− رايونىمىزداعى قالىڭ پارتيالى كادرلار ىندەتكە قارسى تۇرۋدىڭ ءبىرىنشى شەبىندە ەرلىكپەن شايقاس جاسادى
شينجياڭ گازەتىنىڭ جالپىلىق اقپارات قۇرالدارى تىلشىلەرى
1 - ايدىڭ 29 - كۇنى شيپاگەرلەر لوپنۇر اۋدانى گۇلباق اۋىلى قادا ءدوڭ قىستاعىندا قىستاق تۇرعىندارىنا ىندەتتەن ساقتانۋ - تىزگىندەۋ بىلىمدەرىن جالپىلاستىرۋدا. بىرنەشە كۇننەن بەرى، لوپنۇر اۋدانىنداعى ءار ۇلت پارتيالى كادرلار ءبىرىنشى شەپتە تاباندىلىقپەن تۇرىپ، ىندەتتەن ساقتانۋ - تىزگىندەۋ قىزمەتىن ويداعىداي ىستەدى. سۋرەتتى لي فەي تۇسىرگەن
ىندەت − بۇيرىق، ساقتانۋ - تىزگىندەۋ − جاۋاپكەرشىلىك. بىرنەشە كۇننەن بەرى، جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە قارسى تۇرۋدىڭ ءارقايسى شايقاس شەبىندە، رايونىمىزداعى ءار دارەجەلى پارتيا ۇيىمدارى مەن قالىڭ پارتيالى كادرلار اۋەلگى ماقساتتى ۇمىتپاي، بورىشتى ەستە بەرىك ساقتاپ، كوكىرەك كەرە العا شىعىپ، اتويلاپ الدا ءجۇرىپ، پارتيا تۋىن ىندەتتەن ساقتانۋ - تىزگىندەۋدىڭ ءبىرىنشى شەبىندە اسقاق جەلبىرەتتى.
”مەن پارتيا مۇشەسىمىن، مەن الدىمەن بارايىن“
1 - ايدىڭ 30 - كۇنى ساعات 14تەن 20 مينۋت مولشەرىندە، ءتىلشى اۆتونوميالى رايوندىق جۇقپالى اۋرۋلار شيپاحاناسىنا كەلىپ، بەينە جازبا جۇيەسى ارقىلى كۇشتى تىنىس جولى اۋرۋحاناسى عيماراتىندا قىزمەت ىستەپ جۇرگەن تىنىس جولى ءبولىمىنىڭ ورىنباسار مەڭگەرۋشىسى لي حۇڭمەن حابارلاستى.
دارىگەرلىك ماسكىسىن تاعىپ العان ونىڭ جانارىنان ابدەن قالجىراعاندىعى ەكراننان كورىنىپ تۇر. 1 - ايدىڭ 24 - كۇنى تۇستەن بۇرىننان باستاپ، لي حۇڭ 134 كاسىپتەسىمەن بىرگە كۇندى تۇنگە جالعاپ قىزمەتكە كىرىسىپ كەتىپتى.
”ىندەتتەن ساقتانۋ - تىزگىندەۋ شايقاسى پارتيالى كادرلارعا ءبىر رەتكى قاتاڭ سىن، كوممۋنيستىك پارتيا مۇشەسى رەتىندە، مەن اتويلاپ الدا ءجۇرۋىم كەرەك“، - دەدى لي حۇڭ.
قاسقايا قارسى جۇرۋدەن تايسالماعاندار تەك ەمدەۋ قىزمەتكەرلەرى عانا ەمەس.
تەمىر جولدىڭ شينجياڭعا كىرەتىن وتكەلىندەگى ىندەتتى سارالاپ تەكسەرۋ قىزمەتىنىڭ ەڭ الدىڭعى لەگى − ليۋيۋان پويەز ۆوكزالىندا، قۇمىل قالالىق قوعام حاۋىپسىزدىگى مەكەمەسى سايلاۋىت ساقشى تارماق اترەتىنىڭ سايلاۋىت ساقشىلارى مەن ەمدەۋ قىزمەتكەرلەرى تەكسەرۋ - تىزگىندەۋ گرۋپپاسىن ۇيىمداستىرىپ، شينجياڭعا كىرەتىن پويەزداعى جولاۋشىلاردىڭ دەنە تەمپەراتۋراسىن باقىلاۋ، ولشەۋ سياقتى قىزمەتتەردى ىستەۋدە.
داي ياڭ وسىلاردىڭ ىشىندەگى سايلاۋىت ساقشىنىڭ ءبىرى. 23 كۇننىڭ الدىندا ول تۇڭعىش رەت اكە بولۋدىڭ شاتتىعىنا شومعان بولاتىن. ”بالام 22 كۇن ەرتە تۋىلدى، ايەلىم ەكەۋىمىزدىڭ دە اتا - انالارىمىز كومەكتەسە المايدى، ءاسىلى دەمالىسىمدى ۇزارتىپ الماق ەدىم“. داي ياڭ بىلاي دەدى: ايتسە دە ىندەتتەن ساقتانۋ - تىزگىندەۋمەن سالىستىرا كەلىپ، مەن سوڭعىسىن تاڭدادىم. ”مەن كوممۋنيستىك پارتيا مۇشەسىمىن، سونداي - اق تارماق اترەت وداق ياچەيكاسىنىڭ شۋجيىمىن، جاۋىنگەر سەرىكتەرىمنىڭ ءبارى ءبىرىنشى شەپتە جۇرگەندە، مەن قالاي عانا شەگىنەمىن؟“. 1 - ايدىڭ 26 - كۇنى داي ياڭ دەمالىسى اياقتاي سالا، ”ىندەت“پەن شايقاسۋعا دەرەۋ تىزىمدەلدى. ”ىندەت الدىندا، مەن، ءسوزسىز، جەكە باسىمنىڭ قامىن ويلاماي، كوپتىڭ قامىن ويلاۋىم كەرەك، ’شىعىس قاقپا‘نى قورعاۋ ءبىزدىڭ جاۋاپكەرشىلىگىمىز“، - دەدى داي ياڭ.
1 - ايدىڭ 27 - كۇنى جۇڭگو وڭتۇستىك اۆياتسيا جارنا شەكتى سەرىكتەستىگى شينجياڭ بولىمشە سەرىكتەستىگىنىڭ شينجياڭنان حۋبەيگە تۇڭعىش توپتا باراتىن ەمدەۋ اترەتىن ۇشاقپەن جونەلتەتىندىگى جونىندەگى حاباردى ەستىگەندە، وسى كۇنى كەزەكشىلىك وتەپ وتىرعان سەرىكتەستىكتىڭ ۇشۋ ءبولىمىنىڭ ورىنباسار ديرەكتورى حۋ شىيۇڭ ءبىرىنشى بولىپ: ”مەن پارتيا مۇشەسىمىن، مەن الدىمەن بارايىن!“، - دەپ ءوتىنىش بەردى.
حۋ شىيۇڭ سەرىكتەستىكتىڭ ۇشۋ تاربيەلەۋشىسى، كاسىپتىك تىرەكتى. وسىنداي ماڭىزدى قامتاماسىز ەتۋ مىندەتى الدىندا، ول تيتتەي دە ءارى - ءسارى بولماستان كوكىرەك كەرە العا شىعىپ: ”ۇشاقتى جاقسى ۇشىرىپ، شينجياڭنان حۋبەيگە كومەككە باراتىن ەمدەۋ اترەتىن ۋحانعا امان - ەسەن جەتكىزەتىن “سەنىمىم بار، - دەدى.
14 جىلدىق پارتيا ستاجى بار يىڭىسار اۋداندىق قاتىناس ساقشى ۇلكەن اترەتىنىڭ باستىعى چي سۋۋي دە ادىلەت جولىندا ەشتەڭەدەن تايىنباي ىندەتتەن ساقتانۋ - تىزگىندەۋ قىزمەتىنە قاتىناستى. چي سۋۋي كوكتەم مەرەكەسىن ۇيىندە جاقسىلاپ وتكىزبەگەندىگىنە نەشە جىل بولعاندىعىن دا ۇمىتىپ كەتكەن. بيىل ونىڭ اكە - شەشەسى 4 جاستاعى قىزىن ەرتىپ جياڭسۋداعى مەكەندەرىنەن يىڭىسار اۋدانىنا ولارمەن باس قوسىپ مەرەكەنى تويلاماق بولىپ كەلدى. ”ىندەت الدىندا، كوممۋنيستىك پارتيا مۇشەسى رەتىندە، مەنىڭ، ءسوزسىز، الدا ءجۇرۋىم كەرەك“، - دەدى چي سۋۋي. ءار جولى بالاسىمەن بەينە جازبادا اڭگىمەلەسكەندە، بالاسى كوز جاسىن كولدەتىپ ودان ۇيگە قاشان قايتاتىندىعىن سۇراعاندا، ول شىداي الماي تەك قانا: ”ىندەتتى جەڭگەننەن كەيىن، اكەڭ ۇيگە قايتىپ ساعان سەرىك بولادى“، - دەپ ۋادە بەرۋمەن بولدى.
”بۇقارانىڭ باقىتى مەن سالاماتتىعىن ويداعىداي قورعايمىن“
1 - ايدىڭ 31 - كۇنى جيا شياۋياننىڭ قول تەلەفونى تالاي رەت شىرىلدادى، مۇنىڭ قىزىنان كەلگەنى وعان بەلگىلى. بالاسى ونى ساعىندى. جيا شياۋيان ءۇرىمجى قالاسى تيانشان رايونى دۇڭمىن اۋماعىن باسقارۋ كوميتەتى جيانگو وڭتۇستىك جولى سولتۇستىك الەۋمەتتىك اۋماعى پارتيا باس ياچەيكاسىنىڭ شۋجيى، كۇيەۋى ياڭ شۇيدۇڭ دۇڭمىن اۋماعىن باسقارۋ كوميتەتى دۇڭحوۋ وڭتۇستىك كوشەسى الەۋمەتتىك اۋماعى پارتكومىنىڭ شۋجيى. جيا شياۋيان قىزىنىڭ وزىنە تەلەفون جالعاي الماعاننان كەيىن، ءسوزسىز، اكەسىنە تەلەفون جالعايتىندىعىن بىلەدى. ايتسە دە وسى كەزدە ەكەۋى دە ىندەتتەن ساقتانۋ - تىزگىندەۋدىڭ ءبىرىنشى شەبىندە كۇرەس جۇرگىزىپ جاتقان ەدى: قاراستىلىعىنداعى اۋماقتاعى ادامداردى ءبىر - بىردەن تەكسەرۋ، زارارسىزداندىرۋ قىزمەتى، بۇقاراعا ۇگىت جۇرگىزۋ قىزمەتى، ۇيىندە اۋاشالانىپ جاتقانداردىڭ تۇرمىستىق قاجەتى، كەرەكسىز ماسكىلاردى ءبىر جايلى ەتۋ...
كوكتەم مەرەكەسى قارساڭىندا، ەرلى - زايىپتى ەكەۋى بەلگىلەمە بويىنشا دەمالىستارىن الىپ، قىزدارىن ەرتىپ ساياحاتتاماق بولعان ەدى، الايدا ىندەت الدىندا ەكەۋى دەمالىستارىن تاباندا كۇشىنەن قالدىرىپ، قىزمەت ورىندارىنا قايتىپ كەلدى. ”مەن كوممۋنيستىك پارتيا مۇشەسىمىن، مەنىڭ بورىشىم جانە جاۋاپكەرشىلىگىم بار، وسى كەزدە، مەن اتويلاپ العا شىقپاسام، كىم العا شىعادى؟ مەن بۇقارانىڭ باقىتى مەن سالاماتتىعىن ويداعىداي قورعاپ، قاراستىلىعىمىزداعى اۋماقتاعى تۇرعىندارمەن بىرگە قيىندىقتاردى بىلەك بىرىكتىرە جەڭەمىن“، - دەدى جيا شياۋيان.
”تاعى ءبىر ۋاقىتشا جولاۋشىلار پويەزى تۇستە بەكەتكە كەلەدى، 60 كىسىلىك تۇسكى اس دايىنداپ قوي. 1 - ايدىڭ 31 - كۇنى ءتۇستىڭ الدىندا، ەندى عانا ءبىر پويەزداعى قىزمەتكەرلەردىڭ تاماعىن پويەزعا الىپ شىققاندا، بىرەۋ جاڭ چۇڭگاڭعا ۋاقىتشا قوسىلعان تۇسكى استىڭ سانىن تاپسىردى.
جاڭ چۇڭگاڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى كورلا ءۇي - مۇلىك ۇكىمەت جاتاقحاناسى بولىمشەسى حوتان ءۇي قۇرىلىسى سەحى پارتيا ياچەيكاسىنىڭ شۋجيى، ول قاراستى ءۇي قۇرىلىسى ۇكىمەت جاتاقحاناسى سەحى حوتان ۆوكزالىنداعى پويەز قىزمەتكەرلەرىنىڭ تاماعىن، سونداي - اق ۆوكزال رايونىنداعى قىزمەت تاماعىن دايىنداۋعا جاۋاپتى، ەڭ كوپ بولعاندا ءبىر كۇندە 640 نەشە كىسىلىك تاماق جاسايدى.
43 جاستاعى جاڭ چۇڭگاڭ ايەلى ەكەۋى كوپ بىرگە تۇرا المايتىن، بيىلعى كوكتەم مەرەكەسى وتباسىنداعىلارمەن باس قوسۋدىڭ ورايى ەدى، ءبىراق 1 - ايدىڭ 22 - كۇنىنەن بۇگىنگە دەيىن ول قىزمەت ورنىندا قاربالاس بولىپ جاتىر. كۇندىز جۇمىستان قولى بوسامايدى، تەك كەشتە عانا ۋاقىت شىعارىپ ايەلىمەن تەلەفوندا سويلەسەدى. ”وسىنداي ەرەكشە ساتتە، پارتيا ياچەيكاسىنىڭ شۋجيى رەتىندە، مەن ءوزىم ونەگە كورسەتىپ، كوكىرەك كەرە العا شىعىپ، تەمىر جول تاسىمالىن ويداعىداي قامتاماسىز ەتۋىم كەرەك“، - دەدى ول.
1 - ايدىڭ 31 - كۇنى مەملەكەتتىك ەلەكتر تورابى شينجياڭ ەلەكتر شەكتى سەرىكتەستىگى ءۇرىمجى ەلەكترمەن قامداۋ سەرىكتەستىگىنىڭ قالا رايونىنداعى 3 - ەلەكترمەن قامداۋ ورتالىعىنىڭ ديرەكتورى حۋاڭ چيڭ قىزمەتكە شىعا سالا قاربالاستانىپ كەتتى. قاراستى اۋماقتاعى 6 شۇعىل جوندەۋ ءتۇيىنىن تەكسەرىپ بولعاننان كەيىن، ول اۋا رايى مالىمەتىندەگى كۇشتى بوران ساقتىق دابىلىنا نەگىزدەلىپ، شۇعىل جوندەۋگە قاجەتتى زاتتىق ماتەريالدار مەن قىزمەتكەرلەردى سايكەستىرىپ، ەكىنشى كۇنى ارقالايتىن شۇعىل جوندەۋ مىندەتىن وتەۋگە دايىندالدى.
پارتيا مۇشەسى رەتىندە، حۋاڭ چيڭ 1 - ايدىڭ 24 - كۇنىنەن باستاپ، كۇنى - ءتۇنى تىنىم المادى. ”بىزگە قاراستى اۋماقتا تۇرعىندار پايدالاناتىن ەلەكتردەن تىس، تاعى شيپاحانا جانە ەمدەۋ، ءدارى - دارمەك ءوندىرىس كاسىپورىندارى سياقتى ىندەتتەن ساقتانۋ - تىزگىندەۋدىڭ ءبىرىنشى شەبىندە شايقاس جاساپ جاتقان ورىندار بار، ولاردىڭ ەلەكتردەن حاۋىپسىز پايدالانۋىن قامتاماسىز ەتۋ ءبىزدىڭ ەڭ ۇلكەن مىندەت - جاۋاپكەرشىلىگىمىز“، - دەدى حۋاڭ چيڭ.
”قىزمەت ورنىمنان تاپجىلماي، ىندەت رايونىنا كومەكتەسەمىن“. ىندەت تۋىلعاننان كەيىن، شينجياڭ يىندولان ۇيعۇر ءدارى - دارمەك جارنا شەكتى سەرىكتەستىگى شۇعىل ءماجىلىس اشىپ، فۋفاڭ يزىحۋ ۇنتاق ءدارىسىن جىلدام قارقىنمەن ءوندىرۋدى ۇيعاردى. سەرىكتەستىكتىڭ ءنار الۋ سەحىنىڭ مەڭگەرۋشىسى، پارتيا مۇشەسى حى ۋيبيڭ كوكتەم مەرەكەسىندە ءبىر كۇن دە دەمالمادى، ءار كۇنى 12 ساعات بويى سەحتا تاپجىلماستان ءدارى ساپاسىن قاتاڭ قاداعالادى. ”سەرىكتەستىك باسشىلارى قامبا ءىشىن بوس قالدىرۋدان ايانباي، ءدارى - دارمەكتەردى دەر كەزىندە ۋحانعا جانە تۇتاس شينجياڭنىڭ جەر - جەرىنە جەتكىزۋدى، ەڭ قاجەت ەتەتىن جەرگە جەتكىزۋدى ورتاعا قويدى. مۇنداي سۇيىسپەنشىلىك ءبىزدى تەرەڭ اسەرلەندىرىپ، ءبىزدىڭ مىندەتىمىزدى ورىنداۋىمىزعا، حالىق بۇقاراسىنىڭ سالاماتتىعىنا دەگەن قامقورلىعىمىزدى ءدارى - دارمەك وندىرىسىنە سىڭىرۋىمىزگە مۇمكىندىك بەردى“، - دەدى حى ۋيبيڭ.
”سىن - سىناق بارىسىندا اۋەلگى ماقساتتى امالياتتا ايگىلەپ، باتىلدىقپەن جاۋاپكەرلىك ارقالايمىن“
”نەگىزگى ساتى سالىق ورگاندارى مەن قالىڭ سالىق تاپسىرۋشىلار تىعىز ارالاسادى، ىرىقتىلىقپەن العا ۇمتىلۋعا، ىندەتتەن ساقتانۋ - تىزگىندەۋ توسقاۋىل شايقاسىن ويداعىداي جۇرگىزۋگە جاۋاپتى ءارى مىندەتتى“، - دەدى مەملەكەتتىك سالىق باس مەكەمەسى ءپىشان اۋداندىق سالىق مەكەمەسىنىڭ كادرى لي ۋي.
بىرنەشە كۇننەن بەرى، ءپىشان اۋداندىق سالىق مەكەمەسىنىڭ كادرلارى سالىق جۇمىستارىن توراپتا ءبىتىرۋ ءادىسىن باستان - اياق كەڭ كولەمدە ۇگىتتەپ، سالىق تاپسىرۋشىلاردى سالىق راسمياتتارىن بىتىرۋگە قىزمەت وتەۋ زالىنا بارماي - اق، توراپتا سالىق جۇمىستارىن بىتىرۋگە جەتەلەدى. ”1 - ايدىڭ 30 - كۇنى تۇستەن بۇرىن مەن ەلەكتروندى سالىق مەكەمەسىندە ەكى جۇمىستى ءبىتىردىم ءارى توراپتا سالىق تاپسىرۋشىلارعا ىندەتتەن ساقتانۋ بىلىمدەرىن ۇگىتتەپ، سالىققا قاتىستى ماسەلەلەرگە جاۋاپ بەردىم“. لي ۋي بىلاي دەدى: پارتيا مۇشەسى رەتىندە، مەن ىندەتتەن ساقتانۋ - تىزگىندەۋ جانە سالىق تاپسىرۋشىلارعا قىزمەت وتەۋدىڭ ءبىرىنشى شەبىندە اتويلاپ الدا ءجۇرىپ، ءوز مۇمكىندىگىمنىڭ بارىنشا سىن - سىناق بارىسىندا اۋەلگى ماقساتتى امالياتتا ايگىلەپ، باتىلدىقپەن جاۋاپكەرشىلىك ارقالايمىن“.
1 - ايدىڭ 29 - كۇنى تاڭەرتەڭ شاشىن اق شالعان 2 قاريا بالا - شاعالارىنىڭ سەرىك بولۋىندا بۋىرشىن اۋداندىق ىندەتتەن ساقتانۋ - تىزگىندەۋ قولباسشىلىق شتابىنا كەلدى. ”كوپشىلىك جاپا شەكتىڭىزدەر!“ ەسىكتەن كىرە بەرە قاريالار سول ورىنداعى قىزمەتكەرلەرگە ءيىلىپ سالەم بەردى.
”ءبىز وسى رەتكى ىندەتتەن ساقتانۋ - تىزگىندەۋگە جىلۋ اتاماقشىمىز“. بۇل ءسوزدى ايتقان بۋىرشىن اۋدانى قوستىق قالاشىعى سارقۇم قىستاعىنداعى ساقا پارتيا مۇشەسى ءابىلاقي وتاشىنىڭ جاسى بيىل 80گە كەلىپتى. ول جۇبايى ەكەۋى 100 مىڭ يۋان امانات شەگىن ىندەتتەن ساقتانۋ - تىزگىندەۋ قولباسشىلىق شتابىندا كەزەكشىلىك مىندەتىن وتەپ جاتقان اۋداندىق پارتكومنىڭ شۋجيى چىن كىپيڭنىڭ قولىنا ۇستاتتى.
”كوپ بىرىكسە كۇش مولايادى، ىنتىماق − كۇش! تەك ءبىر نيەتپەن ىنتىماقتاسساق جەڭبەيتىن قيىنشىلىق بولمايدى“، - دەدى ءابىلاقي اسەرلەنىپ.
ءابىلاقيدىڭ تۇرتكى بولۋىندا، بۋىرشىن اۋدانىنداعى ءار ۇلت كادر - جۇرتشىلىعى وزدىكتەرىنەن ”مەن ىندەتتەن ساقتانۋ - تىزگىندەۋگە كۇش قوسامىن“ مەيىر باعىشتاپ جىلۋ اتاۋ قيمىلىن ۇيىمداستىردى، قازىر جىلۋعا اتالعان زاتتاردىڭ قۇنى ءبىر ميلليون يۋاننان اسىپتى.
”وسى شەشۋشى ساتتە، مەن شىقپاسام كىم شىعادى، ويتكەنى مەن پارتيا مۇشەسىمىن، پارتيا مۇشەسى قيىنشىلىق ەڭ كوپ ورىنعا بارۋعا، بۇقارا ەڭ قاجەت ەتەتىن ورىنعا بارۋعا ءتيىس، جاۋاپكەرشىلىك ارقالاپ، ۇلگى بولۋ كەرەك!“. قىستاقتا پارتيا مۇشەلەرىنىڭ كومەكتەسۋ اترەتىن ۇيىمداستىرىپ جاتقانىن ەستىگەن قۇلجا اۋدانى جاڭاتام قالاشىعى بويراشى قىستاعىنداعى شارۋا پارتيا مۇشەسى سۇن جيڭشان دەرەۋ ءۇن قوسىپ، كەزەكشىلىك مىندەت وتەۋ تۇيىنىنە بارىپ، سول ارادا ۇزبەي كوپ كۇن شايقاس جاساعان قىستاق كادرىمەن كەزەك الماسۋدى ءوتىنىش ەتتى.
ىندەت تۋىلعان جەردە پارتيا تۋى جەلبىرەيدى، پارتيا تۋى بار جەردە رۋحاني جەتەكشىلىك بار، سۇيىسپەنشىلىك بار!
(تىلشىلەر جاڭ يۇنمەي، فۋ شياڭلۇڭ، رايدا، ما ينيڭ، حان چينيان، يۋان لەي، لۋ فىڭباۋ، چىن چياڭۋي، شي شين، ميھىرگۇل ناسىر، جاڭ تيڭ، جازيرا نەسىپبەك، ەرىكتى تىلشىلەر لي ۋىنلۇڭ، جي جىميڭ، جياڭ يەجۇن جازعان)
