شينجياڭ گازەتىنىڭ جالپىلىق اقپارات قۇرالدارى تىلشىلەرى
1 - ايدىڭ 30 - كۇنى قالا تۇرعىندارى ءۇرىمجى چييجياڭيۋان امبەباپ ساۋدا ورتالىعىندا كوكونىس ساتىپ الۋدا. سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى حان لياڭ تۇسىرگەن
ىندەتتەن ساقتانۋ - تىزگىندەۋ كەزىندە رايونىمىزدىڭ بۇقارانى تۇرمىستىق قاجەتتى زاتتارمەن قامداۋى قالاي بولىپ جاتىر؟ جۋىرداعى كۇندەرى ءتىلشى جەر - جەردەگى دۇكەن - ەرەن بازارلاردى، الەۋمەتتىك اۋماقتارداعى تىكە ساتۋ ورىندارى مەن كوكونىس دۇكەندەرىن ارالاعان كەزدە، كەزەكتە رايونىمىزدىڭ تۇرمىستىق قاجەتتى بۇيىمدارى بازارىنىڭ زات قاينارى جەتكىلىكتى، ءتۇرى مول ەكەندىگىن، بازار قامداۋىنىڭ بەرىك كەپىلدىككە يە بولعاندىعىن بايقادى.
1 - ايدىڭ 30 - كۇنى ءتىلشى ءۇرىمجى قالاسى سايباق رايونى دوستىق وڭتۇستىك جولىنداعى يوۋحاۋ ەرەن بازارىنا باردى. كىرە بەرىستە تۇرعان قىزمەتكەرلەردىڭ بارلىعى ماسكى تاعىپ العان، سونداي - اق ەرەن بازارعا كىرگەن الارمانداردىڭ دەنە تەمپەراتۋراسىن ولشەپ، ولارعا ەرەن بازارعا كىرىپ - شىققاندا ماسكى تاعۋدى ەسكەرتىپ، ساقتانۋ قىزمەتىن ويداعىداي ىستەپ جاتىپتى. ەرەن بازارداعى سورەلەر زاتقا لىق تولىپ تۇر، كۇرىش، ۇن، ماي، جاس كوكونىستەر، جەمىس - جيدەك سياقتى تۇرمىستىق قاجەتتى بۇيىمداردىڭ ءتۇرى مول، الۋان ءتۇرلى قولايلى ازىق - تۇلىكتەر، تەڭىز ونىمدەرى، ەت سياقتىلارمەن قامداۋ جەتكىلىكتى ەكەن.
شينجياڭ يوۋحاۋ (توبى) جارنا شەكتى سەرىكتەستىگى ساۋدا - اينالىم، باسقارۋ ءبولىمىنىڭ باستىعى حان ۋيحۋا بىلاي دەدى: كوكتەم مەرەكەسىنەن بەرى، يوۋحاۋ توبى ەرەن بازار بولىمشە سەرىكتەستىگى سەپتەۋ، جونەلتۋ ورتالىعى ۇستەمەلەپ جۇمىس ىستەپ، زاتتاردى دەر كەزىندە ساۋدا ورنىنا جەتكىزۋدى قامتاماسىزداندىردى. ىندەتتەن ساقتانۋ - تىزگىندەۋ كەزىندە ەرەن بازارلار دەرەۋ تاپسىرىس بەرۋگە، دەر كەزىندە سورەگە شىعارۋعا ۇيىمداستىرىپ، استىق - ماي، كوكونىس، جەمىس - جيدەك، قولايلى ازىق - تۇلىكتەر، زارارسىزداندىرۋ سۇيىقتىعى سياقتى تۇرمىستىق قاجەتتى بۇيىمدارمەن جانە قورعانۋ زاتتىق ماتەريالدارىمەن قامداۋدى قامتاماسىزداندىردى ءارى زات باعاسىن استە وسىرمەۋگە ۋادە بەردى. كەزەكتە يوۋحاۋ توبىنىڭ بۇكىل شينجياڭنىڭ 9 قالاسىنداعى 15 ءتۇرلى بۇيىمدار دۇكەنى، يوۋحاۋ ەرەن بازارى جانە +YO قولايلى دۇكەنىنەن 60 دۇكەن تۇگەلدەي قالىپتى تيجارات جۇرگىزۋدە.
”مەنىڭ بۇل دۇكەنىمدە 100 تۇردەن اساتىن كوكونىس، جەمىس - جيدەك جانە قوسىمشا ازىق - تۇلىكتەر بار، زات قاينارىنىڭ جەتكىلىكتى بولۋىنا كەپىلدىڭ ەتۋ ءۇشىن، مەن ءار كۇنى تولايىم ساتۋ بازارىنا 2 − 3 رەت بارىپ كەلەمىن“. 1 - ايدىڭ 30 - كۇنى ءۇرىمجى قالاسى شۇيموگوۋ رايونى ليۋداۋۋان اۋماعىن باسقارۋ كوميتەتى قارامايلى شىعىس جولى الەۋمەتتىك اۋماعى كوكونىس، قوسىمشا ازىق - تۇلىكتەردى تىكە ساتۋ ورنى 4 - دۇكەنىنىڭ قوجايىنى جاڭ ليچۋان دۇكەندە كۇندەلىكتى قامداۋعا ۇكىمەت دايىنداعان كوكونىستەن ءبىر توننادايى بار ەكەندىگىن، باعاسى ورنىقتى ارالىقتى ساقتاپ، ساپاسى كەپىلدەندىرىلگەندىگىن، ونىڭ ۇستىنە زات قاينارى جەتكىلىكتى ەكەندىگىن ايتتى.
”كوكتەم مەرەكەسىنىڭ الدىندا ءبىز زور مولشەردە قور دايىنداۋ قىزمەتىن ىستەپ، قالا تۇرعىندارىنىڭ قاجەتىنە شىنايى كەپىلدىك ەتتىك. قازىر ءبىز ءار كۇنى 60 تۇردەن استام كوكونىسپەن قامداپ وتىرمىز، زات مولشەرى جەتكىلىكتى، باعاسى ورنىقتى“، - دەدى ءۇرىمجى قالاسى تيانشان رايونى سۇيچۋان جولى اۋماعىن باسقارۋ كوميتەتى رىگۋاڭ الەۋمەتتىك اۋماعى كوكونىس، قوسىمشا ازىق - تۇلىكتەردى تىكە ساتۋ ورنىنىڭ جاۋاپتىسى شۇي چيڭحى. ءتىلشى تىكە ساتۋ ورنىنداعى زات سورەلەرىندە كارتوپ، چيڭساي، ساڭىراۋقۇلاق سياقتى كوكونىستەردىڭ، كۇرىش، ۇن، ماي سياقتى تۇرمىستىق قاجەتتى بۇيىمداردىڭ رەتتى قويىلىپ، قالا تۇرعىندارىنىڭ ساتىپ الۋىنا دايىندالعاندىعىن كوردى.
ىندەتتەن ساقتانۋ - تىزگىندەۋ ويداعىداي ىستەلگەن العى شارت استىندا، رايونىمىزدىڭ ساۋدا ىستەرى تاراۋلارى قامداۋدى كەپىلدەندىرۋ كاسىپورىندارىن زات قاينارىن بەلسەنە توپتاۋعا، جونەلتۋ تەبىنىن بارىنشا كۇشەيتۋگە قۋزاپ، جەتەكشىلىك ەتىپ، تۇرپان، شىحىزى، قاشقار، حوتان سياقتى جەرلەردەن كوكونىس تاسىپ، بازاردى قامداۋدى قامتاماسىزداندىردى.
1 - ايدىڭ 29 - كۇنى تۇستەن كەيىن ءتىلشى قۇلجا قالاسى جياشياڭحاۋ ەرەن بازارى شينحۋا دۇكەنىندەگى ساۋدا الاڭىنىڭ ءتارتىبى وتە رەتتى، تاۋارلار تولىپ تۇرعاندىعىن كوردى. ”كەزەكتە ءبىز جاس، جاڭا ازىق - تۇلىكتەرمەن، ياعني كوكونىس، جاس ەت، جۇمىرتقا، ءسۇت، استىق - ماي سياقتى بۇيىمدارمەن قامداۋدى بار كۇشىمىزبەن ويداعىداي ىستەپ، قالا تۇرعىندارىنىڭ تۇرمىستىق قاجەتتى بۇيىمداردى ۇزدىكسىز، الاڭسىز ساتىپ الۋىنا جاعداي جاسادىق، كەزەكتە ءتۇرلى تاۋارلاردىڭ زاپاس مولشەرى ءبىرشاما تولىق“، - دەدى جياشياڭحاۋ ەرەن بازارى شينحۋا دۇكەنىنىڭ باستىعى حۋ چۇنجۇي.
بىرنەشە كۇننەن بەرى، لوپنۇر اۋدانىنداعى ءارقايسى ەرەن بازارلار، ساۋدا سارايلارى ىندەتتەن ساقتانۋ قىزمەتىن دەر كەزىندە ويداعىداي ىستەدى ءارى ءتۇرلى جولدارمەن ساتىپ اكەلۋ ارقىلى ءار ۇلت بۇقاراسىنىڭ كۇندەلىكتى تۇرمىستىق قاجەتىن بار كۇشىمەن قامتاماسىزداندىردى. لوپنۇر اۋدانى ۋانكىلۇڭ ەرەن بازار شەكتى جاۋاپكەرشىلىك سەرىكتەستىگىنىڭ باس ديرەكتورى پىڭ تاۋ: ”ەرەن بازارىمىز كەشكە جۇمىستان تۇسكەننەن كەيىنگى، تاڭەرتەڭ تيجارات باستاۋ الدىنداعى بوس ۋاقىتتان پايدالانىپ ەرەن بازاردىڭ ءارقايسى بولىكتەرىن جالپى بەتتىك زارارسىزداندىردى ءارى استىق - ماي سياقتى زاتتىق ماتەريالداردى زاپاس ساقتاۋ تەبىنىن كۇشەيتتى“، - دەدى.
سونىمەن بىرگە، لوپنۇر اۋدانى ءبىر تۇتاس جوسپارلاپ ورنالاستىرۋدى كۇشەيتىپ، كەزەكتەگى بازاردى قامداۋدى كەپىلدەندىرۋ، باعانى ورنىقتىرۋ قىزمەتىن بار كۇشپەن ويداعىداي ىستەپ، قالىپتى تيجارات جۇرگىزىپ جاتقان دۇكەن - ەرەن بازارلارعا بەلسەنە حابارلاسىپ تاۋار جەتكىزىپ بەرۋ قىزمەتىن وتەپ، شاعىن اۋماقتا ۋاقىتشا كوكونىس ساتۋ، تۇرمىستىق قاجەتتى بۇيىمداردى ساتۋ ورنىن قۇردى. ”ءبىز ءىرى تۇرپاتتى اينالىم كاسىپورىندارىنىڭ تۇرمىستىق قاجەتتى بۇيىم زاتتىق ماتەريال قويماسىن تەكسەرۋدى باستاپ جۇرگىزىپ، كاسىپورىنداردىڭ زات قاينارىن توپتاۋدى كۇشەيتۋىنە جەتەكشىلىك ەتىپ، ماڭىزدى تۇرمىستىق قاجەتتى بۇيىمدار بازارىن تولىق قامداۋعا، باعانىڭ ورنىقتىلىعىنا ءتۇيىندى تۇردە شىنايى كەپىلدىك ەتتىك“، - دەدى لوپنۇر اۋداندىق بازاردى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى، ورىنباسار مەكەمە باستىعى بۇرحان ءامدۇل.
كەزەكتە رايونىمىزداعى نەگىزگى اۋىل شارۋاشىلىق جانە قوسىمشا كاسىپ ونىمدەرى تولايىم ساتۋ بازارلارى، ءتۇيىندى دۇكەن - ەرەن بازارلار استىق، ەت، كوكونىس سياقتىلاردى بازارعا سالۋمەن بىرگە، زاپاس ساقتاپ، بۇكىل رايونىمىزداعى بۇقارانىڭ تۇرمىستىق قاجەتىن قامدادى.
رايونىمىزداعى قاتىناس - تاسىمال تاراۋلارى شينجياڭنىڭ ءىشى - سىرتىندا تۇرمىستىق زاتتاردىڭ جوعارى ءونىمدى تاسىمالدانۋىن بار كۇشپەن شىنايى كەپىلدەندىرىپ، ”جاسىل وتكەل“ ساياساتىن مۇقيات، ويداعىداي تياناقتاندىردى. ”كەزەكتە جاڭا ءارى ءتىرى اۋىل شارۋاشىلىق ونىمدەرىن تاسىمالدايتىن اۆتوكولىكتەر مەيلى ETC ورناتسىن - ورناتپاسىن، بارلىعى دا ’جاسىل وتكەل‘ ساياساتىنان يگىلىكتەنە الادى، جاڭا ءارى ءتىرى اۋىل شارۋاشىلىق ونىمدەرىن تاسىمالدايتىن اۆتوكولىكتەردىڭ تەز قارقىندى تاس جولدا جىلدام، تەگىن قاتىناۋىنا شىنايى كەپىلدىك ەتىپ، ىندەتتەن ساقتانۋ - تىزگىندەۋ كەزىندە بۇقارانى تۇرمىستىق زاتتارمەن قالىپتى قامداۋعا كەپىلدىك ەتتىك“، - دەدى اۆتونوميالى رايوندىق قاتىناس - تاسىمال مەڭگەرمەسى تاسىمال باسقارۋ باسقارماسىنىڭ باستىعى حۋاڭ جىگاڭ.
(تىلشىلەر ۋاڭ يۇيجاۋ، ۋي حۇڭپيڭ، يۋان لەي، لۋ فىڭباۋ، جاۋ شييا، لي لين، ءجازيرا نەسىپبەك، ەرىكتى تىلشىلەر لي فەي، لي يافىڭ جازعان)
