شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين
جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى شۇعىل تۋىلعاندا، اۋرۋدان ساقتانۋ جانە ونى تىزگىندەۋ قىزمەتكەرلەرى ىندەتتەن ساقتانۋ - تىزگىندەۋ قالىڭ قوسىنىنىڭ اتويشىلدارى رەتىندە، باستان - اياق ىندەتتەن ساقتانۋ - تىزگىندەۋدىڭ ەڭ الدىڭعى شەبىندە ءجۇردى. ولار ىندەت اۋماعىنا كىرىپ، جۇعىمدالۋشىلارمەن تىكەلەي جۋىسىپ، جۇعىمدالۋشىلارمەن تىعىز جاناسقانداردى، سونداي - اق جاناسۋى مۇمكىن بولعان بارلىق ادامدار شوعىرىن انىقتاپ، ىندەت جاعدايىن تىزگىندەۋگە كاسىپتىك جەتەكشىلىك جاسايدى.
1 - ايدىڭ 30 - كۇنى تاڭعا جۋىق ءۇرىمجى قالالىق اۋرۋدان ساقتانۋ جانە ونى تىزگىندەۋ ورتالىعى عيماراتىندا شام ساۋلەسى كۇندىزگىدەي جارقىراپ تۇر. ”وسى شايقاستىڭ جەڭىسىنە جەتۋ ءۇشىن، اۋرۋدان ساقتانۋ جانە ونى تىزگىندەۋ ورتالىعىمىزدىڭ بارلىق قىزمەتكەرى ساقاداي ساي تۇرىپ، 24 ساعات بويى جەلىدەن تاپجىلماۋى كەرەك“، - دەدى ءۇرىمجى قالالىق اۋرۋدان ساقتانۋ جانە ونى تىزگىندەۋ ورتالىعىنىڭ مەڭگەرۋشىسى رۇي باۋليڭ.
ىندەتتەن ساقتانۋ - تىزگىندەۋدەگى تىرەكتى كۇش رەتىندە، بۇل ورتالىق شۇعىل جاعدايدا قولباسشىلىق ەتۋ، شۇعىل جاعدايدى ءبىر جاقتى ەتۋ، ىندەت جاعدايىن باقىلاۋ - ولشەۋ جانە مالىمدەۋ، مالىمەتتەردى جولداۋ جانە سالاماتتىق تاربيەسى، ميكرو ورگانيزمدەردى تەكسەرۋ تەحنيكاسىمەن قامتاماسىز ەتۋ، ارتقى شەپتە قامتاماسىز ەتۋ سياقتى ساقتانۋ - تىزگىندەۋ شاعىن گرۋپپالارىنا ءبولىنىپ كەزەكتەسىپ قىزمەت ىستەدى.
ءبىر رەت ىستەتىلەتىن قورعانۋ كيىمى، ماسكى، كوزدى قورعاۋ كوزىلدىرگى، تاراعىش اۋرۋلار تەكسەرۋ دوكلاتى... سول كۇنى ساعات 6 مولشەرىندە، وسى ورتالىقتىڭ 1 - قاباتىنداعى زاتتىق ماتەريالدار زاپاس قور ورتالىعى، 1 - تاراعىش اۋرۋلار عىلىمى تەكسەرۋ شاعىن گرۋپپاسىنىڭ باستىعى لۋ ياۋچين مەن گرۋپپا مۇشەلەرى N95 ماسكى سياقتى زاتتاردى ساناپ جاتتى، ءار كۇنى ءار رەتكى زاتتاردى ساناۋ ءبىر رەتكى ىندەتپەن جارىسۋدىڭ باستالعاندىعىن بىلدىرەتىن.
تاراعىش اۋرۋلار عىلىمى تەكسەرۋى جۇقپالى اۋرۋلاردان ساقتانۋ جانە ونى تىزگىندەۋدەگى ماڭىزدى ءتاسىل. ىندەتتەن ساقتانۋ - تىزگىندەۋ كەزىندە، لۋ ياۋچين جانە ورتالىقتاعى 35 قىزمەتكەردەن ۇيىمداسقان 12 تاراعىش اۋرۋلار عىلىمى تەكسەرۋ گرۋپپاسى 24 ساعات كەزەكتە تۇرىپ، شيپاحانانىڭ اۋاشالاۋ ءوڭىرىن كەسىپ ءوتىپ، ناۋقاستارمەن جاقىن ارالىقتا بەتپە - بەت كەلىپ، ولاردىڭ ناۋقاسى قوزعالۋدان بۇرىنعى 14 كۇندەگى ەمدەلۋ ينفورماتسياسىن، بايقالۋ ينفورماتسياسىن، ءجۇرىس - تۇرىس ينفورماتسياسىن، جاناسقان ادامدارى سياقتىلاردى ءبىر - بىرلەپ سۇراپ تەكسەردى.
”اۋاشالاۋ بالنيتساسىندا حاۋىپ - قاتەر بولعانىمەن، ءبىراق، بارۋ كەرەك بولعاندا بارماسقا بولمايدى، شارت جەكەلىك قورعانۋدى جاقسى ىستەۋ“، - دەدى لۋ ياۋچين، ءار رەتكى تەكسەرۋ ۋاقىتى از دەگەندە ءبىر ساعاتتان جوعارى، مۇمكىندىگىنشە دالمە - ءدال ينفورماتسيانى تاۋىپ شىعۋ، ءارقانداي كۇماندى بۋىندى قاعىس قالدىرماۋ كەرەك. ينفورماتسيا الىنعاننان كەيىن، ينفورماتسياعا جان - جاقتىلى تالداۋ جاساپ، ىجداعاتپەن سارالاپ، تاراعىش اۋرۋلار عىلىمى تەكسەرۋىنە پايداسى بار - جوعىن اجىراتۋ كەرەك.
بيىل 38 جاستاعى لۋ ياۋچين 2 بالانىڭ اكەسى، كەيدە ول ءبىر كۇندە ناۋقاسى كۇدىكتى 5 − 6 اداممەن جاناسادى، ۇيدەگىلەرگە توسىن حاۋىپ - قاتەر اكەلمەۋ ءۇشىن ول قىزمەت ورنىندا ۇيىقتاي سالاتىن بولدى.
ساعات 12دە ىندەتكە قارسى تۇرۋعا تالداۋ جاساۋ شاعىن جيىنىن اشىپ بولعاننان كەيىن، ءۇرىمجى قالالىق اۋرۋدان ساقتانۋ جانە ونى تىزگىندەۋ ورتالىعى جۇقپالى اۋرۋلاردان ساقتانۋ ءبولىمىنىڭ مەڭگەرۋشىسى گاۋ فىڭ رايون - اۋداندارعا بارىپ، جۇقپالى اۋرۋلاردان ساقتانۋ قىزمەتكەرلەرىن تاربيەلەۋ مىندەتىن تاپسىرىپ الادى. جاقىنعى 10 كۇننەن بەرى گاۋ فىڭ مەكەمە - ورىننىڭ شۇعىل جاعدايلارعا توتەپ بەرۋ قولباسشىلىق گرۋپپاسىنىڭ مۇشەسى بولعان ول ۇيىنە قايتىپ، كيىم - كەشەگىن جۋىپ اۋىستىرعاننان سىرت، ءۇرتىس ءار جاقتاعى جۇمىستاردى سايكەستىرۋمەن بولدى، قالجىراپ ۇيقىسى كەلسە كەڭسەسىندە مىزعاپ الادى. كەيدە ءبىر كۇندە نە ءبارى ەكى - اق ساعات ۇيىقتايدى. ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىندەگى ايەلى دە الەۋمەتتىك اۋماقتىڭ ىندەتتەن ساقتانۋ - تىزگىندەۋ ءبىرىنشى شەبىندە، 12 جاستاعى قىزىن اكە - شەشەسىنىڭ قاراۋىنا بەرىپ قويعان، ءبىر ۇيدەگى 3 ادام نەگىزىنەن تەك تەلەفون ارقىلى قىسقا - قىسقا حابارلاسا الادى.
ساعات 18دە بۇل ورتالىقتىڭ جۇقپالى اۋرۋلاردان ساقتانۋ ءبولىمىنىڭ ورىنباسار مەڭگەرۋشىسى فان شۇيچىڭ بۇكىلدەي قارۋلانىپ، ۆيرۋس تاجىريبەحاناسىندا قاربالاسقا ءتۇستى. بۇل ىندەتكە ەڭ جاقىن جەر بولاتىن، بۇكىل قالاداعى كۇدىكتى ناۋقاستاردىڭ، دياگنوزى انىقتالعان ناۋقاستاردىڭ ۇلگىسى تۇگەلدەي وسى جەرگە جەتكىزىلىپ تەكسەرىلىپ، ولشەنەدى. ۇلگىنى اشۋدان نۋكلەين قىشقىلىن الۋعا دەيىن، ونان نۇرمەن PCR تەكسەرۋ - ولشەۋگە دەيىن ءبىر رەتكى كەمەلدى تەكسەرۋ - ولشەۋ بارىسىنا ادەتتە كەم دەگەندە 4 ساعات ۋاقىت قاجەت بولادى.
تاجىريبەحانادان شىققاندا قالىڭ ساقتانۋ كيىمى تۇمشالاعان فان شۇيچىڭنىڭ دەنەسىن تەر باسىپ، جۇزىندە ماسكى قيعان ءىز قالىپتى. ول بىلاي دەدى: ءبىر مينۋت ەرتە دياگنوزى انىقتالسا، كۇماندى اۋرۋ تەز ارادا ەمدەلىپ جانە اۋاشالانىپ، ىندەتتىڭ ونان ارى تارالۋىن ازايتۋعا بولادى.
ىندەتتەن ساقتانۋ - تىزگىندەۋ مەزگىلىندە، ۇلگى مەيلى قاشان كەلسىن، تەكسەرۋ - ولشەۋ قىزمەتكەرى، ءسوزسىز، ەڭ تەز ۋاقىتتا تەكسەرىپ - ولشەيدى. ”تاجىريبەحانادا ۇنەمى ۆيرۋسپەن بەتپە - بەت كەلەسىزدەر، قورىقپايسىزدار ما؟“، ”قورقامىز، ءبىراق مەن تاجىريبەحاناداعى تەحنيكپىن، ۆيرۋسپەن بەتپە - بەت كەلۋ، ولاردى باعىندىرۋ، مەنىڭ باس تارتۋعا بولمايتىن جاۋاپكەرشىلىگىم“، - دەيدى فان شۇيچىڭ. وسى كوكتەم مەرەكەسىندە فان شۇيچىڭ ءاسىلى ىشكى وڭىرگە قايتىپ اكە - شەشەسىمەن باس قوسۋعا دايىندىق كورىپ وتىرعان، ىندەت تۋىلعاننان كەيىن، ول دەرەۋ بەلەتىن قايتارىپ تاستاپ، قىزمەتتەستەرىمەن بىرگە ساقتانۋ - تىزگىندەۋ قىزمەتىنە كىرىسەدى. قازىر ول جانە قىزمەتتەستەرى سەرت بەرۋ جيىنىنداعى ”بار كۇشتى جۇمساپ، عىلمي ساقتانىپ، تىزگىندەپ، ىندەتتىڭ تارالۋىن باتىل تەجەپ، ىندەتتەن ساقتانۋ - تىزگىندەۋ شايقاسىنىڭ جەڭىسىنە قول جەتكىزۋگە كۇش - قايراتىمىزدى قوسامىز! “ دەگەن اسقاق سەرتىن ورىنداۋدا.
