تيانشان تورى   ›   جاڭالىقتار   ›   شينجياڭ حابارلارى

ءبىرىنشى شەپتە اتوي سالىپ، ىندەتكە قارسى اتتاندى

اۆتونوميالى رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات دايەكتىلەندىردى −

ءبىرىنشى شەپتە اتوي سالىپ، ىندەتكە قارسى اتتاندى

شينجياڭ گازەتىنىڭ جالپىلىق اقپارات قۇرالدارى تىلشىلەرى

  ”پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتەيىك“. باس شۋجي شي جينپيڭنىڭ 1 - ايدىڭ 27 - كۇنى بەرگەن ماڭىزدى نۇسقاۋى قاتاڭ دا ايقىن بۇيرىق، ونان دا ماڭىزدىسى، پارمەندى اتتانىسقا كەلتىرۋ بولىپ، اۆتونوميالى رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلاردى جاۋىنگەر قورعاندىق جانە اۆانگارد ۇلگىلىك رولدارىن تولىق ساۋلەلەندىرىپ، اۋەلگى ماقساتتى ارەكەتتە ايگىلەپ، بورىشتى قىزمەت ورنىندا تياناقتاندىرۋعا، ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اتوي سالىپ، حالىق بۇقاراسىنا تىعىز ارقا سۇيەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە شابىتتاندىردى جانە ىنتالاندىردى.

بەرىك جاۋىنگەر قورعان

  ينفورماتسيالاردى تىزىمگە الۋ، زارارسىزداندىرۋ سۇيىقتىعىن بۇركۋ... 1 - ايدىڭ 28 - كۇنى ءۇرىمجى قالاسى تيانشان رايونى باقىت جولى اۋماعىن باسقارۋ كوميتەتى باقىت جولى وڭتۇستىك الەۋمەتتىك اۋماعىنداعى ءارقايسى شاعىن اۋماقتاردىڭ كىرۋ ەسىگىندە، قىزمەتكەرلەر كىرگەن - شىققان اۆتوكولىكتەر مەن تۇرعىندارعا ءتارتىپتى، جۇيەلى تۇردە ىندەتتەن ساقتانۋ - تىزگىندەۋ قىزمەتىن ورىستەتىپ جاتتى. بىرنەشە كۇننەن بەرى، وسى الەۋمەتتىك اۋماق نەگىزگى ساتى پارتيا ۇيىمىنىڭ جاۋىنگەر قورعاندىق رولىن تولىق ساۋلەلەندىرىپ، پارتيا مۇشەلەرى باستاماشى بولىپ ىندەتتەن ساقتانۋ - تىزگىندەۋدىڭ ءبىرىنشى شەبىندە قايراتتانا شايقاس جۇرگىزىپ، ءتۇرلى ساقتانۋ - تىزگىندەۋ شارالارىن ءاربىر كورپۋسقا، ءاربىر تۇرعىنعا دەيىن ۇگىتتەدى، تياناقتاندىردى.

  ”وسى جولى توسىننان تۋىلعان ىندەت پارتيالى كادرلاردىڭ پارتيالىق ەركى جونىنەن سىناق سانالادى، ءبىز ءار ۇلت تۇرعىندارىنىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولۋ پوزيتسياسىندا، ءتۇرلى ساقتانۋ - تىزگىندەۋ قىزمەتىن تىڭعىلىقتى ويداعىداي تياناقتاندىرامىز“، - دەدى باقىت جولى وڭتۇستىك الەۋمەتتىك اۋماعى قىزمەت كوميتەتىنىڭ مەڭگەرۋشىسى ما يۋە.

  1 - ايدىڭ 28 - كۇنى قۇلجا قالاسى قاراءدوڭ اۋىلى جيڭيۋان الەۋمەتتىك اۋماعى پارتيا ياچەيكاسىنىڭ شۋجيى جۋ تۇڭيۇي اسىعىس - ۇسىگىس كەتىپ بارا جاتىپ، ”جيڭيۋان الەۋمەتتىك اۋماعىندا 10 مىڭنان استام تۇرعىن بار، الەۋمەتتىك اۋماق پارتيا ياچەيكاسى جاۋىنگەر قورعاندىق رولىن تولىق ساۋلەلەندىرىپ، ىندەتتەن ساقتانۋ - تىزگىندەۋ قىزمەتىن باتىل، ويداعىداي ىستەيمىز“، - دەدى. 30 نەشە قىزمەتكەر گرۋپپالارعا ءبولىنىپ كەزەكپەن شاعىن اۋماقتاردى كۇزەتىپ، كىشكەنە لابامەن تۇرعىندارعا ىندەتتەن ساقتانۋ - تىزگىندەۋ بىلىمدەرىن ۇگىتتەۋدە... الەۋمەتتىك اۋماق پارتيا ياچەيكاسىنىڭ باستاۋىندا، جيڭيۋان الەۋمەتتىك اۋماعىنىڭ ساقتانۋ - تىزگىندەۋ شارالارى ءبىر - بىردەن ناقتى تياناقتاندى.

  ”ىندەتتەن ساقتانۋ - تىزگىندەۋ − حالىق ءۇشىن ىستەۋ سۇيىسپەنشىلىگىن قاداعالايدى، جاۋاپكەرشىلىك ارقالاۋدى سىنايدى. ءبىز اۋەلگى ماقساتتى ارەكەتتە ايگىلەپ، بورىشتى قىزمەت ورنىمىزدا تياناقتاندىرامىز“، - دەيدى اراتۇرىك اۋدانى اراتۇرىك قالاشىق پارتكومىنىڭ شۋجيى ۋي ۋي. ۋي ۋيدىڭ تانىستىرۋىنشا، اراتۇرىك قالاشىعىنداعى 146 پارتيا مۇشەسى ىندەتتەن ساقتانۋ - تىزگىندەۋدىڭ ءبىرىنشى شەبىندە تاپجىلماي، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋدا ەكەن.

شەشۋشى ساتتە اتويلاپ الدا ءجۇردى

  قاي جەردە ىندەت بولسا، پارتيالى كادرلار سول جەردە شايقاس جۇرگىزدى. وسى رەتكى ىندەتتەن ساقتانۋ - تىزگىندەۋ توسقاۋىل شايقاسىندا رايونىمىزداعى قالىڭ پارتيالى كادرلار ەرلىكپەن الدا ءجۇرىپ، قىزمەتتى تىڭعىلىقتى ىستەپ، ءاربىر پارتيا مۇشەسى ءبىر نارت قىزىل تۋ بولا الدى.

  ”شەشۋشى ساتتە پارتيا مۇشەسى اتويلاپ الدا جۇرمەسە، كىم اتويلاپ شىعادى؟“ 1 - ايدىڭ 29 - كۇنى ساعات 11دە شينجياڭ مەديتيسينا داشۋەسىنە قاراستى 1 - شيپاحانانىڭ جۇقپالى اۋرۋلار ءبولىمىنىڭ جاۋاپتى شيپاگەرى جىڭ رۇڭجيۇڭ كەزەكشىلىگىن وتكىزىپ بەرىپ جاتتى، كوزىنىڭ ءىشى قانتالاپ كەتىپتى. قورعانۋ كيىمىن شەشكەننەن كەيىن، ۇزاق ۋاقىت قورعانۋ ماسكىسىن تاققاندىقتان، ونىڭ كەڭسىرىگىنىڭ ۇستىندە اپ - انىق بەلگى ءتۇسىپتى. 1 - ايدىڭ 23 - كۇنى شينجياڭ مەديتسينا داشۋەسىنە قاراستى 1 - شيپاحانانىڭ جۇقپالى اۋرۋلار ءبولىمى شۇعىل دايىندىق جوباسىن ىسكە قوسقاننان بەرى، جىڭ رۇڭجيۇڭ مەن قىزمەتتەستەرى بالنيتسادا 24 ساعات ناۋقاس قابىلدادى. ول تىلشىگە: بۇل بولىمدەگى شيپاگەرلەر مەن سەسترالار اراسىندا 22 پارتيا مۇشەسى بار، بارلىعى شۇعىل، قيىن، حاۋىپتى قىزمەت ورىندارىنان تاپجىلمادى، ءارى - ءسارى بولعان، شەگىنشەكتەگەن، قينالدىم، شارشادىم دەگەن بىردە - ءبىر ادام بولمادى، - دەدى. ”ەل بىرلىگىنەن قامال تۇرعىزساق، ەڭ سوڭىندا ىندەتتى، ءسوز جوق، جەڭىپ شىعامىز“، - دەدى جىڭ رۇڭجيۇڭ كوكىرەك تولى سەزىممەن.

  1 - ايدىڭ 29 - كۇنى ساعات 13تە ءۇرىمجى بەكەتىنىڭ بەلەت تەكسەرۋ ەسىگىندە، C8110 كەزەكشى پويەزىنا شىعۋعا دايىندالعان ساياحاتشىلار تارتىپپەن قاتارعا تۇرىپ بەلەت تەكسەرتتى، بەلەت تەكسەرۋ قىزمەتكەرى چىن سىچي، ءبىر جاعىنان، ساياحاتشىلارعا نازار اۋداراتىن ىستەردى ەسكەرتسە، ەندى ءبىر جاعىنان، قارت، ءسابي، ناۋقاس، مۇگەدەك، ەكىقابات ساياحاتشىلاردى جاسىل ارناعا باستاپ بەلەتتەرىن الدىن الا تەكسەرتتى. كوكتەم مەرەكەسى كەزىندە، 25 جاستاعى چىن سىچي ىرىقتىلىقپەن ۇستەمە قىزمەت ىستەپ، كەزەكشى بولۋدى تالاپ ەتىپ: ”مەن پارتيا مۇشەسىمىن، وسى كەزدە اتويلاپ الدا ءجۇرۋىم كەرەك“، - دەدى.

  ”ماڭىزدى كەزەڭدە جانە قىسىلتاياڭ ساتتە، پارتا مۇشەلەرى باتىلدىقپەن اتويلاپ الدا ءجۇرىپ، بۇقارانى باستاۋ، ۇيىستىرا ءبىلۋ كەرەك“، - دەدى 1 - ايدىڭ 28 - كۇنى شىحىزى قالاسى لاۋجيە كوشەسى ءمالى باسقارماسى شياۋبايياڭ الەۋمەتتىك اۋماق تۇرعىندار كوميتەتىنىڭ مەڭگەرۋشىسى، جۇڭگو كوممۋنيستىك پارتياسىنىڭ مۇشەسى جوۋ چىڭجۇن باتىلدىقپەن. شياۋبايياڭ الەۋمەتتىك اۋماعىندا 3500دەن استام تۇرعىن بار، ىندەتكە توتەپ بەرۋ ءۇشىن جوۋ چىڭجۇن باس بولىپ كۇزەتكە تۇردى، تاماعى، جاتاعى تۇگەلدەي الەۋمەتتىك اۋماقتا بولدى. ونىڭ باستاۋىندا، الەۋمەتتىك اۋماقتىڭ 12 كادرى باستان - اياق قىزمەت ورىندارىنان تاپجىلمادى، 5 پارتيا مۇشەسى، ءتىپتى، اتويلاپ الدا ءجۇرىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە تىنىم تاپپادى.

بۇقارالىق ساقتانۋ، بۇقارالىق ەمدەۋدىڭ تىعىز قورعانىس شەبىن قالىپتاستىردى

  ”توپ پارتكومى دەر كەزىندە ورنالاستىرۋ جاساپ، پارتيا مۇشەلەرى باستاماشى بولىپ، بارلىق قىزمەتكەرلەر قىزمەت ورىندارىنان تاپجىلماي زارارسىزداندىرۋ ونىمدەرىنىڭ شيكىزات سۇيىقتىعىن قاربالاس ءوندىردى“، - دەدى 1 - ايدىڭ 27 - كۇنى سەحتا قاربالاس جۇرگەن شينجياڭ جۇڭتاي شينشين حيميا ونەركاسىبى عىلىم - تەحنيكا جارنا شەكتى سەرىكتەستىگىنىڭ قىزمەتكەرى احىمەت سامەت. ىندەت تۋىلعاننان كەيىن، جۇڭتاي توبى پارتكومى ىركەس - تىركەس ارناۋلى تاقىرىپتا ءماجىلىس اشىپ، قاراستى 2 كاسىپورىننىڭ بار كۇشپەن شۇعىل زارارسىزداندىرۋ ونىمدەرى شيكىزات سۇيىقتىعىن وندىرۋگە ۇيىمداستىرىپ، زارارسىزداندىرۋ ونىمدەرىنىڭ شيكىزاتىمەن قامداۋدى بار كۇشپەن قامتاماسىز ەتتى.

  1 - ايدىڭ 28 - كۇنى ساعات 20دا كورلا قالاسى بايىن شىعىس جولىنداعى شينجياڭ حاۋجياشياڭ ەرەن بازارى ەسىگىن ەندى عانا جاپقان، تازالىقشى ءماربيام كايوللا ”84 زارارسىزداندىرۋ سۇيىقتىعىن“ ارالاستىرىپ ەدەن جۋدى، زات ساتىپ الۋ ارباسىن سۇرتە باستادى. ەرەن بازار پارتيا ياچەيكاسىنىڭ شۋجيى ۋاڭ لۋدىڭ تانىستىرۋىنشا، ەرەن بازار جان - جاقتىلى ساقتانۋ - تىزگىندەۋ جوباسىن جاساپ، ناقتى شارالاردى ءاربىر ادامعا تياناقتاندىرعان، پارتيا مۇشەلەرى بارلىق قىزمەتكەرلەردى باستاپ، قىزمەت ورنىنان تاپجىلماي، ءوز قىزمەتىن ويداعىداي ىستەگەن. ”ىندەتتەن ساقتانۋ - تىزگىندەۋ ءاربىر ادامنىڭ بورىشى، پارتيا مۇشەلەرى بەلسەندىلىكپەن باستاماشى بولدى، ءبىز دە سوڭىندا قالمايمىز“، - دەدى ءماربيام.

(تىلشىلەر لي چۇنشيا، يۇي شي، فۋ شياڭلۇڭ، چاۋ جين، لۋ فىڭباۋ، جاڭ شياۋيان، دۋ جيانحۇي، رايدا، جاڭ رۇيلين، ءجازيرا نەسىپبەك، ەرىكتى تىلشىلەر شۇي شۋاڭميڭ، شى سايحى جازعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.