تيانشان تورى   ›   ۇيرەنۋ   ›   شولۋ

ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان باتىرلارعا قۇرمەت بىلدىرەمىز

حالىق گازەتىنىڭ شولۋشىسى

  ءار رەتكى ەرەكشە شايقاس ءبىر توپ ەرجۇرەك جاۋىنگەرگە ءزارۋ؛ ءار رەتكى ءولىم مەن ءومىر تايتالاسىندا ءبىر توپ تايسالماس باتىر جارىققا شىعادى.

  جۋىقتا اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ ماجىلىسىندە، باس شۋجي شي جينپيڭ پارتيا ورتالىق كوميتەتى اتىنان ىندەتتەن ساقتانۋ - تىزگىندەۋ قىزمەتىنىڭ ءبىرىنشى شەبىندە ەرلىكپەن شايقاس جاساپ جاتقان بۇكىل ەلدەگى بارشا ەمدەۋ قىزمەتكەرلەرىنە جانە جولداستارعا شىن جۇرەكتەن العىس ايتىپ، ”ەمدەۋ قىزمەتكەرلەرىنىڭ حاۋىپسىزدىگىن قورعاۋ قىزمەتىن كۇشەيتۋ“دى باسا دارىپتەدى. پارتيا ورتالىق كوميتەتى «حابارلاندىرۋ» باسىپ تاراتىپ، ”ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە ەرلىكپەن شايقاس جاساپ جاتقان ماماندارعا جانە ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، ناقتى، ىزگى، تىڭعىلىقتى شارالار قولدانىپ، ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندەگى مامانداردىڭ جانە ەمدەۋ قىزمەتكەرلەرىنىڭ ءىس جۇزىندىك قيىنشىلىعىن شەشۋىنە كومەكتەسىپ، ولاردى ۋايىمنان ارىلتۋ كەرەك“ دەپ ايقىن تالاپ ەتتى. پارتيا ورتالىق كوميتەتىنىڭ ىقىلاستى قامقورلىعى ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان باتىرلاردى حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋ ءۇشىن جان قيارلىقپەن كۇرەس جۇرگىزۋگە، ايانباي ايقاسۋعا، تىڭعىلىقتى قىزمەت ىستەۋگە شابىتتاندىردى جانە ىنتالاندىردى.

  ”مەملەكەتتە شايقاس بولسا، شاقىرسا، ءسوز جوق، كەلەمىز، شايقاسساق، ءسوز جوق، جەڭەمىز!“. ىندەت الدىندا، قالىڭ ەمدەۋ قىزمەتكەرلەرى الدىڭعى شەپتە اتوي سالىپ، ”ەڭ ارداقتى قاسقايا قارسى جۇرۋشىلەر“دىڭ بەينەسىن قالدىردى؛ جەر - جەردەن كومەككە باراتىن ەمدەۋ قوسىندارى شۇعىل جينالىپ، جاڭا جىلعا قاراعان كۇنى كەشتە ۋحانعا اتتاندى. وسى كۇندەردە ماسكى بۋىپ تەرىسى سىدىرىلعان جۇزدەر، تەرگە شىلانىپ سۋ سورىپ اعارعان قوس قولدار، وپەراتسيا بولمەسىنىڭ سىرتىندا جەرگە جاتا كەتىپ ۇيىقتاعان كورىنىستەر... ەمدەۋ قىزمەتكەرلەرى ۋاقىتپەن جارىسىپ، ۆيرۋسپەن الىسىپ، ۆيرۋستىڭ الدىنا قابات - قابات سالاماتتىق قورعانىس شەبىن قۇرىپ، حالىق بۇقاراسىنا اق حالاتتى جاۋىنگەرلەردىڭ تايسالمايتىندىعىنىڭ، قايسارلىعىنىڭ، ۇلەس قوسۋىنىڭ نە ەكەنىن شىنايى سەزىندىردى. ”شيپاحانانى بارىنشا ەرتە سالىپ ءبىتىرىپ، ناۋقاستاردىڭ تەزىرەك كەلىپ جاتۋىنا مۇمكىندىك جاسايمىز!“ ۋحان حوشىنشان شيپاحاناسىنىڭ، لەيشىنشان شيپاحاناسىنىڭ قۇرىلىس ورنىندا 100دەن استام قۇرىلىس ماشيناسى تاۋلىك بويى تىنىم الماي، 1000نان استام جۇمىسشى تۇندەلەتىپ ەرلىكپەن شايقاس جۇرگىزدى. ”ءبىز قىزمەتكەرلەردى بار كۇشپەن وندىرىسكە كىرىسۋگە ۇيىمداستىرىپ جاتىرمىز، ەمدەۋ قىزمەتكەرلەرىنىڭ تەزىرەك ’شايقاس كيىمىن‘ كيۋىنە مۇمكىندىك جاسايمىز!“ ىندەتتەن ساقتانۋ - تىزگىندەۋگە قاجەتتى زاتتىق ماتەريالمەن قامداۋدىڭ تىعىز - تاياڭدىعى الدىندا، جەر - جەردەگى قاتىستى كاسىپورىندار دەرەۋ جۇمىستى قالپىنا كەلتىرىپ، مينۋت، سەكۋندپەن جارىسىپ ءوندىرىس جۇرگىزىپ، زاتتىق ماتەريالمەن قامداۋعا بار كۇشپەن كەپىلدىك ەتتى. ”ديسسەرتاتسيان−ى وتاننىڭ بايتاق دالاسىنا جازامىز!“ الاپات اۋرۋدىڭ تاس - تالقانىن شىعارۋ ءۇشىن، قىرۋار عىلمي زەرتتەۋ قىزمەتكەرلەرى ىندەتتەن ساقتانۋ - تىزگىندەۋ توسقاۋىل شايقاسىنا بەلسەنە ارالاسىپ، ”سوعىستىق كۇي“ بويىنشا عىلمي زەرتتەۋدەن قامال الۋدى ىلگەرىلەتتى...

  ىندەتتەن ساقتانۋ - تىزگىندەۋ سىندى ءتۇتىنسىز شايقاستا ەمدەۋ قىزمەتكەرلەرىن قامتىعان ءار سالا، ءار كاسىپ قىزمەتكەرلەرى كوكىرەك كەرە العا شىعىپ، ءارى - ءسارى بولماي العا ۇمتىلىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە اتوي سالىپ، ىندەتكە قارسى اتتانۋدىڭ قۇرىش قورعانىن سوعىپ، جەر - جاھاندى اسەرلەندىرەرلىك ءومىردىڭ ماراپات جىرىن جازدى. ناۋقاستاردى قۇتقارۋ - ەمدەۋ، عىلمي زەرتتەۋدەن قامال الۋ، زاتتىق ماتەريالدارمەن قامتاماسىز ەتۋ، قاتىناستى باسقارۋ، ينفورماتسيا جاريالاۋ... ىندەتتەن ساقتانۋ - تىزگىندەۋدىڭ ءار تۇستاعى مايدان شەبىنىڭ بارىندە كاسىبىن قادىرلەپ، ءوز ورنىن كۇزەتكەندەر، ءۇن - ءتۇنسىز ۇلەس قوسقاندار ءجۇر. ءبىز ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان باتىرلارىمىزعا قۇرمەت بىلدىرەمىز! سىزدەر جاپا شەكتىڭىزدەر! سىزدەر −− جاڭا داۋىردەگى ەڭ سۇيىكتى ادامدارسىزدار! سىزدەردىڭ بويلارىڭىزدان ۇلى ۇلتتىق رۋح جانە سوتسياليستىك وزەكتى قۇن كوزقاراسى جاندى كورىنىس تاپتى؛ سىزدەردىڭ ارەكەتتەرىڭىز ءبىزدىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋ سەنىمىمىزدى ونان ارى نىعايتا ءتۇستى!

  ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاس جاساپ جاتقان باتىرلارىمىزعا دەگەن ەڭ جاقسى قۇرمەت − ولارمەن جۇرەكتەس بولۋ، ولارمەن بىرگە بولۋ، ولار ويلاعاندى ويلاپ، ولار اسىققانعا اسىعۋ، ولاردىڭ بەرىك ارتقى تىرەگى بولۋ. ساقتانۋ - قورعانۋ زاتتىق ماتەريالدارىمەن قامداۋدى ويداعىداي ىستەپ، ساقتانۋ - قورعانۋ شارالارىن تياناقتاندىرىپ، كۇشتەردى اتتانىسقا كەلتىرىپ، ەرەكشە ءىستى ەرەكشە ءبىتىرىپ، قاجەت ەتكەنىن قامداپ، ارتقى شەپ قامتاماسىز ەتۋ جۇمىسىن بار كۇشپەن ويداعىداي ىستەۋ كەرەك. ەمدەۋ قىزمەتكەرلەرىنىڭ وزدەرىنىڭ دەنساۋلىعىن بار كۇشپەن قامتاماسىز ەتىپ، ولاردىڭ ساقتانۋ - قورعانۋىن جانە كەزەك اۋىستىرۋىن كۇشەيتىپ، ولاردىڭ دەنە جانە پسيحيكالىق قىسىمىن جەڭىلدەتۋ كەرەك. ەڭبەكاقى يگىلىگى، ەڭبەك قامتاماسىزداندىرۋى، ءومىر قامسىزداندىرۋى سياقتى جاقتاردا ولارعا ەڭ جاقسى قىزمەت وتەپ، ولاردى قامتاماسىزداندىرىپ، ولاردى ۋايىمنان ارىلتۋ كەرەك. ءبىز بارلىعىمىز ىندەتتەن ساقتانۋ - تىزگىندەۋدىڭ تالابى بويىنشا، وزىمىزدەن باستاپ ىستەپ، ماڭايىمىزدان باستاپ ىستەپ، ءبىرىنشى شەپتەگى قۇتقارۋ - ەمدەۋدىڭ قىسىمىن جەڭىلدەتىپ، ىندەتتەن ساقتانۋ، ىندەتكە قارسى اتتانۋ جاۋاپكەرشىلىگىن بىرگە ارقالاۋىمىز كەرەك.

  ”كىم ەكەنىڭدى بىلمەيمىن، ءبىراق كىم ءۇشىن ىستەيتىنىڭدى بىلەمىن“. جۋىقتا وسى ءان ءسوزى كەڭ تارالىپ، كوپتەگەن ينتەرنەت قولدانۋشىلار وسى انمەن ءبىرىنشى شەپتە ەرلىكپەن شايقاس جاساپ جاتقان باتىرلارعا قۇرمەتىن ءبىلدىردى. ۆيرۋس راقىمسىز بولعانىمەن، ادامدار اراسىندا سۇيىسپەنشىلىك بار؛ باتىلدىق، قايسارلىق، تاباندىلىق ءبارىن جەڭەدى. وسى رەتكى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋ، ءسوز جوق، جۇڭگونىڭ قولىنان كەلەدى! جۇڭگو حالقىنىڭ قارىمى، ءسوز جوق، قاپتال جەتەدى!

(2 - ايدىڭ 2 - كۇنى «حالىق گازەتى»ندە باسىلعان)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.