− بۇكىل مەملەكەت جاپپاي جۇمىلىپ، ىندەتتەن ساقتانۋ - تىزگىندەۋ توسقاۋىل شايقاسىن جۇرگىزگەندىگى تۋرالى ەستەلىك
شينحۋا اگەنتتىگىنىڭ ءتىلشىسى
بۇل كەزدەيسوق كەزىككەن جاڭا سىن - سايىس، توسىن كەلگەن تىڭ سىناق − جىل اتتاۋ ساتىندە، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى كۇشتى ەكپىنمەن كەلدى.
ىندەت − بۇيرىق، ساقتانۋ - تىزگىندەۋ − جاۋاپكەرشىلىك.
ىندەت جەدەل ورشىگەن قاتاڭ جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار جاقتاعى كۇشتەر بىرلەسىپ ساقتانىپ، بىرلەسىپ تىزگىندەپ، شار تاراپتىڭ بايلىعى جەدەل كومەككە جۇمىلدىرىلىپ، قاتىستى تاراۋلار بار كۇشپەن اتتانىپ، بۇكىل مەملەكەت جاپپاي جۇمىلعان ىندەتتەن ساقتانۋ - تىزگىندەۋدىڭ توسقاۋىل شايقاسى باستالىپ كەتتى.
ورتالىق پەن مەملەكەت ورگاندارى اتتانىسقا كەلۋدە −
مەملەكەتتىك دەنساۋلىق ساقتاۋ، سالاماتتىق كوميتەتى باس بولىپ ىندەتتەن بىرلەسىپ ساقتانۋ جانە ونى بىرلەسىپ تىزگىندەۋ قىزمەت مەحانيزمىن ورناتىپ، 1 - ايدىڭ 20 - كۇنىنەن باستاپ، بۇكىل ەل كولەمىندە ناۋقاستاردى كۇندەلىك مالىمدەۋ جانە نولدىك مالىمدەۋ ءتۇزىمىن اتقاردى.
ونەركاسىپ جانە ينفورماتسيالاندىرۋ مينيسترلىگى 1 - ايدىڭ 20 - كۇنى كەشتە ءدارى - دارمەك قورىن، ساقتانۋ - تىزگىندەۋگە قاجەتتى زاتتىق ماتەريالداردى ءوندىرۋ، قامداۋ، قامتاماسىز ەتۋ قىزمەتىن باستادى.
عىلىم - تەحنيكا مينيسترلىگى قاتىستى تاراۋلارمەن بىرلەسىپ، جۇڭ نانشان اكادەميك گرۋپپا باستىعى بولعان، 14 ماماننان قۇرالعان ىندەتتەن بىرلەسىپ ساقتانۋ جانە ونى بىرلەسىپ تىزگىندەۋ قىزمەت مەحانيزمى عىلمي زەرتتەۋدەن قامال الۋ ماماندار گرۋپپاسىن قۇرىپ، عىلىم - تەحنيكالىق زەرتتەۋ - اشۋدان قامال الۋدى جەدەلدەتتى.
قازىنا مينيسترلىگى حۋبەي ولكەسىنىڭ ىندەتتەن ساقتانۋ - تىزگىندەۋىنە جەدەل تۇردە ءبىر ميلليارد يۋان جاردەم قارجىسىن ءبولدى، سونىمەن بىرگە انىق دياگنوز قويىلعان ناۋقاستاردىڭ قاراجات سەبەبىنەن ەمدەلۋىنىڭ ىقپالعا ۇشىراماۋىنا شىنايى كەپىلدىك ەتتى.
قاتىناس - تاسىمال مينيسترلىگى حابارلاندىرۋ شىعارىپ، ىندەتتەن ساقتانۋ - تىزگىندەۋگە قاتىستى شۇعىل قاجەتتى زاتتىق ماتەريالدار مەن ەمدەۋ قىزمەتكەرلەر، ناۋقاستار سياقتى ادامداردى تاسۋعا قاجەتتى كولىكتەردەن ولكە اتتاپ جوعارى جىلدامدىقتاعى تاس جولمەن جۇرۋىنە جول اقىسىن الماۋ ساياساتىن اتقاردى، سونداي - اق ولاردىڭ الدىمەن قاتىناۋىن قامتاماسىز ەتتى.
كەدەن باس مەكەمەسى قاتىستى تاراۋلارمەن بىرلەسىپ حابارلاندىرۋ شىعارىپ، جۇقپالى اۋرۋدى كارەنتيندەۋدى كۇشەيتىپ، شارا قولدانىپ، يمپورت ەتىلىپ جىلۋعا اتالعان زاتتىق ماتەريالداردىڭ كەدەننەن ءوتۋ راسمياتىن بىتىرۋگە جاسىل ارنا اشتى.
بازار باقىلاۋ - باسقارۋ باس مەكەمەسى زات باعاسىن ءوسىرىپ جىبەرۋ ارەكەتىنە قاتاڭ سوققى بەرۋدى جانە ونى اشكەرەلەۋدى تالاپ ەتىپ، قاتىستى تاراۋلارمەن بىرلەسىپ ءارقانداي فورمادا جابايى حايۋاناتتاردى ساۋدالاۋعا تيىم سالۋ تۋرالى ۇيعارىم جاسادى.
...
ءار دارەجەلى جەرگىلىكتى پارتكومدار مەن ۇكىمەتتەر دە اتتانىسقا كەلدى −
قازىر بۇكىل ەلدەگى 30 ولكە ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ 1 - دارەجەلى اتتانىسقا كەلۋ دابىلىن جاريالاپ ىسكە قوسىپ، ەڭ قاتاڭ ساقتانۋ - تىزگىندەۋ شارالارىن اتقاردى:
انحۇي، حىنان قاتارلى جەرلەردەگى دەنساۋلىق ساقتاۋ تاراۋلارى تۇتاس جۇيە بويىنشا شۇعىل كۇيگە ءوتىپ، كوكتەم مەرەكەسى كەزىندەگى دەمالىستى جاپپاي كۇشىنەن قالدىردى، بارلىق قىزمەتكەرلەر ىندەتتەن ساقتانۋ - تىزگىندەۋگە ساقاداي سايلاندى؛
حۋنان، جياڭشي قاتارلى جەرلەر ۇلكەن ساندى مالىمەتپەن تالداۋ جاساۋ جانە توركوزدەندىرىپ اداقتاۋ ءتاسىلىن قولدانىپ ساقتانۋ - تىزگىندەۋدى اداقتاپ تەكسەردى؛
بەيجيڭ، تيانجين قاتارلى جەرلەر ولكە ارالىق ۇزاق جولدى جولاۋشى تاسىمال جەلىلەرىن جانە ساياحات ماقساتىندا كولىك جالداپ الۋدى ۋاقىتتىق توقتاتىپ، ىندەتتىڭ تاس جولداعى جولاۋشى تاسىمالى ارقىلى تارالۋىن قاتاڭ تىزگىندەدى.
...
ىندەتتەن ساقتانۋ - تىزگىندەۋدە، جالپى حالىق اتتانىسقا كەلۋدە −
حۋبەيدىڭ دەنساۋلىق ساقتاۋ، سالاماتتىق جۇيەسىندەگى بارلىق قىزمەتكەرلەر دەمالىستان باس تارتىپ، قىزمەت ورىندارىنان تاپجىلماي، 500 مىڭنان استام ەمدەۋ قىزمەتكەرى ىندەتتەن ساقتانۋ - تىزگىندەۋدىڭ، قۇتقارۋ - ەمدەۋدىڭ ءبىرىنشى شەبىندە قايراتتانا شايقاس جۇرگىزۋدە.
قالىڭ ەمدەۋ قىزمەتكەرلەرى ىركەس - تىركەس شايقاسقا شىعۋعا ءوتىنىش ەتىپ، ىندەت رايونىنا قاراي اتتاندى.
ۋحاندا، حۋبەيدە، بۇكىل جۇڭگودا، ءبىر جاعادان باس، ءبىر جەڭنەن قول شىعارىپ ىندەتتەن ساقتانۋ - تىزگىندەۋدىڭ توسقاۋىل شايقاسى جاپپاي جۇرگىزىلۋدە.
ىندەت تۇبىندە جويىلادى، كوكتەم، ءسوز جوق، كەلەدى!
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتكومدار مەن ۇكىمەتتەر بار كۇشپەن توتەپ بەرىپ، قوعامنىڭ ءار سالاسى بەلسەنە ارەكەتكە كەلىپ، سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ جانە ەمدەپ، دالمە - ءدال شارا قولدانسا بولعانى، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە، ءسوز جوق، قول جەتكىزەدى.
(شينحۋا اگەنتتىگىنىڭ 1 - ايدىڭ 26 - كۇنى بەيجيڭنەن بەرگەن حابارى)
