قىزمەت ءتارتىبىن قاتايتىپ، اۆتونوميالى رايوننىڭ جاڭا تيپتەگى ايدارشا ۆيروسىمەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن كۇش سالا قامتاماسىز ەتۋ ءۇشىن، بۇگىننەن باستاپ، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ىندەتتەن ساقتانۋ - تىزگىندەۋ قىزمەتىندەگى بەلگىلەمەگە، تارتىپكە، زاڭعا قايشىلىق جاساۋ ماسەلەلەرىنە قاتىستى ءجىپ ۇشىن اشكەرەلەۋىن جالپى بەتتىك قابىلدايدى، قاتىستى ىستەر جونىندە تومەندەگىدەي حابارلاندىرامىز:
ءبىرىنشى، قابىلداۋ كولەمى
1. باس شۋجي شي جينپيڭنىڭ ماڭىزدى نۇسقاۋلارىنا جانە پارتيا ورتالىق كوميتەتىنىڭ كەلەلى شەشىم - ورنالاستىرۋلارىنا، سونداي - اق اۆتونوميالى رايوندىق پارتكومنىڭ قىزمەت تالاپتارىنا ءمان بەرمەۋ، تياناقتاندىرماۋ سياقتى ماسەلەلەر؛
2. ىندەتتەن ساقتانۋ - تىزگىندەۋ بارىسىندا جاۋاپكەرشىلىك ارقالاماۋ، ىسكەرلىك كورسەتپەۋ، سىلبىرلىق ىستەۋ سياقتى فورماشىلدىق، تورەشىلدىك ماسەلەلەرى؛
3. ماڭىزدى ىندەت جاعدايى ينفورماتسيالارىن جاسىرىپ مالىمدەمەي قويۋ، قاعىس قالدىرۋ، كەشىكتىرىپ مالىمدەۋ، قاتە مالىمدەۋ، وتىرىك مالىمدەۋ، ىندەتتىڭ ءورشۋىن كەلتىرىپ شىعارۋ سياقتى ماسەلەلەر؛
4. ۇيىمنىڭ ورنالاستىرۋىنا بويسۇنباۋ، قىزمەت ورنىنان ءوز بەتىمەن كەتىپ قالۋ، بۇيرىققا بويسۇنباۋ، سايىستان شەگىنشەكتەۋ، جالتارۋ - سالعىلاسۋ، قىزمەتكە كەسىرىن تيگىزۋ سياقتى ماسەلەلەر؛
5. ىندەتتەن ساقتانۋ - تىزگىندەۋ قاراجاتىنا جانە زاتتىق ماتەريالدارىنا قيانات جاساۋ، باسقاعا جۇمساۋ، ىركىپ قالۋ، يەمدەنىپ الۋ سياقتى ماسەلەلەر؛
6. باسقا دا ىندەتتەن ساقتانۋ - تىزگىندەۋگە قاتىستى بەلگىلەمەگە، تارتىپكە، زاڭعا قايشىلىق جاساۋ ماسەلەلەرى.
ەكىنشى، اشكەرەلەۋ ءتاسىلى
تەلەفون ارقىلى اشكەرەلەۋ: 12388 - 0991 (24 ساعات بويى قابىلدانادى)
توردا اشكەرەلەۋ: http://xinjiang.12388.gov.cn
ءۇنحات ارقىلى اشكەرەلەۋ: ”新疆纪检监察“ ءۇنحات الەۋمەتتىك ءنومىرى
قوعامنىڭ ءار سالاسىنىڭ، قالىڭ حالىق بۇقاراسىنىڭ شىنايى اڭىس ەتىپ، ىندەتتەن ساقتانۋ - تىزگىندەۋ قىزمەتىندە بەلگىلەمەگە، تارتىپكە، زاڭعا قايشىلىق جاساۋ ماسەلەلەرىنە قاتىستى ءجىپ ۇشىمەن بەلسەنە قامداۋىن قارسى الامىز. اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى اشكەرەلەۋشى مەن اشكەرەلەنگەن مازمۇندى قاتاڭ قۇپيا ساقتاپ، اشكەرەلەۋشىنىڭ زاڭدى ۇقىق - مۇددەسىن زاڭ بويىنشا قورعايدى.
جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى
شينجياڭ ۇيعۇر اۆتونوميالى رايوندىق باقىلاۋ - تەكسەرۋ كوميتەتى
2020 - جىلى 1 - ايدىڭ 27 - كۇنى
