تيانشان تورى   ›   جاڭالىقتار   ›   شينجياڭ حابارلارى

پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتەمىز

اۆتونوميالى رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار جابال مىنانى ءبىلدىردى −

پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتەمىز

شينجياڭ گازەتىنىڭ جالپىلىق اقپارات قۇرالدارى تىلشىلەرى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 27 - كۇنى ماڭىزدى نۇسقاۋ بەرىپ، ءار دارەجەلى پارتيا ۇيىمدارى مەن پارتيالى كادرلاردان قالىڭ حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، حالىق بۇقاراسىنا تىعىز ارقا سۇيەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋدى تالاپ ەتتى. اۆتونوميالى رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار جابال مىنانى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، حالىق مۇددەسىن بارلىعىنان جوعارى قويۋدى ءارقاشان ەستە بەرىك ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتەمىز.

پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرەمىز، تياناقتاندىرامىز

  باس شۋجي شي جينپيڭ بەرگەن ماڭىزدى نۇسقاۋعا سايكەس، اۆتونوميالى رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار مىنانى ءبىلدىردى: شىنايى تۇردە ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىمەن باتىل بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي دايەكتىلەندىرىپ، تياناقتاندىرىپ، ىندەتتىڭ ءورشۋ بەتالىسىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەمىز.

  ىندەت تۋىلعان سوڭ، اۆتونوميالى رايوندىق پارتكوم وسكەلەڭ ءمان بەرىپ، ۇدايى 5 رەت اۆتونوميالى رايوندىق پارتكومنىڭ تۇراقتى كوميتەتى (كەڭەيتىلگەن) ءماجىلىسىن، بۇكىل رايوننىڭ بەينەجازبا ءماجىلىسىن اشىپ، اۆتونوميالى رايوننىڭ ىندەتتەن ساقتانۋ - تىزگىندەۋ قىزمەتى باسشىلىق گرۋپپاسىن جانە قولباسشىلىق شتابىن قۇرىپ، بۇكىل رايوندا جوعارىدان تومەنگە دەيىن ساقتانۋ - تىزگىندەۋ ءبىرىنشى شەبىنىڭ قىزمەتىن جاپپاي كۇشەيتۋدى جوعارى دەڭگەيدە ىلگەرىلەتتى.

  التاي ايماقتىق پارتكوم ۇدايى كوپ رەت ىندەتتەن ساقتانۋ - تىزگىندەۋ قىزمەتى تۋرالى ارنايى تاقىرىپتىق ءماجىلىس اشىپ، ىندەتتەن ساقتانۋ - تىزگىندەۋدىڭ ايماق، اۋدان 2 دارەجەلى بەينەجازبا ىندەتتەن ساقتانۋ - تىزگىندەۋ جۇيەسىن ورناتىپ، التاي ايماعىنىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ ماماندار توبىن دەر كەزىندە قۇرىپ، ەمدەۋ قىزمەتكەرلەرى 24 ساعات كەزەكپەن كەزەكشى بولىپ، تەكسەرۋگە ساقاداي ساي تۇردى.

  شايار اۋداندىق پارتكومنىڭ شۋجيى چين يانكى بىلاي دەدى: ىندەت الدىندا ءبىز ساياسي دەڭگەيدى شىنايى جوعارىلاتىپ، جاۋاپكەرشىلىك ارقالاۋدى كۇشەيتىپ، حالىق مۇددەسىن بارلىعىنان جوعارى قويۋدى ەستە بەرىك ساقتاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تاباندىلىقپەن، باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قىزمەتىن قازىرگى ەڭ ماڭىزدى قىزمەت رەتىندە مىقتى ۇستاپ، حاۋىپ - قاتەر تانىمىن كۇشەيتىپ، تومەنگى شەكتە ويلاۋدى نىعايتىپ، دالمە - ءدال، عىلمي شارا قولدانىپ، قاتاڭ ساقتانىپ، قاتاڭ قورعانىپ، قاتاڭ ساقتانىپ - تىزگىندەپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل، ويداعىداي قورعايمىز.

ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتتى

  ىندەت − بۇيرىق، ساقتانۋ - تىزگىندەۋ − جاۋاپكەرشىلىك. اۆتونوميالى رايونىمىزداعى ءار دارەجەلى پارتيا ۇيىمدارى جاعدايدى عىلمي تۇجىرىمداپ، ىندەت جاعدايىن ءدال يگەرىپ، ءبىر تۇتاس باسشىلىق، ءبىر تۇتاس قولباسشىلىق ەتىپ، ءبىر تۇتاس ارەكەت جۇرگىزدى. ءار دارەجەلى پارتيا ۇيىمدارىنىڭ باسشىلىق القاسى مەن باسشى كادرلار، اسىرەسە، نەگىزگى جاۋاپتى جولداستار قىزمەت ورىندارىنان تاپجىلماي، الدىڭعى شەپتە تۇرىپ قولباسشىلىق ەتىپ، ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ارقالاپ، ءوز جاۋاپكەرشىلىگىن ادا ەتتى.

  جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى قىزمەتتىڭ 6 ءتۇرلى 28 تارماقتى ناقتىلانعان شاراسىن ايقىنداپ، باسشىلىق القا الدىڭعى شەپتە تۇرىپ قولباسشىلىق ەتۋگە تاباندى بولدى، ءارقايسى مەكەمە - ورىنداردىڭ جاۋاپتىلارى ساقتانۋ - تىزگىندەۋ جاۋاپكەرشىلىگىن قاتاڭ تياناقتاندىرىپ، قىزمەت ورىندارىنان تاپجىلماي، كەزەكشى بولۋدى، كۇزەتتە تۇرۋدى ويداعىداي ىستەپ، ءتۇرلى شۇعىل جاعدايلاردى ءبىر جاقتى ەتۋگە قاي - قاشان دا دايىن تۇردى.

  شينجياڭ مەديتسينا داشۋەسىنە قاراستى 2 - شيپاحانا پارتكومى توتەپ بەرۋدىڭ ساقتىق جوباسىن جەدەل جاساپ، ءتۇرلى ساقتانۋ - تىزگىندەۋ شارالارىن تياناقتاندىردى. اتالعان شيپاحانانىڭ باستىعى ياڭ شينليڭ بىلاي دەدى: شيپاحانا پارتكومى بورىشتىڭ ۇددەسىنەن شىعىپ، باتىلدىقپەن جاۋاپكەرشىلىك ارقالاپ، شيپاحاناداعى بارلىق كۇشتى شوعىرلاندىرىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعايدى.

  شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنىڭ باسشىلىق القاسى توپقا قاراستى حۋاتاي سەرىكتەستىگىنىڭ، فۋكاڭ ەنەرگيا سەرىكتەستىگىنىڭ، شينشين عىلىم - تەحنيكا سەرىكتەستىگىنىڭ ءوندىرىس ءبىرىنشى شەبىنە كوپ رەت بارىپ، زارارسىزداندىرعىشتىڭ اۋەلگى سۇيىقتىعىن ءوندىرۋ قىزمەتىنە جانە ىندەتتەن ساقتانۋ - تىزگىندەۋ قىزمەتىنە جەتەكشىلىك ەتتى. ”توپتاعى ورىندار، تاراۋلار، اسىرەسە، پارتيا ۇيىمدارى جاۋىنگەر قورعاندىق رولدارىن شىنايى، ويداعىداي ساۋلەلەندىرىپ، بار كۇشىن سالىپ، شەپتىڭ الدىندا ءجۇرىپ، قالىڭ پارتيالى كادرلاردى باستاپ اتويلاپ العا شىعىپ، ىندەتتەن ساقتانۋ - تىزگىندەۋگە ءتيىستى ۇلەس قوسادى“، - دەدى شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى پارتكومىنىڭ شۋجيى، القا باستىعى ۋاڭ حۇڭشين.

قالىڭ پارتيالى كادرلار كەۋدە كەرىپ العا شىعىپ، جۇرەكتىلىكپەن شايقاس جۇرگىزدى

  باتىردى جاۋدا سىنا، شەشەندى داۋدا سىنا. قاتەرلى، قيىن ساتتە، پارتيا ۇيىمدارى قۇرىشتاي بەرىك بولىپ، پارتيا مۇشەلەرى كەۋدە كەرە العا شىعىپ، جۇرەكتىلىكپەن شايقاس جۇرگىزىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە سارقىلماس قوزعاۋشى كۇش ۇستەدى.

  1 - ايدىڭ 24 - كۇنى ءۇرىمجى قالالىق قوعام حاۋىپسىزدىگى مەكەمەسى ديۋوپۋ حالىقارالىق اۋەجايى بولىمشە مەكەمەسىنىڭ شارلاۋ - مەڭگەرۋ ۇلكەن اترەتىندەگى 28 حالىق ساقشىسى بولىمشە مەكەمەنىڭ پارتيا باس ياچەيكاسىنا ”شايقاسقا سۇرانۋ حاتىن“ تاپسىرىپ، توتەنشە جاعدايدى ءبىر جاقتى ەتۋ گرۋپپاسىن قۇرىپ، اۋەجايدىڭ شارلاۋ - مەڭگەرۋ، ساقتانۋ - تىزگىندەۋ ءبىرىنشى شەبىن تاپجىلماي كۇزەتتى. سونىمەن بىرگە، بولىمشە مەكەمەنىڭ ءارقايسى ورىندارىنداعى حالىق ساقشىلارى دا ىركەس - تىركەس شايقاسقا شىعۋعا سۇراندى. ءۇرىمجى قالالىق قوعام حاۋىپسىزدىگى مەكەمەسى ديۋوپۋ حالىقارالىق اۋەجايى بولىمشە مەكەمەسىنىڭ باستىعى ياڭ بين بىلاي دەدى: بارلىق حالىق ساقشىلارى بىرلەسىپ ساقتانۋ، بىرلەسىپ تىزگىندەۋ شارالارىن باتىل تياناقتاندىرىپ، قوعام ورنىقتىلىعىن باتىل قورعاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزەدى.

  شينجياڭنان تۇڭعىش توپتا حۋبەي ولكەسى ۋحان قالاسىنىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋىنە كومەككە باراتىن ەمدەۋ اترەتى 1 - ايدىڭ 28 - كۇنى بورىش ارقالاپ جولعا شىقتى، ەمدەۋ اترەتىنىڭ ورىنباسار باستىعى، شينجياڭ مەديتسينا داشۋەسىنە قاراستى 5 - شيپاحانانىڭ باستىعى دۇڭ شۇينان بىلاي دەدى: ”مەن پارتيا ۇزاق جىل تاربيەلەگەن كوممۋنيستىك پارتيا مۇشەسىمىن، اتويلاپ الدا ءجۇرۋ − مەنىڭ قىزمەت جاۋاپكەرشىلىگىم. مەن قوسىندى جاقسى باستاپ، قىزمەتتى جاقسى ىستەپ، بار كۇشىمدى سالىپ اناعۇرلىم كوپ ناۋقاستاردى قۇتقارىپ، ەمدەپ، پارتيا مەن حالىقتىڭ ماڭىزدى تاپسىرماسىن ورىندايمىن!“

(تىلشىلەر لي ياڭ، جاڭ جىلي، لۋ فىڭباۋ، سۇي يۇنيان، چاۋ جين، فۋ شياڭلۇڭ، التاي تىلشىلەر پۋنكتىنەن حۋ جۇنشيۋ، دۋ پىڭفي جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.