قالىڭ حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، حالىق بۇقاراسىنا تىعىز ارقا سۇيەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك
شينحۋا اگەنتتىگىنىڭ 1 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 27 - كۇنى ماڭىزدى نۇسقاۋ بەرىپ، بىلاي دەپ باسا دارىپتەدى: كەزەكتە جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قاتاڭ كۇرەسىندە، ءار دارەجەلى پارتيا ۇيىمدارى مەن قالىڭ پارتيالى كادرلار، ءسوز جوق، حالىقتىڭ مۇددەسىن بارىنەن جوعارى قويۋدى ەستە بەرىك ساقتاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، قالىڭ حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ جانە ەمدەۋ، دالمە - ءدال شارا قولدانۋ تالابىن جاپپاي دايەكتىلەندىرىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋ كەرەك.
شي جينپيڭ بىلاي دەپ باسا دارىپتەدى: ءار دارەجەلى پارتكومدار جاعدايدى عىلمي تۇجىرىمداپ، ىندەت جاعدايىن ءدال باسىپ يگەرىپ، ءبىر تۇتاس باسشىلىق ەتۋ، ءبىر تۇتاس قولباسشىلىق ەتۋ، ءبىر تۇتاس ارەكەت جاساۋ كەرەك. ءار دارەجەلى پارتيا ۇيىمدارىنىڭ باسشىلىق القاسى جانە باسشى كادرلار، اسىرەسە، نەگىزگى جاۋاپتى جولداستار قىزمەت ورنىنان تاپجىلماي، الدىڭعى شەپتە تۇرىپ قولباسشىلىق ەتىپ، ءوز جاۋاپكەرشىلىگىن ءبىلۋى، ءوز جاۋاپكەرشىلىگىن ارقالاۋى، ءوز جاۋاپكەرشىلىگىن ادا ەتۋى كەرەك. نەگىزگى ساتى پارتيا ۇيىمدارى مەن قالىڭ پارتيا مۇشەلەرى جاۋىنگەر قورعاندىق رولدارىن جانە ۇزدىك ونەگەلىلىك رولدارىن ساۋلەلەندىرىپ، بۇقارانى كەڭىنەن اتتانىسقا كەلتىرىپ، بۇقارانى ۇيىمداستىرىپ، بۇقارانى جۇمىلدىرىپ، بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرىپ، بۇقارالىق ساقتانۋدىڭ، بۇقارالىق جونگە سالۋدىڭ بەرىك قورعانىس شەبىن قۇرۋ كەرەك. ءار دارەجەلى پارتكوم وسى قاتاڭ كۇرەس امالياتىندا كادرلاردى تەكسەرىپ، تانىپ، قالىڭ پارتيا مۇشەلەرىن، كادرلاردى قيىن - قىستاۋ ساتتە كەۋدە كەرىپ العا شىعۋعا، ەرلىكپەن كۇرەس جۇرگىزۋگە، تىڭعىلىقتى قىزمەت ىستەۋگە، سىننان وتۋگە، حالىق بۇقاراسىنا تىعىز ارقا سۇيەپ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە ىنتالاندىرۋ، جەتەكتەۋ كەرەك..
