− رايونىمىزداعى ءار دارەجەلى پارتيا ۇيىمدارى، قالىڭ پارتيا مۇشەلەرى ىندەتكە قارسى اتتانۋدىڭ ەڭ الدىڭعى لەگىندە ەرلىكپەن شايقاس جۇرگىزدى
شينجياڭ گازەتىنىڭ جالپىلىق اقپارات قۇرالدارى تىلشىلەرى
بىرنەشە كۇننەن بەرى، تولى اۋىلى ىندەتتەن ساقتانۋ - تىزگىندەۋ قىزمەتىن كۇش سالا ويداعىداي ىستەدى. سۋرەتتە: 2 - ايدىڭ 1 - كۇنى ءۇرىمجى اۋدانى تولى اۋىلىنىڭ بايجيانگوۋ قىستاعىنداعى قىستاق كادرلارى مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتىنىڭ مۇشەلەرى ىندەتتەن ساقتانۋ - تىزگىندەۋ بىلىمدەرىن ۇگىتتەپ، ىندەتتەن ساقتانۋ بويىنشا زارارسىزداندىرۋ جۇرگىزدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى حان لياڭ تۇسىرگەن
بۇل − ءتۇتىنسىز سوعىس. جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ توسقاۋىل شايقاسىندا رايونىمىزداعى ءار دارەجەلى پارتيا ۇيىمدارى، قالىڭ پارتيا مۇشەلەرى تاماشا ستيلمەن، شىنايى يگەرىپ، ناقتى ىستەيتىن ارەكەتپەن، عىلمي، ىجداعاتتى پوزيتسيامەن ىندەتتەن ساقتانۋ - تىزگىندەۋدىڭ ءتۇرلى قىزمەتتەرىنە بار كۇشپەن كىرىستى. كوممۋنيستىك پارتيا مۇشەلەرى ءبىر - ءبىر نارت قىزىل تۋعا اينالىپ، ەڭ الدىدا اتوي سالىپ، ءبىرىنشى شەپتە شايقاس جۇرگىزدى؛ نەگىزگى ساتى پارتيا ۇيىمدارى ءبىر - ءبىر بەرىك جاۋىنگەر قورعان بولىپ، جۇرت تىلەگىن توعىستىرىپ، مەكەندى قورعادى.
پارتيا مۇشەلەرى استە تايسالماي، ءبىرىنشى شەپتە اتوي سالدى
”مەن پارتيا مۇشەسىمىن، مەنى تىزىمدەڭىز!“ ”مەن سارسقا قارسى اتتانۋدا بولعانمىن، تاجىريبەم بار، الدىمەن مەنى ويلاستىرىڭىزدار!“ ”مەنى پارتيا تاربيەلەدى، قازىر ءدال مەنىڭ الدىعا شىعاتىن كەزىم، مەن ءبىرىنشى شەپكە بارامىن!“... ”مەنى تىزىمدەڭىز“ دەگەن سوزدەر ىزعارلى قىستاعى ەڭ جىلى سوزدەرگە، قالىڭ پارتيا مۇشەلەرىنىڭ ەڭ بەرىك ۋادەسىنە اينالدى.
ءۇرىمجى ديۋوپۋ حالىقارالىق اۋەجايى حاۋىپسىزدىك تەكسەرۋ باس پۋنكتى جولاۋشىلاردى تەكسەرۋ 2 - كەڭسەسى پارتيا ياچەيكاسى ەگجەي - تەگجەيلى ورنالاستىرۋ جاساپ، جان - جاقتى جايعاستىرىپ، ىندەتتەن ساقتانۋ - تىزگىندەۋ گرۋپپاسىن دەرەۋ قۇرىپ، پارتياعا كىرۋ سەرتىن قايتا پىسىقتاپ، ءاربىر پارتيا مۇشەسىنىڭ تاسقىنداعان جىگەرىن تولىق جۇمىلدىردى.
جولاۋشىلاردى تەكسەرۋ 2 - كەڭسەسىندە قازىر 199 قىزمەتكەر بار. ىندەت تۋىلعان سوڭ، 20 پارتيا مۇشەسى، ءبىر كانديدات پارتيا مۇشەسى ىركەس - تىركەس ءوتىنىش بەرىپ، ىندەت قاي جەردە بولسا، سول جەردە شايقاس جۇرگىزەتىندىكتەرىن ءبىلدىردى! جىڭ ياڭ، جوۋ يىنچى قاتارلى جولداستار ىرىقتى تۇردە ءوتىنىپ، دەمالىستان باس تارتىپ، ىندەتتەن ساقتانۋ - تىزگىندەۋدىڭ ءبىرىنشى شەبىنە اتتاندى. پارتياعا كىرۋگە ءوتىنىش بەرگەن 4 بەلسەندى ءبىرىنشى شەپكە بارۋ بەكىمىن يدەيالىق مالىمەتىنە جازىپ، پارتيا ۇيىمىنا تاپسىردى؛ 60تان استام كوممۋنيستىك جاستار وداعى مۇشەسى ىركەس - تىركەس پارتياعا كىرۋ ءوتىنىشىن تاپسىرىپ، ناقتى ارەكەتتەرىمەن قىزمەت ورىندارىنان تاپجىلماي، مىندەت اتقارىپ، جاۋاپكەرشىلىكتى ادا ەتىپ، ىندەتكە قارسى اتتانۋدىڭ مىعىم قورعانىس شەبىن قۇردى.
شينجياڭ مەديتسينا داشۋەسىنە قاراستى 5 - شيپاحانادا، جەدەل ەمدەۋ بولىمىندەگى، ينفەكسيا بولىمىندەگى ەمدەۋ قىزمەتكەرلەرى ۇدايى كوپ كۇن ەرلىكپەن شايقاس جۇرگىزدى. 2 بولىمنەن قۇرالعان پارتيا ياچەيكاسىندا 10 پارتيا مۇشەسى بار. پارتيا ياچەيكاسىنىڭ شۋجيى، جەدەل ەمدەۋ ءبولىمىنىڭ مەڭگەرۋشىسى حۋ ي بىلاي دەدى: ”ۇلگىنىڭ رولى شەكسىز. پارتيا ياچەيكاسىنىڭ جەتەكشىلىگىندە، ءبىرىنشى شەپتە ەرلىكپەن شايقاس جۇرگىزىپ جاتقان ەمدەۋ قىزمەتكەرلەرىنىڭ بارلىعىنىڭ جىگەرى اسقاق“.
ىندەت تۋىلعان سوڭ، سانجى حۇيزۋ اۆتونوميالى وبلىستىق حالىق شيپاحاناسى دەرەۋ ”قىزىل اتتانىسقا كەلۋ بۇيرىعىن“ جاريالاپ، 24 پارتيا مۇشەسى ۇندەۋگە ءۇن قوسىپ، ىرىقتىلىقپەن شايقاسقا بارۋعا ءوتىنىش ەتتى. امبولاتوريادا، اۋرۋ بولمەلەرىندە جارقىراعان پارتيا زناگى اق حالاتتىڭ ايشىقتاۋىندا كوزگە وتتاي باسىلادى.
”ىندەتتەن ساقتانۋ - تىزگىندەۋ كۇرەسى پارتيالى كادرلارعا دەگەن قاتاڭ سىناق ءارى تەرەڭ پارتيالىلىق شىڭدالۋ“. سانجى وبلىستىق حالىق شيپاحاناسى پارتكومىنىڭ شۋجيى ۋىن جيڭشۋان بىلاي دەدى: ىندەت تۋىلعان سوڭ، شيپاحانامىز سانجى وبلىسى بويىنشا جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنە شالدىققان ناۋقاستاردى قابىلدايتىن بىردەن - ءبىر شيپاحانا بولىپ بەلگىلەندى. شيپاحانا پارتكومى بۇكىل شيپاحاناداعى پارتيا مۇشەلەرىنە اۆانگارد ۇلگىلىك رولدارىن تولىق ساۋلەلەندىرۋ، ەڭ تەز جىلدامدىقپەن، ەڭ پارمەندى سەرپىنمەن، ەڭ ءدال دالدىكپەن اۋەلگى ماقساتتى، بورىشتى امالياتتا ايگىلەۋ تۋرالى ۇندەۋ جاريالادى. قازىرگە دەيىن، الدىن الا تەكسەرىپ، بولەكتەپ دياگنوز قويۋدا، قىزۋ امبولاتورياسىندا، الىپ قالىپ باقىلايتىن اۋرۋ بولمەلەرىندە جانە بەلگىلەنگەن شيپاحانادا ءبىرىنشى شەپتە ناۋقاس كورۋگە جانە مەديتسينالىق قۇتقارۋ - ەمدەۋگە ات سالىسقان ەمدەۋشى جانە ارتقى شەپتە قامتاماسىز ەتۋشى قىزمەتكەرلەر جيىنى 163 ادام - رەتكە جەتتى، ولاردىڭ ىشىندە 24ى پارتيا مۇشەسى. ولار اۋەلگى ماقساتتى ارەكەتتە ايگىلەپ، بورىشتى قىزمەت ورىندارىندا تياناقتاندىردى.
تياناقتاندىرۋدى يگەرۋدى مىقتى ۇستاپ، ”ساقتانۋ - تىزگىندەۋ داۋالىن“ مىقتاپ سوقتى
جۇمىستىڭ ءبىر ۇلەسى ورنالاستىرۋ، توعىز ۇلەسى تياناقتاندىرۋ بولادى. پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ ءۇشىن، رايونىمىزداعى قالىڭ پارتيالى كادرلار نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن قايتپاس رۋحتى ساۋلەلەندىرىپ، ىندەتتەن ساقتانۋ - تىزگىندەۋدىڭ ءتۇرلى شارالارىن قاتاڭ تياناقتاندىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋگە قۇلشىندى.
حىجيڭ اۋداندىق پارتكوم ۇيىمداستىرۋ ءبولىمى جەدەل تۇردە ىندەتتەن ساقتانۋ - مەڭگەرۋ ەرىكتىلەرىن شاقىرۋ بۇيرىعىن جاريالاپ، اۋدانعا توتە قاراستى تاراۋلارداعى پارتيالى كادرلار ىركەس - تىركەس ءۇن قوسىپ، 700دەن استام پارتيالى كادر ىرىقتىلىقپەن شايقاسقا بارۋعا ءوتىنىش ەتتى. ۇيىمداستىرۋ ءبولىمىنىڭ ءبىر تۇتاس جۇمىلدىرۋىندا، بۇكىل اۋداندا 102 ەرىكتى قىزمەت وتەۋ اترەتى قۇرىلىپ، قىستاقتارعا (الەۋمەتتىك اۋماق) بارىپ، اۋماققا ءبولىپ كوتەرمەگە الىپ ىستەۋ ءتاسىلىن قولدانىپ، جاۋاپكەرشىلىك اۋماعىن بەلگىلەپ، ىندەتكە قاتىستى ادامداردى اداقتاپ تەكسەرۋ، ۇگىتتەۋ، جەتەكتەۋ سياقتى قىزمەتتەردى بار كۇشپەن ويداعىداي ىستەدى، تەلەفون، ۋيچات ارقىلى حابارلاسىپ، قىستاقتىڭ (الەۋمەتتىك اۋماق) توركوزدەندىرىپ باسقارۋىنا، سىرتتان كەلگەندەردى سارالاپ تەكسەرۋىنە كومەكتەسىپ، ىندەتتەن ساقتانۋ - تىزگىندەۋ بويىنشا تىركەۋگە الۋ، ۇيدە اۋاشالاۋ سياقتى قىزمەتتەردى ويداعىداي ىستەپ، قىستاقتا (الەۋمەتتىك اۋماق) بۇقارالىق ساقتانۋدىڭ، بۇقارالىق تىزگىندەۋدىڭ ەڭ بەرىك قورعانىس شەبىن قۇردى.
ءۇرىمجى تەمىر جولى قوعام حاۋىپسىزدىگى مەكەمەسى ءۇرىمجى قوعام حاۋىپسىزدىگى باسقارماسىنىڭ ءۇرىمجى ۆوكزالى ساقشى بولىمشەسى پارتيا ياچەيكاسى دەرەۋ جاس ساقشىلاردان ”پارتيا مۇشەلەرىنىڭ ەكپىندىلەر قوسىنىن“ قۇردى. ”پارتيا مۇشەلەرىنىڭ ەكپىندىلەر قوسىنى“ جولاۋشىلارعا جيىنى 3000نان استام ماسكى، ىندەتتەن ساقتانۋ - تىزگىندەۋگە قاتىستى ۇگىت قاعازدارىنان 40 مىڭنان استامىن تاراتىپ، 100دەن استام جولاۋشىعا (رەت) كومەكتەسىپ، 2400 يۋاننان استام جىلۋ اتادى. ”ەرەكشە ساتتە، پارتيا مۇشەلەرى قاتەر الدىندا جاسقانباي، الدىڭعى شەپتە اتوي سالىپ، قاتاڭ ساقتانىپ، جولاۋشىلاردىڭ دەنساۋلىق اقاۋسىزدىعىن قامتاماسىز ەتۋگە بار كۇشپەن قۇلشىنۋى كەرەك“، - دەدى پارتيا ياچەيكاسىنىڭ شۋجيى جوۋ فىڭ.
1 - ايدىڭ 31 - كۇنى مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى ىلە ەلەكترمەن قامداۋ سەرىكتەستىگى جىلقى فەرماسى ەلەكترمەن قامداۋ بولىمشەسىنىڭ باستىعى جاڭ جو مەن قىزمەتتەستەرى قالىڭ قاردى باسىپ، موڭعۇلكۇرە اۋدان قالاشىعىنان 7.8 كيلومەتر قاشىقتىقتاعى تۇعىلشىن قىستاعىنا بارىپ، قىستاق تۇرعىندارىنىڭ ۇيىنە كىرىپ ەلەكتردەن پايدالانۋ جۇمىسىن ءبىتىرىپ بەردى. ”جاس پارتيا مۇشەسى رەتىندە پارتيانىڭ قولباسشىلىعىنا قۇلاق اسىپ، اتويلاپ الدا ءجۇرۋىم كەرەك“، - دەدى جاڭ جو. ول دا مەملەكەت ەلەكتر تورى ”تيانشان قارعالداعى“ ىلە كوممۋنيستىك پارتيا مۇشەلەرى قىزمەت وتەۋ اترەتىنىڭ ءبىر مۇشەسى.
ىندەتتەن ساقتانۋ - تىزگىندەۋ توسقاۋىل شايقاسى باستالعاننان بەرى، مەملەكەت ەلەكتر تورى ”تيانشان قارعالداعى“ ىلە كوممۋنيستىك پارتيا مۇشەلەرى قىزمەت وتەۋ اترەتىندەگى 400دەن استام پارتيا مۇشەسى ۇلگىلىك، باستاماشىلدىق رولىن تولىق ساۋلەلەندىرىپ، شاعىن اترەت بولىپ ۇيىمداسىپ، شيپاحانالارعا، الەۋمەتتىك اۋماقتارعا، اۋىل - قىستاقتارعا ىشكەرىلەي بارىپ، جۇرگىزۋ - كۇتىمدەۋ، تەكسەرۋ - جوندەۋ، قىزمەت وتەۋ سياقتى ءبىرىنشى شەپتەگى قىزمەت ورىندارىنان تاپجىلماي، ەلەكترمەن قامداۋدى قامتاماسىز ەتۋ قىزمەتىن ورىستەتتى. قازىر مەملەكەت ەلەكتر تورى ”تيانشان قارعالداعى“ ىلە كوممۋنيستىك پارتيا مۇشەلەرى قىزمەت وتەۋ اترەتى بۇقارا ءۇشىن جيىنى 480 وتباسىنا (رەت) بارىپ قىزمەت وتەپ، بۇقارانىڭ ەلەكتردەن پايدالانۋىنا ساياتىن 61 ماسەلەنى شەشىپ، ەلەكتر جەلىسىن 650 رەت (تارام) ارالادى.
جاقسى ەتەنە بولىپ، ۇيىسۋ قۋاتىن كۇشەيتتى
تەك ءار ۇلت بۇقاراسىنا تىعىز سۇيەگەندە عانا، وسى ءتۇتىنسىز شايقاستىڭ جەڭىسىنە جەتۋگە بولادى. رايونىمىزداعى قالىڭ پارتيا ۇيىمدارى مەن پارتيالى كادرلار بۇقارانى كەڭ كولەمدە اتتانىسقا كەلتىرىپ، بۇقارانى ۇيىمداستىرىپ، بۇقارانى ۇيىستىرۋمەن بىرگە، ءبىرىنشى شەپتە بۇقاراعا قىزمەت وتەپ، ءار ۇلت بۇقاراسىنىڭ بەلسەندىلىگىن، ىرىقتىلىعىن تولىق جۇمىلدىرىپ، بۇقارالىق ساقتانۋدىڭ، بۇقارالىق تىزگىندەۋدىڭ مىعىم بىرىككەن كۇشىن ۇيىستىردى.
بىرنەشە كۇننەن بەرى، ءۇشتۇرپان اۋدانى ءۇشتۇرپان قالاشىعىنىڭ ىنتىماق الەۋمەتتىك اۋماعىندا، الەۋمەتتىك اۋماقتىڭ پارتيالى كادرلارى مەن پارتيالى ەرىكتىلەر ”پارتيا مۇشەلەرى ۇلگىلەرىنىڭ جول كورسەتۋ تۇعىرى“ندا بۇقارانى كۇدىك - كۇماننان ارىلتىپ، ساياساتتى ۇگىتتەپ، كەزەكشىلىكپەن مىندەت اتقارىپ، ىندەت جاعدايىن ءبىر - بىرلەپ تەكسەردى. الەۋمەتتىك اۋماق تۇرعىندارىنىڭ ايتۋىنا قاراعاندا، الەۋمەتتىك اۋماق پارتيا ۇيىمى ماگنيت سياقتى بۇقارانى ىنتىماقتاستىرعان، ىندەتتەن ساقتانۋ - تىزگىندەۋ قوسىنىنا كىرگەن بۇقارا بارعان سايىن كوبەيىپ، كوپشىلىكتىڭ سەنىمى بارعان سايىن ارتا تۇسكەن.
اۆتونوميالى رايوندىق ەكولوگيالىق ورتا مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مۇشەلەرىنىڭ كوپ ساندىسى پارتيا مۇشەسى، بىرنەشە كۇننەن بەرى، پارتيا مۇشەلەرى اترەتتىڭ باسقا دا مۇشەلەرىن باستاپ وتباسىلارىن ارالاپ، قىستاق تۇرعىندارىنىڭ دەنە تەمپەراتۋراسىن ولشەپ، ساقتانۋ بىلىمدەرى ۇگىتىن ورىستەتىپ، ىندەتتەن ساقتاۋ - تىزگىندەۋدىڭ ءبىرىنشى شەبىنە بەلسەنە ات سالىستى.
مەملەكەتتىك سالىق ىستەرى باس مەكەمەسى قارامايلى قالاسى مايتاۋ رايوندىق سالىق ىستەرى مەكەمەسى پارتكومىنىڭ شۋجيى، مەكەمە باستىعى گاۋ شۋ بىلاي دەيدى: كوكتەم مەرەكەسىنە قاراعان كۇننەن باستاپ، مەكەمە سالىق كادرلارىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى مەن الەۋمەتتىك اۋماقتىڭ تۇرعىندارعا جۇقپالى ىندەتتەن ساقتانۋ بىلىمدەرىن ۇگىتتەۋىنە، ادامدار مەن اۆتوكولىكتەردى زارارسىزداندىرۋ سياقتىلاردى ويداعىداي ىستەۋىنە كومەكتەسۋگە جۇمىلدىرىپ، بۇقارانىڭ القاۋىنا بولەندى.
”كوپشىلىككە قانداي تۇرمىستىق بۇيىم، ءدارى - دارمەك قاجەت بولسا، ۋيچات توبىنا جولداپ قويادى، زاتتار ساتىپ اكەلىنگەننەن كەيىن الەمەتتىك اۋماق كادرلارى ءاربىر ۇيگە جەتكىزىپ بەرەدى“. 2 - ايدىڭ 1 - كۇنى توقسۇن اۋدانى توقسۇن قالاشىعى تيانچۋان الەۋمەتتىك اۋماعى ميڭجۋ جيايۋان شاعىن اۋماعىنىڭ مەنشىك يەلەرى ۋيچات توبىندا الەۋمەتتىك اۋماق كادرى عۇنچىحان روزالي وسى ينفورماتسيانى جاريالادى.
وسىنداي قيمىل تيانشاننىڭ تۇستىگى مەن تەرىستىگىندەگى اۋىل - قالاشىق، الەۋمەتتىك اۋماقتاردا ورىستەتىلدى. ءۇرىمجى قالاسى لييۇيشان اۋماعى فۋيوۋ جولى الەۋمەتتىك اۋماعىنىڭ مەڭگەرۋشىسى چىن لياڭ بىلاي دەدى: ءبىز جەلىدە سالاماتتىق بويىنشا جۇقپالى ىندەتتەردەن ساقتانۋ، تۇرمىستىق بۇيىمداردى ساتىپ الۋ سياقتى 9 ۋيچات توبىن قۇرىپ، الەۋمەتتىك اۋماق ەرەن بازارى، استىق - ماي دۇكەنى، كوكونىس دۇكەنى سياقتى ساۋدا جەلى تۇيىندەرىنىڭ بايلانىس تاسىلدەرىن جاريالاپ تۇردىق. ساۋداگەرلەر زاتتاردى الەۋمەتتىك اۋماققا جەتكىزگەننەن كەيىن، ءبىز پارتيا مۇشەلەرى باستاماشى بولىپ، ءارقايسى شاعىن اۋماقتاردىڭ قوجالىق باسقارۋشىلارىن سايكەسۋگە شاقىرىپ، زاتتىق ماتەريالداردى دەر كەزىندە تۇرعىنداردىڭ ەسىگىنىڭ الدىنا جەتكىزىپ بەرىپ، بۇقارا ءۇشىن اناعۇرلىم كوپ قولايلىلىق ازىرلەدىك.
شاپشال سىبە اۆتونوميالى اۋدانى جاعاستاي قالاشىعى اقيار قىستاعى پارتيا ياچەيكاسىنىڭ شۋجيى ادىل سايدوللام بۇل كۇندەرى قاتتى قاربالاس ءجۇر. ول پارتيا مۇشەلەرىن باستاپ، تەلەفوندا حابارلاسۋ سياقتى تاسىلدەرمەن بۇقارانى ءوزىن قورعاۋدى ويداعىداي ىستەۋگە تاربيەلەدى، جەتەكتەدى. ”مەن پارتيا مۇشەسىمىن، وسى ساتتە كەۋدە كەرىپ الدا ءجۇرىم كەرەك. بۇقارانىڭ سالاماتتىعىن جاقسى قورعاۋ مەنىڭ بۇلتارتپاس بورىشىم“، - دەدى ول.
(تىلشىلەر لي ياڭ، ما ينيڭ، چاۋ جين، لۋ فىڭباۋ، ميھرگۇل ناسىر، لي شيڭ، گى يوۋجۇن، جاۋ يۋە، جاڭ جىلي، جاڭ رۇيلين، چىن چياڭۋي، ءجازيرا نەسىپبەك، سانجى تىلشىلەر پۋنكتىنەن ۋاڭ ۋي، ەرىكتى تىلشىلەر ميھرگۇل، تاڭ يۇي جازعان)
