تيانشان تورى   ›   جاڭالىقتار   ›   سۋرەتتى حابار

اۆتونوميالى رايون بەينە جازبا ءماجىلىسىن اشىپ، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن اقىلداستى، ورنالاستىرۋ جاسادى

باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن باتىل دايەكتىلەندىرىپ، بار كۇشتى سالىپ، بۇقاراعا سۇيەنىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە بۇلجىماي، باتىل قول جەتكىزۋ كەرەك

چىن چۋانگو ءماجىلىستى باسقاردى ءارى ءسوز سويلەدى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 1 - ايدىڭ 28 - كۇنى ۇرىمجىدەن حابارلايدى. 1 - ايدىڭ 28 - كۇنى تۇستەن بۇرىن اۆتونوميالى رايون جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى بەينە جازبا ءماجىلىسىن اشىپ، باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن ىشكەرىلەي جەتكىزىپ، ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ قىزمەتىن اقىلداستى، ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ماجىلىسكە قاتىناستى ءارى ءسوز سويلەدى.

  ءماجىلىس مىنالاردى اتاپ كورسەتتى: باس شۋجي شي جينپيڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنە وسكەلەڭ ءمان بەرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باستان - اياق كوڭىل تورىنە قويىپ، تالاي رەت ءماجىلىس اشىپ، مالىمەت تىڭداپ، ماڭىزدى نۇسقاۋ بەرىپ، شىن جۇرەكپەن حالىقتى سۇيەتىن، بار نيەتپەن حالىق ءۇشىن ىستەيتىن تەرەڭ ىقىلاسىن تولىق ايگىلەدى، وزىمەن ساناسپاي، حالىقتىڭ قامىن ويلايتىن اسىل قاسيەتىن تولىق ايگىلەدى. 1 - ايدىڭ 27 - كۇنى باس شۋجي شي جينپيڭ قايتالاي ماڭىزدى نۇسقاۋ بەرىپ، ىندەتتەن ساقتانۋ - تىزگىندەۋگە ىشكەرىلەي ايقىن تالاپتار قويىپ، قالىڭ پارتيالى كادرلارعا اتوي دابىلى بۇيرىعىن بەردى. بۇكىل رايونداعى ءار دارەجەلى ورىندار، تاراۋلار، اسىرەسە، ءار دارەجەلى پارتيا ۇيىمدارى مەن قالىڭ پارتيالى كادرلار ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىمەن باتىل بىرلىككە كەلتىرىپ، حالىقتىڭ مۇددەسىن بارلىعىنان جوعارى قويۋعا تاباندى بولىپ، ءومىردى تايشان تاۋىنان دا ماڭىزدى ورىنعا قويۋعا تاباندى بولىپ، ىندەت − بۇيرىق، ساقتانۋ - تىزگىندەۋ − جاۋاپكەرشىلىك دەگەنگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي دايەكتىلەندىرىپ، تياناقتاندىرىپ، قاتەردەن قورىقپاي، كەۋدە كەرىپ العا شىعىپ، ەرلىكپەن كۇرەس جۇرگىزىپ، قىزمەتتى تىڭعىلىقتى ىستەپ، بۇكىل رايونداعى ءار ۇلت بۇقاراسىن ىنتىماقتاستىرىپ، باستاپ، سەنىمدى بەكەمدەپ، قيىندىقتى بىلەك بىرىكتىرە جەڭىپ، عىلمي تىزگىندەپ - ەمدەپ، دالمە - ءدال شارا قولدانىپ، ەل بىرلىگىنەن بەرىك قامال تۇرعىزىپ، جالپى جۇرت ءبىر نيەتتە جۇمىلىپ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋ كەرەك.

  ءبىرىنشى، تانىمدى تاعى دا جوعارىلاتۋ كەرەك. اۋەلگى ماقساتتى، بورىشتى ەستە بەرىپ ساقتاپ، سەنىمدى، بەكىمدى نىعايتىپ، قاتاڭ جاعدايدى جىعا تانىپ، اۋىر مىندەتتى ايقىنداپ، باتىل تۇردە ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە يگەرىپ، نەعۇرلىم ماشاقاتتى بولعان سايىن، سولعۇرلىم العا ىلگەرىلەپ، شارالاردى ونان ارى كۇشەيتىپ، جاۋاپكەرشىلىكتى بەكەمدەپ، ستيلدە بۇرىلىس جاساپ، قىزمەتتى ەگجەي - تەگجەيلى ىستەپ، ىندەتتى باقىلاۋ - ولشەۋ، اۋاشالاپ قۇتقارۋ - ەمدەۋ، زاتتىق ماتەريال قورى، ۇگىتتەۋ، جەتەكتەۋ سياقتى قىزمەتتەردى تىڭعىلىقتى جاقسى ىستەپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل، ويداعىداي قورعاۋ كەرەك.

  ەكىنشى، باسشىلىقتى تاعى دا كۇشەيتۋ كەرەك. جاعدايعا عىلمي تۇجىرىم جاساپ، ىندەت جاعدايىن دالمە - ءدال يگەرىپ، ءبىر تۇتاس باسشىلىققا، ءبىر تۇتاس قولباسشىلىققا، ءبىر تۇتاس ارەكەتكە تاباندى بولىپ، جاۋاپكەرشىلىك قىزمەت ءبولىسىن قاتايتىپ، سايكەسىپ قوسىلا ارەكەت ەتۋدى كۇشەيتىپ، كۇشتى شوعىرلاندىرىپ ۇلكەن ءىس تىندىرۋداي ءتۇزىم ابزالدىلىعىن تولىق ساۋلەلەندىرىپ، ەڭ قۋاتتى قىزمەت كۇشىن ۇيىمداستىرىپ، ەڭ قالىڭ حالىق بۇقاراسىنا سۇيەنىپ، ەڭ پارمەندى شارانى جولعا قويىپ، ىندەتتەن ساقتانۋ - تىزگىندەۋ قىزمەتىن باتىل تۇردە ويداعىداي يگەرۋ، ناقتى يگەرۋ، تۇبەگەيلى يگەرۋ كەرەك.

  ءۇشىنشى، ساقتانۋ - تىزگىندەۋدى تاعى دا جان - جاقتىلى ورنالاستىرۋ كەرەك. جوعارى ءونىمدى قولباسشىلىق ەتۋ، سايكەستىرۋ جۇيەسىن اقاۋسىزداندىرىپ، كەمەلدەندىرىپ، بىرلەسىپ ساقتانۋ، بىرلەسىپ تىزگىندەۋ شاراسىن جاپپاي تياناقتاندىرىپ، جان - جاقتىلى ىشكەرىلەگەن، قامتۋى تىعىز ىندەتتەن ساقتانۋ - تىزگىندەۋ تورىن قالىپتاستىرىپ، الەۋمەتتىك اۋماقتاعى، قىستاقتاعى توركوزدەندىرىپ ساقتانۋ - تىزگىندەۋدى، تۇبەگەيلى اداقتاپ تەكسەرۋ شاراسىن ىشكەرىلەي كۇشەيتىپ، شارالاردى ەگجەي - تەگجەيلى تياناقتاندىرىپ، ناقتى تياناقتاندىرىپ، قالتارىس قالماۋعا، بىردە - ءبىر ادامدى قاعىس قالدىرماۋعا شىنايى كەپىلدىك ەتۋ كەرەك.

  ءتورتىنشى، شارالاردى تاعى دا كۇشەيتۋ كەرەك. ادامداردى اداقتاپ تەكسەرۋ جانە باسقارۋ - تىزگىندەۋ تەبىنىن ىشكەرىلەي ارتتىرىپ، ىزىنە ءتۇسىپ باسقارۋدى، مەديتسينالىق باقىلاۋدى جانە اۋاشالاۋ شارالارىن قاتاڭ تياناقتاندىرىپ، ەرتە بايقاۋعا، ەرتە مالىمدەۋگە، ەرتە اۋاشالاۋعا، ەرتە ەمدەۋگە شىنايى كەپىلدىك ەتۋ؛ ەمدەۋ بايلىعىن ىشكەرىلەي بىرىكتىرىپ، ەمدەۋ جوباسىن كەمەلدەندىرىپ، ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، قۇتقارۋ - ەمدەۋ قىزمەتىنىڭ عىلمي، تارتىپپەن ورىستەتىلۋىنە شىنايى كەپىلدىك ەتۋ؛ شەشۋشى ورىنداعى جانە ءتۇيىندى ورىندارداعى باقىلاۋ - ولشەۋ تەبىنىن ىشكەرىلەي ارتتىرىپ، ايقاسپالى جۇعىمدالۋدان جانە ىندەتتىڭ جايىلۋىنان باتىل ساقتانۋ؛ ادامداردىڭ جىلجۋى مەن شوعىرلانۋىن ونان ارى ازايتىپ، تازالىق ساقتاۋ، زارارسىزداندىرۋ، اۋا اۋىستىرۋ سياقتى قىزمەتتەردى كۇشەيتىپ، ۆيرۋستىڭ تارالۋ ارناسىن ءونىمدى توسۋ؛ زاتتىق ماتەريال ءوندىرۋدى، ۇيىمداستىرۋدى جانە قامداۋدى ىشكەرىلەي جاقسى ىستەپ، تاسىمالدىڭ ىركىلىسسىزدىگىنە شىنايى كەپىلدىك ەتىپ، بازاردى باقىلاۋ - باسقارۋدى كۇشەيتىپ، بار امالمەن ەمدەۋ، قۇتقارۋ، ساقتىق بۇيىمدارىنىڭ، تۇرمىستىق زاتتىق ماتەريالدىڭ قامتاماسىزدىعىنىڭ جەتكىلىكتى بولۋىنا شىنايى كەپىلدىك ەتۋ كەرەك.

  بەسىنشى، جۇمىلدىرۋدى تاعى دا تەرەڭدەتۋ كەرەك. كەڭ كولەمدە ۇگىتتەپ، جۇمىلدىرىپ، ساقتىق بىلىمدەرىن، ساقتىق شارالارىن بارلىق ادامداردىڭ ءبىلۋىن جۇزەگە اسىرىپ، شارالاردى شىن مانىندە ءار مالىدە، ءار اۋىل - قالاشىقتا، ءار الەۋمەتتىك اۋماقتا، ءار قىستاقتا، ءار توركوزىندە، ءار وتباسىندا ناقتى تياناقتاندىرىپ، جۇرتشىلىقتىڭ سالاماتتىق تانىمى مەن ءوزىن قورعاۋ قابىلەتىن ۇزدىكسىز جوعارىلاتىپ، بۇقارالىق ساقتانۋ، بۇقارالىق ەمدەۋدىڭ قاتاڭ ساقتىق شەبىن ورناتىپ، بۇقارالىق ساقتانۋ، بۇقارالىق ەمدەۋدىڭ قۋاتتى بىرىككەن كۇشىن ۇيىستىرۋ كەرەك.

  التىنشى، جاۋاپكەرشىلىكتى تاعى دا ناقتىلاندىرۋ كەرەك. ءار دارەجەلى پارتيا ۇيىمدارىنىڭ باسشىلىق القالارى مەن باسشى كادرلار، اسىرەسە، نەگىزگى جاۋاپتى جولداستار قىزمەت ورنىنان تاپجىلماي، الدىڭعى شەپتە قولباسشىلىق ەتىپ، پارتيا، ۇكىمەت، ارميا، ساقشى، بيڭتۋان، حالىق سايكەسىپ قوسىلا ارەكەتتەنىپ، تىعىز سەلبەسىپ، نەگىزگى ساتى پارتيا ۇيىمدارى مەن قالىڭ پارتيالى كادرلاردىڭ جاۋىنگەر قورعاندىق رولى مەن اۆانگارد ۇلگىلىك رولدارىن باتىل، ويداعىداي ساۋلەلەندىرىپ، قالىڭ ەمدەۋ قىزمەتكەرلەرى سىننان ءوتىپ، اتويلاپ الدا ءجۇرۋ كەرەك. ۇگىت تەبىنىن ارتتىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە تاماشا راي قالىپتاستىرۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.