”زارارسىزداندىرۋ“دى ”زاھار سالۋ“عا اينالدىرمايىق
[نەلىكتەن”84“ زارارسىزداندىرۋ سۇيىقتىعى دەپ اتالادى؟]
1984 - جىلى، بەيجيڭ 1 - جۇقپالى اۋرۋلار شيپاحاناسى (ديتان شيپاحاناسىنڭ توركىنى) ٴتۇرلى باۋىر ۆيرۋسىن تەز ارادا جوياتىن ٴبىر ٴتۇرلى سۇيىقتىقتى ٴساتتى تۇردە زەرتتەپ جاساپ، بەيجيڭ قالالىق دەنساۋلىق ساقتاۋ مەكەمەسى مامانداردى ۇيىمداستىرىپ، ساراپتاۋ ارقىلى قولدانىلمالى جەتىستىك ەكىنشى دارەجەلى سيلىعىن بەرىپ، ”84“ باۋىر قابىنۋىن زارارسىزداندىرۋ سۇيىقتىعى دەپ ات قويدى، كەيىن اتىن”84 زارارسىزداندىرۋ سۇيىقتىعى“ دەپ وزگەرتتى، قازىر ٴتۇرلى ۇلگىدە، ٴتۇرلى ماركامەن زات سورەسىندە بوي كورسەتۋدە.
”بەساسپاپ“ دەرلىك 84 زارارسىزداندىرۋ سۇيىقتىعى تەگى قانداي زات؟
84 زارارسىزداندىرۋ سۇيىقتىعىنىڭ باستى زارارسىزداندىرۋ قۇرامى — حلورلى قىشقىل ناتري (NaCIO)، ٴونىمدى حلور قۇرامى %5.5تە %6.5 بولىپ، ٴتۇسسىز نەمەسە سارعىش سۇيىقتىق، تىتىركەندىرگىش ٴيىسى بار.
اۋاداعى كومىرتەگى قوس توتىعى 84 زارارسىزداندىرۋ سۇيىقتىعىندا ەرىپ، حلورلى قىشقىل ناتريمەن رەاكسيالاسىپ، اعارتقىش حلورلى قىشقىلدى قالىپتاستىرىپ، زارارسىزداندىرۋ رولىن اتقارادى.
84 زارارسىزداندىرۋ سۇيىقتىعىن قالاي ىستەتەمىز ؟
|
پايدالانىلاتىن ورىن |
سۇيىلتۋ ەسەلىك سانى |
زارارسىزداندىرۋ ٴتاسىلى |
زارارسىزداندىرۋ ۋاقىتى |
|
شاي ىستاكانى، كوفە ىستاكانىنىڭ داعىن كەتىرۋ |
1:100 |
شىلاپ قويۋ |
30 مينۋت |
|
ورامالداعى تەر داعى، بوگدە ٴيىستى كەتىرۋ |
1:100 |
شىلاپ قويۋ |
30 مينۋت |
|
بالالاردىڭ سۋلياۋ ويىنشىعىن زارارسىزداندىرۋ |
1:250 |
شىلاپ قويۋ |
20 مينۋت |
|
اس ٴۇيدىڭ اس تاقتايىن جۋۋ |
1:250 |
شوتكىلەپ جۋۋ |
-- |
|
ىدىس – اياقتاردى زارارسىزداندىرۋ |
1:250 |
شىلاپ قويۋ، ٴسۇرتۋ |
10 مينۋت |
|
شيكى ازىقتىق، جەمىس - جيدەكتەردى جۋۋ |
1:300 |
شىلاۋ |
10 مينۋت |
|
تازالىق بولمەسىندەگى ۆاننا جانە دارەتحانانى جۋىپ تازالاۋ |
1:250 |
شوتكىلەپ جۋۋ |
-- |
|
اق ٴتۇستى كيىمدەردى جۋۋ |
1:250 |
شىلاپ قويۋ |
30 مينۋت |
پا، دەسە دەگەندەي كەرەمەت 84 ەكەن عوي!
وسىنداي كۇشتى 84 زارارسىزداندىرۋ سۇيىقتىعىن ىستەتكەندە تومەندەگى بىرنەشە ٴتۇيىندى استە ۇمىتپاي، حاۋىپسىزدىگى مەن ونىمدىلىگىنە كەپىلدىك ەتەيىك:
قورعانۋ ماسكىسى مەن قولعاپ تاققاندا
84 زارارسىزداندىرۋ سۇيىقتىعىندا تەرى جانە اۋىز قۋىسى كىلەگەي قابىعىن ءشىرىتۋ جانە تىتىركەندىرۋ قاسيەتى بار، ەگەر اۋەلگى سۇيىقتىقپەن تىكەلەي جاناسساق، بولىمسىز اۋىرعانداي سەزىلەدى.
ٴونىمدى زارارسىزداندىرۋدىڭ ٴۇش فاكتورى
زارارسىزداندىرۋ ٴتاسىلى، زارارسىزداندىرۋ سۇيىقتىعىنىڭ قويۋلىعى، اسەر ەتۋ ۋاقىتى — ٴونىمدى زارارسىزداندىرۋدىڭ ٴۇش فاكتورى، بىرەۋى كەم بولسا بولمايدى. ىستەتۋدەن ىلگەرى، ٴسوز جوق، قولدانۋ تۇسىندىرمەسىن مۇقيات وقىپ، ٴىس جۇزىندىك پايدالانۋ ورنىنا قاراي قولدانۋ تۇسىندىرمەسى بويىنشا سايكەستى قويۋلىقتاعى زارارسىزداندىرۋ سۇيىقتىعىن دايىنداۋىمىز كەرەك.
زارارسىزداندىرۋ سۇيىقتىعىنىڭ قويۋلىعى جوعارى بولعان سايىن جاقسى بولادى دەۋگە بولمايدى، تىم قويۋ زارارسىزداندىرۋ ٴدارىسى ٴونىمدى زارارسىزداندىرۋ ونىمدىلىگىنە جەتە الماۋمەن قويماي، ٴارى ورتانى لاستايدى.
ورگانيكالىق زاتتار زارارسىزداندىرۋ ونىمىنە ىقپال جاسايدى
حلورلى قىشقىل ناتري ورگانيكالىق زاتتاردىڭ (مىسالى، قان، دەنە سۇيىقتىعى سياقتى) ىقپالىنا وڭاي ۇشىراپ، باكتەريانى جويۋ قۋاتى تومەندەپ، زارارسىزداندىرۋ ونىمىنە ىقپال جاسايدى. ەگەر ورگانيكالىق زاتتار بولسا، الدىمەن جۋىپ، ونان كەيىن زارارسىزداندىرۋىمىز قاجەت.
زارارسىزداندىرعاننان كەيىن تازالاپ جۋۋدى استە ۇمىتپاۋ كەرەك
84 زارارسىزداندرۋ سۇيىقتىعىنىڭ قالدىقتاردى ادامداردىڭ دەنساۋلىعىنا بەلگىلى زيان تۋدىراتىندىقتان، 84 زارارسىزداندىرۋ سۇيىقتىعىن ىستەتۋ ىدىس-اياق، شاۋگىم - شاينەكتەر، اس ۇيدەگى تاقتاي، بالالاردىڭ سۋلياۋ ويىنشىعى سياقتى بۇيىمداردى زارارسىزداندىرعاننان كەيىن، تازا سۋمەن كوپ رەت جۋۋىمىز كەرەك.
كيىمدى اعارتۋ
ەگەر اعارتۋعا ىستەتپەكشى بولساق، زارارسىزداندىرۋ سۇيىقتىعىن لايىقتى سۇيىلتۋىمىز كەرەك، الايدا 84 زارارسىزداندىرۋ سۇيىقتىعىن جىبەك، ٴجۇن، نەيلون، بىلعارىنىڭ بەتىنە ىستەتۋگە بولمايدى. ٴتۇستى توقىما بۇيىمداردىڭ رەڭىن ٴتۇسىرۋى مۇمكىن، ىستەتۋدەن بۇرىن قالتارىس ورىندا سىناپ كورۋىمىز كەرەك.
84 زارارسىزداندىرۋ سۇيىقتىعىن باسقا تازارتقىش دارىلەرمەن قوسىپ ىستەتۋگە بولمايدى!
84 زارارسىزداندىرۋ سۇيىقتىعىن باسقا تازارتقىش دارىلەرىمەن ارالاستىرعان سوڭ ىستەتۋگە بولمايدى، 84 زارارسىزداندىرۋ سۇيىقتىعىنىڭ باستى قۇرامى — حلورلى قىشقىل ناتري (NaCIO)، دارەتحانا تازارتۋ ٴدارىسىنىڭ باستى قۇرامى — تۇز قىشقىلى (HCI)، بۇل ەكى ٴتۇرلى زات قوسىلعاننان كەيىن حيميالىق رەاكسيا تۋىلىپ، حلور گازى قالىپتاسادى.
حلور گازى — تىنىس جولىن تىتىركەندىرەتىن ٴارى زياندايتىن ٴبىر ٴتۇرلى گاز، كوپ مولشەردە سىمىرىلسە، ادامدا جوتەلۋ، تىنىس تارىلۋ، ٴتىپتى باس اينالۋ تۋىلادى. قويۋلىعى ٴبىر كۋپ مەتردە 3000 ميلليگرامعا جەتكەندە، ادامدى جازىم ەتەدى، ەكى تولىق قۇمىرا سىندى وسىنداي نارسەنى قوسۋدان تۋىلعان حلور گازى ومىرگە حاۋىپ توندىرەدى.
اۋدارعان؛ قادىر ماقان
