تيانشان تورى   ›   جاڭالىقتار   ›   شينجياڭ حابارلارى

رايونىمىزداعى قوعامنىڭ ٴار سالاسى ىندەتكە قارسى تۇرۋعا جابال اقشالاي-زاتتاي جىلۋ اتادى

  توسىن تۋىلعان جاڭا ٴتيپتى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى الدىندا، رايونىمىزداعى قوعامنىڭ ٴار سالاسى جابال اقشالاي، زاتتاي جىلۋ اتاپ، ەل بىرلىگىنەن بەرىك قامال تۇرعىزىپ، ىندەتكە قارسى تۇردى.

   1-ايدىڭ 30-كۇنى اۆتونوميالى رايوندىق قازىنا مەڭگەرمەسى، اۆتونوميالى رايوندىق دەنساۋلىق ساقتاۋ، سالاماتتىق كوميتەتى، اۆتونوميالى رايوندىق قىزىل كرەست قوعامى بىرلەسىپ قوعامنان جىلۋ قابىلداۋ جونىندە حابارلاندىرۋ شىعاردى، بۇعان بۇكىل شينجياڭداعى مەيىر باعىشتاۋ كاسىپورىندارى، مەيىر باعىشتاۋشىلار بەلسەنە ٴۇن قوستى. 1-ايدىڭ 30-كۇنىنە دەيىن جيىنى 5 ميلليون906 مىڭ 100 يۋان اقشا-زات تاپسىرىپ الىندى، مۇنىڭ ىشىندە 2 ميلليون 506 مىڭ 100 يۋان اقشالاي كومەك، قۇنى 3 ميلليون 400 مىڭ يۋان زات بار. بونا كينو توبى ٴبىر ميلليون يۋان جىلۋ اتاپ، ىندەتتەن ساقتانۋ-تىزگىندەۋ قىزمەتىنە قولداۋ كورسەتتى. شينجياڭنىڭ حالىقتىق كينو كاسىپورنى بولعان بونا كينو توبى « قىزىل تەڭىز ارەكەتى »، « مەكونگ وزەنى ارەكەتى »، « جۇڭگو ۇشاق باستىعى » سياقتى ٴبىر توپ سارا تۋىندىلاردى تاراتتى. بۇل تۋىندىلار جۇرتتى جەلپىندىرىپ، كۇش ـ قۋاتتى شوعىرلاندىرىپ، قوعامنىڭ جاپپاي مويىنداۋىنا جانە القاۋىنا بولەندى. ” ٴبىز كينو تۋىندىلارى ارقىلى ۇلى ٴداۋىردى جىرلايمىز، ٴداستۇرلى تاماشا ٴمورالدى ساۋلەلەندىرەمىز، قوعامدىق وڭ ەنەرگيا تاراتامىز، سونىمەن بىرگە وڭ ەنەرگيا ارقىلى ىندەتكە قارسى تۇرىپ، حالىقتىق كاسىپورىنداردىڭ قوعامدىق جاۋاپكەرشىلىگىن بەلسەنە اتقارامىز “، ـ دەدى بونا كينو توبىنىڭ باس جوراسى يۇي دۇڭ .

  بۇدان سىرت، بۋرىلتوعاي اۋدانىنداعى زەينەتكە شىققان شيپاگەر ٴماۋىلشارىپ قاپا اۆتونوميالى رايوندىق قىزىل كرەست قوعامى ارقىلى ٴوزى 5000 يۋان جىلۋ اتاپ، ” ٴوزى ٴبىرىنشى شەپتە ىندەتكە قارسى تۇرا الماسادا، ٴبىر كىسىلىك ەسەسىن قوساتىنىن “ ٴبىلدىردى ؛ ٴۇرىمجى 1 ـ تامىز ورتا مەكتەبىنە قاراستى باستاۋىش مەكتەپتىڭ 5 ـ جىلدىق وقۋشىسى لۋان شياۋتىڭ 1000 يۋان مەرەكەلىك اقشاسىن جىلۋعا اتادى ؛ جۇبايى كەزىندە جىلۋعا يە بولعاندىقتان، 62 جاستاعى ٴۇرىمجى قالاسىنىڭ تۇرعىنى قادىر ٴيۇسۇپ تۇرمىسى اۋقاتتى بولماعانىمەن، 1000 يۋان جىلۋ اتادى .

  التاي ايماعىنداعى بىردەن-ٴبىر ٴدارى جاساۋ كاسىپورنى- شينجياڭ رۇڭچىڭ حاكى ٴدارى جاساۋ شەكتى سەرىكتەستىگى العاشقى توپتا جالپى قۇنى 600 مىڭ يۋان كەلەتىن 200 جاشىك ىسىك قايتارۋ، قىزۋ باسۋ ٴدارىسىن تارتۋ ەتتى. اۆتونوميالى رايوندىق ىندەتتەن ساقتانۋ-تىزگىندەۋ قىزمەتى قولباسشىلىق شتابىنىڭ ٴبىر تۇتاس سايكەستىرۋىندە، 1-ايدىڭ 30-كۇنىنەن باستاپ، بۇل ٴدارى - دارمەكتەر بۇكىل شينجياڭداعى ٴارقايسى ايماق، وبلىستارىنا ىركەس-تىركەس تاراتىلىپ، ىندەتكە قارسى تۇرۋ قىزمەتىنە قولداۋ كورسەتەدى.” توسىن تۋىلعان ىندەتكە مەڭزەس، قالىڭ حالىقتىق كاسىپورىندارىمىز ادىلەتتى الدىڭعى ورىنعا قويۋدا تاباندى بولىپ، بەلسەنە ۇلەس قوسۋىمىز كەرەك“، ـ دەدى شينجياڭ رۇڭچىڭ ٴدارى ـ دارمەك كاسىبىنىڭ باس جوراسى ديڭ رۇڭچىڭ .

  ٴۇرىمجى قالاسى ەكونوميكالىق- تەحنيكالىق اشۋ رايونىندا ( توۋتۇنحى رايونىندا) ەل بىرلىگىنەن قامال تۇرعىزىپ، ىندەتكە قارسى شايقاستاعى ادامدى اسەرلەندىرەتىن مىسالدار وتە كوپ. 1-ايدىڭ 25-كۇنى ٴۇرىمجى تيانياۋ ۋييە ينفورماتسيالىق- تەحنيكالىق قىزمەت وتەۋ شەكتى سەرىكتەستىگى تۇڭعىش توپتاعى 15 مىڭ 750 دانا مەديتسينادا قولدانىلاتىن قورعانۋ ماسكاسىن ساتىپ الدى. قازىر بۇل سەرىكتەستىك ەكىنشى توپتاعى قورعانىس كيىمى، تۇيىق كوزىلدىرىك، ينفرا قىزىل ساۋلەلى تەرمومەتر سياقتىلاردى قامتىعان 60 مىڭ يۋاندىق مەديتسينالىق قورعانۋ زاتتارىن ٴۇرىمجى ەكونوميكالىق ـ تەحنيكالىق اشۋ رايونىنىڭ ( توۋتۇنحى رايونى ) ٴبىرىنشى شەبىندەگى ىندەتتەن ساقتانۋ-تىزگىندەۋ قىزمەتكەرلەرىنە وتكىزىپ بەرمەكشى. 1 ـ ايدىڭ 26 ـ كۇنى قارماعىنداعى كاسىپورىن حاۋجيانكاڭ ٴدارى ـ دارمەك سەرىكتەستىگى الەۋمەتتىك اۋماققا 1000 دانا ماسكى، ٴبىر ساندىق بانلانگىن تۇيىرشىگى، ٴبىرسىپىرا زارارسىزداندىرۋ سۇيىقتىعىن تارتۋ ەتتى؛ 1-ايدىڭ 28-كۇنى ۋانتاي ياڭگۋاڭ بازارىنداعى مەيىربان ساۋداگەر ۋاڭ جۇن جانە اتى-ٴجونىن قالدىرۋدى قالامايتىن اسكەري قوسىننان شەگىنگەن ٴبىر اسكەر، ساقشى بولىمشەسى سياقتى ورىندارعا 1800 دانا ماسكى تارتۋ ەتتى…

  ىندەتتەن ساقتانۋ-تىزگىندەۋ توسقاۋىل شايقاسىنىڭ جەڭىسىنە جەتۋدە ەرىكتىلەر ارەكەتكە كەلدى. 1-ايدىڭ 27-كۇنى ەرىكتى ۋ جۇڭلي دوستار شەڭبەرىندە ەمدەۋ بۇيىمدارىن تارتۋ ەتۋ دارىپتەمەسىن العا قويدى. ٴبىر ساعاتتان كەيىن شۋە حاۋۋىن اتتى ساۋداگەر 100 گە جۋىق ماسكىنى جەتكىزدى ٴارى زات قاينارىمەن بايلانىس جاساپ، تاعى دا 1000 دانا قورعانۋ ماسكىسىن ۇلانباي قوعام حاۋىپسىزدىگى تەكسەرۋ پۋنكتىندەگى قىزمەتكەرلەردىڭ قورعانۋ قىزمەتىنە پايدالانۋىنا تارتۋ ەتەتىنىن ٴبىلدىردى . ” وسى ەكى كۇندە كوپتەگەن ادامدار ٴبىزدىڭ ەرىكتى قىزمەت وتەۋ قوسىنىمىزعا قاتىناسىپ، ىندەتكە قارسى تۇرۋعا ۇلەس قوساتىندىقتارىن ٴبىلدىردى، ٴبىز ەرەكشە اسەرلەندىك “، ـ دەدى ۋ جۇڭلي .

  1-ايدىڭ 27-كۇنى ٴۇرىمجى قالاسى سايباق رايونى حۇڭمياۋزى اۋماعىن باسقارۋ كوميتەتى شينتۇڭ الەۋمەتتىك اۋماعىنىڭ 82 جاستاعى تۇرعىنى يۇڭ جينفاڭ 2000 يۋاندى الەۋمەتتىك اۋماق پارتكومىنىڭ شۋجيى گاۋ فىڭنىڭ قولىنا تاپسىرىپ بەردى. ” الەۋمەتتىك اۋماق كادرلارى ىندەتتەن ساقتانۋ -تىزگىندەۋدىڭ قاربالاستىمەن قاتتى جاپا شەكتى، مەن 2000 يۋان جىلۋ اتادىم، ماسكى سياقتى قورعانۋ بۇيىمدارىن ساتىپ الىڭدار، قىزمەت قانشا قاربالاس بولسا دا وزدەرىڭدى جاقسى قورعاۋلارىڭ كەرەك“، ـ دەدى يۇڭ جينفاڭ. ساقا پارتيا مۇشەسى يۇڭ جينفاڭنىڭ قولىن ۇستاعان گاۋ فىڭ تەبىرەنە بىلاي دەدى : ” وسىنشاما كوپ تۇرعىننىڭ بار كۇشپەن قولداۋىندا، وسى جولعى ىندەتتەن ساقتانۋ-تىزگىندەۋ شايقاسىنىڭ جەڭىسىنە جەتەتىندىگىمىزگە سەنىمىمىز كامىل.“

  اۋداراعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”زەردەلى ەگىن شارۋاشىلىعى ماشيناسى“ كوكتەمگى وندىرىسكە سەپتىگىن تيگىزدى
  • ءوندىرىس جەلىسىندەگى جۇمىسشىلار قاربالاس جۇمىستا
  • ءۇرىمجى حالىقارالىق اۋەجايىنىڭ سولتۇستىك اۋماعىن كەڭەيتىپ سالۋ ينجەنەرياسى جۇمىستى جالپى بەتتىك قالپىنا كەلتىردى
  • زەردەلى اۋىل شارۋاشىلىق ماشيناسى كوكتەمگى وندىرىسكە دەم بەردى