لي شياۋحۇڭنىڭ سۋرەتى. شينحۋا اگەنتتىگى تاراتقان (جاۋ شىشيان تۇسىرگەن)
شينحۋا اگەنتتىگىنىڭ 1 - ايدىڭ 27 - كۇنى بەيجيڭنەن بەرگەن حابارى (ليۋ شين، حوۋ سۇڭسۇڭ). قاھارمان ولگەنىمەن، قاسيەتى ماڭگى جاسايدى. 2020 - جىلى لي شياۋحۇڭ داڭقپەن قىزمەت ۇستىندە قۇربان بولعاندىعىنا 17 جىل بولدى. 17 جىل بوران - شاشىندى وتكەردىك، ۋاقىت بارلىعىن جۋىپ - شايسا دا ادامداردىڭ قاھارمانعا دەگەن ساعىنىشىن جۋىپ - شايا الماق ەمەس.
لي شياۋحۇڭ كوزى ءتىرى كەزىندە قارۋلى ساقشى بەيجيڭ قالالىق باس اترەتى شيپاحاناسى ىشكى اۋرۋلار 2 - ءبولىمىنىڭ جاۋاپتى شيپاگەرى بولاتىن. 2003 - جىلى 3 - ايدىڭ 25 - كۇنى وسى شيپاحانا ءبىر ”سارس“پەن جۇعىمدالعان ناۋقاستى قابىلداپ ەمدەيدى، ول بۇل اۋرۋدىڭ جۇعىمتالدىعى مەن قاتەرىن ابدەن بىلەتىن، ءبىراق ءبىر ەمدەۋ قىزمەتكەرى تۇرعىسىنان كاسىپتىك ار - نامىسىن بيىك قويىپ، مىندەتى الدىندا تايساقتاماي ناۋقاستى قۇتقارۋ - ەمدەۋ اۋىر مىندەتىن ارقالاپ، ءۇرتىس 6 كۇن شايقاس جاساپ قاتتى قالجىراعاندىقتان، باقىتقا قارسى، ۆيرۋسپەن جۇعىمدالادى.
2003 - جىلى 4 - ايدىڭ 16 - كۇنى تاڭعا جاقىن لي شياۋحۇڭ ”سارس“قا قارسى اتتانۋ شايقاس مايدانىندا جىعىلادى، جاپ - جاس عۇمىر 28 جاسىندا ماڭگىلىك ءۇزىلىپ، سارس ناۋقاستارىن قۇتقارۋ - ەمدەۋدىڭ ءبىرىنشى شەبىندەگى تۇڭعىش رەت جىعىلعان اسكەري ءبولىم ەمدەۋ قىزمەتكەرىنە اينالادى.
23 جىلدىڭ الدىندا اسكەري وتباسىندا ءومىر ەسىگىن اشقان لي شياۋحۇڭ جەرگىلىكتى ورىنداعى داشۋەدەن وقۋ تاۋىسقان سوڭ، ارمانداعى اسكەري لاگەرگە كىرىپ، ءبىر اق حالاتتى پەرىشتەگە اينالادى. قىزمەتتە كورنەكتى بولعاندىقتان، ول پارتياعا مۇشە بولادى، ەڭبەك سىڭىرەدى، باس اترەت جاعىنان لەي فىڭنان ۇيرەنۋدىڭ ۇلگىسى دەپ ماداقتالادى.
لي شياۋحۇڭ قىزمەت ۇستىندە قۇربان بولاردان 20 كۇن بۇرىن ءتۇستىڭ الدىندا ول تۇرعان ءبولىم تۇتاس شيپاحانادان تۇڭعىش رەت ”سارس“پەن جۇعىمدالعان ناۋقاس قابىلدايدى. ءوزى سياقتى شيپاحانادا ەمدەۋ قىزمەتىمەن شۇعىلداناتىن كۇيەۋى سول شاقتا ايەلىنىڭ قىزمەتتە قاتتى قالجىراپ جۇرگەندىگىن ەسكەرىپ، ونى بىرنەشە كۇن دەمالۋعا ءناسيحاتتايدى.
لي شياۋحۇڭ: ”مەن ءبىر اسكەري شيپاگەرمىن، قالايشا شايقاس الدىندا بوي تاسالايدى ەكەنمىن!“، - دەيدى.
سول كۇنى ول ءباز - باياعىسىنداي بولىمدەگى ەمدەۋ قىزمەتكەرلەرىمەن بىرگە ناۋقاس جاعدايىنا تالداۋ جاساپ، قۇتقارۋ - ەمدەۋ شارالارىن جۇرگىزىپ، ءوزى الگى ”سارس“پەن جۇعىمدالۋشىنىڭ دەنساۋلىعىن تەكسەرىپ، دياگنوز قويىپ، ەمدەيدى.
دەسەدە ادامدار كورگىسى كەلمەگەن كورىنىس اقىرى تۋىلادى!
كوپ - كورىم ساقتانۋ شارالارىن قولدانعانىمەن، ءبىراق الگى ”سارس“پەن جۇعىمدالۋشى ناۋقاستى ەمدەگەن 5 كۇننەن كەيىن، قاتتى قالجىراعان لي شياۋحۇڭ، باقىتقا قارسى، ”سارس“ ۆيرۋسىمەن جۇعىمدالادى.
4 - ايدىڭ 6 - كۇنى لي شياۋحۇڭنىڭ ناۋقاسى اۋىرلاي تۇسەدى، ءبىر اۋىز ءسوزىن ەنتىگىپ زورعا ايتادى. شيپاحانا ونى شارت - جاعدايى جاقسىراق شيپاحاناعا جوتكەۋدى ۇيعارادى. لي شياۋحۇڭ بىلگەننەن كەيىن قينالا وتىرىپ: ”مەن جاسپىن، يممۋنيتەتىم جاقسى، الدىمەن مەنەن سالماقتى ناۋقاستاردى جوتكەڭىزدەر!“، - دەيدى.
ءبىر ۇزدىك جاس شيپاگەر بولعاندىقتان دا ءوزى سالماقتى اۋرۋعا شالدىعىپ قاتەرگە جولىققان شاقتا، كوڭىلىندە ءالى دە ناۋقاستاردى ويلادى.
ءوز ۋاقىتىنىڭ كوپ قالماعاندىعىن اڭعارعان لي شياۋحۇڭ ءبىر مەديتسينا عىلىم - تەحنيكا قىزمەتكەرىنىڭ جاۋاپكەرشىلىگى − ”سارس“تى قايتكەندە جەڭىپ شىعۋدى كوبىرەك ويلايدى.
حال ۇستىندە قالعانى حابارلانعانعا دەيىن، شيپاگەرلەرمەن پىكىر اۋىستىرۋعا شاراسىز قالعان شاعىندا دا ول ادامدى قايران قالدىرارلىق قايسارلىقپەن قالاممەن قاعاز بەتىنە تاباندىلىقپەن قينالا وتىرىپ ءوزىنىڭ اۋرۋ جاعدايىنىڭ تەكسەرۋى مەن تالداۋ جاساۋىن جازادى...
بىرنەشە كۇننەن كەيىن اۋرۋ وسى اق حالاتتى پەرىشتەنىڭ جاس عۇمىرىن جالماپ كەتە بەرەدى.
ايەلىنەن ايرىلعان قاسىرەتكە زورعا شىداعان لي شياۋحۇڭنىڭ كۇيەۋى كوز جاسىن كولدەتە تۇرىپ: ”مەنىڭ ايەلىم و دۇنيەدە دە ارمانسىز، ول وزگەلەردى قۇتقارۋ - ەمدەۋ جولىندا كەتتى...“، - دەيدى.
لي شياۋحۇڭ ناۋقاستان قايتىس بولعاننان كەيىن، ورتالىق ۇيىمداستىرۋ ءبولىمى ”مەملەكەتتىك تاڭداۋلى كومپارتيا مۇشەسى“ اتاعىن تولىقتاپ بەرەدى، قارۋلى ساقشى بەيجيڭ قالالىق باس اترەتى وعان 1 - دارەجەلى ەڭبەك تولىقتاپ جازادى ءارى ونى توڭكەرىستىك قۇربان دەپ بەكىتەدى.
ءبىر ”ال قارا كوك“ كيىنگەن اق حالاتتى پەرىشتە رەتىندە، حالىق بۇقاراسىنىڭ ءومىرىن قۇتقاۋ ءۇشىن ول ءوز ءومىرى ارقىلى ”سارس“تىڭ لاڭىنا قارسى اتتانىپ، بۇل دۇنيەگە ءبىر قاسىرەتتى ءومىر اقتىق ءانىن قالدىردى!
