باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، پارتيانىڭ باسشىلىعىن شىنايى كۇشەيتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك
شينجياڭ گازەتىنىڭ 1 - ايدىڭ 29 - كۇنى ۇرىمجىدەن بەرگەن حابارى. اۆتونوميالى رايوندىق پارتكوم 1 - ايدىڭ 29 - كۇنى «باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە ورتالىقتىڭ حابارلاندىرۋىنىڭ تالاپتارىن مۇقيات ۇيرەنىپ، دايەكتىلەندىرىپ، پارتيانىڭ باسشىلىعىن شىنايى كۇشەيتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ جونىندەگى حابارلاندىرۋ» تاراتىپ، تۇتاس رايونداعى ءار دارەجەلى پارتيا ۇيىمدارى مەن قالىڭ پارتيالى كادرلاردان باس شۋجي شي جينپيڭنىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن ويداعىداي ىستەۋ جونىندەگى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، جۇڭگو كوممۋنيستىك پارتياسى ورتالىق كوميتەتىنىڭ «پارتيانىڭ باسشىلىعىن كۇشەيتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى ساياسي كەپىلدىك ازىرلەۋ جونىندەگى حابارلاندىرۋ»ىنىڭ تالاپتارىن دايەكتىلەندىرىپ، تياناقتاندىرىپ، پارتيا ۇيىمدارىنىڭ جاۋىنگەر قورعاندىق رولىن جانە كوممۋنيستىك پارتيا مۇشەلەرىنىڭ اۆانگارد ۇلگىلىك رولىن تولىق ساۋلەلەندىرىپ، ءار ۇلت بۇقاراسىنا تىعىز ارقا سۇيەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە بۇلجىماي، باتىل قول جەتكىزۋدى تالاپ ەتتى.
«حابارلاندىرۋ»دا مىنالار اتاپ كورسەتىلدى: ىندەت تۋىلعاننان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى وسكەلەڭ ءمان بەرىپ، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، كوپ رەت ءماجىلىس اشىپ، كوپ رەت مالىمەتتەردى تىڭداپ، كوپ رەت ماڭىزدى نۇسقاۋ بەرىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەۋىمىزگە ءتۇبىرلى بويسۇنۋ ولشەمىن ازىرلەدى. تۇتاس رايونداعى ءار دارەجەلى تاراۋلار مۇقيات ۇيرەنىپ، ءتۇسىنىپ، باتىل دايەكتىلەندىرىپ، تياناقتاندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن جانە ورتالىقتىڭ حابارلاندىرۋىنىڭ تالاپتارىمەن باتىل بىرلىككە كەلتىرىپ، ىندەتتەن ساقتانۋ - تىزگىندەۋ قىزمەتىن كەلەلى ساياسي مىندەت، كەزەكتەگى ماڭىزدى قىزمەت ەتۋگە تاباندى بولىپ، حاۋىپ - قاتەردەن جاسقانباي، كەۋدە كەرە العا شىعىپ، ەرلىكپەن كۇرەس جاساپ، قىزمەتتى تىڭعىلىقتى ىستەپ، ءار ۇلت بۇقاراسىن ىنتىماقتاستىرىپ، باستاپ، ەل بىرلىگىنەن بەرىك قامال تۇرعىزىپ، جۇدىرىقتاي جۇمىلىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىنا بار كۇشپەن شىنايى كەپىلدىك ەتۋ كەرەك.
«حابارلاندىرۋ»دا مىنالار باسا دارىپتەلدى: ءار دارەجەلى پارتكومدار (پارتيا باسشىلىق گرۋپپالارى) ىندەتتەن ساقتانۋ - تىزگىندەۋدىڭ ساياسي جاۋاپكەرشىلىگىن، باسشىلىق جاۋاپكەرشىلىگىن باتىلدىقپەن، تاباندىلىقپەن ارقالاپ، جاعدايدى عىلمي تۇجىرىمداپ، ىندەت جاعدايىن ءدال يگەرىپ، ءبىر تۇتاس باسشىلىققا، ءبىر تۇتاس قولباسشىلىققا، ءبىر تۇتاس ارەكەتكە تاباندى بولۋ كەرەك. ءار دارەجەلى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسى، قولباسشىلىق شتابى جانە ارناۋلى قىزمەت گرۋپپاسى جاۋاپكەرشىلىكتى قاتاڭ تياناقتاندىرىپ، ءتۇرلى ساقتانۋ - تىزگىندەۋ شارالارىن ناقتىلاپ، تياناقتاندىرىپ، ءار دارەجەلى پارتكومنىڭ، ۇكىمەتتىڭ نەگىزگى جاۋاپتى جولداستارى ءبىرىنشى جاۋاپتى ادام جاۋاپكەرشىلىگىن تياناقتاندىرىپ، جاۋاپتى باسشىنىڭ تىكەلەي جاۋاپكەرشىلىگىن، قاراستى جەردىڭ جاۋاپكەرشىلىگىن جانە تاراۋلاردىڭ قىزمەت جاۋاپكەرشىلىگىن كۇشەيتۋ كەرەك. ءار دارەجەلى پارتيا، ۇكىمەت ورىندارىنىڭ باسشى كادرلارى، اسىرەسە، نەگىزگى جاۋاپتى جولداستار قىزمەت ورىندارىنان تاپجىلماي، الدىڭعى شەپتە تۇرىپ قولباسشىلىق ەتىپ، ءبىرىنشى شەپكە ىشكەرىلەي بارىپ، باتىلدىقپەن ىندەتتەن ساقتانۋ - تىزگىندەۋ قىزمەتىن ويداعىداي يگەرۋى، ناقتى يگەرۋى، تۇبەگەيلى يگەرۋى كەرەك.
«حابارلاندىرۋدا»دا مىنالار تالاپ ەتىلدى: ءار دارەجەلى نەگىزگى ساتى پارتيا ۇيىمدارى مەن قالىڭ پارتيالى كادرلار جاۋىنگەر قورعاندىق رولىن جانە اۆانگارد ۇلگىلىك رولىن تولىق ساۋلەلەندىرىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە تاباندى تۇرىپ، قاي جەردە مىندەت قاتەرلى، اۋىر بولسا، سول جەردە پارتيا ۇيىمىنىڭ پارمەندى، مىعىم قىزمەتى بولۋدى، سول جەردە پارتيا مۇشەلەرى اۆانگارد بولىپ، ونەگە كورسەتۋىن ورىنداۋ كەرەك. قالىڭ ەمدەۋ قىزمەتكەرلەرى اۋىر جۇكتى جۇرەكتىلىكپەن ارقالاپ، قيىندىقتى ەڭسەرە ورگە ۇمتىلىپ، مەديتسينالىق قۇتقارۋ - ەمدەۋ، عىلمي زەرتتەۋدە قامال الۋ، نەگىزگى ساقتانۋ سياقتى قىزمەت ورىندارىندا بەلسەندى رول اتقارۋى كەرەك. ىندەتتەن ساقتانۋ - تىزگىندەۋ قىزمەتىندە جارىققا شىققان وزات تيپتەر مەن اسەرلى ىزگى ىستەردى دەر كەزىندە قورىتىندىلاپ، ۇگىتتەپ، ەل بىرلىگىنەن بەرىك قامال تۇرعىزاتىن، بار كۇشپەن ۇمتىلاتىن، ۋاقىتتىق قيىندىقتى بىرگە جەڭەتىن قۋاتتى وڭ ەنەرگيا توپتاۋ كەرەك.
