تيانشان تورى
تيانشان تورى   ›   جاڭالىقتار   ›   ماڭىزدى حابارلار

شي جينپيڭ ارميانىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋى جونىندە ماڭىزدى نۇسقاۋ بەرىپ بىلاي دەپ باسا دارىپتەدى

باس ماقساتتى ەستە بەرىك ساقتاپ، اۋىر مىندەتتى باتىل ارقالاپ  ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە ۇلەس قوسايىق

  شينحۋا اگەنتتىگىنىڭ 1 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ارميانىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىن ويداعىداي ىستەۋى جونىندە ماڭىزدى نۇسقاۋ بەردى.

  شي جينپيڭ بىلاي دەپ اتاپ كورسەتتى: حۋبەي ولكەسى ۋحان قالاسى سياقتى وڭىرلەردە جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى تۋىلعاننان كەيىن، ارميامىز پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، بىرلەسىپ ساقتانۋ، بىرلەسىپ تىزگىندەۋ مەحانيزمىن جەدەل ىسكە قوسىپ، سايلاۋىت ساربازداردان، الۋەتتى ساردارلاردان شۇعىل گرۋپپا شىعارىپ، ىندەتتەن ساقتانۋ - تىزگىندەۋدىڭ ءبىرىنشى شەبىنە اتتاندىردى.

  شي جينپيڭ بىلاي دەپ باسا دارىپتەدى: كەزەكتە ىندەتتەن ساقتانۋ - تىزگىندەۋ جاعدايى ءالى دە قيىن، كۇردەلى. تۇتاس ارميا پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ءبىر تۇتاس قولباسشىلىعىندا، حالىق ارمياسىنىڭ باس ماقساتىن ەستە بەرىك ساقتاپ، بۇيرىق بويىنشا قيمىلداپ، اۋىر مىندەتتى باتىل ارقالاپ، ەرلىكپەن جەڭىستى شايقاس جۇرگىزىپ، جەرگىلىكتى ورىننىڭ ىندەتتەن ساقتانۋ - تىزگىندەۋىنە بەلسەندى كومەكتەسۋى كەرەك. ارميامىزدىڭ ۋحان حوشىنشان شيپاحاناسىنىڭ ەمدەۋ - قۇتقارۋ مىندەتىن ۇستىنە الۋى پارتيا مەن حالىقتىڭ وسكەلەڭ سەنىم ارتۋى، ۇيىمدىق باسشىلىقتى كۇشەيتىپ، ارميا مەن جەرگىلىكتى ورىننىڭ سايكەسۋىن قويۋلاستىرىپ، عىلمي ەمدەۋ جۇرگىزىپ، ءوزى ويداعىداي ساقتانىپ، ماڭىزدى تاپسىرمانى ورىنداپ، بورىشتى قايراتتانا ورىنداۋ كەرەك. ارميامىزدىڭ قاتىستى شيپاحانالارى ناۋقاستاردى قابىلداۋ - ەمدەۋ قىزمەتىن جاپپاي جاقسى ىستەۋى، عىلمي زەرتتەۋ قۇرىلىمدارى عىلمي زەرتتەۋدەن قامال الۋدى شۇعىل ورىستەتۋى، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە بەلسەندى ۇلەس قوسۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.