تيانشان تورى   ›   جاڭالىقتار   ›   ءۇرىمجى

”ءبىز امان - ەسەنبىز، سىزدەر الاڭسىز بولىڭىزدار“

− ءۇرىمجى قالاسى قارتتار يگىلىك پاناجايىنىڭ ىندەتتەن ساقتانۋ - تىزگىندەۋ قىزمەتى جونىندە

شينجياڭ گازەتىنىڭ جالپىلىق اقپارات قۇرالدارى ءتىلشىسى لي لين

  قارتتاردىڭ دەنە قارسىلىق قۋاتى ءالسىز، جۇقپالى اۋرۋلارعا وڭاي شالدىعاتىن جانە قاتەر وڭاي تۋىلاتىن شوعىرعا جاتادى. جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ ءۇشىن، رايونىمىزداعى كوپتەگەن قارتتار پاناجايى قۇرىلىمدارى ”ىندەت“پەن شايقاسۋ ۇلگىسىن ىسكە قوسىپ، ساقتانۋ - تىزگىندەۋ، شۇعىل توتەپ بەرۋ دايىندىق جوباسىن جاساپ، باسقارۋدى كۇشەيتىپ، قارتتاردىڭ ءومىرىنىڭ حاۋىپسىزدىگى مەن دەنساۋلىعىنىڭ اقاۋسىزدىعىن قورعادى.

  2 - ايدىڭ 1 - كۇنى تۇستەن بۇرىن ءتىلشى اۆتونوميالى رايوندىق حالىق ىستەرى مەڭگەرمەسىنىڭ قىزمەتكەرلەرىنە ىلەسىپ، ءۇرىمجى قالالىق قارتتار يگىلىك پاناجايىنا كەلدى. پاناجايعا كىرگەندەگى تەكسەرۋ ءۇيى ءبىرىنشى وتكەل ەكەن، قىزمەتكەرلەر ءاربىر كىرگەن ادامنىڭ دەنە تەمپەراتۋراسىن ولشەپ، دەنە تەمپەراتۋراسى قالىپتى ادامدارعا ءبىر رەتتىك اياق كيىم قاپتاۋىشىن تاراتىپ بەرگەننەن كەيىن، جانە دە باقىلاۋ ۇيىنە كىرىپ جارتى ساعات تۇرادى ەكەن.

  ءۇرىمجى قالاسى قارتتار يگىلىك پاناجايىنىڭ باستىعى ما ميڭليدىڭ تانىستىرۋىنا قاراعاندا، 1 - ايدىڭ 24 - كۇنىنەن باستاپ، تۇتاس پاناجاي جابىق باسقارۋدى اتقارعان: سىرتتان كەلگەن ادامداردى قابىلداماۋ، قارتتاردى پاناجايدان سىرتقا شىعارماۋ، پاناجايعا جاڭادان كەلەتىن قارتتاردى قابىلداماۋ؛ بارلىق اۆتوكولىكتەردى ىشكە كىرگىزبەۋ، پاناجايدىڭ سىرت جاعىنداعى بەلگىلەنگەن ورىنعا توقتاتۋ، پاناجايعا كىرۋگە ءتيىستى اۆتوكولىكتەردى پاناجايعا كىرۋدىڭ الدىندا زارارسىزداندىرۋ، شوفەرلەر، كولىكتە وتىرعاندار ماسكى تاعۋ، پاناجايعا كىرۋدەن ىلگەرى دەنە تەمپەراتۋراسىن ولشەۋدى جانە تىزىمگە الۋدى ويداعىداي ىستەۋ.

  باقىلاۋدا قالىپسىز جاعداي بايقالماعاننان كەيىن، ءتىلشى قىزمەتكەرلەرگە ەرىپ قارتتاردىڭ جاتىن اۋماعىنا كىردى. عيماراتتىڭ ءىشى كوكتەمدەي جىلى، تەرەزەلەرى ايناداي تازا، جارىق. قارتتاردىڭ مۇرىن كىلەگەي قابىعىنىڭ تىتىركەنۋىنىڭ الدىن الۋ ءۇشىن، زال سياقتى الەۋمەتتىك ورىنداردى كۇن سايىن 3 رەت زارارسىزداندىرادى، جەرگە 2 رەت سۋ شاشىپ تازالايدى، قارتتار جاتقان بولمەنىڭ ءىشىن ءبىر كۇندە 2 رەت زارارسىزداندىرادى، 2 رەت تەرەزەسىن اشىپ اۋاسىن الماستىرادى.

  2 - قاباتتا تۇراتىندار ءجۇرىپ - تۇرۋى قولايلى قارتتار، ىندەتتەن ساقتانۋ - تىزگىندەۋ مەزگىلىندە ولاردىڭ كوللەكتيۆ قيمىلى بولمەدە جەكە ارەكەتتەنۋگە وزگەرتىلدى. 87 جاستاعى ليۋ مينحۋا تەلەۆيزور كورىپ وتىر ەكەن، ”قىزمەتكەرلەر كۇندە زارارسىزداندىرىپ وتىرادى، تاڭەرتەڭ ەرتە كەلىپ دەنە تەمپەراتۋرامدى ولشەپ بەرەدى، ءبىر كۇندە 3 رەت ولشەيدى. ونىڭ ۇستىنە بىزگە جەكە تازالىقتا كوڭىل ءبولۋدى، تاماقتانۋدان بۇرىن، دارەتكە وتىرعاننان كەيىن قول جۋۋدى قادالاعاپ تاپسىرىپ وتىرادى، ءار كۇنى تەرەزەنى اشىپ اۋانى الماستىرادى“. ليۋ مينحۋا بىلاي دەدى: وسى ءبىر مەزگىلدە پاناجايدىڭ قىزمەتكەرلەرى ۇنەمى كەلىپ بىزبەن اڭگىمەلەسەدى، تۇرمىسىمىزدا ەشقانداي ءىش قۇستالىق جوق.

  ”ءبىز بۇل جەردە تاماعىمىز جاقسى، دەنساۋلىعىمىز جاقسى، تۇرمىسىمىز الاڭسىز، كوپشىلىك الاڭسىز بولىڭىزدار“. 86 جاستاعى لي رۇيلان تەلەفون ارقىلى تىلشىگە كوكتەم مەرەكەسىنەن بۇرىن ۇلىنىڭ ۇيىنە الىپ قايتىپ مەرەكەنى تويلاعانىن، 1 - ايدىڭ 27 - كۇنى تۇستەن بۇرىن قايتىپ كەلە سالىسىمەن كۇتىمدەۋ ورنىنىڭ اۋاشالاۋ بولمەسىنە جاتۋعا ورنالاستىرىلعانىن ايتتى. قارت ەمدەۋ - كۇتۋ قىزمەتكەرلەرىنىڭ ءار كۇنى كەلىپ دەنساۋلىعىن تەكسەرىپ تۇراتىندىعىن، تاعى وسى ءبىر مەزگىلدە ۇيدەگىلەرمەن بەينە جازبا ارقىلى، تەلەفون ارقىلى حابارلاسىپ تۇرۋعا كەڭەس بەرگەنىن ايتتى. قارت زەردەلى تەلەفونىن الىپ شىعىپ، ۇلىمەن بەينە جازبادا سويلەسىپ جاتتى.

  ۇعىسۋعا قاراعاندا، اۆتونوميالى رايوندىق حالىق ىستەرى مەڭگەرمەسى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن ساقتانۋ - تىزگىندەۋ قىزمەتى جونىندەگى ۇقتىرۋدى تاراتقاننان كەيىن، جەر - جەر ءوز ورنىنىڭ جاعدايىنا قاراي شۇعىل جاعدايعا توتەپ بەرۋ دايىندىق جوباسىن جاساپ جانە كەمەلدەندىرىپ، كۇتۋ، قارايلاسۋ قىزمەت وتەۋىمەن قامدايتىن قارتتاردى كۇتىمدەۋ، بالالاردى باعۋ، رۋحاني اۋرۋلار دەنساۋلىعى سياقتى يگىلىك قۇرىلىمداردى جابىق باسقارۋدى كۇشەيتىپ، ىندەتتەن ساقتانۋ - تىزگىندەۋدى جالپى بەتتىك ىلگەرىلەتكەن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.