تيانشان تورى   ›   جاڭالىقتار   ›   ەل ءىشى حابارى

ورتالىق ىندەتكە شالدىققانداردى ەمدەۋ-قۇتقارۋ قاراجاتىن قامتاماسىزداندىرۋ ساياساتىن ايقىندادى

  شينحۋا اگەنتتىگىنىڭ 1-ايدىڭ 27-كۇنى بەيجيڭنەن بەرگەن حابارى (ٴتىلشى ليۋ حۇڭشيا، شىن چىڭ) جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە شالدىققانداردى ەمدەۋ-قۇتقارۋ قاراجاتىن قامتاماسىزداندىرۋ قىزمەتىن كۇشەيتۋ ٴۇشىن، قازىنا مينيسترلىگى، مەملەكەتتىك ەمدەۋ قامسىزداندىرۋ مەكەمەسى، مەملەكەتتىك دەنساۋلىق ساقتاۋ، سالاماتتىق كوميتەتى 1-ايدىڭ 27-كۇنى بىرلەسىپ قۇجات شىعارىپ، قاتىستى قامتاماسىزداندىرۋ ساياساتىن اناعۇرلىم ايقىندادى.

  وسىدان بۇرىن قازىنا مينيسترلىگى، مەملەكەتتىك ەمدەۋ قامسىزداندىرۋ مەكەمەسى بىرلەسىپ «جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنىڭ ەمدەۋ قامتاماسىزداندىرۋىن ويداعىداي ىستەۋ جونىندەگى شۇعىل ۇقتىرۋدى» باسىپ تاراتتى. بۇل «جاڭا تيپتەگى ۆيرۋسپەن جۇعىمدالۋدان بولعان وكپە ىندەتىنىڭ ەمدەۋدى قامتاماسىزداندىرۋ قىزمەتىن ويداعىداي ىستەۋ جونىندەگى قوسىمشا ۇقتىرۋىندا» ٴۇش تاراۋ بىلاي دەپ ايقىن بەلگىلەدى: دياگنوز قويىلعان ناۋقاستاردىڭ ەمدەلۋ قاراجاتىن قامتاماسىزداندىرۋدى تالاپ بويىنشا ويداعىداي ىستەۋ نەگىزىندە، ىندەت تارالعان مەزگىلدە، دەنساۋلىق ساقتاۋ، سالاماتتىق تاراۋلارىنىڭ جاڭا تيپتەگى ۆيرۋسپەن جۇعىمدالۋدان بولعان وكپە قابىنۋى ىندەتىن ەمدەۋ جوباسىندا تۇراقتاندىرىلعان كۇماندى ناۋقاستاردىڭ (باسقا جەردە ەمدەلگەن ناۋقاستاردى قامتيدى) ەمدەلۋ قاراجاتىنداعى نەگىزگى ەمدەۋ قامسىزداندىرۋى، سالماقتى اۋرۋلار قامسىزداندىرۋى، ەمدەۋ - قۇتقارۋ سياقتىلار بەلگىلەمە بويىنشا تولەنگەننەن كەيىن، ٴوزى ۇستىنە الاتىن بولەگىنە ەمدەلگەن جەر قازىنالىق كومەك قاراجاتى ساياساتىن بەلگىلەيدى ٴارى قارجى ورنالاستىرادى، جالپىلىق قامتاماسىزداندىرۋ اتقارىلىپ، ورتالىق قازىنا جاعدايعا قاراي لايىقتى كومەك قاراجاتىن بەرەدى.

  قوسىمشا ۇقتىرۋدا مىنالار اتاپ كورسەتىلدى: باسقا جەردە ەمدەلىپ دياگنوز قويىلعان ناۋقاستاردىڭ ەمدەلۋ قاراجاتىنداعى ٴوزى ۇستىنە الاتىن بولەگىن ەمدەلگەن جەر «قازىنا مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ-تىزگىندەۋگە قاتىستى قاراجاتتى قامتاماسىزداندىرۋ ساياساتى جونىندەگى ۇقتىرۋىنداعى» قاتىستى بەلگىلەمەلەر بويىنشا اتقارادى. ياعني باسقا جەردە ەمدەلىپ، دياگنوز قويىلعان ناۋقاستاردىڭ ەمدەلۋ قاراجاتىنداعى نەگىزگى ەمدەۋ قامسىزداندىرۋى، سالماقتى ناۋقاستار قامسىزداندىرۋى، ەمدەۋ - قۇتقارۋ سياقتىلار بەلگىلەمە بويىنشا تولەگەننەن كەيىن، ٴوزى ۇستىنە الاتىن بولەگىنە قازىنادان كومەك قاراجات بەرىلەدى. قاجەتتى قارجىنى ەمدەلگەن جەردىڭ قازىناسى الدىمەن تولەيدى، ورتالىق قازىنا ەمدەلگەن جەردىڭ قازىناسىنا ناقتى جۇمسالعان قاراجاتتىڭ % 60ى بويىنشا قوسىمشا قاراجات بەرەدى.

  مۇنان سىرت، قوسىمشا ۇقتىرۋدا جەر-جەردەن ەمدەۋ قامسىزداندىرۋىنىڭ ەسەپتەن كوتەرۋ كولەمىن جاعدايعا قاراي رەتتەپ، ىندەتتەن ساقتانۋ-تىزگىندەۋگە قاتىستى ٴدارى - دارمەك پەن ماتەريالداردى ساتىپ الۋ جانە باعانى باقىلاۋ-تەكسەرۋ قىزمەتىن سەلبەسىپ ويداعىداي ىستەپ، ينفورماتسيا جيناۋ، جوعارىعا مالىمدەۋ ٴتۇزىمىن ورناتۋ تالاپ ەتىلدى.

اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.