لياڭ شىكۇيدىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ 1 - ايدىڭ 26 - كۇنى تاييۋاننان بەرگەن حابارى (ءتىلشى ۋاڭ فيفي). سانشي ولكەلىك حالىق شيپاحاناسى شۇعىل ەمدەۋ بولىمىندە شيپاگەرلەر مەن سەسترالار قاربالاستىقتا جۇرەدى، قۇتقارۋ اۆتوكولىگىمەن اكەلىنگەن ناۋقاستاردى ولار دەرەۋ الىپ كىرىپ شۇعىل قۇتقارۋعا كىرىسىپ كەتەدى. ”كوپتەگەن جاعدايدا، ءبىز وزىمىزگە مۇلدە مويىن بۇرا المايمىز، ناۋقاستى ويلاۋمەن عانا بولامىز“، - دەيدى شۇعىل ەمدەۋ ءبولىمىنىڭ مەڭگەرۋشىسى لي سايشيا.
”ناۋقاستى ويلاۋمەن عانا بولامىز“، سانشي ولكەلىك حالىق شيپاحاناسى شۇعىل ەمدەۋ ءبولىمىنىڭ بۇرىنعى ورىنباسار مەڭگەرۋشىسى لياڭ شىكۇي مىنە وسىلاي ىستەدى ءارى وسى جولىندا ءومىرىن ارنادى.
لياڭ شىكۇي، 1946 - جىلى دۇنيەگە كەلگەن، ول 3 ايلىق بولعاندا اكەسى ازاتتىق سوعىسىنىڭ سوعىس مايدانىندا قۇربان بولعان.
2003 - جىل − ”سارس“ لاڭ سالعان ءبىر جىل بولدى. توسىننان كەلگەن ىندەت الدىندا، قانتتى نەسەپ اۋرۋى، جوعارى قان قىسىم اۋرۋى بار لياڭ شىكۇي كەز كەلگەن ۋاقىتتا جۇعىمدالۋ حاۋپى بارلىعىن انىق بىلە تۇرسا دا تايساقتاماي، ”سارس“پەن كۇرەستىڭ ءبىرىنشى شەبىندە باستان - اياق تاباندىلىقپەن كۇرەس جۇرگىزەدى.
3 - ايدىڭ 23 - كۇنى ءبىر ناۋقاس شۇعىل ەمدەۋ بولىمىنە جەتكىزىلەدى. كەيىن كەلە بۇل ناۋقاستىڭ اۋرۋ جاعدايى اسقىنىپ، تىنىسى تارىلىپ، ومىرىنە قاتەر تونەدى، كەڭىردەگىن ءتىلىپ، وتتەگىن جىبەرۋ ەمدەۋىن جۇرگىزۋگە تۋرا كەلەدى. ازىراق مەديتسينالىق ءبىلىمى بار ادامداردىڭ بارلىعى كەڭىردەكتى تىلگەننەن كەيىن، كەۋدە قۋىسىنا جينالعان ۆيرۋس كوپ مولشەردە شىعىپ، قاسىنداعىلاردى جۇعىمداۋ ىقتيمالدىعى وتە جوعارى بولاتىندىعىن بىلەدى. ناۋقاس جاعدايى قاتەرلى ەكەندىگىن قانىق بىلەتىن لياڭ شىكۇي ءباز - باياعىسىنداي ءبىرىنشى شەپتە اتوي سالىپ، ناۋقاستىڭ اۋرۋ تاريحىن جيناقتاپ، مامانداردى بىرىگىپ دياگنوز قويۋعا ۇيىمداستىرىپ، ەمدەۋ جوباسىن اتقارادى. وسى رەتكى قۇتقارۋ - ەمدەۋ بارىسىندا ول، باقىتقا قارسى، ۆيرۋسپەن جۇعىمدالادى.
ەمحانادا جاتقان كەزىندە، ول دەرتپەن قايسارلىقپەن كۇرەستى. سانشي ولكەلىك ۇكىمەتتىڭ، دەنساۋلىق ساقتاۋ مەڭگەرمەسىنىڭ جانە شيپاحانانىڭ باسشىلارى ىلگەرىندى - كەيىندى ودان حال سۇراي كەلگەندە، ونىڭ ويلاعانى تاعى دا باسقا دا ناۋقاستار مەن ونىڭ جاۋىنگەر سەرىكتەرى بولدى، باسشىلارعا ولارعا دەگەن سالەمىن جەتكىزىپ قويۋدى ءوتىندى. 4 - ايدىڭ 24 - كۇنى تۇستەن بۇرىن ساعات 8دەن 10 مينۋت وتكەندە، لياڭ شىكۇي جولداس شۇعىل قۇتقارۋ ءونىم بەرمەي، قىزمەت ۇستىندە داڭقپەن قۇربان بولدى.
”لياڭ شىكۇي مەڭگەرۋشى ەرەكشە اق كوڭىل، مەيىرىمدى، جايساڭ ادام بولاتىن، ونىڭ قايتىس بولعان حابارىن ەستىگەننەن كەيىن قاتتى قايعىردىم“، لي سايشيا دا ”سارس“ كەزىندە جۇعىمدالعان ءبىر ەمدەۋ قىزمەتكەرى ەدى، دەنساۋلىعى قالپىنا كەلگەننەن كەيىن، ول قىزمەت ورنىنا قايتا ورالادى، سونداي - اق شۇعىل ەمدەۋ ءبولىمى سىندى وسى ”شۇعىل، قيىن، قاتەرلى، ماڭىزدى“ بولىمدە قازىرگە دەيىن ىستەپ كەلەدى.
”بۇل قىزمەت ورنىنىڭ سىن - سايىستىق سيپاتى زور، الايدا ادامدى وتە زور تابىس سەزىمىنە كەنەلتەدى، ناۋقاستىڭ اۋرۋ دياگنوزىن انىقتاپ، سوڭىندا قۇتقارىپ قالساڭ، ەرەكشە تابىس سەزىمىنە كەنەلەسىڭ“، - دەيدى لي سايشيا، - ”بۇگىنگى تاڭدا شۇعىل ەمدەۋ ءبولىمىنىڭ نەشە بۋىن ەمدەۋ - كۇتىمدەۋ قىزمەتكەرلەرى اۋىسسا دا لياڭ شىكۇي مەڭگەرۋشىنىڭ رۋحى ۇرپاقتان - ۇرپاققا جالعاسقان شۇعىل ەمدەۋشىلەردىڭ جۇرەگىندە ۇزدىكسىز ساقتالىپ جانە جالعاسىپ كەلەدى − ولار شيپاگەرلىك اۋەلگى ماقساتىنان اينىماي، ’ناۋقاستارمەن تىلەكتەس بولۋ‘ ىزگىلىگىن جالعاستىرۋدا“.
