تيانشان تورى   ›   جاڭالىقتار   ›   ەل ءىشى حابارى

لي كىچياڭ ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ ءماجىلىسىن باسقارىپ اشتى

ىندەتتەن ساقتانۋ - تىزگىندەۋ جاعدايىن ىشكەرىلەي اقىلداسىپ، ساقتانۋ - تىزگىندەۋ قىزمەتىن باعىتتامالى كۇشەيتۋ تۋرالى ورنالاستىرۋ جاسادى

  شينحۋا اگەنتتىگىنىڭ 1 - ايدىڭ 29 - كۇنى بەيجيڭنەن بەرگەن حابارى. 1 - ايدىڭ 29 - كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ باستىعى لي كىچياڭ باسشىلىق ەتۋ گرۋپپاسىنىڭ ءماجىلىسىن باسقارىپ اشىپ، ىندەتتەن ساقتانۋ - تىزگىندەۋ جاعدايىن ىشكەرىلەي اقىلداسىپ، ساقتانۋ - تىزگىندەۋ قىزمەتىن باعىتتامالى كۇشەيتۋگە ورنالاستىرۋ جاسادى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىقتىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە توتەپ بەرۋ قىزمەتىنە باسشىلىق ەتۋ گرۋپپاسىنىڭ ورىنباسار باستىعى ۋاڭ حۋنيڭ قاتىناستى.

  ءماجىلىس مىنالاردى اتاپ كورسەتتى: ءار دارەجەلى پارتكوم مەن ۇكىمەت، ءسوزسىز، باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە ورتالىقتىڭ حابارلاندىرۋىنىڭ رۋحىن باتىل دايەكتىلەندىرىپ، تياناقتاندىرىپ، حالىق مۇددەسى بارىنەن جوعارى تۇرادى دەگەندى ەستە بەرىك ساقتاپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ جانە ەمدەۋ، دالمە - ءدال شارا قولدانۋ تالابىن جاپپاي دايەكتىلەندىرىپ، بارىنشا قۇلشىنىپ، عىلمي، جان - جاقتىلى شارالاردى اتقارىپ، ىندەتتىڭ ءورشۋ، تارالۋ جاعدايىن اۋىزدىقتاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزىپ، حالىق بۇقاراسىنىڭ باس اماندىعى مەن دەنساۋلىعىن ويداعىداي قورعاۋ كەرەك.

  ءماجىلىس مىنالاردى باسا دارىپتەدى: كەزەكتە ىندەتتەن ساقتانۋ - تىزگىندەۋ جۇيەلى، كەمەلدى بولۋ كەرەك، دالمە - ءدال مەڭگەرۋ − ءتۇيىن. حۋبەي ولكەسىنىڭ جانە ۋحان قالاسىنىڭ ىندەتتەن ساقتانۋ - تىزگىندەۋ قىزمەتىن ونان ارى كۇشەيتۋ كەرەك. دالمە - ءدال شارا اتقارىپ تۇتاس مەملەكەتتە ىندەتتىڭ تارالۋىن اۋىزدىقتاۋ كەرەك. ولكە ارالىق بىرلەسىپ ساقتانۋدىڭ، بىرلەسىپ قيمىلداۋدىڭ ءونىمدى، سايكەستى مەحانيزمىن ورناتۋ كەرەك. ىندەتتەن ساقتانۋ - تىزگىندەۋ ينفورماتسياسىن دەر كەزىندە اشىق، جاريالى حابارلاندىرۋ كەرەك. جەر - جەر جەكە - جەكە ناۋقاس قابىلداۋ، شوعىرلى جيناپ ەمدەۋ قۋاتىن كۇشەيتۋ كەرەك. ۆاكسينانى زەرتتەۋ - جاساۋ اياق الىسىن جەدەلدەتۋ كەرەك. قالا، الەۋمەتتىك اۋماق جانە اۋىل - قىستاق وڭىرلەرىنىڭ ىندەتتەن توركوزدەندىرىپ ساقتانۋ - تىزگىندەۋىن ونان ارى كۇشەيتۋ كەرەك.

  ءماجىلىس مىنالاردى اتاپ كورسەتتى: مەديتسينالىق ساقتانۋ - تىزگىندەۋ زاتتىق ماتەريالدارىمەن قامتاماسىز ەتۋدى بار كۇشپەن ويداعىداي ىستەپ، ءتۇيىندى زاتتىق ماتەريالداردىڭ سەپتەلۋ جانە قولدانىلۋ كولەمىن عىلمي جولمەن ساپالىلاندىرۋ كەرەك. جەر - جەر مەديتسينالىق قورعانۋ كيىمى، ماسكى، مەديتسينالىق تۇيىق كوزىلدىرىك، تەرىس قىسىمدى قۇتقارۋ ماشيناسى، قاتىستى ءدارى - دارمەكتەردى، ت. ب وندىرەتىن كاسىپورىنداردى جۇمىستى، ءوندىرىستى قايتا قالپىنا كەلتىرۋگە جەدەل ۇيىمداستىرىپ، سالىق، فينانس سياقتى قولداۋ ساياساتتارىن اقىلداسۋ، اتقارۋ كەرەك. ەلەكتروندىق ساۋدا تەكشەلەرىن قامتىعان زات اينالىمى كاسىپورىندارىنىڭ جەتكىزۋ سياقتى قىزمەتتەردى ويداعىداي ىستەۋىنە جەتەكشىلىك ەتۋ كەرەك. ەل ءىشى - سىرتىنىڭ اتاعان جىلۋلارىن ءبىر تۇتاس قابىلداۋ جانە ۇلەستىرۋ كەرەك. تۇرمىسقا قاجەتتى بۇيىمداردىڭ قالىپتى قامدالۋىن شىنايى قامتاماسىز ەتىپ، قاتىناس - تاسىمالدىڭ ىركىلىسسىزدىگىن ساقتاپ، شۇعىل تاسىمال مىندەتىن اتقاراتىن كولىكتەردى الدىمەن قاتىناتىپ، تەگىن قاتىناتىپ، كومىردىڭ، ەلەكتردىڭ، جانار ماي مەن گازدىڭ ءتۇيىندى قامدالۋىنا كەپىلدىك ەتىپ، ىندەتتەن ساقتانۋ - تىزگىندەۋ، مەرەكەدەن كەيىنگى جۇمىس باستاۋ سياقتى جاقتارداعى ەنەرگيامەن قامتاماسىز ەتۋ قىزمەتىن بار كۇشپەن ويداعىداي ىستەۋ كەرەك. كوپ شارانى قاتار قولدانىپ، بازارداعى زات باعاسىن ورنىقتىرۋ كەرەك.

  ءماجىلىس مىنالاردى اتاپ كورسەتتى: مەرەكەدەن كەيىن ادامداردىڭ قايتا ورالۋىنا بايلانىستى ساقتانۋ - تىزگىندەۋ قىزمەتىن شىنايى، ويداعىداي ىستەۋ كەرەك. قاربالاس كەزدىڭ اراسىن الشاقتاتىپ، تارتىپپەن تاراتىپ، قاتىستى ورىنداردىڭ ىندەت ءجيى تۋىلعان جەرلەردەگى ادامداردىڭ، شۇعىل ەمەس قىزمەت ورىنداعى ادامداردىڭ لايىقتى كەشىگىپ قايتۋىنا رۇقسات ەتۋىنە جەتەكشىلىك ەتىپ، قاتەرى جوعارى ادامداردىڭ ۇيىندە قالىپ باقىلاۋدا بولۋ ۋاقىتىن ۇزارتۋ نەمەسە ۇيىندە قالىپ ينتەرنەتتە جۇمىس جۇرگىزۋىن جولعا قويۋ كەرەك. قاتىناس قۇرالدارىنىڭ، الاڭ، بەكەت، كەمەجايلاردىڭ اۋاسىن الماستىرۋ، زارارسىزداندىرۋ، دەنە تەمپەراتۋراسىن ولشەۋ سياقتى شارالاردى ناقتى، ەگجەي - تەگجەيلى تياناقتاندىرۋ كەرەك. حۋبەي سياقتى ىندەت جاعدايى سالماقتى ولكە، قالالار زاڭ بويىنشا مەملەكەتتىك كەڭەستىڭ بەكىتۋىمەن، جۇمىس، ءوندىرىس، ساباق باستاۋدى ۇيلەسىمدى كەشەۋىلدەتۋ سياقتى قاجەتتى شارالار قولدانۋىنا بولادى، شەتەلدە ايالداپ قالعان ساياحاتشىلاردىڭ ەلگە ورالۋ ماسەلەسىن لايىقتى ءبىر جاقتى ەتۋ كەرەك.

  ءماجىلىس مىنالاردى تالاپ ەتتى: مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى ورتالىقتىڭ ىندەتكە توتەپ بەرۋگە باسشىلىق ەتۋ گرۋپپاسىنىڭ باسشىلىعىندا، ءار كۇنگى كەزەكتى ءماجىلىس ءتۇزىمىن كەمەلدەندىرىپ، ىندەتتىڭ ۇلعايۋ جاعدايىن كەڭەسىپ، اقىلداسىپ، جەرگىلىكتى ورىنداردىڭ ىندەتتەن ساقتانۋ - تىزگىندەۋ قىزمەتىن كۇشەيتۋىنە جەتەكشىلىك، قۋزاۋشىلىق ەتىپ، ىندەتتەن ساقتانۋ - تىزگىندەۋ زاتتىق ماتەريالدارىن مەملەكەت بويىنشا ءبىر تۇتاس جونەلتۋ ءتۇزىمىن ورناتىپ، ساقتانۋ - تىزگىندەۋ قىزمەتىنىڭ پارمەندى، ءتارتىپتى، عىلمي، ەگجەي - تەگجەيلى ىلگەرىلۋىنە شىنايى كەپىلدىك ەتۋ كەرەك.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.