تيانشان تورى
تيانشان تورى   ›   جاڭالىقتار   ›   ماڭىزدى حابارلار

ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بەكىتۋىمەن ارميا ۋحان حوشىنشان شيپاحاناسىنىڭ ەمدەۋ - قۇتقارۋ مىندەتىن ۇستىنە الۋعا ەمدەۋ كۇشتەرىن سارالاپ ۇيىمداستىردى

  شينحۋا اگەنتتىگىنىڭ 2 - ايدىڭ 2 - كۇنى بەيجيڭنەن بەرگەن حابارى (جۋ حۇڭلياڭ، جوۋ نا). ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ بەكىتۋىمەن، ارميا 2 - ايدىڭ 3 - كۇنىنەن باستاپ ۋحان حوشىنشان جاڭا تيپتەگى ايدارشا ۆيرۋسپەن جۇعىمدالۋدان بولعان وكپە قابىنۋ ىندەتى ارناۋلى شيپاحاناسىنىڭ ەمدەۋ - قۇتقارۋ مىندەتىن ۇستىنە الۋعا 1400 ەمدەۋ قىزمەتكەرىن سارالاپ ۇيىمداستىردى. بۇل شيپاحانا نەگىزىنەن دياگنوزى انىقتالعانداردى قۇتقارىپ، ەمدەيدى، 1000 توسەك دايىنداپ، سالماقتى ناۋقاستاردى باقىلاۋ اۋماعىن، سالماقتى ناۋقاستار اۋماعىن، ادەتتەگى ناۋقاستار اۋماعىن قۇردى، جۇعىمدالۋدى تىزگىندەۋ، تەكسەرۋ، ەرەكشە دياگنوز قويۋ، راديواكتيۆتىك دياگنوز قويۋ سياقتى كومەكشى بولىمدەر اشتى.

  وسى رەتكى سارالاپ ۇيىمداستىرىلعان ەمدەۋ كۇشتەرى بۇكىل ارميانىڭ تۇرلىشە ەمدەۋ ورىندارىنان كەلگەن، مۇنىڭ ىشىندە ءبىر تۇتاس ارتقى شەپ قامتاماسىزداندىرۋ اسكەري بولىمىنە قاراستى شيپاحانالاردان 950 ادام ۇيىمداستىرىلدى، الدىڭعى مەزگىلدە بارعان قۇرلىق ارميا اسكەري مەديتسينا داشۋەسىنەن، تەڭىز ارميا اسكەري مەديسينا داشۋەسىنەن، اۋە ارميا اسكەري مەديتسينا داشۋەسىنەن 450 ادام ءبىر تۇتاس گرۋپپا بولىپ ۇيىمداستىرىلدى. مۇنان تىس، حالىق ازاتتىق ارمياسىنىڭ اۋرۋدان ساقتانۋ - تىزگىندەۋ ورتالىعى، اسكەري ىستەر عىلىم اكادەمياسى اسكەري ىستەر مەديتسينا زەرتتەۋ ورنى 15 ماماننان قۇرالعان بىرلەسكەن ماماندار گرۋپپاسىن سارالاپ ۇيىمداستىردى، شيپاحانانىڭ ىندەتتەن ساقتانۋ - تىزگىندەۋ قىزمەتىنە سول جەردە تۇرىپ جەتەكشىلىك ەتەدى.

  ۇعىسۋعا قاراعاندا، ەمدەۋ قىزمەتكەرلەرىنىڭ ءبىرتالايى كەزىندە شياۋتاڭشان شيپاحاناسىنىڭ سارسقا قارسى اتتانۋ مىندەتىن جانە سەررا - لەوننىڭ، ليبەريانىڭ ەبولا ىندەتىنە قارسى اتتانۋ مىندەتىن ۇستىلەرىنە العان، جۇقپالى اۋرۋلاردان قۇتقارۋ، ونى ەمدەۋ تاجىريبەسى مول ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.