شينجياڭ گازەتىنىڭ شولۋشىسى
پارتيا ورتالىق كوميتەتىنىڭ ورنالاستىرۋىنا ساي ىندەتتەن ساقتانۋ - تىزگىندەۋ قىزمەتىن بۇلجىماستان ويداعىداي ىستەۋ، ىندەتتەن ساقتانۋ - تىزگىندەۋ شارالارىن باتىلدىقپەن ناقتى تياناقتاندىرۋ − ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدىڭ تەتىگى.
ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋ − حالىق بۇقاراسىنىڭ ءومىرىنىڭ حاۋىپسىزدىگى مەن قوعامدىق كەلەلى جاعدايدىڭ ورنىقتىلىعىنا سايادى. رايونىمىز ىركەس - تىركەس ءماجىلىس اشىپ، باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە ۇستاپ، بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ رولىن تولىق ساۋلەلەندىرىپ، ءبىر تۇتاس جوسپارلاپ ورنالاستىرۋدى كۇشەيتىپ، ساقتانۋ - تىزگىندەۋ قىزمەتىن دەر كەزىندە ورنالاستىردى. كەزەكتە ەلەۋلى توسىن الەۋمەتتىك دەنساۋلىق ساقتاۋ وقيعاسىنىڭ 1 - دارەجەلى اتتانىسقا كەلۋ دابىلى مەحانيزمى ىسكە قوسىلىپ، بۇكىل شينجياڭ ”ءبىر تۇتاس جۇيە“، بيڭتۋان مەن جەرگىلىكتى ورىن ”ءبىر تۇتاس جۇيە“ دەگەنگە تاباندى بولىپ، ءبىر تۇتاس باسشىلىق، ءبىر تۇتاس قولباسشىلىق ەتۋ كۇشەيتىلىپ، ىندەتتەن ساقتانۋ - تىزگىندەۋدىڭ ءتۇرلى شارالارى ءتارتىپتى ورىستەتىلۋدە.
قازىر ىندەتتەن ساقتانۋ - تىزگىندەۋ جاعدايى اۋىر، ءبىز، ءسوز جوق، اناعۇرلىم پارمەندى شارامەن، اناعۇرلىم ناقتى ستيلمەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋىمىز كەرەك.
ىندەتتەن ساقتانۋ - تىزگىندەۋدىڭ ءتۇرلى شارالارىن ناقتى تياناقتاندىرۋدىڭ قۇندىلىعى − باتىلدىقپەن جاۋاپكەرشىلىك ارقالاۋدا، جۇرەكتىلىكپەن ىسكەرلىك كورسەتۋدە. ىندەتتەن ساقتانۋ - تىزگىندەۋ حالىققا دەگەن سۇيىسپەنشىلىكتى قاداعالايدى، جاۋاپكەرشىلىك ارقالاۋدى سىنايدى. ءبىز ادامدى نەگىز ەتۋگە، ءومىردى بارىنەن جوعارى قويۋعا تاباندى بولىپ، حاۋىپ - قاتەردى ۇلكەنىرەك ويلاستىرىپ، جاعدايدى اۋىرىراق مەجەلەپ، قيىندىقتى اناعۇرلىم تولىعىراق ويلاستىرىپ، تاس ءتۇيىن تۇرىپ، قاتتى ساق بولىپ، استە نەمقۇرايدىلىققا، سالعىرتتىققا سالىنباۋىمىز كەرەك. ىندەتتەن ساقتانۋ - تىزگىندەۋ قىزمەتىنىڭ ءاربىر بۋىنىن مىقتى ۇستاۋ، تيتتەي دە بويكۇيەزدىككە سالىنۋعا، تيتتەي دە جورامال جۇمىس ىستەۋگە بولمايدى. ءار دارەجەلى پارتيا، ۇكىمەت ورىندارىنداعى باسشى كادرلار، اسىرەسە، نەگىزگى باسشى كادرلار يدەيالىق تانىمدى اناعۇرلىم جوعارىلاتىپ، حالىققا وسكەلەڭ جاۋاپتى بولۋ پوزيتسياسىمەن، ىندەتتەن ساقتانۋ - تىزگىندەۋدىڭ ءبىرىنشى شەبىنە ىشكەرىلەي بارىپ، قىزمەت ورنىنان تاپجىلماي، الدىڭعى شەپتە تۇرىپ قولباسشىلىق ەتىپ، دەر كەزىندە ءۇن قاتىپ جەتەكشىلىك ەتىپ، ىندەت جاعدايىن دەر كەزىندە يگەرىپ، دەر كەزىندە ارەكەت قولدانىپ، ءوز جاۋاپكەرشىلىگىن ءبىلۋدى، ءوز جاۋاپكەرشىلىگىن ارقالاۋدى، ءوز جاۋاپكەرشىلىگىن ادا ەتۋدى باتىل ورىنداۋ كەرەك. تۇتاس رايوندا جوعارى مەن تومەن ساقتانۋ - تىزگىندەۋدى، عىلمي قۇتقارۋ - ەمدەۋدى، ويداعىداي قامتاماسىز ەتۋدى، جەتەكشىلىك ەتۋدى كۇشەيتۋدى، جاۋاپكەرشىلىكتى قاتايتۋدى اناعۇرلىم نىعايتىپ، ۇيىمدىق باسشىلىقتىڭ تىڭعىلىقتى بولۋىن، قىزمەت جاۋاپكەرشىلىگىنىڭ تىڭعىلىقتى بولۋىن، ساقتانۋ - تىزگىندەۋ شارلارىنىڭ تىڭعىلىقتى بولۋىن، جاپپاي تەكسەرىپ - اداقتاۋدىڭ تىڭعىلىقتى بولۋىن، ءونىمدى اۋاشالاۋدىڭ تىڭعىلىقتى بولۋىن، عىلمي قۇتقارۋ - ەمدەۋدىڭ تىڭعىلىقتى بولۋىن شىنايى ورىنداپ، ىندەتتەن ساقتانۋ - تىزگىندەۋدىڭ ءتۇرلى قىزمەتتەرىنىڭ اناعۇرلىم پارمەندى، ءتارتىپتى، ءونىمدى ىلگەرىلەتىلۋىنە شىنايى كەپىلدىك ەتىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنا شىنايى كەپىلدىك ەتۋ كەرەك.
ىندەتتەن ساقتانۋ - تىزگىندەۋدىڭ ءتۇرلى شارالارىن ناقتى تياناقتاندىرۋدا بۇقارالىق قىزمەتتى ويداعىداي ىستەۋ ايرىقشا ماڭىزدى. جالپى حالىق قاتىناسپايىنشا، جالپى حالىقتىڭ دەنساۋلىعى بولماق ەمەس. ءار ۇلت بۇقاراسىن كەڭ كولەمدە جۇمىلدىرىپ، ەرەكشە، شەشۋشى ساتتە دەر كەزىندە ارەكەتكە كەلىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسى ءۇشىن بەلسەندى قۇلشىنىس جاساۋ كەرەك. جەتەكشىلىك ەتۋدى اناعۇرلىم كۇشەيتىپ، ءار ۇلت بۇقاراسىن ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە ات سالىسۋعا ەڭ زور دەڭگەيدە، ەڭ ۇلكەن كولەمدە اتتانىسقا كەلتىرىپ، ۇيىمداستىرىپ، ىندەتتەن بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق تىزگىندەۋ، بۇقارالىق ساقتانۋ، بۇقارالىق ەمدەۋ بەرىك ساقتانۋ - تىزگىندەۋ تورىن قالىپتاستىرىپ، ىندەتتەن ساقتانۋ - تىزگىندەۋدىڭ حالىقتىق شايقاسىن جۇرگىزۋ كەرەك. بۇل ىندەت جاعدايىن دەر كەزىندە ءدال، عىلمي، اشىق جاريالاۋدى، قاتىستى ساياساتتىق شارالاردى ۇگىتتەۋ - ءتۇسىندىرۋدى كۇشەيتۋدى، ءار ۇلت بۇقاراسى كوڭىل بولگەن، ءجىتى قاداعالاعان ىستەرگە بەلسەندى جاۋاپ بەرۋدى، ساقتانۋ - تىزگىندەۋ بىلىمدەرىن جالپىلاستىرۋدى، تاماشا قوعامدىق ورتا قالىپتاستىرۋدى، ىندەتتى جەڭەمىز دەيتىن، ءسوزسىز، جەڭۋ سەنىمىن ورناتۋدى تالاپ ەتەدى؛ ءار ۇلت بۇقاراسى جەكەلىك ساقتانۋدى ويداعىداي ىستەپ، ءجۇرىس - تۇرىسىن سانالى تۇردە مەڭگەرىپ، جاڭا جاعدايلاردى ىرىقتىلىقپەن اڭىس ەتىپ، تاماشا كوڭىل كۇيمەن ىندەتتى ءبىر جاقتى ەتۋدى جانە ەمدەۋدى قابىلداپ، قاتىستى تاراۋلاردىڭ ينفورماتسيانى جيۋ قىزمەتىن ويداعىداي ىستەۋىنە سەلبەسۋ كەرەك. تەك بارلىق ادام ءوز جاۋاپكەرشىلىگىن بىلگەندە، ءوز جاۋاپكەرشىلىگىن ادا ەتكەندە عانا، جالپى جۇرت ءبىر نيەتتە بولىپ، قيىن - قىستاۋ كەزەڭنەن بىرگە وتۋگە بولادى.
پارتيا ورتالىق كوميتەتىنىڭ پارمەندى باسشىلىعى − ءبىزدىڭ قاتاڭ سىناقتى جەڭەتىن قۋاتتى كۇشىمىز؛ بارشا جۇرت ءبىر نيەتپەن جۇمىلۋ، ەل بىرلىگىنەن بەرىك قامال تۇرعىزۋ − ءبىزدىڭ بارلىق قيىندىقتاردى، كەدەرگىلەردى جەڭىپ شىعاتىن ەڭ ۇلكەن قايراتىمىز. ءبىز تەك ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋگە قاتىستى شەشىمدەرىن، ورنالاستىرۋلارىن بۇلجىماستان دايەكتىلەندىرىپ، تياناقتاندىرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، ءبىر نيەتپەن ىنتىماقتاسىپ، ىندەتتەن ساقتانۋ - تىزگىندەۋ قىزمەتىن بار كۇشپەن ويداعىداي ىستەسەك بولعانى، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە، ءسوز جوق، قول جەتكىزە الامىز.
