جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋدى كۇشەيتۋ ءۇشىن، رايونىمىز بەلسەندى ارەكەتكە كەلىپ، ءبىر قاتار شۇعىل جاعدايلارعا توتەپ بەرۋ شارالارىن شىعارىپ، حالىق بۇقاراسىنىڭ باس اماندىعىن، دەنساۋلىعىن شىنايى قورعادى.
شينجياڭ 2020 - جىلعى كوكتەمگى وقۋ ماۋسىمنىڭ وقۋ باستاۋىن كەشىكتىردى
1 - ايدىڭ 27 - كۇنى اۆتونوميالى رايوندىق وقۋ - اعارتۋ مەڭگەرمەسى شۇعىل حابارلاندىرۋ جاريالاپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ جاعدايىنىڭ قاتاڭدىعىنا مەڭزەس، مەكتەپتەردىڭ (بالاباقشا) وقۋ باستاۋ سەبەبىنەن ادامداردىڭ شوعىرلانىپ، جۇعىمدالۋ حاۋپىنىڭ كۇشەيۋىنەن ساقتانۋ، قالىڭ وقىتۋشى - وقۋشىلاردىڭ ءومىرىنىڭ حاۋىپسىزدىگى جانە دەنساۋلىعىن شىنايى قامتاماسىز ەتۋ ءۇشىن، مەملەكەتتىك كەڭەستىڭ ىندەتتەن ساقتانۋ - تىزگىندەۋ جونىندەگى ورنالاستىرۋى جانە اۆتونوميالى رايوننىڭ ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ 1 - دارەجەلى اتتانىسقا كەلۋ دابىلىن ىسكە قوسۋ قىزمەتىنىڭ تالابى بويىنشا، ءار دارەجەلى ءار ءتۇرلى مەكتەپتەردىڭ (بالاباقشا) 2020 - جىلعى كوكتەمگى وقۋ ماۋسىمىنىڭ وقۋ باستاۋىن كەشىكتىرۋدى ۇيعاردى، ناقتى وقۋ باستاۋ ۋاقىتى ىندەتتەن ساقتانۋ - تىزگىندەۋ جاعدايى بويىنشا ايىرىم حابارلاندىرىلادى.
تۇتاس شينجياڭداعى ولكە ارالىق كەزەكشى اۆتوبۋزدار ۋاقىتشا توقتاتىلدى، ءبىر ءبولىم ساياحات پويەزدارى ۋاقىتشا توقتاتىلدى
قازىر اۆتونوميالى رايوندىق قاتىناس - تاسىمال مەڭگەرمەسى ىندەتتەن ساقتانۋ - تىزگىندەۋ جاعدايىنا مەڭزەس، شينجياڭنىڭ ولكە ارالىق اۆتوبۋزدارىنىڭ جولعا شىعۋىن، ولكە ارالىق ساياحات كوتەرمە اۆتوكولىكتەرىنىڭ ەستەلىككە الدىرۋعا ءوتىنىش ەتۋ ءىسىن ءبىتىرۋدى ۋاقىتشا توقتاتۋدى، الدىن الا اۆتوبۋز بەلەتىن ساتىپ العان جولاۋشىلارعا شارتسىز تۇردە بەلەت اقىسىن تولىعىمەن قايتارىپ بەرۋدى، قاتىناستى قالپىنا كەلتىرۋ ۋاقىتىن ايىرىم ۇقتىرۋدى ۇيعاردى.
بۇدان سىرت، اۆتونوميالى رايوندىق قاتىناس - تاسىمال تاراۋلارى شينجياڭ ىشىندەگى بارلىق جولاۋشى تاسىمال اۆتوموبيلدەرىن، جولاۋشىلار بەكەتتەرىنە كۇن سايىن زارارسىزداندىرۋ، اۋا الماستىرۋ شارالارىن، ت. ب اتقارىپ، بارلىق جولاۋشىلار بەكەتىنە كىرىپ اۆتوموبيلگە وتىراتىن بارلىق جولاۋشىلاردىڭ دەنە تەمپەراتۋراسىن ولشەگەن.
مۇنان تىس، ىندەتتەن ساقتانۋ - تىزگىندەۋدىڭ قاجەتىنە ساي، شينجياڭنىڭ تەمىر جول تاراۋى ءبىر ءبولىم كەزەكشى پويەزداردى توقتاتتى، ناقتى جاعدايى مىناداي: 1 - ايدىڭ 24 - كۇنىنەن 2 - ايدىڭ 24 - كۇنىنە دەيىن ءۇرىمجى - حانكوۋ 1/Z294 كەزەكشى پويەزى، 1 - ايدىڭ 26 - كۇنىنەن 2 - ايدىڭ 26 - كۇنىنە دەيىن حانكۋ - ءۇرىمجى 3/Z292 كەزەكشى پويەزى توقتاتىلادى؛ 1 - ايدىڭ 27 - كۇنىنەن 2 - ايدىڭ 9 - كۇنىنە دەيىن 23.5 جۇپ شينجياڭ ىشىندە قاتىنايتىن ساياحات كەزەكشى پويەزدارى توقتاتىلادى، قاتىناستى قالپىنا كەلتىرۋ ۋاقىتى ايىرىم ۇقتىرىلادى.
شينجياڭ راديو - تەلەۆيزيا سىمدى تەلەۆيزياسىنىڭ باعدارلامالارىن كوكتەم مەرەكەسى دەمالىسى كەزىندە تەگىن كورۋگە بولادى
شينجياڭ راديو - تەلەۆيزيا تورابى جارنا شەكتى سەرىكتەستىگى حالىققا ءتيىمدى شارالاردى ۇسىندى، ياعني 1 - ايدىڭ 25 - كۇنىنەن 2 - ايدىڭ 2 - كۇنىنە دەيىن راديو - تەلەۆيزيا سىمدى تەلەۆيزياسىنىڭ تۇتاس شينجياڭداعى پايدالانۋشىلارى اقى تاپسىرسىن - تاپسىرماسىن، تەك راديو - تەلەۆيزيا تورابى تاراتقان سىمدى تەلەۆيزياسىنىڭ كانال قوبديى قالىپتى جالعانسا بولعانى بارلىق باعدارلامالاردى تەگىن كورۋىنە بولادى.
شينجياڭ راديو - تەلەۆيزيا تورابى جارنا شەكتى سەرىكتەستىگىنىڭ ورىنباسار ديرەكتورى باي شياڭياڭنىڭ تانىستىرۋىنشا، تەلەۆيزور مەدياسى ىندەتتەن ساقتانۋ - تىزگىندەۋ ينفورماتسياسىن تاراتاتىن قۇزىرلى ارنا، قاۋىمنىڭ تەلەۆيزوردان ەڭ جاڭا، ەڭ قۇزىرلى اقپاراتتىق حابارلاردى دەر كەزىندە كورۋى، وتباسىندا كوڭىل اشۋ قاجەتىن قاناعاتتاندىرۋى ءۇشىن، كوكتەم مەرەكەسى دەمالىسى كەزىندە، پايدالانۋشىلار شينجياڭ راديو - تەلەۆيزيا تورابى قامداعان 181 ارناداعى توتە كورسەتىلىم كانالىنداعى، ىقپالداسىپ بۇيىرتۋداعى، قايتالاي كورۋىندەگى، تەلەۆيزيا كينولارىنداعى كوپ ءتىلدى باعدارلامالاردى تەگىن كورە الادى، سونىمەن بىرگە بالالار مەن قارت كورەرمەندەر كورەتىن باعدارلامالارىن تەگىن تاراتادى، سونداي - اق وپتيكالىق كابەل اقىسىن المايدى.
رايونىمىزداعى كاسىپورىندار ءدارى - دارمەك، دەنساۋلىق ساقتاۋ ونىمدەرىن جىلۋعا اتادى
1 - ايدىڭ 27 - كۇنى رايونىمىزداعى كوپتەگەن جۇڭگوشا ءدارى - دارمەك سەرىكتەستىكتەرى بۇكىل ەلگە ۆيرۋسقا قارسى تۇراتىن، قارسىلىق قۋاتتى ارتتىراتىن، ت. ب ءتۇرلى ءدارى - دارمەكتەردى جىلۋعا اتاپ، ءىس جۇزىندىك ارەكەتتەرى ارقىلى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە قارسى تۇرۋ قىزمەتىن قولدادى.
شينجياڭ يىندولان ۇيعۇرشا ءدارى - دارمەك شەكتى سەرىكتەستىگىنىڭ بارلىق قىزمەتكەرلەرى كوكتەم مەرەكەسى كەزىندە قالىپتى ءوندىرىس جۇرگىزىپ، جۇزدە - ءجۇز جۇمىس باستاپ، بازاردىڭ قامداۋ قاجەتىن قامتاماسىزداندىردى، سونداي - اق رايونىمىزعا جانە ەل شىندەگى باسقا دا ىندەت تۋىلعان رايوندارعا قۇنى 3 ميلليون يۋان تۇراتىن 1300 كۇردەلى رەتسەپتىك يجىحاۋ تۇيىرشىك ءدارىسىن جىلۋعا اتادى. وسى سەرىكتەستىكتىڭ باس جوراسى لي جۇن بىلاي دەدى: ”ىندەتكە قارسى تۇرۋ ءۇشىن، ءبىز دەر كەزىندە ءونىم ءوندىرىسىن رەتكە سالىپ جانە جاقسارتىپ، نەگىزىنەن ۆيرۋس تۇماۋ ءدارىسىن، قىزۋدى قايتارۋ ءدارىسىن، ت. ب كيلنيكالىق ءدارى - دارمەكتەردى وندىردىك“.
سول كۇنى كەلپىن اۋدانى شىڭچۋان ونەركاسىپ شەكتى سەرىكتەستىگى دە قۇنى 3 ميلليون يۋان تۇراتىن ”چاڭشوۋشىڭگو“ ماركالى قويىلتىلعان شامعۇر سىمىرمە ءدارىسىن جىلۋعا اتادى. شينچيكاڭ ءدارى - دارمەك جارنا شەكتى سەرىكتەستىگى دە ۋحانعا قۇنى 300 مىڭ يۋان تۇراتىن زۇكام تۇيىرشىك ءدارىسىن جىلۋعا اتادى.
(شينجياڭ گازەتىنىڭ جالىپلىق اقپارات قۇرالدارى تىلشىلەرى چاۋ جين، لۋ فىڭباۋ جازعان)
