شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي
جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى الدىندا، پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايونىمىزداعى مەملەكەت قارجىلاندىرعان كاسىپورىندار مەن مەملەكەت مەنشىگىندەگى كاسىپورىندار اۆتونوميالى رايوندىق پارتكومنىڭ قىزمەت ورنالاستىرۋىنا ساي، بەلسەندى ارەكەتتەرى ارقىلى مەملەكەت مەنشىگىندەگى كاسىپورىنداردىڭ جاۋاپكەرشىلىگىن ايگىلەپ، ىندەتتەن ساقتانۋ - تىزگىندەۋ توسقاۋىل شايقاسىنا بار كۇشپەن ات سالىستى.
بار كۇشىن سالىپ، ساپاعا كەپىلدىك ەتىپ، ءوندىرىس مولشەرىن ارتتىردى
ىندەت الدىندا، شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگى، شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى سياقتى ءبىر توپ مەملەكەت مەنشىگىندەگى كاسىپورىندار وندىرىسكە بار كۇشىن سالىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە بار كۇشپەن قولداۋ كورسەتتى.
كوكتەم مەرەكەسى كەزىندە شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگىنە قاراستى كاسىپورىن − شينجياڭ ازيا - ەۆروپا سيرەك مەتال جارنا شەكتى سەرىكتەستىگى زارارسىزداندىرعىشتىڭ شيكىزات ءونىمى حلورلىلاۋ قىشقىل ناتريدى جەدەل دايىنداپ، 1 - ايدا قوعامعا 1000 تونناعا تاياۋ ءونىم ازىرلەدى، قازىر كۇنىنە 40 توننا وندىرە الادى.
1 - ايدىڭ 25 - كۇنىنەن باستاپ، شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى ءوندىرىس شارت - جاعدايىنا ۇيلەسەتىن قاراستىلىعىنداعى بولىمشە سەرىكتەستىكتەردىڭ ءوندىرىس جوسپارىن ىرىقتىلىقپەن رەتتەپ، قوعامعا باعىتتاي وتىرىپ، ءسىلتى، حلور، حلورلىلاۋ قىشقىل ناتري سياقتى زارارسىزداندىرعىش جاسايتىن شيكىزات ونىمدەرىن ازىرلەۋگە بار كۇشىن سالدى. قازىر بۇل كاسىپورىننىڭ قاتىستى بولىمشە سەرىكتەستىكتەرى كۇنىنە 46.75 توننا سۋتەك اسقىن توتىعى ەرىتىندىسىن، 700 توننا حلورلىلاۋ قىشقىل ناتري وندىرە الادى، قامباداعى قورى جەتكىلىكتى.
اۆتونوميالى رايوندىق ءدارى - دارمەك ساقتاۋ ورتالىعى بولعان گوياۋ شينجياڭ ءدارى - دارمەك شارۋاشىلىعى شەكتى جاۋاپكەرشىلىك سەرىكتەستىگىنىڭ باس سەرىكتەستىگى جانە ءارقايسى بولىمشە سەرىكتەستىكتەر تەز ارادا ءۇن قوسىپ، 24 ساعات ۇستەمەلەپ جۇمىس ىستەپ، ىندەتكە قاجەتتى ەمدەۋ ءدارى - دارمەگىن، قورعانۋ بۇيىمدارىن ساتىپ الۋ، جەتكىزۋ سياقتى قىزمەتتەردى شىنايى جاقسى ىستەپ، قاتىستى شيپاحانالاردىڭ شۇعىل جاعدايعا توتەپ بەرۋ قامداۋىن باتىل قامتاماسىز ەتتى. قازىرگە دەيىن، بۇل كاسىپورىن ءتۇرلى ءدارى - دارمەكتەن جالپى 4 ميلليون 500 مىڭ قوراپ (تال) دايىنداپ، تۇتاس رايونىمىزداعى ەمدەۋ قۇرىلىمدارىنىڭ ءدارى - دارمەك ىستەتۋ قاجەتىن قاناعاتتاندىردى.
بورىشىن بۇلجىتپاي ارقالادى، كوپ جاق ىندەتكە قارسى بىرگە شايقاس جاسادى
ىندەتكە قارسى اتتانۋدىڭ ەرەكشە مەزگىلىندە، قاتىستى مەملەكەت مەنشىگىندەگى كاسىپورىندار ىشكى وڭىرلەردەن قورعانۋ بۇيىمدارىن بەلسەنە ساتىپ الدى ءارى مەملەكەت سىرتىنداعى وزىنە قاراستى كاسىپورىنداردى اتتانىسقا كەلتىرىپ، مەملەكەت سىرتىنان زاتپەن قامداۋ ارناسىن بەلسەنە كەڭەيتىپ، قورعانۋ زاتتىق ماتەريالدارى تاپشى بولۋ ماسەلەسىن امالدىڭ بارىنشا شەشتى.
شينجياڭ قارجى قوسۋ، دامۋ (توبى) شەكتى جاۋاپكەرشىلىك سەرىكتەستىگى ىشكى وڭىرلەردەن ءبىر ميلليون يۋانعا ماسكى سياقتى زاتتىق ماتەريالداردى تاپسىرىسپەن ساتىپ الدى، ءبىرىنشى توپتا 35 مىڭ ماسكىنى 1 - ايدىڭ 31 - كۇنى جونەلتتى؛ شينجياڭ جۇڭتاي (توبى) شەكتى جاۋاپكەرشىلىك سەرىكتەستىگى، شينجياڭ حالىقارالىق ەكونوميكا سەلبەستىك توبى شەكتى جاۋاپكەرشىلىك سەرىكتەستىگى شەتەل بازارىنان ءبىر توپ قورعانۋ بۇيىمدارىن تاپسىرىسپەن ساتىپ الدى، قازىر زاتتار ىركەس - تىركەس كەلىپ جەتتى.
شينجياڭ اۋەجاي (توبى) شەكتى جاۋاپكەرشىلىك سەرىكتەستىگى تەكسەرۋ تەبىنىن ارتتىرىپ، بارلىق كىرۋ - شىعۋ پورتتارىندا جولاۋشىلاردىڭ دەنە تەمپەراتۋراسىن ولشەدى، سونىمەن بىرگە ۇشاق كۇتۋ بولمەسىندە اۋا الماستىرۋ جانە زارارسىزداندىرۋ قىزمەتىن كۇشەيتىپ، كەزەكشى ۇشاق جولاۋشىلارى نولدىك مالىمەت ءتۇزىمىن تياناقتاندىردى. ىندەتتەن ساقتانۋ زاتتىق ماتەريالدارىن، جابدىقتارىن تاسىمالداۋدى قامتاماسىز ەتۋ قىزمەتىن كۇشەيتىپ، جاسىل ارنا اشىپ، ءتۇرلى ساقتانۋ - تىزگىندەۋ زاتتىق ماتەريالدارىنىڭ جىلدام جەتۋىن قامتاماسىزداندىردى.
شينجياڭ لىبەي - ىر ساۋدا شەكتى سەرىكتەستىگى جۇمىستى قايتا باستاعاننان كەيىن، قىزمەتكەر تاپشى بولۋ، ءوندىرىس قۋاتى جەتكىلىكتى بولماۋ سياقتى ماسەلەلەرگە ءدوپ كەلدى، شينجياڭ فينانس قارجى قوسۋ شەكتى سەرىكتەستىگىنە قاراستى تيانشان توقىماشىلىق شەكتى سەرىكتەستىگىندەگى 20 تىرەكتى قىزمەتكەر ىرىقتىلىقپەن ءوتىنىش بەرىپ، وندىرىسكە جاردەمدەسىپ، ءار كۇنى ءۇرتىس 12 ساعات قىزمەت ىستەپ، ءوندىرىس قۋاتىن بارىنشا جوعارىلاتتى.
ەرەكشە ءىستى ەرەكشە ءبىتىردى، جاسىل ارنا اشتى
اۆتونوميالى رايوندىق اۋىل - قىستاق امانات - قارىز بىرلەسپە كووپەراتيۆى، شينجياڭ بانكە جارنا شەكتى سەرىكتەستىگى فينانستىق قىزمەت وتەۋ جاسىل ارناسىن اشىپ، ىندەتتەن ساقتانۋ - تىزگىندەۋگە قاتىستى كاسىپتەردى دەر كەزىندە ءوتىنىش ەتىپ، دەر كەزىندە ءبىتىرىپ، ىندەتتەن ساقتانۋ - تىزگىندەۋ، ەمدەۋ قۇرىلىمدارىنا ارالاپ فينانستىق قىزمەت وتەدى. ۇكىمەت قۇرىلىمدارىنىڭ، ىندەتكە قاتىستى كاسىپورىنداردىڭ، ءىسورىندارىنىڭ اقشا شىعارۋى، قارجى اۋدارۋى، يگىلىك ۇيىمدارىنىڭ ەسەپ - قيساپ اشۋى، قارجى اداقتاۋى جانە ءتۇرلى جىلۋ اقشالارىن جىبەرۋ، ءبولۋ سياقتى كاسىپتەرگە قاراتا جەدەل ءۇن قوسۋ مەحانيزمىن ورناتىپ، راسمياتتى قاراپايىمداستىرىپ، ەرەكشە ءىستى ەرەكشە ءبىتىرىپ، قارجىنىڭ دەر كەزىندە تولىق تياناقتانۋىنا شىنايى كەپىلدىك ەتتى.
شينجياڭ لىبەي - ىر ساۋدا شەكتى سەرىكتەستىگىنىڭ ماسكى، قورعانۋ كيىم - كەشەگى سياقتى ىندەتتەن ساقتانۋ بۇيىمدارىن جەدەل ءوندىرۋىن قولداۋ ءۇشىن، 1 - ايدىڭ 28 - كۇنى اۆتونوميالى رايوندىق اۋىل - قىستاق امانات - قارىز كووپەراتيۆى بىرلەسپە كووپەراتيۆى تيانشان اۋىل - قىستاق ساۋدا بانكەسى كاسىپورىندارعا ارناۋلى بارىپ، جاعداي ۇعىسىپ، كاسىپورىنداردىڭ تيجاراتى قيىن بولۋ جانە قارجى قاجەتىنە ساي، جالپىلىق سەنىمدىلىك جوباسىن اقىلداسىپ، جاسىل ارنانى تەز ارادا اشىپ، ەسەپ اشۋدى جىلدام ورنالاستىرىپ، سول جەردە تەكسەرىپ جانە سەنىمدىلىكتى تەكسەرىپ بەكىتىپ، كاسىپورىندارعا 5 ميلليون يۋاندىق سەنىمدىلىك مولشەرىن بەرىپ ءارى نەگىزدىك ءوسىم مولشەرىن اتقارىپ، امانات - قارىز قارجىسىنىڭ دەر كەزىندە ەسەپ - قيساپقا ەنۋىنە شىنايى كەپىلدىك ەتىپ، 24 ساعاتتا عانا بارلىق امانات - قارىزدى تەكسەرىپ بەكىتۋ قىزمەتىن ورىنداپ، كاسىپورىنداردىڭ وندىرىسىنە ەڭ الدىمەن امانات - قارىز جاعىنان قولداۋ كورسەتتى.
قوعامدىق جاۋاپكەرشىلىكتى اتقارۋعا ۇلگى بولۋ رولىن اناعۇرلىم ساۋلەلەندىرۋ ءۇشىن، اۆتونوميالى رايوننىڭ مەملەكەت قارجىلاندىرعان كاسىپورىندار مەن مەملەكەت مەنشىگىندەگى كاسىپورىندار قاتىستى قورعانۋ زاتتىق ماتەريالدارىن جىلۋعا اتاۋ قىزمەتىن جەدەل جۇرگىزۋدى ءارى قاتىستى نەگىزگى باسقارۋ تاراۋلارىنىڭ ءبىر تۇتاس ورنالاستىرۋىنا ءارقاشان بويسۇندى.
