋىلداۋدا بىرىككەن كۇش قالىپتاستىرىپ، ۇيىمدىق باسشىلىق تياناقتى بولۋدى، قىزمەت جاۋاپكەرشىلىگى تياناقتى بولۋدى، ساقتانۋ - تىزگىندەۋ شاراسى تياناقتى بولۋدى، جاپپاي اداقتاپ تەكسەرۋ تياناقتى بولۋدى، ءونىمدى اۋاشالاۋ تياناقتى بولۋدى، عىلمي قۇتقارۋ - ەمدەۋ تياناقتى بولۋدى شىن مانىندە ورىنداپ، ىندەتتەن ساقتانۋ - تىزگىندەۋ قىزمەتتەرىنىڭ پارمەندى، ءتارتىپتى، ءونىمدى ىلگەرىلەۋىنە شىنايى كەپىلدىك ەتۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين ىندەتتەن ساقتانۋ - تىزگىندەۋ قىزمەتى جونىندە ناقتى جايعاستىرۋ، ورنالاستىرۋ جاسادى.
