شوكىرات زاكىر، لي پىڭشين قاتارلىلار اۋەجايعا بارىپ اتتاندىردى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 1 - ايدىڭ 28 - كۇنى ۇرىمجىدەن حابارلايدى. 1 - ايدىڭ 28 - كۇنى شينجياڭنان تۇڭعىش توپتا حۋبەي ولكەسىنىڭ ۋحان قالاسىنا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋگە كومەككە باراتىن ەمدەۋ اترەتىنىڭ 142 مۇشەسى ىندەتتەن ساقتانۋ - تىزگىندەۋ قىزمەتىنە ات سالىسۋ ءۇشىن ءۇرىمجى ديۋوپۋ حالىقارالىق اۋەجايىنان ۋحانعا اتتاندى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى شوكىرات زاكىر اۋەجايعا بارىپ اتتاندىردى، اۆتونوميالى رايوندىق پارتكوم مەن ۇكىمەت جانە تۇتاس شينجياڭداعى ءار ۇلت حالقى اتىنان ەمدەۋ اترەتىنىڭ مۇشەلەرىنە وسكەلەڭ قۇرمەت ءبىلدىرىپ جانە شىن جۇرەكتەن العىس ايتىپ، كوپشىلىكتىڭ بارلىق ىستەرىنىڭ ءساتتى بولۋىن، امان - ەسەن بولۋلارىن تىلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورىنباسار باستىعى لي پىڭشين اتتاندىرۋ سالتىن باسقاردى.
شوكىرات زاكىر شينجياڭنان حۋبەيعا كومەككە باراتىن ەمدەۋ اترەتىنىڭ باس جەتەكشىسىنە تۋ ۇسىندى. ول بىلاي دەدى: ءومىر تايشان تاۋىنان دا قادىرلى، ىندەت − بۇيرىق. شينجياڭداعى قالىڭ ەمدەۋ قىزمەتكەرلەرى ۇندەۋگە بەلسەنە ءۇن قوسىپ، ىرىقتىلىقپەن جابال تىزىمدەلىپ، ەرلىكپەن ءبىرىنشى شەپكە اتتاندى، مىندەت ماشاقاتتى، بورىش داڭقتى. كوپشىلىكتىڭ باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن قاي - قاشان دا ەستەرىندە بەرىك ساقتاپ، وزدەرىنىڭ ەڭ زور قۇلشىنىستارى ارقىلى عىلمي ساقتانىپ - تىزگىندەۋلەرىن، عىلمي قۇتقارىپ - ەمدەۋلەرىن، سونداي - اق دەنساۋلىقتارىنا ءمان بەرۋلەرىن، ءتۇرلى قۇتقارۋ - كومەكتەسۋ مىندەتىن ويداعىداي ورىنداۋلارىن ءۇمىت ەتەمىن.
شوكىرات زاكىر بىلاي دەپ باسا دارىپتەدى: حۋبەي ولكەسىنىڭ ۋحان قالاسى سياقتى جەرلەردە جۋىقتا ارت - ارتىنان جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى تۋىلدى، پارتيا ورتالىق كوميتەتىنىڭ پارمەندى باسشىلىعىندا، ءتۇرلى ساقتانۋ - تىزگىندەۋ شارالارى قازىر پارمەندى، ءتارتىپتى ورىستەتىلۋدە. ءبىر جاقتا قيىنشىلىق بولسا، تۇس - تۇستان كومەكتەسۋ كەرەك. كوپشىلىك شينجياڭداعى ءار ۇلت حالقىنىڭ تەرەڭ دوستىق سۇيىسپەنشىلىگىن ارقالاپ، مىندەت - بورىشتارىن ادا ەتىپ، ىندەتكە قارسى تۇرۋدا كاسىپتىك كەلبەتتى ايگىلەپ، ىندەتتەن ساقتانۋ - تىزگىندەۋدىڭ توسقاۋىل شايقاسىنىڭ جەڭىسىنە باتىل قول جەتكىزۋلەرى كەرەك.
شوكىرات زاكىر كوپشىلىكتەن ۋحانعا بارعان سوڭ بارلىق ارەكەتتە قولباسشىلىققا قۇلاق اسۋىن، وسكەلەڭ جاۋاپكەرشىلىك پوزيتسياسىمەن اركىم ءوز مىندەت جاۋاپكەرشىلىگىن ويداعىداي اتقارۋلارىن ءۇمىت ەتتى. سونىمەن بىرگە، كوپشىلىكتىڭ جەكەلىك ساقتانۋعا ايرىقشا نازار اۋدارۋىن، دەنساۋلىقتارىنا ايرىقشا نازار اۋدارۋىن ءۇمىت ەتتى. ”شينجياڭداعى ءار ۇلت حالقى سىزدەردىڭ مىندەتتى داڭقپەن ورىنداپ، امان - ەسەن قايتىپ كەلۋلەرىڭىزدى كۇتەدى!“ شوكىرات زاكىردىڭ شىن ىقىلاستى سوزىنە ەمدەۋ توبىنىڭ مۇشەلەرى قىزۋ قول شاپالاق سوقتى.
ۇعىسۋعا قاراعاندا، وسى رەتكى حۋبەيعا كومەككە باراتىن شينجياڭنىڭ ەمدەۋ اترەتىندەگى ەمدەۋ قىزمەتكەرلەرى شينجياڭ مەديتسينا داشۋەسىنە قاراستى شيپاحانالاردان كەلگەن. ەمدەۋ اترەتىنىڭ مۇشەلەرى مىنالاردى ءبىلدىردى: ءسوزسىز، بار كۇشىمىزدى سالىپ، بار قابىلەتىمىزدى اياماي، ءتۇرلى قۇتقارۋ - كومەكتەسۋ مىندەتتەرىن باتىل ورىنداپ، باس شۋجي شي جينپيڭ مەن پارتيا ورتالىق كوميتەتىنىڭ ماڭىزدى تاپسىرماسىن استە جەردە قالدىرمايمىز، مەكەنىمىزدەگى حالىقتىڭ ءۇمىتىن استە جەردە قالدىرمايمىز.
اۆتونوميالى رايون باسشىلارىنان تيان ۋىن، مەڭلىك سەيىت، ۋان حايچۋاندار بىرگە اۋەجايعا بارىپ شىعارىپ سالدى.
