كەزەكتە، جاڭا تيپتەگى ايدارشا ۆيروسپەن جۇعىمدالۋدان بولعان وكپە قابىنۋ ىندەتى بۇكىل ەل حالقىنىڭ كوڭىلىن الاڭداتىپ، قوعامداعى ءار سالا ىندەتكە سوققى بەرۋ ارەكەتىنە جابال اتسالىسىپ وتىر، الايدا، كەيبىر توراپكەرلەر انىقتاۋدان وتپەگەن جاعدايدا، ينتەرنەتتە ىندەت جايلى وسەك-اياڭ شىعارىپ جانە تاراتىپ، ناشار قوعامدىق ىقپال تۋدىردى، تاياۋدا شينجياڭ ۇيعۇر اۆتونوميالى رايوندىق ينتەرنەت ينفورماتسياسى كەڭسەسى، اۆتونوميالى رايوندىق قوعام حاۋىپسىزدىگى مەڭگەرمەسى اشكەرەلەۋ دەرەگىنە نەگىزدەلىپ، ينتەرنەتتەن پايدالانىپ ىندەت جايلى وسەك-اياڭ ينفورماتسياسىن شىعارعان جانە تاراتقان 12 تيپتىك دەلونى زاڭ بويىنشا تەكسەرىپ ءبىر جاقتىلى ەتتى. سونداي-اق «جۇڭحۋا حالىق رەسپۋبليكاسىنىڭ اماندىق باسقارۋ جازا زاڭى»، «ينتەرنەتتە ينفورماتسيالىق قىزمەت وتەۋدى باسقارۋ ءادىسى»، «شينجياڭ ۇيعۇر اۆتونوميالى رايونىنىڭ ينتەرنەتتە جالعان ينفورماتسيا تاراتۋدان ساقتانۋ جانە ونى جازالاۋ ەرەجەسى» سياقتى زاڭدارعا، زاڭ-ەرەجەلەرگە نەگىزدەلىپ، زاڭ، بەلگىلەمە بويىنشا ولارعا اكىمشىلىك جازا قولداندى.
1-دەلو: اقسۋ ايماعىنداعى توراپكەر مۋ xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 23-كۇنى توراپكەرلەر مۋ xتىڭ (ايەل، ۇيعۇر، 20 جاستا، نوپوسى تۇرعان جەر: اقسۋ ايماعىنىڭ توقسۋ اۋدانى) ءۇنحات توبىندا ”شينحۋا شيپاحاناسىنىڭ چۇڭميڭ بولىمشە شيپاحاناسى: كەشە تاڭعى ساعات 2دەن 13 مينۋت وتكەندە، x ەر، x ايەل جاڭا تيپتەگى جۇقپالى وكپە قابىنۋ ۆيروسىنان جۇعىمدالىپ ءولدى، ەڭ ۇلكەنى 35 جاستا، ەكى كىشكەنەسى ءبىر جاستا، شۇعىل قۇتقارۋعا قاتىناسقان شيپاگەرلەر اۋاشالاندىرىلدى، ورتالىقتاعى ءبىر تەلەۆيزيا قازىرشە بانان اسىرەسە نانحۇي بانانىن جەمەۋدى، x ادامنىڭ جۇعىمدالعاندىعىن حابارلادى“ دەگەن ىندەت جايلى وسەك-اياڭ ينفورماتسياسىن ويدان قيىستىرىپ تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى مۋ xكە اكىمشىلىك ىستەر بويىنشا قاماي تۇرۋ جازاسىن بەردى.
2-دەلو: بايىنعولين موڭعۇل اۆتونوميالى وبلىسىنداعى توراپكەر شيا xدىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 24-كۇنى توراپكەرلەر شيا x تىڭ (ايەل، ۇيعۇر، 20 جاستا، نوپوسى تۇرعان جەر: بايىنعولين وبلىسىنىڭ حىجيڭ اۋدانى) ءۇنحات توبىندا ”حىجيڭدا ەكى ادام ۆيروسپەن جۇعىمدالدى، ۋحاندا داشۋە وقىپ جاتقان ءبىر بالا قايتىپ كەلگەننەن كەيىن ونىڭ شەشەسى دە جۇعىمدالعان، ەكى ادام قازىر اۋاشالاندىرىلدى“ دەگەن ىندەت جايلى وسەك-اياڭ ينفورماتسياسىن ويدان قيىستىرىپ تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى شيا xعا اكىمشىلىك ىستەر بويىنشا قاماي تۇرۋ جازاسىن بەردى.
3-دەلو: ىلە قازاق اۆتونوميالى وبلىسىنداعى توراپكەر ياڭ xدىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 24-كۇنى توراپكەرلەر ياڭ xدىڭ (ەر، حانزۋ، 28 جاستا، نوپوسى تۇرعان جەر: ءۇرىمجى قالاسى) قولفون قىسقا حاتى ارقىلى ”گۋاڭدۇڭنان شينجياڭعا قاشىپ كەلگەن ناۋقاستار بار، x ادامنىڭ ءولۋىنە سەبەپشى بولدى“ دەگەن ىندەت جايلى وسەك-اياڭ ينفورماتسياسىن ويدان قيىستىرعاندىعىن جانە تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى ياڭ xكە اكىمشىلىك ىستەر بويىنشا قاماي تۇرۋ جازاسىن بەردى.
4-دەلو: ءۇرىمجى قالاسىنداعى توراپكەر شاۋ xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 24-كۇنى توراپكەرلەر شاۋ xدىڭ (ەر، حانزۋ، 28 جاستا، نوپوسى تۇرعان جەر: ءۇرىمجى قالاسىنىڭ ءۇرىمجى اۋدانى) قولفون كەلتەحاتى ارقىلى ”جاڭا تيپتەگى ايدارشا ۆيروسپەن جۇعىمدالۋدان بولعان وكپە قابىنۋ ادام ءولىمىن كەلتىرىپ شىعاردى، ۇرىمجىدە x ادام ءولدى، ۋحاندىقتاردىڭ بارلىعى اۋاشالاندىرىلىپ، تەكسەرۋگە الىندى“ دەگەن ىندەت جايلى وسەك-اياڭ ينفورماتسياسىن ويدان قيىستىرعاندىعىن جانە تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى شاۋ xكە اكىمشىلىك ىستەر بويىنشا قاماي تۇرۋ جازاسىن بەردى.
5-دەلو: اقسۋ ايماعىنداعى توراپكەر دي xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 25-كۇنى توراپكەرلەر دي xدىڭ (ايەل، ۇيعۇر، 31 جاستا، نوپوسى تۇرعان جەر: اقسۋ ايماعىنىڭ اقسۋ قالاسى) ءۇنحات توبىندا ”ەرتەڭ تاڭەرتەڭ ساعات 4تەن 4 جارىمعا دەيىن سىرتقا شىقپاڭدار، ويتكەنى ۇكىمەت ۇشاق ورنالاستىرىپ، زارارسىزداندىرۋ سۇيىق ءدارىسىن شاشادى، ءوزارا جەتكىزىپ قويىڭىزدار. حوتاندا x ادام ءولدى، جولدارعا دا ءتۇرلى قاراۋىل تۇيىندەرىن ورناتتى، تەڭىز ونىمدەرىن مۇمكىندىكتىڭ بارىنشا جەمەڭدەر“ دەگەن ىندەت جايلى وسەك-اياڭ ينفورماتسياسىن ويدان قيىستىرىپ تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى دي xكە اكىمشىلىك ىستەر بويىنشا قاماي تۇرۋ جازاسىن بەردى.
6-دەلو: ءۇرىمجى قالاسىنداعى توراپكەر لي xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 26-كۇنى توراپكەرلەر لي xدىڭ (ەر، حانزۋ، 39 جاستا، نوپوسى تۇرعان جەر: گانسۋ ولكەسىنىڭ گۋلاڭ اۋدانى) ”ۋحان قالاسى جاڭا تيپتەگى ايدارشا ۆيروسپەن جۇعىمدالۋدان بولعان وكپە قابىنۋ ىندەتىنەن ساقتانۋ جانە ونى تىزگىندەۋ قىزمەت گرۋپپاسنىڭ حابارلاندىرۋىن“ ”ءۇرىمجى قالاسى جاڭا تيپتەگى ايدارشا ۆيروسىمەن جۇعىمدالۋدان بولعان وكپە قابىنۋ ىندەتىنەن ساقتانۋ جانە ونى تىزگىندەۋ قىزمەت گرۋپپاسى كەڭسەسىنىڭ حابارلاندىرۋى (1-ءنومىرلى) "دەپ وزگەرتىپ، كوپتەگەن ءۇنحات توبىندا كوشىرىپ تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى لي xكە اكىمشىلىك ىستەر بويىنشا قاماي تۇرۋ جازاسىن بەردى.
7-دەلو: تارباعاتاي ايماعىنداعى توراپكەر ۋاڭ xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 27-كۇنى توراپكەرلەر لي xدىڭ (ەر، حانزۋ، 23 جاستا، نوپوسى تۇرعان جەر: تارباعاتاي ايماعىنىڭ شيحۋ قالاسى) ءۇنحات توبىندا ”ءۇرىمجى قازىر ىندەت ءوڭىرى، تۋىس-تۋعاندارىمىزدىڭ بارلىعىنا انىق تۇسىندىردىم، بۇل رەتكىسى شىنىمەن حاباردا كورگەندەي ونشا قاراپايىم ەمەس، قۇس تۇماۋى ەمەس، قايتا ىندەت، بۇكىل ەلدە ءىس جۇزىندە ولگەندەر سانى نەشە ون مىڭ“ دەگەن ىندەت جايلى وسەك-اياڭ ينفورماتسياسىن ويدان قيىستىرعاندىعىن جانە تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى ۋاڭ xكە اكىمشىلىك ىستەر بويىنشا قاماي تۇرۋ جازاسىن بەردى.
8-دەلو: ىلە قازاق اۆتونوميالى وبلىسىنداعى توراپكەر گۋ xدىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 27-كۇنى توراپكەرلەر گۋ xدىڭ (ەر، حانزۋ، 40 جاستا، نوپوسى تۇرعان جەر: ىلە وبلىسىنىڭ قۇلجا قالاسى) ءۇنحات توبىندا ”كەشە نەمەرە ءىنىم ماعان تەلەفون جالعاپ، ۋحانداعى جاعدايدىڭ حابارداعىدان دا x ەسە اۋىر ەكەندىگىن ايتتى، شيپاحانادا قۇتقاراتىن-ەمدەيتىن زاتتىق قۇرال-جابدىقتار جوق، شيپاگەرلەر قۇر قول ارپالىسۋدا، ۋحان شيپاحاناسىندا شىرەتكە تۇرعان ادامدار وتە كوپ، شيپاگەرلەر توتە قابىلدامايدى“ دەگەن ىندەت جايلى وسەك-اياڭ ينفورماتسياسىن ويدان قيىستىرعاندىعىن جانە تاراتقاندىعىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىگى ورگانى گۋ xكە اكىمشىلىك ىستەر بويىنشا قاماي تۇرۋ جازاسىن بەردى.
9-دەلو، سانجى حۇيزۋ اۆتونوميالى وبلىسىنداعى توراپكەر ليۋ xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 23-كۇنى، توراپكەرلەر ليۋ xتىڭ (ايەل، حانزۋ، 20 جاس، نوپوسى تۇرعان جەر: سانجى وبلىسىنىڭ سانجى قالاسى) ءۇنحات توبىندا ”ءبىز ويناي بەرەمىز بە، ەستۋگە قاراعاندا سانجىدا كوپتەگەن ادام جۇعىمدالىپتى، سانجىدا از بولعاندا x ادام، بۇل شىن، ەڭ جاقسىسى كوڭىل بولىڭىزدەر، بۇل رەت سونشالىقتى سالماقتى، جوعارى جاق ۇرەيلەندىرىپ الامىز دەپ الاڭداپ تاراتپاي وتىرعان كورىنەدى“ دەگەن ىندەت جايلى وسەك-اياڭ ينفورماتسياسىن ويدان قيستىرىپ تاراتقانىن اشكەرەلەگەن. انىقتاۋ ارقىلى ءارى قاتىستى زاڭدارعا، زاڭ-ەرەجەلەرگە ساي قوعام حاۋىپسىزدىگى ورگانى زاڭ بويىنشا ليۋ xكە تاربيەلەپ، سوگىس ايتۋ جازاسىن بەردى.
10-دەلو ءۇرىمجى قالاسىنداعى توراپكەر چى xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 25-كۇنى، توراپكەرلەر چى xتىڭ (ەر، حانزۋ، 37 جاس، نوپوسى تۇرعان جەر: شانشي ولكەسى بينشيان اۋدانى) ءۇنحات توبىندا ”شينجياڭدا جالپى x ادام ءولدى“ دەگەن ىندەت جايلى وسەك-اياڭ ينفورماتسياسىن ويدان قيستىرىپ تاراتقانىن اشكەرەلەگەن. انىقتاۋ ارقىلى ءارى قاتىستى زاڭدارعا، زاڭ-ەرەجەلەرگە ساي قوعام حاۋىپسىزدىك ورگانى چى xكە تاربيەلەپ، سوگىس ايتۋ جازاسىن بەردى ءارى 500 يۋان ايىپ سالدى.
11-دەلو: بايىنعولين مۇڭعۇل اۆتونوميالى وبلىسىنداعى توراپكەر سۇنx تىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 26-كۇنى، توراپكەرلەر سۇن xتىڭ (ايەل، حانزۋ، 45 جاس، نوپوسى تۇرعان جەر: بايىنعولين وبلىسى باعىراش اۋدانى) ءۇنحات توبىندا ”كورلادا ادەتتەگى ماسكانىڭ باعاسى تىم قىمباتتاپ كەتىپتى، كورلاداعى ەرەن بازارلار جابىلدى، توڭىرەكتەگى شاعىن دۇكەندەر تۇگەلدەي جابىلدى“ دەگەندى ويدان قيىستىرىپ وسەك-اياڭ ينفورماتسياسىن تاراتقانىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەلەرگە ساي، قوعام حاۋىپسىزدىك ورگانى زاڭ بويىنشا سۇن xكە تاربيەلەپ، سوگىس ايتۋ جازاسىن بەردى.
12-دەلو، قىزىلسۋ قىرعىز اۆتونوميالى وبلىسىنداعى توراپكەر زى xتىڭ ىندەت جايلى وسەك-اياڭ ينفورماتسياسىن تاراتۋ دەلوسى
2020-جىلى 1-ايدىڭ 26-كۇنى، توراپكەرلەر زى xتىڭ (ەر، ۇيعۇر، 25 جاس، نوپوسى: قىزىلسۋ وبلىسى اقتاۋ اۋدانى) ءۇنحات توبىندا ”كوپشىلىك ەندىگارى سىرتقا شىعا كورمەڭدەر، اقتاۋدا جاڭا عانا بىرەۋى بايقالدى، ول ۋحان داشۋەسىندە وقيدى ەكەن، ءۇيى ۇجىمە اۋىلىندا، قازىر اۋداندىق شيپاحانادا، الگىندە عانا بايقالدى“ دەگەن ىندەت جايلى وسەڭ-اياڭ ينفورماتسياسىن ويدان قيىستىرىپ، تاراتقانىن اشكەرەلەگەن. انىقتاۋ ارقىلى، ءارى قاتىستى زاڭدارعا، زاڭ-ەرەجەرگە ساي، قوعام حاۋىپسىزدىك ورگانى زاڭ بويىنشا زى xكە تاربيەلەپ، سوگىس ايتۋ جازاسىن بەردى.
ينتەرنەت كەڭىستىگى — زاڭ قۇرىعى جەتپەيتىن جەر ەمەس، وسەڭ-اياڭدى ويدان قيىستىرۋ، تاراتۋ قوعامدىق الەۋمەتتىك ءتارتىپتى بۇلدىرەتىن زاڭعا قايشى ارەكەت، ينتەرنەت ينفورماتسياسى، قوعام حاۋىپسىزدىگى تاراۋلارى زاڭ بويىنشا، ەرەجە بويىنشا قاتاڭ جازالايدى. ينتەرنەت ينفورماتسياسى تاراۋلارى، قوعام حاۋىپسىزدىگى ورگاندارى تاعى دا مىنانى ەسكەرتەدى: ىندەت ينفورماتسياسىن ءسوزسىز قۇزىرلى مەديالاردان، رەسىمي ارنالاردان ءبىلۋى كەرەك، كەلۋ قاينارى جوق، انىقتالۋى قيىن ىندەت ينفورماتسيالارىنا استە سەنبەۋ، تارتپاۋ، اسىرەسە، شىندىققا جاناسپايتىن ىندەت ينفورماتسيالارىن سۋبيەكتيۆ دولبارلاۋعا، ويدان قيىستىرىپ تاراتۋعا استە بولمايدى. قالىڭ توراپكەرلەردىڭ قاتىستى زاڭ، زاڭ - ەرەجەلەرگە قاتاڭ بويسۇنىپ، ينتەرنەتتەن مادەنيەتتى، زاڭ بويىنشا پايدالانۋىن، اقاۋسىز، ءتارتىپتى ينتەرنەت ورتاسىن بىرگە قورعاۋىن ءۇمىت ەتەمىز.
قالىڭ توراپكەرلەردىڭ ينتەرنەتتەگى زاڭعا قايشى ينفورماتسيالاردى بەلسەندى تۇردە اشكەرەلەۋىن قارسى الامىز، اشكەرەلەپ، ەڭبەك سىڭىرگەندەر دەر كەزىندە سيلانادى.
اشكەرەلەۋ ءتاسىلى:
تور ءادرىسى: www.xjwljb.com
تەلەفون: 2384777 - 0991
ەلەكتروندى حات ساندىعى: xjwljb@xjts.cn
ميكروبلوگ:新疆网络举报@
ءۇنحات الەۋمەتتىك تەكشەسى:新疆网络举报
ساقشىعا مالىمدەۋ، اشكەرەلەۋ تەلەفون ءنومىرى: 110
كەلتەحات ارقىلى ساقشىعا مالىمدەۋ ءنومىرى: 12110
