شينحۋا اگەنتتىگىنىڭ 2 - ايدىڭ 1 - كۇنى بەيجيڭنەن بەرگەن حابارى. 2 - ايدىڭ 1 - كۇنى چاۋشيان ەڭبەك پارتياسىنىڭ كوميتەت باستىعى جين جىڭىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭگە ءوز قولىمەن حات جازىپ، چاۋشيان پارتياسى مەن حالقى اتىنان جۇڭگونىڭ جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋى جونىندە شىنايى حال سۇرايتىندىعىن ءارى قولداۋ كورسەتەتىندىگىن ءبىلدىردى.
جين جىڭىن حاتىندا مىنانى ءبىلدىردى: مەن ءوزىم جانە چاۋشيان پارتياسى مەن حالقى جۇڭگودا تۋىلعان وسى رەتكى ىندەتتى ءوز ءىسىمىز دەپ قارايمىز، ءبىز باس شۋجي شي جينپيڭنىڭ دانىشپان باسشىلىعىندا، جۇڭگو پارتياسىنىڭ، ۇكىمەتىنىڭ، حالقىنىڭ ىندەتتەن ساقتانۋ - تىزگىندەۋ توسقاۋىل شايقاسىندا، ءسوزسىز، جەڭىسكە جەتەتىندىگىنە كامىل سەنەمىز. وسى ورايدا، مەن ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان بارلىق جۇڭگو كوممۋنيستىك پارتياسى مۇشەلەرى مەن ەمدەۋ - كۇتىمدەۋ قىزمەتكەرلەرىنە سالەم جولدايمىن، ىندەت سەبەبىنەن تۋىستارىنان ايىرىلعان وتباسىلارىنان شىنايى حال سۇرايمىن ءارى جۇڭگو جاققا قولداۋ كورسەتەمىن. قۇرمەتتى باس شۋجي شي جينپيڭ دەنساۋلىعىڭىزعا كوڭىل ءبولىڭىز، جۇڭگو حالقىنىڭ امان - ەسەن، باقىتتى بولۋىن تىلەيمىن.
شي جينپيڭ كوميتەت باستىعى جين جىڭىننىڭ، چاۋشيان پارتياسى مەن حالقىنىڭ حال سۇراعاندىعى مەن قولداۋ كورسەتكەندىگىنە شىن جۇرەكتەن العىس ايتاتىندىعىن ءبىلدىردى.
