حالىق گازەتىنىڭ شولۋشىسى
ىندەتكە قارسى تۇرۋ ءبىر رەتكى جالپى حالىقتىق ارەكەت، حالىق بۇقاراسى وسى رەتكى كۇرەستەگى نەگىزگى تۇلعالىق كۇش.
”نەگىزگى ساتى پارتيا ۇيىمدارى مەن قالىڭ پارتيا مۇشەلەرى جاۋىنگەر قورعاندىق رولدارىن جانە اۆانگارد ۇلگىلىك رولدارىن ساۋلەلەندىرىپ، بۇقارانى كەڭىنەن اتتانىسقا كەلتىرىپ، بۇقارانى ۇيىمداستىرىپ، بۇقارانى ۇيىستىرىپ، بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرىپ، بۇقارالىق ساقتانۋدىڭ، بۇقارالىق جونگە سالۋدىڭ بەرىك قورعانىس شەبىن قۇردى“. تاياۋدا باس شۋجي شي جينپيڭ ماڭىزدى نۇسقاۋ بەرىپ، ءبىزدىڭ ىندەتتەن ساقتانۋ - تىزگىندەۋ قىزمەتىن بىلەك بىرىكتىرە ويداعىداي ىستەۋىمىزگە، ىندەتتەن ساقتانۋ - تىزگىندەۋ توسقاۋىل شايقاسىندا كوپ بولىپ شارا قولدانىپ، كوپ بولىپ كۇش سالىپ جەڭىسكە جەتۋىمىزگە ايقىن بەتالىس جانە جول كورسەتتى.
جاڭا تيپتەگى ايدارشا ۆيرۋس ءاربىر ادامنىڭ دەنساۋلىعىنا قاتەر توندىرۋدە، ىندەت الدىندا قول قۋسىرىپ قاراپ تۇراتىن قاتىسسىز ادام بولمايدى، ىندەتتەن ساقتانۋ - تىزگىندەۋ قازىر شەشۋشى كەزەڭدە تۇر. وسى رەتكى ەرەكشە شايقاستا جەكە مەن وتباسى، جەكە مەن كوللەكتيۆ، جەكە مەن قوعام تىنىستاس، تاعدىرلاس بولۋدا. ءوز باسىمىزدىڭ حاۋىپسىزدىگى، تۋىستارىمىزدىڭ اماندىعى، كاسىپتەستەرىمىزدىڭ باقىتى، الەۋمەتتىك اۋماقتىڭ تىنىشتىعى ءاربىر ادامنىڭ شايقاسقا سانالىلىقپەن ات سالىسۋىن قاجەت ەتەدى. تەك ءاربىر ادام ساقتانۋ - تىزگىندەۋ بىلىمدەرىن يگەرگەندە عانا، ىندەتتەن ساقتانۋ - تىزگىندەۋ ۇلكەن تورىن جاقسى توقۋعا، بەرىك توقۋعا بولادى. اۋىل - قىستاق الەۋمەتتىك اۋماعىن قامتىعان نەگىزگى ساتى الەۋمەتتىك اۋماعىنىڭ اتتانىسقا كەلتىرۋ قابىلەتىن تولىق ساۋلەلەندىرىپ، توركوزدەندىرىپ، ءبىرىڭعاي باسقارىپ، ساقتانۋ - تىزگىندەۋ شارالارىن وتباسىلارىنا، ادامدارعا دەيىن تياناقتاندىرىپ، ”ەرتە بايقاپ، ەرتە مالىمدەپ، ەرتە اۋاشالاپ، ەرتە دياگنوز قويىپ، ەرتە ەمدەگەندە“ عانا، ”كىرۋدەن ساقتانۋ، تارالۋدان ساقتانۋ، شىعۋدان ساقتانۋ“ سىندى ىندەتتەن ساقتانۋ - تىزگىندەۋ نىساناسىن ءونىمدى جۇزەگە اسىرۋعا بولادى. اماليات بىرلەسىپ ساقتانۋ، بىرلەسىپ تىزگىندەۋ، بۇقارالىق ساقتانۋ، بۇقارالىق جونگە سالۋ − ەلىمىزدىڭ ءتۇزىم ابزالدىلىعىنىڭ ناقتى بەينەسى بولۋمەن قاتار، ءبىزدىڭ ىندەتتەن ساقتانۋ - تىزگىندەۋدەگى شەشۋشى شارامىز ەكەندىگىن دالەلدەدى.
بۇقارالىق ساقتانۋدىڭ، بۇقارالىق جونگە سالۋدىڭ بەرىك قورعانىس شەبىن قۇرۋدا نەگىزگى ساتى پارتيا ۇيىمدارىنىڭ جاۋىنگەر قورعاندىق رولىن جانە كوممۋنيستىك پارتيا مۇشەلەرىنىڭ اۆانگاردتىق ۇلگىلىك رولىن تولىق ساۋلەلەندىرۋ كەرەك. قيىن - قىستاۋ ساتتەردە پارتيا مۇشەلەرىنىڭ كەۋدە كەرىپ العا شىعۋى، اتويلاپ الدا ءجۇرۋى كوممۋنيستىك پارتيا مۇشەلەرىنىڭ وتەۋگە ءتيىستى بورىشى، پارتيامىزدىڭ داڭقتى ءداستۇرى. نەگىزگى ساتى پارتيا ۇيىمدارى مەن قالىڭ پارتيا مۇشەلەرى جاپپاي اتتانىسقا كەلىپ، حاۋىپ - قاتەردەن تايسالمايتىن، قالتقىسىز ۇلەس قوساتىن رۋحتى ساۋلەلەندىرىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە مىزعىماي تۇرىپ، اتويشى بولىپ، ونەگە بولىپ، رايون، اۋدان، ءمالى باسقارماسى، قالاشىق، قالا، اۋىل، الەۋمەتتىك اۋماق سياقتى ساقتانۋ - قورعانۋ تورىن ورناتىپ، اقاۋسىزداندىرىپ، ىندەت جاعدايىن باقىلاۋ - ولشەۋ، اداقتاپ تەكسەرۋ، الدىن الا ساقتاندىرۋ، ساقتانۋ - تىزگىندەۋ سياقتى قىزمەتتەردى ويداعىداي ىستەپ، قاتاڭ ساقتانىپ، قاتاڭ قورعانىپ ەشقانداي قالتارىس قالدىرماۋ كەرەك. پارتيا قۇرىلىسىن جەتەكشى ەتۋگە تاباندى بولىپ، وڭىرلىك جونگە سالۋدى، الەۋمەتتىك اۋماقتىڭ جونگە سالۋىن، ورىنداردىڭ جونگە سالۋىن ورگانيكالى ۇشتاستىرىپ، ىندەتتەن ساقتانۋ - تىزگىندەۋدىڭ عىلميلىعى مەن ونىمدىلىگىن شىنايى جوعارىلاتۋ كەرەك. پارتيا، ۇكىمەت ورگاندارداعى، كاسىپورىندارداعى، ءىسورىندارداعى، سونداي - اق قوعامدىق ۇيىمدارداعى پارتيا ۇيىمدارى ءبىر تۇتاس ورنالاستىرۋ بويىنشا، ءوز تاراۋىنىڭ، ءوز ورنىنىڭ ساقتانۋ - تىزگىندەۋ قىزمەتىن تىڭعىلىقتى، ويداعىداي ىستەۋ كەرەك. پارتيا مۇشەلەرىن، كادرلاردى بۇقارالىق قىزمەتتى ويداعىداي ىستەۋگە، كوڭىل كۇيدى ورنىقتىرۋعا، سەنىمدى بەكەمدەۋگە، وسەك - اياڭعا سەنبەۋگە، وسەك - اياڭ تاراتپاۋعا، بۇقارانىڭ جان اشىرى جانە سۇيەنىشى بولۋعا ۇيىمداستىرۋ كەرەك. بارىندە بۇقارا ءۇشىن ىستەپ، بۇقاراعا تىعىز سۇيەنىپ، قىزمەتتى ەگجەي - تەگجەيلى، تىڭعىلىقتى، كەمەلدى ىستەگەندە عانا، ىندەتتەن ساقتانۋ - تىزگىندەۋدى مۇلتىكسىز ۇشتاستىرۋعا، قۇرىش قامال ورناتۋعا بولادى.
بۇقارالىق ساقتانۋدىڭ، بۇقارالىق جونگە سالۋدىڭ بەرىك قورعانىس شەبىن قۇرۋدا بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرۋ كەرەك. جۇقپالى اۋرۋلاردان ساقتانۋ - تىزگىندەۋدە، باستىسى، جۇعۋ قاينارىن تىزگىندەۋ، تارالۋ جولىن ءۇزىپ تاستاۋ، وڭاي جۇعىمدالاتىن ادامدار شوعىرىن قورعاۋ كەرەك. قالا، اۋىلداعى نەگىزگى ساتى الەۋمەتتىك اۋماعى ىندەتتەن ساقتانۋ - تىزگىندەۋدەگى ءبىرىنشى قورعانىس شەبى، ءتۇرلى ساقتانۋ - تىزگىندەۋ شارالارى ايرىقشا ناقتى، ەگجەي - تەگجەيلى بولۋ كەرەك. جۇقپالى اۋرۋلاردان ساقتانۋ بىلىمدەرى جونىندەگى كەڭ كولەمدى ۇگىت، تاربيە ايرىقشا ماڭىزدى، جەكەلەردىڭ، سونداي - اق وتباسىلارىنىڭ عىلمي ساقتانۋى - قورعانۋى، دەنساۋلىعىن باقىلاۋ - تەكسەرۋى، تازالىق ادەتى سياقتىلار ەرتە باستان ساقتانۋدا ءونىمدى رول اتقارادى. تىعىز جۋىسقانداردى باسقارۋدى كۇشەيتۋ ىندەتتىڭ تارالۋىن توسۋدىڭ شەشۋشى شاراسى، تىزىمدەۋ، ءوزىن باقىلاۋ - تەكسەرۋ، كۇدىكتى اۋرۋ بەلگىسى بايقالعان زامان اۋاشالاپ ەمدەۋ سياقتى قىزمەتتەردى، ءسوزسىز، جىنتىكتەي، ەگجەي - تەگجەيلى ىستەۋ كەرەك. وتباسى، الەۋمەتتىك ورىن، قاتىناس قۇرالدارى، ورتا تازالىعى سياقتى جاقتارداعى ساقتانۋ - تىزگىندەۋ قىزمەتى دە بىردەي ماڭىزدى، ءسوزسىز، جاپپاي اتتانىسقا كەلتىرىپ، جاپپاي ورنالاستىرۋ جاساپ، جاپپاي كۇشەيتۋ كەرەك. بۇقارالىق ساقتانۋ، بۇقارالىق جونگە سالۋدا توركوزدەندىرىپ باسقارۋدىڭ جاقسى تاجىريبەلەرىنەن، جاقسى ادىستەرىنەن ۇتىمدى پايدالانىپ، تورعا، ۇياشىقتارعا، وتباسىلارىنا ەنگىزىپ، ارەكەت اتاۋلىنىڭ بارىندە تياناقتاندىرۋ كەرەك.
ىندەت الدىندا، مەيلى ءبىز قاي جەردەن كەلسەك تە، قايدا تۇرساق تا، ءبارىمىز دە قۋانىش پەن قايعىدا بىرگە بولاتىن تاعدىرلاس ورتاق تۇلعامىز. ءبىزدىڭ بىرلەسىپ ساقتانىپ، بىرلەسىپ تىزگىندەۋدى دارىپتەۋىمىز كۇش - قۋاتتى ونان ارى ويداعىداي ۇيىستىرۋ ءۇشىن؛ ءبىزدىڭ بۇقارالىق ساقتانىپ، بۇقارالىق جونگە سالۋدى تياناقتاندىرۋىمىز ىندەتتەن عىلمي ساقتانۋ - تىزگىندەۋ ءۇشىن. قازىر قالادان تارتىپ اۋىل - قىستاققا دەيىن، ءبىرىنشى شەپتە شايقاسىپ جاتقان ەمدەۋ قىزمەتكەرلەرىنەن تارتىپ قالىڭ حالىق بۇقاراسىنا دەيىن، ىندەتتەن ساقتانۋ - تىزگىندەۋدىڭ ءبىر رەتكى جۇدىرىقتاي جۇمىلاتىن، ەل بىرلىگىنەن قامال تۇرعىزاتىن توسقاۋىل شايقاسى جاپپاي ورىستەتىلۋدە. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جۇڭگوشا سوتسياليستىك ءتۇزىمنىڭ ابزالدىلىعىن تولىق ساۋلەلەندىرىپ، حالىق بۇقاراسىنا تىعىز سۇيەنىپ، بۇقارالىق ساقتانۋ، بۇقارالىق جونگە سالۋدىڭ بەرىك قورعانىس شەبىن قۇرۋىمىز كەرەك، بىزدە بۇل رەتكى ىندەتتەن ساقتاۋ - تىزگىندەۋ توسقاۋىل شايقاسىنىڭ جەڭىسىنە جەتۋگە تولىق سەنىم، قابىلەت بار.
(1 - ايدىڭ 30 - كۇنگى «حالىق گازەتى»ندە جاريالانعان)
