يە شيننىڭ سۋرەتى. شينحۋا اگەنتتىگى تاراتقان
شينحۋا اگەنتتىگىنىڭ 1 - ايدىڭ 24 - كۇنى گۋاڭجوۋدان بەرگەن حابارى (ءتىلشى لي شيۇڭيىڭ). 17 جىلدىڭ الدىندا ”سارس“ شابۋىلىنا ۇشىرادىق. وسى اپاتقا قارسى اتتانۋ بارىسىندا كوپتەگەن ەسكە الۋعا تاتيتىن قاھارماندار جارىققا شىقتى، يە شين انە سولاردىڭ ءبىرى.
يە شين، 1956 - جىلى گۋاڭدۇڭ شۇيۋىنداعى ءبىرشيپاگەر وتباسىندا دۇنيەگە كەلگەن. 1974 - جىلى يە شين گۋاڭدۇڭ ولكەسى جۇڭگوشا شيپاگەرلىك شيپاحاناسىنىڭ دەنساۋلىق ساقتاۋ، تاربيەلەۋ قوسىنىنا شاقىرىلادى. 1976 - جىلى مەكتەپ بىتىرگەن سوڭ، كۇتۋ قابىلەتىن سىناۋدا ناتيجەسى اعالاپ العا شىققاندىقتان، يە شين شيپاحانادا قالىپ قىزمەت ىستەيدى. 1983 - جىلى يە شين گۋاڭدۇڭ ولكەسى جۇڭگوشا شيپاگەرلىك شيپاحاناسى ارشاداۋ شيپاحاناسىنىڭ شۇعىل قۇتقارۋ ءبولىمىنىڭ سەسترالار باستىعى بولىپ وسىرىلەدى.
شۇعىل قۇتقارۋ ءبولىمى − گۋاڭدۇڭ ولكەسى جۇڭگوشا شيپاگەرلىك شيپاحاناسىنداعى ەڭ ۇلكەن كۇتۋ ورنى، 120 جەدەل قۇتقارۋ، اسپا ۋكول قۇيۋ ءبولىمى، قان الۋ ءبولىمى، ۋكول سالۋ ءبولىمى، الىپ قالىپ باقىلاۋ ءبولىمى، ەمدەۋ ءبولىمى سياقتى 6 ءبولىم بار. يە شين شۇعىل قۇتقارۋ بولىمىندە نەشە ون جىل ىستەيدى. شۇعىل قۇتقارۋ بولىمىنە جۇقپالى ناۋقاس كەلىپ شۇعىل ەمدەلگەن كەزدە، يە شين ۇنەمى اتويلاپ الدا جۇرەتىن. 1996 - جىلى يە شين جۇڭگو كوممۋنيستىك پارتياسىنا مۇشە بولادى، كوپ رەت ”ۇزدىك قىزمەتكەر“، ”تاڭداۋلى سەسترا“، ”تاڭداۋلى سەسترالار باستىعى“ بولىپ باعالانادى.يە شين سەسترالار باستىعى مىندەتىن وتەگەن كەزىندە، جاڭا بىلىمدەردى مۇقيات زەرتتەيدى. 1995 - جىلى ونىڭ جازعان «سارى مەتيل جارعاقشا سۇيىقتىعىن ويىلۋدى ەمدەۋگە پايدالانۋ تۋرالى زەرتتەۋ» اتتى ديسسەرتاتسياسى گۋاڭدۇڭ ولكەسى جۇڭگوشا شيپاگەرلىك ءدارى - دارمەكتى باسقارۋ مەكەمەسىنىڭ عىلىم - تەحنيكا العاباسارلىعى 3 - دارەجەلى سيلىعىنا يە بولادى، كوز جۇمعانعا دەيىن يە شين جالپى 13 ديسسەرتاتسيا جاريالايدى.
2003 - جىلى كوكتەم مەرەكەسىنىڭ الدى - ارتىندا، اۋرۋ سەبەبى بەلگىسىز وكپە قابىنۋ گۋاڭجوۋدىڭ كەيبىر وڭىرلەرىندە تارالا باستايدى. 2 - ايدىڭ باس شەنى اياقتالا سالا، گۋاڭدۇڭ ولكەسى جۇڭگوشا شيپاگەرلىك شيپاحاناسى ارشاداۋ شيپاحاناسىنىڭ شۇعىل قۇتقارۋ ءبولىمى دياگنوزى انىقتالعان نەمەسە ”سارس“ دەپ كۇمان تاعىلعان ناۋقاستاردى قابىلداپ ەمدەي باستايدى، ەڭ كوپ كەزدە كۇنىنە 5 ناۋقاس قابىلدايدى. ”سارس“قا شالدىققاندار سانى شۇعىل ارتۋىنا بايلانىستى، ءبولىمنىڭ قىزمەت باسىمدىعى ۇزدىكسىز ارتادى، يە شين باس بولىپ ونەگە كورسەتىپ، 2 - ايدىڭ 8 - كۇنىنەن باستاپ ۇستەمە قىزمەت ىستەيدى، قاربالاس كەزدە ءتىپتى ۇيدەگىلەردەن كەلگەن تەلەفوندى قابىلدامايدى، تەك تەلەفون العان سەستراعا: ”وعان ايتىپ قوي، مەن قىزمەتتەمىن. ەشنارسە بولعان جوق“، - دەيدى.
3 - ايدىڭ 4 - كۇنى تۇستە توتەنشە قالجىراعان يە شين قىزا باستايدى، ارتىنان سارس ناۋقاسىمەن جۇعىمدالعانى انىقتالادى. 2003 - جىلى 3 - ايدىڭ 25 - كۇنى ساعات بىردەن 30 مينۋت وتكەندە يە شين ەڭ سوڭعى قۇتقارعان ءارى ”سارس“تى وعان جۇقتىرعان ناۋقاس ساۋىعىپ شيپاحانادان شىققان سوڭ ءبىر اپتاعا جەتپەيتىن ۋاقىتتا، يە شين ءوزىنىڭ قىزۋ سۇيگەن قىزمەت ورنىنان، جاۋىنگەر سەرىكتەرىنەن جانە جان اشىرلارىنان ماڭگى ايرىلادى، ول كەزدە 47 جاستا ەدى. ”سارس“قا قارسى اتتانۋ شايقاسىندا ول ءوزىنىڭ قىمباتتى ءومىرىن ارنادى، گۋاڭدۇڭ ولكەلىك حالىق ۇكىمەتى جاعىنان توڭكەرىستىك قۇربان دەپ تولىقتاپ تانىلدى.
2003 - جىلى 4 - ايدىڭ 16 - كۇنى «دەنساۋلىق گازەتى» «ماڭگىلىك اق حالاتتى جاۋىنگەر − گۋاڭدۇڭ ولكەلىك جۇڭگوشا شيپاگەرلىك شيپاحاناسىنىڭ سەسترالار باستىعى يە شين تۋرالى» ادەبي حابار جاريالاپ، سەسترالار باستىعى يە شيننىڭ جەكە باسىنىڭ اماندىعىمەن ساناسپاي، ”سارس“قا قاجىرلىلىقپەن قارسى اتتانعان اسەرلى ىزگى ىستەرىن باياندايدى.يە شين كەتكەنىمەن، ارامىزدان ەشقاشان الىستاماعان سياقتى سەزىلەدى. جىل سايىنعى چيڭميڭ كۇندەرىندە گۋاڭدۇڭ ولكەلىك جۇڭگوشا شيپاگەرلىك شيپاحاناسى ەمدەۋ قىزمەتكەرلەرىن ۇيىمداستىرىپ، قۇربان يە شيننىڭ قابىرىن سىپىرىپ ەسكە الادى. يە شين رۋحىن ساۋلەلەندىرۋ ءۇشىن، گۋاڭدۇڭ ولكەلىك جۇڭگوشا شيپاگەرلىك شيپاحاناسى 3 - ايدىڭ 25 - كۇنىن ”يە شيندى ەسكە الۋ كۇنى“ ەتىپ بەلگىلەيدى.
مۇنان تىس، گۋاڭدۇڭ ولكەلىك جۇڭگوشا شيپاگەرلىك شيپاحاناسى جىل سايىن يە شيندى ەسكە الۋ تاقىرىپتىق قيمىلىن جانە ”يە شين ساۋىتى“ قىزمەت ورنى تەحنيكالىق شەبەرلىك جارىسىن وزدىرادى جانە يە شيننىڭ ىزگى ىستەرىن ارقاۋ ەتىپ، ”يە شيندى ۇلگى ەتۋ“ پارتيا قۇرىلىسى مادەنيەت ماركاسىن تۇلعالاپ، تۇتاس ەمدەۋ قىزمەتكەرلەرىنىڭ ”ناۋقاستى بارىنەن جوعارى قويۋ، قىزمەت ورنىن ءسۇيۋ، كاسىبىن قاستەرلەۋ، ىنتىماقتاسۋ، سەلبەسۋ، قۇربان بەرۋ، ۇلەس قوسۋ“ قاسيەتىن ورناتۋعا جەبەيدى.
