حالىق گازەتىنىڭ شولۋشىسى
ىندەت − بۇيرىق، ساقتانۋ - تىزگىندەۋ − جاۋاپكەرشىلىك.
سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي ساقتانىپ جانە ەمدەپ، دالمە - ءدال شارا قولدانساق بولعانى، ءبىز ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە، ءسوز جوق، قول جەتكىزە الامىز. 1 - ايدىڭ 25 - كۇنى ەگىنشىلىك كالەندارى بويىنشا 1 - ايدىڭ 1 - كۇنى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشىپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنەن ارنايى تۇردە مالىمەت تىڭداپ، ىندەتتەن ساقتانۋ - تىزگىندەۋ، اسىرەسە، ناۋقاستاردى ەمدەۋ قىزمەتى جونىندە قايتالاي اقىلداسىپ، قايتالاي ورنالاستىرۋ جاساپ، قايتالاي اتتانىسقا كەلتىردى. باس شۋجي شي جينپيڭ ءماجىلىستى باسقارىپ جانە ماڭىزدى ءسوز سويلەپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋدى ويداعىداي ىستەۋدىڭ ماڭىزدىلىعىن جانە كوكەي تەستىلىگىن جەتە تانۋدى، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى يگەرىپ، حالىق بۇقاراسىنىڭ كوكتەم مەرەكەسىن تىنىش، بەرەكەلى وتكىزۋىنە شىنايى كەپىلدىك ەتۋ كەرەكتىگىن باسا دارىپتەدى. باس شۋجي شي جينپيڭنىڭ ماڭىزدى ءسوزى ءار دارەجەلى پارتكوم مەن ۇكىمەتتىڭ جاپپاي اتتانىسقا كەلۋىنە، جاپپاي ورنالاستىرۋ جاساۋىنا، ىندەتتەن ساقتانۋ - تىزگىندەۋ قىزمەتىن جاپپاي كۇشەيتۋىنە ايقىن بەتالىس كورسەتىپ، بويسۇنۋ ولشەمىن ۇسىندى.
حۋبەي ولكەسى ۋحان قالاسى سياقتى جەرلەردە جۋىقتا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى ىركەس - تىركەس تۋىلدى، باس شۋجي شي جينپيڭ باستان - اياق وسكەلەڭ ءمان بەرىپ، كوپ رەت ءماجىلىس اشىپ، كوپ رەت مالىمەت تىڭداپ، ماڭىزدى نۇسقاۋ بەرىپ، ءار دارەجەلى پارتكوم مەن ۇكىمەتتەن جانە قاتىستى تاراۋلاردان ەگجەي - تەگجەيلى جوبا جاساپ، ءار جاقتىڭ كۇشىن ۇيىمداستىرىپ ساقتانۋ - تىزگىندەۋدى ورىستەتۋدى، شىنايى، ءونىمدى شارالار قولدانىپ، ىندەتتىڭ ءورشۋ اۋقىمىن باتىل تەجەۋدى تالاپ ەتتى. پارتيا ورتالىق كوميتەتىنىڭ پارمەندى باسشىلىعىندا مەملەكەتتىك كەڭەس كوپ رەت ءماجىلىس اشىپ اقىلداسىپ، ورنالاستىرۋ جاساپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، ءبىر تۇتاس جوسپارلاپ ورنالاستىرۋدى كۇشەيتىپ، ساقتانۋ - تىزگىندەۋ قىزمەتىندەگى ماسەلەلەردى دەر كەزىندە اقىلداسىپ، شەشتى، ءتۇرلى ساقتانۋ - تىزگىندەۋ شارالارى قازىر پارمەندى، ءتارتىپتى جۇرىلۋدە. بۇل رەتكى ءماجىلىس مىنانى ۇيعاردى: پارتيا ورتالىق كوميتەتى ىندەتكە توتەپ بەرۋ قىزمەت باسشىلىق گرۋپپاسىن قۇرادى، ول ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا قىزمەت ورىستەتەدى، پارتيا ورتالىق كوميتەتى حۋبەي سياقتى ىندەت جاعدايى اۋىر رايوندارعا جەتەكشىلىك ەتۋ گرۋپپاسىن جىبەرىپ، قاتىستى جەرلەردىڭ ساقتانۋ - تىزگىندەۋ ءبىرىنشى شەپ قىزمەتىن جاپپاي كۇشەيتۋىن ىلگەرىلەتەدى. بۇل ءبىزدىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىلدىقپەن قول جەتكىزۋىمىز جونىنەن ماڭىزدى مانگە يە.
ۆيرۋسپەن كۇرەسۋدە، مەديتسينالىق زاتتار تۇندەلەتىپ جەدەل جەتكىزىلدى؛ ءومىر ءۇشىن كۇش جالعاۋدا، ەمدەۋ قىزمەتكەرلەرى شۇعىل اتتاندى. ىندەت تۋىلعاننان بەرى، قاتىستى تاراۋلار مەن جەرلەر پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، بىرلەسىپ قورعانۋدى، بىرلەسىپ تىزگىندەۋدى كۇشەيتىپ، ءبىرشاما قىسقا ۋاقىت ىشىندە اۋرۋ قوزدىرعىشتى انىقتاپ شىعىپ، ناۋقاستاردى بەلسەنە قۇتقارىپ، ەمدەدى، ساقتانۋ - تىزگىندەۋ قىزمەتى ءتارتىپتى ورىستەتىلدى. جەر - جەر شۇعىل اتتانىسقا كەلىپ، ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ 1 - دارەجەلى اتتانىسقا كەلۋ دابىلى مەحانيزمىن ىركەس - تىركەس ىسكە قوستى، جەر - جەر، قاتىستى تاراۋلار ۋحانعا جەدەل كومەك بەرىپ، ىندەتكە تىزە قوسا قارسى اتتاندى. بۇكىل ەلدەگى قالىڭ ەمدەۋ قىزمەتكەرلەرى ىندەتتەن ساقتانۋ - تىزگىندەۋ قىزمەتىنىڭ ءبىرىنشى شەبىندە قايراتتانا شايقاس جاسادى، بۇكىل ەلدەگى ءار ۇلت كادر - بۇقاراسى، اسىرەسە، حۋبەيدەگى ءار ۇلت كادر - بۇقاراسى قىزمەت ورىندارىنان تاپجىلماي، سايكەسە ارەكەتتەنىپ، ساقتانۋ - تىزگىندەۋ شارالارىن تياناقتاندىرۋدى كۇشەيتىپ، قالىپتى ءوندىرىس، تۇرمىس ءتارتىبىن بىرگە قورعادى. بۇكىل ەل حالقى ىندەت جاعدايىنا كوڭىل ءبولىپ، بەلسەندى تۇردە كومەك قولدارىن سوزىپ، بىرگە دەم بەرىپ، جىگەرلەندىردى.
بارشا جۇرت ءبىر نيەت، ءبىر تىلەكتە بولعاندا، اسپايتىن اسۋ بولمايدى؛ جۇرەكتەر جالعاسىپ، بىلەكتەر ايقاسسا، وتپەيتىن بوگەت بولمايدى. سەنىمدى بەكەمدەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىلدىقپەن قول جەتكىزۋدە، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي ناقتى تياناقتاندىرۋ كەرەك. ءماجىلىستىڭ تالابى بويىنشا، جەر - جەردىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋىنە تۇرلەر بويىنشا جەتەكشىلىك ەتۋ، جۇعىمدالعان ناۋقاستاردى بار كۇشپەن قۇتقارۋ، ەمدەۋ، قالىڭ ەمدەۋ - دەنساۋلىق ساقتاۋ قىزمەتكەرلەرىنە كوڭىل ءبولۋ جانە ولاردى ويداعىداي قورعاۋ، زاڭ بويىنشا، عىلمي جولمەن، ءتارتىپتى ساقتانۋ - تىزگىندەۋ، ىندەتتەن ساقتانۋ - تىزگىندەۋدىڭ عىلميلىعى مەن ۇتىمدىلىعىن جوعارىلاتۋ، ىندەت جاعدايىن دەر كەزىندە، ءدال، اشىق جاريالاپ، شەكارا ءىشى - سىرتىنداعىلاردىڭ نازار اۋدارعان ىستەرىنە جاۋاپ قايتارۋ كەرەك. ءار دارەجەلى پارتكوم مەن ۇكىمەت ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ءبىر تۇتاس باسشىلىقتى، ءبىر تۇتاس قولباسشىلىق ەتۋدى كۇشەيتۋ كەرەك. ءار دارەجەلى پارتيا، ۇكىمەت ورىندارىنداعى باسشى كادرلار، اسىرەسە، نەگىزگى باسشى كادرلار قىزمەت ورنىنان تاپجىلماي، الدىڭعى شەپتە تۇرىپ قولباسشىلىق ەتىپ، ىندەتتەن ساقتانۋ - تىزگىندەۋ كۇرەسىندە سىننان ءوتۋى، ىندەتتەن ساقتانۋ - تىزگىندەۋدىڭ ءبىرىنشى شەبىنە ىشكەرىلەي بارىپ، دەر كەزىندە باتىل ءۇن قاتىپ جەتەكشىلىك ەتىپ، ىندەت جاعدايىن دەر كەزىندە يگەرىپ، دەر كەزىندە ارەكەت قولدانىپ، ءوز جاۋاپكەرشىلىگىن ءبىلۋى، ءوز جاۋاپكەرشىلىگىن ادا ەتۋى كەرەك.
ءومىر تايشان تاۋىنان دا قادىرلى. حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاعاندىق − ءبىزدىڭ اۋەلگى ماقساتىمىزدى قورعاعاندىق. پارتيا ورتالىق كوميتەتىنىڭ پارمەندى باسشىلىعىندا، جەر - جەردەگى، تاراۋلارداعى كادرلار قاي - قاشان دا حالىقپەن بىرگە بولىپ، قاي - قاشان دا بۇقارانىڭ تىلەگىن ءوز قالاۋى ەتىپ، ىندەتتەن ساقتانۋ - تىزگىندەۋ قىزمەتىن شىنايى، ويداعىداي ىستەگەندە عانا، ءبىز، ءسوز جوق، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزە الاتىن بولامىز.
(1 - ايدىڭ 26 - كۇنگى «حالىق گازەتى»ندە جاريالانعان)
