ورتالىق اسكەري ىستەر كوميتەتى «حابارلاندىرۋ» باسىپ تاراتتى
ءتوراعا شي جينپيڭنىڭ ماڭىزدى نۇسقاۋىن باتىل دايەكتىلەندىرىپ، ارمياداعى پارتيا باسشىلىعىن كۇشەيتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتەيىك
شينحۋا اگەنتتىگىنىڭ 1 - ايدىڭ 31 - كۇنى بەيجيڭنەن بەرگەن حابارى. تاياۋدا ورتالىق اسكەري ىستەر كوميتەتى «ءتوراعا شي جينپيڭنىڭ ماڭىزدى نۇسقاۋىن باتىل دايەكتىلەندىرۋ، ارمياداعى پارتيا باسشىلىعىن كۇشەيتۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋ جونىندەگى حابارلاندىرۋ»دى باسىپ تاراتىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنەن سانالى تۇردە پارتيا ورتالىق كوميتەتىنىڭ، ءتوراعا شي جينپيڭنىڭ شەشىمدەرى، نۇسقاۋلارى ارقىلى يدەيا مەن ارەكەتتى بىرلىككە كەلتىرىپ، پارتيا مەن حالىق ارمياعا جۇكتەگەن ىندەتتەن ساقتانۋ - تىزگىندەۋ مىندەتىن باتىل ورىنداۋدى تالاپ ەتتى.
«حابارلاندىرۋ»دا مىنالار اتاپ كورسەتىلدى: ءار دارەجەلى پارتكومدار ءتوراعا شي جينپيڭنىڭ ماڭىزدى نۇسقاۋىن ىشكەرىلەي ۇيرەنىپ، ۇعىنىپ، ارميا ارقالاعان ىندەتتەن ساقتانۋ - تىزگىندەۋ مىندەتىنىڭ پارتيا مەن حالىق سەنىپ تاپسىرعان كەلەلى تاپسىرما، اۋەلگى ماقساتتى، بورىشتى امالياتتا ايگىلەۋدىڭ رەال تالابى، شەشۋشى ساتتە حالىق پەرزەنت اسكەرلەرىندە بولۋعا ءتيىستى ساياسي جاۋاپكەرشىلىك ەكەندىگىن جەتە تانىپ، ”ءتورت تانىم“دى شىنايى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، اسكەري ىستەر كوميتەتى ءتوراعاسى جاۋاپتى بولۋ ءتۇزىمىن دايەكتىلەندىرىپ، پارتيا ورتالىق كوميتەتىنىڭ، ءتوراعا شي جينپيڭنىڭ شەشىمدەرىن، ورنالاستىرۋلارىن تاباندىلىقپەن ناقتاپ تياناقتاندىرۋ كەرەك.
«حابارلاندىرۋ»دا مىنالار باسا دارىپتەلدى: بۇيرىق تانىمىن كۇشەيتىپ، بۇيرىق بويىنشا قيمىلداپ، اۋىر مىندەتتى باتىل ارقالاپ، ەرلىكپەن قاتاڭ شايقاس جۇرگىزىپ، ىندەتتەن ساقتانۋ - تىزگىندەۋدىڭ اتويشىلارى، ەكپىندىلەرى بولۋ؛ باستى ماقسات تانىمىن كۇشەيتىپ، حالىقتىڭ مۇددەسىن بارىنەن جوعارى قويۋدى ەستە بەرىك ساقتاپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنىڭ قورعاۋشىسى، ساقتاۋشىسى بولىپ، حالىق پەرزەنت اسكەرلەرىنىڭ اۋەلگى ماقساتىن، قاسيەتىن ايگىلەۋ؛ كەلەلى جاعداي تانىمىن كۇشەيتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ ارميا مەن ۇكىمەت سەلبەسۋ شايقاسىن، ارميا مەن حالىق ىنتىماقتاسۋ شايقاسىن ويداعىداي جۇرگىزۋ كەرەك.
«حابارلاندىرۋ»دا مىنالار ايقىندالدى: تارتىپكە، قاعيداعا قاتاڭ بويسۇنۋدى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدىڭ ماڭىزدى كەپىلى ەتىپ، ارمياداعى پارتيا باسشىلىعىن كۇشەيتۋدىڭ بارلىق جاعىندا، جالپى بارىسىندا تياناقتاندىرۋ كەرەك. ۇيىمدىق باسشىلىقتى كۇشەيتىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنىڭ، كادرلاردىڭ بەلسەندى رولىن تولىق ساۋلەلەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، كوكىرەك كەرە العا شىعىپ، ەرلىكپەن كۇرەسىپ، قىزمەتتى تىڭعىلىقتى ىستەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە بەلسەنە ۇلەس قوسۋ كەرەك. باسشى كادرلار جوعارى ارقىلى تومەنگە جەتەكشىلىك ەتۋگە، قىزمەت ورىندارىنان تاپجىلماي، الدىڭعى شەپتە تۇرىپ قولباسشىلىق ەتىپ، قالىڭ كوماندير - جاۋىنگەرلەردى كەلەلى تاپسىرمانى ارقالاپ، بورىشتى ادا ەتۋگە ىنتىماقتاستىرىپ، باستاپ، ءىس جۇزىندىك ارەكەتتەرى ارقىلى پارتيا مەن حالىققا تولىمدى جاۋاپ بەرۋ كەرەك.
