تيانشان تورى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى «پارتيانىڭ باسشىلىعىن كۇشەيتۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى ساياسي كەپىلدىك ازىرلەۋ جونىندەگى حابارلاندىرۋ»دى باسپ تاراتتى

  شينحۋا اگەنتتىگىنىڭ 1 - ايدىڭ 28 - كۇنى بەيجيڭنەن بەرگەن حابارى. جاقىندا جۇڭگو كوممۋنيستىك پارتياسى ورتالىق كوميتەتى «پارتيانىڭ باسشىلىعىن كۇشەيتۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى ساياسي كەپىلدىك ازىرلەۋ جونىندەگى حابارلاندىرۋ»دى باسپ تاراتتى. تولىعى تومەندەگىدەي:

  جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى تۋىلعاننان بەرى، باس شۋجي شي جينپيڭ وسكەلەڭ ءمان بەرىپ، ءبىرسىپىرا ماڭىزدى نۇسقاۋ بەرىپ، كوپ رەت ءماجىلىس باسقارىپ اشىپ، ىندەتتەن ساقتانۋ - تىزگىندەۋ قىزمەتىن اقىلداسىپ، ورنالاستىرىپ، ايقىن تالاپتاردى ورتاعا قويدى. 1 - ايدىڭ 27 - كۇنى باس شۋجي شي جينپيڭ ءار دارەجەلى پارتيا ۇيىمدارىنىڭ جانە قالىڭ پارتيا مۇشەلەرىنىڭ، كادرلاردىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدە بەلسەندى رول اتقارۋى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: ءار دارەجەلى پارتكومدار (پارتيا باسشىلىق گرۋپپالارى)، ءار دارەجەلى باسشىلىق القالار جانە باسشى كادرلار، نەگىزگى ساتى پارتيا ۇيىمدارى مەن قالىڭ پارتيا مۇشەلەرى اۋەلگى ماقساتتى ۇمىتپاي، بورىشتى ەستە بەرىك ساقتاپ، كەۋدە كەرە العا شىعىپ، ەرلىكپەن كۇرەس جۇرگىزىپ، تىڭعىلىقتى قىزمەت ىستەپ، قالىڭ حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىتپاي ناقتى تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك. ءار دارەجەلى پارتكومدار (پارتيا باسشىلىق گرۋپپالارى) باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە پارمەندى ساياسي كەپىلدىك ازىرلەۋ كەرەك. وسىعان قاتىستى ىستەر جونىندە مىنانى حابارلاندىرامىز:

  ىندەت − بۇيرىق، ساقتانۋ - تىزگىندەۋ − جاۋاپكەرشىلىك. ىندەت جەدەل ورشىگەن اۋىر جاعداي الدىندا، ءار دارەجەلى پارتكومدار (پارتيا باسشىلىق گرۋپپالارى) ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى نۇسقاۋىنىڭ رۋحىمەن شىنايى بىرلىككە كەلتىرىپ، ارقالاعان جاۋاپكەرشىلىك پەن بورىشتى جىعا تانىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ جانە ەمدەۋ، دالمە - ءدال شارا قولدانۋ تالابى بويىنشا قىزمەتتى شىنايى ويداعىداي ىستەپ، حالىقتىڭ مۇددەسى بارىنەن جوعارى تۇراتىندىعىن ەستە بەرىك ساقتاپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ۇيىمداستىرىپ، جۇمىلدىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدى كەزەكتەگى كەلەلى ساياسي مىندەت ەتىپ، ىندەتتەن ساقتانۋ - تىزگىندەۋدىڭءبىرىنشى شەبىنە بارۋدى اۋەلگى ماقسات پەن بورىشتى امالياتتا ايگىلەۋدىڭ، جاۋاپكەرشىلىك ارقالاۋدى ايگىلەۋدىڭ سىنتاسى جانە قايراعى ەتىپ، پارتيانىڭ ساياسي ابزالدىلىعىن، ۇيىمدىق ابزالدىلىعىن، بۇقارامەن ەتەنە بايلانىس ورناتۋ ابزالدىلىعىن ىندەتتەن ساقتانۋ - تىزگىندەۋدىڭ پارمەندى ساياسي ابزالدىلىعىنا اينالدىرىپ، پارتيا ورتالىق كوميتەتىنىڭ كەلەلى شەشىمدەرىنىڭ، ورنالاستىرۋلارىنىڭ دايەكتىلەنۋىنە، تياناقتانۋىنا شىنايى كەپىلدىك ەتىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋ كەرەك.

  ءار دارەجەلى پارتكومدار (پارتيا باسشىلىق گرۋپپالارى) قالىڭ پارتيا مۇشەلەرىن، كادرلاردى، اسىرەسە، باسشى كادرلاردى ىندەتتەن ساقتانۋ - تىزگىندەۋ كۇرەسىندە كەۋدە كەرىپ العا شىعۋعا، جۇرەكتىلىكپەن كۇرەس جۇرگىزۋگە، تىڭعىلىقتى قىزمەت ىستەۋگە، سىننان ءوتىپ، ءوز جاۋاپكەرشىلىگىن بىلۋگە، ءوز جاۋاپكەرشىلىگىن ارقالاۋعا، ءوز جاۋاپكەرشىلىگىن ادا ەتۋگە ىنتالاندىرۋ، جەتەكتەۋ كەرەك. ىندەتتەن ساقتانۋ - تىزگىندەۋدىڭ ءبىرىنشى شەبىندە كادرلاردى تەكسەرىپ، تانىپ، باعالاپ، ىستەتىپ، باسشىلىق القا مەن باسشى كادرلاردىڭ ىندەتتەن ساقتانۋ - تىزگىندەۋ كۇرەسىندەگى ناقتى بەينەسىن ونىڭ ساياسي ساپاسىن، ءتۇبىرلى ماقسات تانىمىن، جالپى جاعداي ۇستانىمىن، مەڭگەرۋ قابىلەتىن، جاۋاپكەرشىلىك ارقالاۋ رۋحىن تەكسەرۋدىڭ ماڭىزدى مازمۇنى ەتۋ كەرەك. بەينەسى كورنەكتى بولعانداردى ماداقتاپ، ماراپاتتاپ، باتىلدىقپەن ىستەتۋ؛ جاۋاپكەرشىلىك ارقالاۋعا باتىلى بارماعان، ستيلى تۇرلاۋسىز، تياناقتاندىرۋى پارمەنسىز بولعان، ءتىپتى، وتىرىك سويلەپ، جالعان ىستەپ، قىزمەت اتقارماعان، جاۋاپكەرسىزدىك ىستەگەندەردى قاتاڭ جاۋاپقا تارتۋ كەرەك. ءار دارەجەلى ۇيىمداستىرۋ تاراۋلارى، ءتارتىپ تەكسەرۋ، باقىلاۋ - تەكسەرۋ تاراۋلارى ءار دارەجەلى پارتكومنىڭ باسشىلىعىندا، بەلسەندى، ىرىقتى تۇردە قىزمەت مىندەتىن اتقارىپ، رولدارىن ءونىمدى ساۋلەلەندىرۋ كەرەك.

  ءار دارەجەلى پارتكومدار (پارتيا باسشىلىق گرۋپپالارى) نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن جانە كوممۋنيستىك پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىن جاپپاي اتتانىسقا كەلتىرىپ، حاۋىپ - قاتەردەن جاسقانباۋ، قالتقىسىز ۇلەس قوسۋ رۋحىن اسقاقتاتىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە تاباندى تۇرىپ، قاي جەردە مىندەت قاتەرلى، اۋىر بولسا، سول جەردە پارتيا ۇيىمىنىڭ پارمەندى، مىعىم قىزمەتى بولۋدى، سول جەردە پارتيا مۇشەلەرى اۆانگارد بولىپ، ونەگە كورسەتۋىن ورىنداۋ كەرەك. نەگىزگى ساتى پارتيا ۇيىمدارى مەن پارتيا مۇشەلەرىن كەڭىنەن ۇيىمداستىرىپ، بىرلەسىپ ساقتانۋ، بىرلەسىپ تىزگىندەۋ شارالارىن تياناقتاندىرىپ، اۋدان، ءمالى باسقارماسى، قالاشىق، قالا، اۋىل، الەۋمەتتىك اۋماق سياقتى ساقتانۋ - قورعانۋ تورىن ورناتىپ، اقاۋسىزداندىرىپ، ىندەت جاعدايىن باقىلاۋ - ولشەۋ، اداقتاپ تەكسەرۋ، الدىن الا ساقتاندىرۋ، ساقتانۋ - تىزگىندەۋ سياقتى قىزمەتتەردى ويداعىداي ىستەپ، بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، قاتاڭ ساقتانىپ، ەشقانداي قالتارىس قالدىرماي، ىندەتكە قارسى تۇرۋدىڭ بۇقارالىق ساقتانۋ، بۇقارالىق ەمدەۋ مىعىم قورعانىس شەبىن قۇرۋ كەرەك. پارتيا قۇرىلىسىن جەتەكشى ەتۋگە تاباندى بولىپ، وڭىرلىك جونگە سالۋدى، تاراۋلاردىڭ جونگە سالۋىن، سالانىڭ جونگە سالۋىن، نەگىزگى ساتىنىڭ جونگە سالۋىن، مەكەمە - ورىنداردىڭ جونگە سالۋىن ورگانيكالى بىرلەستىرىپ، ىندەتتەن ساقتانۋ - تىزگىندەۋدىڭ عىلميلىعى مەن ونىمدىلىگىن شىنايى جوعارىلاتۋ كەرەك. ورگاندارداعى، كاسىپورىندارداعى، ءىسورىندارىنداعى، سونداي - اق قوعامدىق ۇيىمدارداعى پارتيا ۇيىمدارى ءبىر تۇتاس ورنالاستىرۋ بويىنشا، ءوز تاراۋىنىڭ، ءوز ورنىنىڭ، ءوز سالاسىنىڭ ساقتانۋ جانە تىزگىندەۋ قىزمەتىن تىڭعىلىقتى، ويداعىداي ىستەۋ كەرەك. پارتيا مۇشەلەرىن، كادرلاردى بۇقارالىق قىزمەتتى ويداعىداي ىستەۋگە، كوڭىل كۇيدى ورنىقتىرۋعا، سەنىمدى بەكەمدەۋگە، وسەك - اياڭعا سەنبەۋگە، وسەك - اياڭ تاراتپاۋعا، بۇقارانىڭ جان اشىرى جانە تايانىشى بولۋعا ۇيىمداستىرىپ، حالىق بۇقاراسىنا تىعىز ارقا سۇيەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك.

  ءار دارەجەلى پارتكومدار (پارتيا باسشىلىق گرۋپپالارى) دەنساۋلىق ساقتاۋ، سالاماتتىق سياقتى تاراۋلارمەن جانە مەكەمەلەرمەن بىرلەسىپ، مامانداردىڭ جانە ەمدەۋ قىزمەتكەرلەرىنىڭ اراسىنداعى پارتيا مۇشەلەرىن، كادرلاردى اۋىر جۇكتى جۇرەكتىلىكپەن ارقالاۋعا، قيىندىقتى ەڭسەرە ورگە ۇمتىلۋعا، مەديتسينالىق قۇتقارۋ - ەمدەۋ، عىلمي زەرتتەۋدە قامال الۋ، نەگىزگى ساقتانۋ سياقتى قىزمەت ورىندارىندا رول اتقارۋعا جۇمىلدىرۋ جانە تاڭداپ جىبەرۋ كەرەك. ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە قايراتتانا شايقاس جاساپ جاتقان ماماندارعا جانە ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، ناقتى، ەتەنە، تىڭعىلىقتى شارالار قولدانىپ، ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندەگى مامانداردىڭ جانە ەمدەۋ قىزمەتكەرلەرىنىڭ ءىس جۇزىندىك قيىنشىلىعىن شەشۋىنە كومەكتەسىپ، ولاردى ۋايىمنان ارىلتۋ كەرەك. ءار دارەجەلى پارتيا ۇيىمدارىنىڭ جانە قالىڭ پارتيا مۇشەلەرىنىڭ، كادرلاردىڭ ىندەتتەن ساقتانۋ - تىزگىندەۋ كۇرەسىندە جارىققا شىققان وزات تيپتەرى مەن اسەرلى ىزگى ىستەرىن دەر كەزىندە قورىتىندىلاپ، ۇگىتتەپ، ەل بىرلىگىنەن قامال الاتىن، بار كۇشپەن ۇمتىلاتىن، ۋاقىتتىق قيىندىقتى بىرگە جەڭەتىن قۋاتتى وڭ ەنەرگيا توپتاۋ كەرەك.

  ءار دارەجەلى پارتكومدار (پارتيا باسشىلىق گرۋپپالارى) پارتيا ۇيىمدارى مەن قالىڭ پارتيا مۇشەلەرىن، كادرلاردى ىندەتتەن ساقتانۋ - تىزگىندەۋ كۇرەسىندە رول اتقارۋعا جۇمىلدىرۋ جاعدايىن دەر كەزىندە پارتيا ورتالىق كوميتەتىنە مالىمدەۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.