تيانشان تورى   ›   جاڭالىقتار   ›   ءۇرىمجى

شوكىرات زاكىر ءۇرىمجى قالاسىندا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ زاتتىق ماتەريالدارىمەن قامتاماسىز ەتۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

زاتتىق ماتەريالداردى دايىنداۋعا جانە ونىمەن قامداۋعا كۇش سالا كەپىلدىك ەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدى جەتكىلىكتى زاتتىق ماتەريالمەن قامتاماسىز ەتەيىك

  شينجياڭ گازەتىنىڭ جالپىلىق اقپارات قۇرالدارى ءتىلشىسى ليۋ شياڭ 1 - ايدىڭ 30 - كۇنى ۇرىمجىدەن حابارلايدى. 1 - ايدىڭ 30 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى، اۆتونوميالى رايوننىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتىنە باسشىلىق ەتۋ گرۋپپاسىنىڭ ورىنباسار باستىعى شوكىرات زاكىر ءۇرىمجى قالاسىندا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ زاتتىق ماتەريالدارىمەن قامتاماسىز ەتۋ قىزمەتىنە تەكسەرۋ - زەرتتەۋ، تەكسەرۋ جۇرگىزدى. ول بىلاي دەپ باسا دارىپتەدى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتى ءماجىلىسىنىڭ رۋحىن جانە باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، حالىق بۇقاراسىنا وسكەلەڭ جاۋاپتى بولۋ پوزيتسياسىمەن زاتتىق ماتەريالداردى دايىنداۋدى جانە ونىمەن قامداۋدى بارلىق ءادىس - امالمەن ويداعىداي يگەرىپ، حالىق بۇقاراسىنىڭ تۇرمىستىق قاجەتىن ءونىمدى قاناعاتتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدى جەتكىلىكتى زاتتىق ماتەريالمەن قامتاماسىز ەتۋ كەرەك.

  ءۇرىمجى قالاسى گۋاڭميڭ جولىنداعى پۋجيتاڭ ءدارىحاناسىندا جانە شينتى ءدارى دۇكەنىندە ماسكى، سپيرت، تەرمومەتر، ۆيرۋسقا قارسى ۇنتاق ءدارى سياقتى ىندەتتەن ساقتاناتىن بۇيىمدارى كورنەۋ ورىنعا رەتتى قويىلىپتى. شوكىرات زاكىر سول جەردەگى قىزمەتكەرلەردەن حال سۇراپ، ءارقايسى ءدارى دۇكەندەرىنىڭ ىندەتتەن ساقتانۋ - تىزگىندەۋ شارالارى مەن تاۋارلاردى دايىنداۋ جانە ونىمەن قامداۋ جاعدايىن ەگجەي - تەگجەيلى ۇعىستى. ول بىلاي دەپ اتاپ كورسەتتى: ەمدەۋگە پايدالانىلاتىن ساقتانۋ - تىزگىندەۋ زاتتىق ماتەريالدارى كەزەكتە ءار ۇلت بۇقاراسىنا شۇعىل قاجەت، ەمدەۋ، ءدارى - دارمەك تولايىم، بولشەك ساتۋ كاسىپورىندارى سەنىمدى تيجارات جۇرگىزىپ، قوعامدىق جاۋاپكەرشىلىگىن امالياتتا ايگىلەپ، ءدارى - دارمەكپەن جەتكىلىكتى قامداۋعا، باعاسى ورنىقتى بولۋعا شىنايى كەپىلدىك ەتىپ، زاتتاردى باسىپ قويۋ، زات باعاسىن قىمباتتاتۋ سياقتى قوعامدىق ءتارتىپتى بۇلدىرەتىن زاڭعا قايشى ارەكەتتەرگە قاتاڭ تيىم سالۋ كەرەك.

  جيالىفۋ ەرەن بازارىنىڭ نانحۋ دۇكەنى ءتۇرلى تۇرمىستىق زاتتىق ماتەريالدارىنىڭ ساتىپ الۋ مولشەرى مەن جەتكىزۋ مولشەرىن بارىنشا ۇلعايتىپ، ماڭايداعى تۇرعىنداردىڭ تۇرمىستىق زاتتىق ماتەريالدار قاجەتىنە شىنايى كەپىلدىك ەتتى. شوكىرات زاكىر ەرەن بازارداعى كوكونىس، جەمىس - جيدەك، استىق، ماي، ەت، جۇمىرتقا، ازىق - تۇلىك سياقتى ماڭىزدى تۇرمىستىق زاتتىق بۇيىمدار ماتەريالدارى مەن قامداۋ جانە زات اينالىمى جاعدايىن ۇقىپتىلىقپەن تەكسەرىپ، ءارقايسى قاتىستى تاراۋلار مەن ساۋدا سارايى، ەرەن بازار سياقتى تولايىم، بولشەك ساتۋ كاسىپورىندارىنان زاتتىق ماتەريالداردى سەپتەۋدى جانە قور دايىنداۋدى ويداعىداي ىستەپ، نەگىزگى تۇرمىستىق قاجەتتى بۇيىمداردىڭ زات قاينارىن ىركىلىسسىزدەندىرۋگە، جەتكىلىكتى قامداۋعا، ساپاسىنىڭ حاۋىپسىز بولۋىنا، باعاسىنىڭ ورنىقتى بولۋىن، سونىمەن قاتار ىندەتتەن ساقتانۋ - تىزگىندەۋ جانە ساپا حاۋىپسىزدىگىن باقىلاۋ - باسقارۋ قىزمەتىن ويداعىداي ىستەپ، زات ساتۋشى قىزمەتكەرلەر مەن تۇتىنۋشىلاردىڭ دەنساۋلىق حاۋىپسىزدىگىنە شىنايى كەپىلدىك ەتۋدى تالاپ ەتتى.

  شوكىرات زاكىر ءۇرىمجى قالاسىنداعى الەۋمەتتىك اۋماقتىڭ كوكونىس، قوسىمشا ازىق - تۇلىكتەردى تىكە ساتۋ ورنىنا بارىپ، جاڭا كوكونىس سياقتى زاتتىق ماتەريالدارمەن قامداۋ جاعدايىن ۇعىستى. ول بىلاي دەپ باسا دارىپتەدى: كوكونىس، ەت تۇرلەرى سياقتى اۋىل شارۋاشىلىق قوسىمشا ونىمدەرىن دايىنداۋ جانە ونىمەن قامداۋ تەبىنىن ۇزدىكسىز كۇشەيتىپ، تاسىمالداۋدى ۇيىمداستىرۋدى كۇشەيتىپ، ”كوجە قاتىق“تىڭ مول، باعاسىنىڭ ورنىقتى بولۋىن قامتاماسىز ەتىپ، سۇرانىسى مول بولعان زاتتاردى دەر كەزىندە تولىقتاپ، بازاردىڭ قاجەتىن قاناعاتتاندىرۋ كەرەك.

  شوكىرات زاكىر تەكسەرۋ - زەرتتەۋ كەزىندە بىلاي دەپ باسا دارىپتەدى: ەمدەۋ زاتتىق ماتەريالدارى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋدىڭ نەگىزدىك كەپىلى، بازاردىڭ قامداۋى ءار ۇلت بۇقاراسىنىڭ قالىپتى تۇرمىسىنا سايادى. تۇتاس رايونىمىزداعى ءار دارەجەلى پارتكوم مەن ۇكىمەت جانە ونىڭ قاتىستى تاراۋلارى ەمدەۋ زاتتىق ماتەريالدارىمەن، قورعانۋ زاتتىق ماتەريالدارىمەن جانە تۇرمىستىق زاتتىق ماتەريالدارىمەن قامداۋعا كەپىلدىك ەتۋگە وسكەلەڭ ءمان بەرىپ، ءبىر تۇتاس جوسپارلاۋدى، سايكەستىرۋدى كۇشەيتىپ، ەمدەۋ، قورعانۋ زاتتىق ماتەريالدارى ءوندىرىس قۋاتىن كۇشەيتىپ، ءار ۇلت بۇقاراسىنىڭ ىندەتتەن ساقتانۋ قاجەتىن جانە تۇرمىستىق قاجەتتى بۇيىمدارمەن قامداۋدى ۇزدىكسىز قامتاماسىز ەتۋ كەرەك.

  اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ قاتارلىلار تەكسەرۋ - زەرتتەۋدە بىرگە بولدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.