حالىق گازەتىنىڭ شولۋشىسى
ءبىر پارتيا مۇشەسى − ءبىر تۋ، ءبىر ياچەيكا، ءبىر قامال. تەك پارتيا مۇشەلەرى الدىمەن الدىعا شىعىپ، باتىلدىقپەن اتويلاپ، بۇقارانى جۇمىلدىرعاندا، ۇيىستىرعاندا، ۇيىمداستىرعاندا عانا، حالىق بۇقاراسىنا تىعىز ارقا سۇيەپ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە بولادى.
”پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتەيىك“، باس شۋجي شي جينپيڭ 1 - ايدىڭ 27 - كۇنى ماڭىزدى نۇسقاۋ بەرىپ، ءار دارەجەلى پارتيا ۇيىمدارىنىڭ جانە قالىڭ پارتيالى كادرلاردىڭ، ءسوز جوق، حالىق مۇددەسىن بارلىعىنان جوعارى قويۋدى ەستە بەرىك ساقتاۋىن، قالىڭ حالىق بۇقاراسىن ىنتىماقتاستىرىپ، باستاپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋىن، تياناقتاندىرۋىن باسا دارىپتەپ، ءار دارەجەلى پارتكومداردان جاعدايعا عىلمي تۇجىرىم جاساۋدى، ىندەت جاعدايىن ءدال يگەرۋدى، ءار دارەجەلى پارتيا ۇيىمدارىنىڭ باسشىلىق القالارىنان جانە باسشى كادرلارىنان، اسىرەسە، نەگىزگى جاۋاپتى جولداستاردان قىزمەت ورىندارىنان تاپجىلماي، الدىڭعى شەپتە تۇرىپ قولباسشىلىق ەتۋدى، نەگىزگى ساتى پارتيا ۇيىمدارى مەن قالىڭ پارتيا مۇشەلەرىنەن جاۋىنگەر قورعاندىق رولدارى مەن اۆانگارد ۇلگىلىك رولدارىن ساۋلەلەندىرۋ كەرەكتىگىن ايقىن تالاپ ەتتى. باس شۋجي شي جينپيڭنىڭ قاتاڭ دا ايقىن بۇيرىعى، پارمەندى اتتانىسقا كەلتىرۋى قالىڭ پارتيالى كادرلاردى ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اتوي سالۋعا، ىندەتتىڭ ءورشۋ بەتالىسىن باتىل تەجەۋگە، قوعامدىق كەلەلى جاعدايدىڭ ورنىقتىلىعىن باتىل قورعاۋعا، حالىقتىڭ باقىتى مەن اماندىعىن قورعاۋعا شابىتتاندىردى، ىنتالاندىردى.
”ءدال وسى كەزدە ءبىز پارتيا مۇشەلەرى اتويلاپ الدىعا شىقپاساق، كىم شىعادى؟“، ۋحان حوشىنشان قۇرىلىس ورنىندا ءبىر پارتيا مۇشەلەرىنىڭ ەكپىندىلەر قوسىنى بار، 270تەن استام جۇمىسشى پارتيا مۇشەسى اۆانگارد ۇلگىلىك رولىن ساۋلەلەندىرىپ، سان مىڭ جۇمىسشىنى باستاپ كۇنى - ءتۇنى قايراتتانا شايقاس جۇرگىزىپ، ساپاعا، قۇرىلىس مەرزىمىنە كەپىلدىك ەتىپ حوشىنشان شيپاحاناسىن سالىپ شىعۋعا قۇلشىنۋدا. ”پارتيانىڭ سوزىنە قۇلاق اسىپ، پارتياعا ىلەسىپ، جەڭىستى شايقاس جۇرگىزەمىز!“ 1 - ايدىڭ 27 - كۇنى بەيجيڭ ەمدەۋ اترەتىنىڭ 136 مۇشەسى جينالىپ، ايتارىن جازىپ، ۋحانعا اتتاندى، پارتيا مۇشەلەرى باستاماشىلدىقپەن ”ەڭ ادەمى بەينەمەن قاسقايا قارسى ءجۇردى“. ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە قالىڭ پارتيالى كادرلار شەشۋشى ساتتە اتويلاپ الدىعا شىعىپ، قاتەرلى، قيىن ساتتە جان اياماي الىسىپ، مىعىم سەنىممەن جانە ارەكەتپەن ”ىندەت − بۇيرىق، ساقتانۋ - تىزگىندەۋ − جاۋاپكەرشىلىك“ دەيتىن ساياسي سانالىلىقتى ايگىلەپ، زامانىمىزداعى كوممۋنيستىك پارتيا مۇشەلەرىنىڭ قاھارماندىق قاسيەتىن كورسەتتى.
پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋدە ءار دارەجەلى پارتكومدار، ءسوز جوق، ءبىر تۇتاس باسشىلىق ەتۋ، ءبىر تۇتاس قولباسشىلىق ەتۋ، ءبىر تۇتاس ارەكەتتەنۋ كەرەك. قازىر ىندەتتەن ساقتانۋ - تىزگىندەۋدىڭ شەشۋشى كەزەڭىندە تۇرمىز، وسى كەزەڭدەگى ىندەتتەن ساقتانۋ - تىزگىندەۋ قىزمەتىن ويداعىداي ىستەۋ ايرىقشا ماڭىزدى، ىندەتتەن ساقتانۋ - تىزگىندەۋ قىزمەتىنىڭ بارلىق كەلەلى جاعدايىنا سايادى. ءار دارەجەلى پارتكومدار ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ جانە ورتالىق كوميتەتى ساياسي بيۋروسى تۇراقتى كوميتەت ءماجىلىسىنىڭ رۋحىمەن بىرلىككە كەلتىرۋ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرۋ كەرەك. ىندەتتەن ساقتانۋ - تىزگىندەۋدىڭ قاتاڭ جاعدايىن جىعا تانىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، پارتكومنىڭ باسشىلىق ۇيتقىلىق رولىن تولىق ساۋلەلەندىرىپ، پارتيانىڭ جالپى جاعدايدى ءبىر تۇتاس مەڭگەرۋىن، ءار جاقتى سايكەستىرۋىن ناقتى تياناقتاندىرىپ، اناعۇرلىم بيىگىرەك تۇرىپ، اناعۇرلىم الىستى كوزدەپ، اناعۇرلىم تەرەڭىرەك ويلاپ، ىرىقتىلىقپەن ىسكەرلىك كورسەتىپ، ەرەكشە ءىستى ەرەكشە ءبىر جاقتى ەتىپ، ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە مىقتى ۇستاپ، اناعۇرلىم باتىل، اناعۇرلىم پارمەندى، ءتارتىپتى، اناعۇرلىم عىلمي، ەگجەي - تەگجەيلى شارالار قولدانىپ، ىندەتتىڭ ءورشۋىن ءونىمدى تەجەۋ كەرەك.
پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتۋدە پارتيا ياچەيكالارىنىڭ جاۋىنگەر قورعاندىق رولىن، پارتيا مۇشەلەرىنىڭ اۆانگارد ۇلگىلىك رولىن تولىق، ويداعىداي ساۋلەلەندىرۋ كەرەك. قازىرگى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋدان ساقتانۋ - تىزگىندەۋدىڭ قاتاڭ كۇرەسىندە ءار دارەجەلى پارتيا ۇيىمدارى مەن قالىڭ پارتيالى كادرلار اۋەلگى ماقساتتى ارەكەتتە ايگىلەپ، بورىشتى قىزمەت ورنىندا تياناقتاندىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ جانە ەمدەۋ، دالمە - ءدال شارا قولدانۋ تالابىن جاپپاي دايەكتىلەندىرۋ، ءاربىر پارتيا مۇشەسى ءبىر - ءبىر نارت قىزىل تۋ، ءاربىر ياچەيكا ءبىر - ءبىر بەرىك جاۋىنگەر قامال بولۋ كەرەك. ءار دارەجەلى پارتيا ۇيىمدارىنىڭ باسشىلىق القاسى مەن باسشى كادرلار، اسىرەسە، نەگىزگى جاۋاپتى جولداستار باتىلدىقپەن جاۋاپكەرلىك ارقالاپ، باتىلدىقپەن ىسكەرلىك كورسەتىپ، ءوز جاۋاپكەرشىلىگىن ءبىلۋ، ءوز جاۋاپكەرشىلىگىن ارقالاۋ، ءوز جاۋاپكەرشىلىگىن ادا ەتۋ كەرەك. نەگىزگى ساتى پارتيا ۇيىمدارى مەن قالىڭ پارتيا مۇشەلەرى بۇقارانى كەڭىنەن اتتانىسقا كەلتىرىپ، بۇقارانى ۇيىمداستىرىپ، بۇقارانى ۇيىستىرىپ، بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرىپ، بۇقارالىق ساقتانۋدىڭ، بۇقارالىق ەمدەۋدىڭ مىعىم قورعانىس شەبىن قۇرۋ كەرەك. ءار دارەجەلى پارتكومدار وسى رەتكى قاتاڭ كۇرەس امالياتىندا كادرلاردى تەكسەرىپ، تانىپ، قالىڭ پارتيالى كادرلاردى قاتەرلى، قيىن ساتتە كەۋدە كەرىپ العا شىعۋعا، ەرلىكپەن كۇرەس جۇرگىزۋگە، تىڭعىلىقتى قىزمەت ىستەۋگە، سىننان وتۋگە ىنتالاندىرۋ، جەتەكتەۋ كەرەك.
ىندەت قايدا بولسا، پارتيالى كادرلار سول جەردە شايقاس جۇرگىزۋ كەرەك. ىندەتتەن ساقتانۋ - تىزگىندەۋ قىزمەتىن ويداعىداي ىستەۋدى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنىڭ جەتىستىكتەرىن بەكەمدەۋدىڭ، كەڭەيتۋدىڭ ماڭىزدى شايقاس مايدانى ەتىپ، سەنىمدى بەكەمدەپ، رۋحتى سەرپىلتىپ، قيىندىقتى ەڭسەرە ورگە ۇمتىلساق، ءبىز، ءسوز جوق، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ويداعىداي قورعاي الامىز.
(1 - ايدىڭ 29 - كۇنگى «حالىق گازەتى»ندە جاريالانعان)
