شينجياڭ گازەتىنىڭ جالپىلىق اقپارات قۇرالدارى تىلشىلەرى
كەيبىرەۋلەر ىرىقتىلىقپەن ءوتىنىش بەرىپ، قاسقايا قارسى ۇمتىلدى؛ كەيبىرەۋلەر قىزمەت ورىندارىنان تاپجىلماي، ءبىرىنشى شەپتە اتوي سالدى؛ كەيبىرەۋلەر مەيىر باعىشتاپ، بەلسەنە جىلۋ اتادى... وسى ءتۇتىنسىز شايقاس بارىسىندا، ادامدى اسەرلەندىرەتىن تۇلعالار ىندەتتىڭ ءورشۋ تەبىنىن اۋىزدىقتاۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋ ءۇشىن كۇش - قۋاتتارىن ارنادى.
قىزمەت ورىندارىنان تاپجىلمادى
ىندەتپەن شايقاسۋ بارىسىنداعى «كەلبەتتى» تۇلعالار
1 - ايدىڭ 28 - كۇنى ساعات 15تە ءتىلشى ليۋيۋان پويەز ستانسياسىنىڭ ماڭىنداعى بەكەت الدى قوناقجايدىڭ ۇلكەن زالىنا كىرگەندە، سافادا جانتايىپ جاتقان قۇمىل قالالىق قوعام حاۋىپسىزدىگى مەكەمەسى سايلاۋىت ساقشى تارماق اترەتىنىڭ ورىنباسار اترەت باستىعى ۋ ليدى كوزى شالدى، قولىنا پويەزعا شىعاتىنداردى تەكسەرۋ گرۋپپاسىنىڭ كەزەكشىلىك كەستەسىن ۇستاعان ول بوس ۋاقىتىنان پايدالانىپ كوز شىرىمىن الدى.
1 - ايدىڭ 24 - كۇنى ساعات 16دا ليۋيۋان پويەز بەكەتىنە كەلگەن، سايلاۋىت ساقشى تارماق اترەتىنىڭ ليۋيۋانداعى ىندەتتى تەكسەرۋ - تىزگىندەۋ قىزمەتىنىڭ سايكەستىرۋشىسى جانە جاۋاپتىسى رەتىندە، ۋ ليدىڭ بارلىق ۇيىقتاعان ۋاقىتى 6 ساعاتقا دا جەتپەيدى. ”سايلاۋىت ساقشى تارماق اترەتىنىڭ مۇشەلەرى مەن ەمدەۋ قىزمەتكەرلەرى ليۋيۋان پويەز بەكەتىندە گرۋپپالارعا ءبولىنىپ، كەزەكتە تۇرىپ، ءاربىر كەزەكشى پويەزدا ىندەت جاعدايىن شارلاپ تەكسەرۋ جانە ادامداردىڭ ينفورماتسياسىن تىزىمگە الۋ قىزمەتىن ورىستەتىن قىزمەتكەرلەردىڭ جەتكىلىكتى بولۋىن قامتاماسىز ەتىپ، بىردە - ءبىر ادامنىڭ قاعىس قالماۋىنا شىنايى كەپىلدىك ەتتى“. ۋ ليدىڭ كوزى قانتالاپ، ەرىندەرى ويىلىپ، ءۇنى قارلىعىپ قالىپتى.
2003 - جىلى ۋ لي اسكەر رەتىندە، سارسقا قارسى اتتانۋ مىندەتىنە ات سالىسقان - دى، 17 جىلدان كەيىن 37 جاستاعى ول تاعى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىمەن سايىسۋ ”شايقاسى“نا اتتاندى، ”مەن پارتيا مۇشەسىمىن ءارى بەلگىلى دەڭگەيدە تەكسەرۋ - تىزگىندەۋ تاجىريبەم بار، مەن، ءسوز جوق، قىزمەت ورنىمنان تاپجىلماي، شينجياڭنىڭ ’شىعىس قاقپاسىن‘ ويداعىداي قورعايمىن!“، - دەدى ۋ لي.
ۋ لي سياقتى قىزمەت ورنىنان تاپجىلماي، ىندەتتەن ساقتانۋ - تىزگىندەۋ توسقاۋىل شايقاسىنا كەرپىش بولىپ قالانعان ءار ۇلت پارتيا مۇشەلەرى مەن كادرلار بارشىلىق.
”جاقسىمىسىز، مەن الەۋمەتتىك اۋماق كادرىمىن، جۋىقتان بەرگى جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن حابارىڭىز بار ما؟ ۇيدەگىلەرىڭىزدەگى ادامداردا قىزۋ، جوتەلۋ، ءىش ءوتۋ جاعدايى بايقالدى ما، جوق پا؟ ەگەر ۇيلەرىڭىزدە ىشكى وڭىردەن قايتىپ كەلگەندەر نەمەسە قىزعان ادامدار بولسا، جاسىرماڭىزدار...“. ءار كۇنى تەلەفون شالىپ، تۇرعىنداردىڭ جاعدايىن ۇعىسۋ قۇتىبي اۋدانى قۇتىبي قالاشىعى مەيحۋا الەۋمەتتىك اۋماعىنىڭ كادرى ەرتاي ماۋقاننىڭ كۇندەلىكتى ىستەيتىن قىزمەتى.
ەرتاي سياقتى رايونىمىزدىڭ جەر - جەرىندەگى پارتيا مۇشەلەرى مەن كادرلار وتباسىنداعىلارمەن باس قوساتىن ءساتىن قايىرىپ قويىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە اتويلاپ، ”وكىلەتتى ساتىپ الۋشى“، ”كوكونىس جەتكىزۋشى“، ”جارشى“ بولىپ، حالىق ءۇشىن قىزمەت ەتۋ قىزمەتىن ەگجەي - تەگجەيلى ىستەدى.
”نەعۇرلىم ۇيدەن از شىعۋ، ادام توپتالعان جەردە ماسكى تاعۋ كەرەك“. وسى بىرنەشە كۇندە، يىڭسار اۋدانى يىڭسار قالاشىعى باقىت الەۋمەتتىك اۋماعى پارتيا باس ياچەيكاسىنىڭ شۋجيى ايتيلا ازەز ۇگىت قابىرعا گازەتىن جاپسىرىپ ءجۇرىپ، تۇرعىندارعا ىندەتتەن ساقتانۋ - تىزگىندەۋ بىلىمدەرىن جەتكىزدى.
ايتيلا بىلاي دەدى: ”كەيبىر قارتتاردىڭ ىندەتتەن ساقتانۋ - تىزگىندەۋ تانىمى ءبىرشاما تاياز. وسىعان مەڭزەس، ولار دەرەۋ الەۋمەتتىك اۋماق كادرلارىنان، اۋماق ساقشىلارىنان، الەۋمەتتىك اۋماقتىڭ دەنساۋلىق ساقتاۋ جانە قوجالىق باسقارۋ قىزمەتكەرلەرىنەن قۇرام تاپقان ىندەتتەن ساقتانۋ - تىزگىندەۋ قىزمەت گرۋپپاسىن قۇرىپ، تۇرعىندارعا ىندەتتەن ساقتانۋ - تىزگىندەۋ ينفورماتسياسىن جانە ىندەتتەن ساقتانۋ شارالارىن ءتۇسىندىرىپ، الەۋمەتتىك اۋماق، عيمارات، وتباسىن تۇتاس قامتىپ، ەش قالتارىس قالدىرمادى.
”پارتيا مۇشەسى رەتىندە، مەن باس بولىپ قىزمەت ورنىمنان تاپجىلماي، بۇقاراعا ويداعىداي قىزمەت وتەۋىم كەرەك“، - دەدى ايتيلا.
مەيىر باعىشتاپ، جىلۋ اتادى
ىندەتكە قارسى اتتانۋ بارىسىنداعى ”ەڭ مەيىرلى“ تۇلعالار
2 - ايدىڭ 1 - كۇنى قۇلجا اۋدانى اۋليە اۋىلى توسۇن قىستاعىنداعى 62 جاستاعى مالشى بەكەناي قۇرمانبەك ۋيچات ارقىلى قىستاق ياچەيكاسىنىڭ ورىنباسار شۋجيى، قىستاق كوميتەتىنىڭ مەڭگەرۋشىسى قايسار داۋىتقا 10 مىڭ يۋان جولداپ بەردى ءارى ”مىناۋ مەنىڭ ۋحانعا اتاعان ازعانتاي كوڭىلىم“، - دەپ تاپسىردى.
”سۋ ىشكەندە بۇلاقتى ۇمىتپا، ەت جەگەندە جايلاۋدى ۇمىتپا، ادام بولعاندا اكە - شەشەڭدى ۇمىتپا. پارتيانىڭ ابزال ساياساتىنىڭ ارقاسىندا مالشىلار جاقسى تۇرمىسقا قول جەتكىزدى، پارتيا مۇشەسى رەتىندە، ىندەتكە قارسى تۇرۋعا بار كۇشىمدى ارنايمىن“، - دەدى بەكەناي.
وسىمەن ءبىر ۋاقىتتا، التاي قالاسى الاقاق قالاشىعى ويماقى قىستاعى ”يانچى“ ناۋايحاناسىندا، ناۋايشى بارات ءجۇنىس پەن ويماقى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى ياڭ چۇنفىڭ قاتتى قاربالاس ەدى. ءۇن يلەۋ، نان جابۋ، قوراپتاۋ، تۇستەن بۇرىن ولار 50 ناندى الاقاق قالاشىعى ەمحاناسىنا جەتكىزۋ كەرەك ەدى، وسىدان ىلگەرى، ولار الاقاق قالاشىعى ساقشى بولىمشەسىنە، قاراۋىل تۇيىندەرىنە جانە قاتىناس ساقشى اترەتىنە 250دەن ارتىق مەيىر جەتكىزۋ نانىن تارتۋ ەتكەن.
”جاپقان نانىمىز ءبىرىنشى شەپتە ەرلىكپەن شايقاس جاساپ جاتقان قىزمەتكەرلەرگە تيتتەي دە بولسا جىلۋلىق جەتكىزسە دەيمىز. مەن جالعاستى ءار كۇنى نان جابامىن، ىندەتتى ەرتەرەك جەڭسەك ەكەن دەپ تىلەيمىن“، - دەدى بارات.
نان، شۇبات، كوجە... جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى الدىندا، تيانشاننىڭ وڭتۇستىگى مەن سولتۇستىگىندەگى ءار سالا قايراتكەرلەرى، ءار ۇلت بۇقاراسى وزدىكتەرىنەن اقشالاي، زاتتاي جىلۋ اتاپ، سۇيىسپەنشىلىكتەرىمەن جىلۋ باعىشتاپ، ىندەتكە بىرگە قارسى اتتاندى.
ەرىكتى قىزمەت وتەدى
ىندەتكە قارسى اتتانۋ بارىسىنداعى ”تۋىسقان“ تۇلعالار
قىزمەت اتقارىپ جۇرگەندەردىڭ قاتىناسقا جەتەكشىلىك ەتۋىنە كومەكتەسىپ، ءاربىر ادامنىڭ جانە اۆتوموبيلدىڭ ينفورماتسياسىن ەگجەي - تەگجەيلى تىزىمگە الىپ، جولاۋشىلاردىڭ دەنە تەمپەراتۋراسىن ولشەۋىنە كومەكتەستى... بۇلار ەرىكتى يۋان باۋچىڭنىڭ جۋىقتا ۇلانباي قوعام حاۋىپسىزدىگى تەكسەرۋ پۋنكتى كارانتيندەۋ تۇيىنىندەگى كۇندەلىكتى قىزمەتى.
بيىل 29 جاستاعى يۋان باۋچىڭ ءۇرىمجى جوعارى، جاڭا تەحنيكالىق اشۋ رايونىنداعى (جاڭا قالا رايونى) ءبىر جەكە كاسىپكەر. 1 - ايدىڭ 28 - كۇنى تاڭ سارىدە ۇيىندە دەمالىپ جاتقان ول ەرىكتىلەردى قابىلداۋ ينفورماتسياسىن كورىپ، دەرەۋ تىزىمدەلدى. ءبىر تۇتاس تاربيەلەۋدەن كەيىن، ەكىنشى كۇنى تاڭەرتەڭ ەرتە جۇمىسقا كىرىستى.
”بۇكىل ەلدىڭ جەر - جەرىندەگى ەمدەۋ قىزمەتكەرلەرىنىڭ ءبىرىنشى شەپكە اتتانىپ جاتقانىن كورىپ، ايرىقشا اسەرلەندىم. كوممۋنيستىك جاستار وداعىنىڭ مۇشەسى رەتىندە، وسى كوكتەم مەرەكەسىندە ءار سالا، ءار كاسىپتەن كەلگەن ەرىكتىلەرمەن بىرگە ’ىندەتكە‘ قارسى شايقاسقانىمدى ايرىقشا ماقتانىش ەتەمىن“، - دەيدى يۋان باۋچىڭ.
يۋان باۋچىڭ سياقتى اۆتونوميالى رايوندىق كوممۋنيستىك جاستار وداعى كوميتەتى شينجياڭ جاستارىنان ىندەتتەن ساقتانۋ ەرىكتىلەرىن جيناۋ حابارلاندىرۋىن شىعارعاننان بەرى، بۇكىل رايوننان 20 مىڭعا جۋىق ەرىكتى تيانشاننىڭ وڭتۇستىگى مەن سولتۇستىگىندە ىندەتتەن ساقتانۋ - تىزگىندەۋدىڭ ءبىرىنشى شەبىندە قىزمەت وتەۋدە.
”ۋاي! جاقسىمىسىز، مەن پسيحيكالىق جەتەكشى ما شياۋلي بولامىن، سىزگە قانداي كومەگىم كەرەك؟“. 2 - ايدىڭ 1 - كۇنى تاڭەرتەڭ ەرتە بۋرىلتوعاي اۋدانى بۋىرىلتوعاي قالاشىعى حالىق جولى الەۋمەتتىك اۋماعىنداعى الەۋمەتتىك قىزمەت ورتالىعىنداعى پسيحيكالىق كەڭەس تەلەفونىنىڭ شىرىلى تولاستامادى.
جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتىنەن بولۋى مۇمكىن پسيحيكالىق ماسەلەلەرگە مەڭزەس، بۋرىلتوعاي اۋدانى پسيحيكالىق كەڭەس بەرۋ ماماندىعى بويىنشا بىلىكتى، قىزمەت تاجىريبەسى مول 32 پارتيالى كادردى جيناپ، ”پسيحيكالىق جەتەكشىلىك ەرىكتىلەر توبىن“ قۇرىپ، الىس ارالىقتان بەينەجازبامەن، تەلەفونمەن اڭگىمەلەسۋ سياقتى تاسىلدەر ارقىلى كومەككە ءزارۋ ادامدارعا پسيحيكالىق جەتەكشىلىك قىزمەتىن وتەدى.
سونىمەن قاتار، بۇقارانىڭ سىرتقا شىعىپ ايقاسپالى جۇعىمدالۋ قاتەرىن ازايتۋ ءۇشىن، بۋرىلتوعاي اۋدانى 210 پارتيا مۇشەلەرىنىڭ قىزمەت وتەۋ ءتۇيىنىن قۇرىپ، قىستاق شيپاگەرى، حالىق (جاردەمشى) ساقشىلارى، قىستاقتى (الەۋمەتتى اۋماق) كوتەرمەگە العان كادرلار سياقتىلاردان ”كوجە - قاتىق“ ەرىكتىلەر قىزمەت وتەۋ توبىنان 540ىن قۇرىپ، قاراستى اۋماقتاعى بۇقارانىڭ تاپسىرىس بەرۋ، پارتيا مۇشەلەرى قىزمەت وتەۋ ءتۇيىنىنىڭ تاپسىرىس قابىلداۋى، ەرىكتىلەر قىزمەت وتەۋ توبىنىڭ تاپسىرىستى جەتكىزىپ بەرۋى ءتاسىلىن قولدانىپ، بۇقارا ءۇشىن تۇرمىستىق بۇيىمدار ساتىپ اكەلىپ بەرۋ، سۋ، توك اقىلارىن تاپسىرىپ بەرۋ سياقتى ەرىكتىلەر قىزمەت وتەۋىن جۇرگىزىپ، بۇقارانىڭ القاۋىنا بولەندى.
(تىلشىلەر پاريزات ابدۇ، گاي يوۋجۇن، رايدا، جاڭ تيڭ، حان چينيان، ءجازيرا نەسىپبەك، ميھىرگۇل ناسىر، دۋ جيانحۇي، ەرىكتى تىلشىلەر لي ۋىنلۇڭ، حۋ جۇنشيۋ، چىن جيڭ، جۇڭ گايچيڭ، جي سۇنلي، سۇڭقار جۇماعازى جازعان)
