شينجياڭ گازەتىنىڭ جالپىلىق اقپارات قۇرالدارى تىلشىلەرى فۋ شياڭلۇڭ، يۋان لەي، ءجازيرا نەسىپبەك 2 - ايدىڭ 1 - كۇنى ۇرىمجىدەن حابارلايدى. جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى الدىندا رايونىمىزداعى ءارقايسى ەمدەۋ قۇرىلىمدارى بۇيرىق بەرىلىسىمەن اتتانىسقا كەلىپ، دەر كەزىندە توتەپ بەرىپ، شارالاردى كۇشەيتىپ، ”قۇتقارۋ - ەمدەۋ توسەگى، ەمدەۋ قىزمەتكەرلەرى، ەمدەۋ زاتتىق ماتەريالدارى، تۇرمىستىق زاتتىق ماتەريالدارى“ سىندى ءتورتتى تىڭعىلىقتى تياناقتاندىرۋعا شىنايى كەپىلدىك ەتىپ، ىندەتتەن ساقتانۋ - تىزگىندەۋ قىزمەتىن بار كۇشپەن ويداعىداي ىستەدى.
”ىندەت تۋىلعاننان بەرى، اۆتونوميالى رايوندىق دەنساۋلىق ساقتاۋ، سالاماتتىق كوميتەتى دەنساۋلىق ساقتاۋ بويىنشا شۇعىل جاعدايعا توتەپ بەرۋ قۇتقارۋ - كومەكتەسۋ باسشىلىق گرۋپپاسىن قۇرىپ، ىندەتتەن ساقتانۋ - تىزگىندەۋ تاكتيكاسى مەن تەحنيكا جوباسىن جاسادى“. اۆتونوميالى رايوندىق دەنساۋلىق ساقتاۋ، سالاماتتىق كوميتەتى ەمدەۋ اكىمشىلىگى، ەمدەۋ ىستەرىن باسقارۋ باسقارماسىنىڭ ورىنباسار باستىعى ياڭ حايفىڭ بىلاي دەپ تانىستىردى: قازىر باسشىلىق گرۋپپاسى كوپ ءتۇرلى ساقتانۋ - تىزگىندەۋ شارالارىن ءتۇيىندى تۇردە تياناقتاندىرىپ، بۇكىل رايوننىڭ ىندەتتەن ساقتانۋ - تىزگىندەۋ قىزمەتىن عىلمي دا ءونىمدى ورىستەتۋىنە جەتەكشىلىك ەتتى.
ياڭ حايفىڭ بىلاي دەپ تانىستىردى: قازىر اۆتونوميالى رايون ”ناۋقاستاردى شوعىرلاندىرۋ، مامانداردى شوعىرلاندىرۋ، بايلىقتى شوعىرلاندىرۋ، قۇتقارۋ - ەمدەۋدى شوعىرلاندىرۋ“دى قاتاڭ تياناقتاندىرىپ، كۇدىكتى ناۋقاستاردى بەلگىلەنگەن شيپاحانالارعا شوعىرلاندىرىپ، ناۋقاسىن انىقتاتۋعا جانە قۇتقارۋ - ەمدەۋگە شىنايى كەپىلدىك ەتىپ، ەڭ زور قۇلشىنىسپەن سالماقتى اۋرۋلاردىڭ تۋىلۋ مولشەرىن ازايتتى. ءارقايسى ايماق، وبلىستار دا باسىمدىققا يە ەمدەۋ بايلىقتارىن شوعىرلاندىرىپ، جەرگىلىكتى ورىنداعى بەلگىلەنگەن قۇتقارۋ - ەمدەۋ شيپاحانالارىنىڭ قىزمەتتى ءساتتى ورىستەتۋىنە كەپىلدىك ەتتى.
”اۆتونوميالى رايون تاعى 50دەن استام ادامنان قۇرالعان اۆتونوميالى رايون دارەجەلى كوپ سالاداعى ماماندار جەتەكشىلىك گرۋپپاسىن قۇردى، جەتەكشىلىك گرۋپپاسىنداعى ماماندار تىنىس جولى، ينفەكتسيا، سالماقتى اۋرۋلار سياقتى جاقتارداعى ماماندار جانە راديولوگيا، تەكسەرۋ، سارالاۋ، پسيحولوگيا جاعىنداعى ماماندار، ولار ىندەتتەن ساقتانۋ - تىزگىندەۋگە دەر كەزىندە ساراپتاۋ جاساپ، عىلمي قۇتقارۋ - ەمدەۋ جۇرگىزە الادى“. ياڭ حايفىڭ بىلاي دەدى: اۆتونوميالى رايوندىق دەنساۋلىق ساقتاۋ، سالاماتتىق كوميتەتى الىس ارالىقتى بىرىگىپ دياگنوز قويۋ تۇعىرىن قۇردى، وندا بيڭتۋاندى قامتىعان بارلىق بەلگىلەنگەن قۇتقارۋ - ەمدەۋ شيپاحانالارىن دەر كەزىندە ورنالاستىرۋعا، عىلمي قۇتقارۋ - ەمدەۋگە دەر كەزىندە الىس ارالىقتان جەتەكشىلىك ەتۋگە بولادى.
ىلە قازاق اۆتونوميالى وبلىستىق شينحۋا شيپاحاناسى پارتكومىنىڭ شۋجيى، بەلگىلەنگەن شيپاحانانىڭ ەمدەۋ قۇتقارۋ - ەمدەۋ قىزمەتىنىڭ جاۋاپتىسى چىن جۇڭمين بىلاي دەپ تانىستىردى: قازىر بۇل شيپاحاناعا 60 توسەك ورنالاستىرىلدى، اۋا قىسىمى تومەن اۋرۋ بولمەلەرىن وزگەرتۋ اياقتالدى. شيپاحانانىڭ ءتۇرلى ەمدەۋ زاتتىق ماتەريالدارى تولىق سەپتەلىپ، ءىرى تۇرپاتتى جابدىقتار مەن قاجەتتى جابدىقتار تۇگەلدەي تولىقتاندى، بارلىق ەمدەۋ قىزمەتكەرلەرى 4 تىركەسپەلى اترەتكە ءبولىندى، ءاربىر تىركەسپەلى اترەتتە 34 ادام بار،ءار كۇنى كەسەتىمدى ۋاقىتتا اۆتونوميالى رايوندىق جۇقپالى اۋرۋلار شيپاحاناسىنىڭ الىس ارالىقتى ەمدەۋ تۇعىرىنا الىس ارالىقتان بىرىگىپ ەمدەۋ جونىندە مالىمەت بەرىپ، اۋرۋ جاعدايىن تالقىلاپ، ەمدەۋ جوباسىن دەر كەزىندە رەتتەيدى.
اۆتونوميالى رايوندىق جۇقپالى اۋرۋلار شيپاحاناسى اۆتونوميالى رايوننىڭ ءوز دارەجەسىندەگى جانە ءۇرىمجى قالاسىنداعى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىن بەلگىلەنگەن تۇيىندە قۇتقارۋ - ەمدەۋ مىندەتىن ۇستىنە العان. وسى شيپاحانا 134 اۋاشالاۋ ناۋقاس توسەگىن بوساتتى، سونداي - اق ءبىرىنشى توپتاعى شۇعىل جاعدايعا توتەپ بەرۋدى قامتاماسىزداندىرۋ تىركەسپەلى اترەتىن قۇرىپ، 144 شۇعىل جاعدايعا توتەپ بەرۋ تىركەسپەلى اترەت مۇشەلەرىن سەپتەۋدەن سىرت، وزگە شيپاحانالاردان قاتىستى ماماندىقتاعى ەمدەۋ قىزمەتكەرلەرىنەن 91 ادامدى شۇعىل شىعارىپ، شۇعىل جاعدايعا توتەپ بەرۋدى قامتاماسىزداندىرۋ زاپاس تىركەسپەلى اترەتىن ۇيىمداستىرىپ، ءبىرىنشى شەپ قىزمەتىنە ات سالىستى. قازىرگە دەيىن، بۇكىل شيپاحانادا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن قۇتقارۋ - ەمدەۋدىڭ ءبىرىنشى شەبىنە ات سالىسقان كادر، جۇمىسشى - قىزمەتشىلەر 284 ادام بولدى، مۇنىڭ ىشىندە كوممۋنيستىك پارتيا مۇشەلەرى بۇكىل شيپاحاناداعى پارتيا مۇشەلەرى جالپى سانىنىڭ ％89ىن يەلەدى. ەمدەۋ زاتتىق ماتەريالدارى جانە تۇرمىستىق زاتتىق ماتەريالدارمەن قامداۋدىڭ جەتكىلىكتى بولۋىن قامتاماسىز ەتۋ ءۇشىن، اۆتونوميالى رايوندىق ىندەتتەن ساقتانۋ - تىزگىندەۋ قىزمەتىنە قولباسشىلىق ەتۋ ورنى ءبىر توپ ءبىرىنشى شەپتىك قورعانۋ بۇيىمدارىن شۇعىل ىڭعايلاپ، بەلگىلى مەرزىم ىشىندەگى قاجەتتى نەگىزىنەن قامتاماسىزداندىردى. وسى شيپاحانا تاعى ارنايى تۇردە شيپاحانادا ەمدەۋ - قۇتقارۋ قىزمەتكەرلەرىن اۋاشالاۋ، باقىلاۋ اۋماعىن قۇرىپ، ەمدەۋ - قۇتقارۋ قىزمەتكەرلەرى توسەگىن ورنالاستىرىپ، ءبىرىنشى شەپتەگى اۋاشالاۋ، باقىلاۋ اۋماعىنا كىرگەن ەمدەۋ قىزمەتكەرلەرىنىڭ كەزەكتەسىپ دەم الۋىنا مۇمكىندىك جاسادى.
تاعى دا ۇعىسۋعا قاراعاندا، 1 - ايدىڭ 31 - كۇنى رايونىمىز جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى جونىنەن بەلگىلەنگەن قۇتقارۋ، ەمدەۋ شيپاحاناسىنان سەگىزىن ۇستەمەلەپ كوبەيتكەن.
