شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 2 - ايدىڭ 3 - كۇنى ۇرىمجىدەن حابارلايدى. حاۋىپسىزدىك تەكسەرۋ ەسىگى الدىندا دەنە تەمپەراتۋراسىن الدىن الا ولشەدى − قىزباعان ناۋقاستار امبولاتورياعا كىرگەندە الدىن الا تەكسەرىلىپ جەكە دياگنور قويىلدى، قىزعان ناۋقاستارعا قىزۋ امبولاتورياسىنا كىرگەندە، ولشەمدى ءتارتىپ بويىنشا العاشقى ساراپتاۋ، قاتىستى تەكسەرۋ جۇرگىزىلدى − كۇدىكتى ناۋقاستار جەكە بولمەدە اۋاشالانىپ، نۋكلەين قىشقىلىنىڭ تەكسەرۋ ناتيجەسىن كۇتتى... 2 - ايدىڭ 2 - كۇنى ءتىلشى اۆتونوميالى رايوندىق حالىق شيپاحاناسىنان ىندەتكە قارسى اتتانۋ كەزىندە وسى شيپاحانانىڭ ءارقايسى تەكسەرۋ بولىمدەرىنىڭ جانە قىزۋ امبولاتورياسىنىڭ قىزمەتتەرىنىڭ ولشەمدى، ءتارتىپتى ورىستەتىلىپ جاتقانىن كوردى.
اۆتونوميالى رايوندىق حالىق شيپاحاناسىنىڭ سولتۇستىك قاقپاسىندا، حاۋىپسىزدىك تەكسەرۋ ەسىگى الدىندا ءبىرىنشى رەتكى تەكسەرۋ جۇرگىزىلەدى، ياعني دەنە تەمپەراتۋراسى ولشەنەدى. دەنە تەمپەراتۋراسى قالىپتى بولسا، ادامدار امبولاتوريا عيماراتىنىڭ الدىن الا تەكسەرۋ بولىمىنە كىرىپ ينفورماتسياسىن تىزىمگە الدىرۋىنا بولادى ءارى 2 - رەت دەنە تەمپەراتۋراسى ولشەتەدى، قىزباعاندار اۋرۋىنا قاراي ايىرىلىپ، قاتىستى ءبولىم - كەڭسەلەرگە جىبەرىلەدى. ەگەر دە قىزعان ناۋقاستار بايقالسا، دەرەۋ سول جاقتاعى قىزۋ امبولاتورياسىنا ورنالاستىرىلادى. قىزۋ امبولاتورياسى وسى شيپاحانانىڭ جەكە بوساتىپ بەرگەن ءبىر عيماراتتىڭ 2 - قاباتى، 1 - قاباتى بولىمشە امبولاتوريا رايونى جانە شيپاگەرلەر مەن سەسترالاردىڭ وتەتىن ارناسى، 2 - قابات الىپ قالىپ بايقاۋ - ەمدەۋ رايونى. وسى قىزۋ امبولاتورياسىنىڭ الدىن الا تەكسەرۋ ورنىندا شيپاگەرلەر قىزعانداردىڭ قاتىستى تارالمالى اۋرۋ تاريحىن جانە اۋرۋ جاعدايىن سۇراستىرادى، مويىن تەمپەراتۋراسىن ولشەيدى ءارى تىزىمدەيدى.
وسى شيپاحانانىڭ ەمدەۋ ىستەرى ءبولىمىنىڭ مەڭگەرۋشىسى لەي ۋي بىلاي دەپ تانىستىردى: ىندەت رايونىمەن قاتىستى جۇعىسۋ تاريحى جوق، سونداي - اق اۋرۋ سەبەبى انىق بولعان قىزعان ناۋقاستارعا قاراتا، شيپاگەرلەر ونى ادەتتەگى امبولاتورياعا نەمەسە شۇعىل ەمدەۋ ورنىنا كىرگىزىپ ەمدەيدى؛ ەگەر دە ىندەت رايونىمەن جۇعىسۋ تاريحى بولماعانىمەن، الايدا قىزىپ اۋرۋ سەبەبى انىق بولماسا نەمەسە قىزۋ، جوتەلۋ سياقتى تىنىس جولى اۋرۋ بەلگىسى بار، قاتىستى جۇعىسۋ تاريحى بار ناۋقاستارعا قاراتا، شيپاگەرلەر ونى اۋاشالايتىن ناۋقاستار ۇيىنە جەتكىزىپ، جالعاستى تەكسەرۋ جۇرگىزەدى.
تانىستىرۋعا قاراعاندا، ەگەر ىندەت رايونىمەن جانە قاتىستى ناۋقاستارمەن جۇعىسۋ تاريحى بار، قىزۋ، جوتەلۋ سياقتى تىنىس جولى جۇيەسىنىڭ اۋرۋ بەلگىسى بار، الايدا اس قورىتۋ جۇيەسى سياقتى باسقا دا اۋرۋ بەلگىسى بارلارعا نەمەسە اۋرۋ بەلگىسى جوق كەڭەس سۇراۋشىلارعا قاراتا، شيپاحانا قورعانۋ شاراسىمەن قامتاماسىز ەتۋ نەگىزىندە ارنايى بولەكتەنگەن وڭىردە دياگنوز قويىپ ەمدەيدى؛ نەمەسە ينفورماتسياسىن ويداعىداي ەستەلىككە الىپ، ونى ۇيىندە اۋاشالايدى ءارى قالاعان ۋاقىتتا احۋال ۇعىسۋ قىزمەتىن جاقسى ىستەيدى. ەگەردە قىزۋ سياقتى اۋرۋ بەلگىسى بايقالسا، قىزۋ ءتارتىبى بويىنشا ءبىر جاقتى ەتەدى.
قىزۋ امبولاتورياسى 1 - قاباتىنىڭ سول جاعىندا 6 ەمدەۋ بولمەسى بار، قان تەكسەرۋ - ولشەۋ جانە كەۋدە ءبولىمىن تارتۋ، رەنتكەنگە ءتۇسىرۋ، جۇرەك سۋرەتتەۋىش سياقتى ءتۇرلى تەكسەرۋلەردى وسى ءبىر قاباتتا ورىنداۋعا بولادى. وڭ جاقتا شيپاگەرلەردىڭ كەڭسەسى جانە شيپاگەرلەر مەن سەسترالاردىڭ وتكەلى بار، شيپاگەرلەر مەن سەسترالار وڭ جاق ەسىكتەن كىرىپ، اۋاشالاۋ كيىمىن اۋىستىرعاننان كەيىن، اۋرۋلار رايونىنا كىرە الادى. قىزۋ امبولاتورياسىنىڭ 2 - قاباتى ءبىر بولمەنى الىپ قالىپ بايقاۋ بولمەسى، الىپ قالىپ بايقالاتىن ناۋقاستارعا وسى ارادا قاتىستى ەمدەۋ جۇرگىزىلەدى، سونىمەن بىرگە نۋكلەين قىشقىل تەكسەرۋ - ولشەۋىنىڭ ناتيجەسىن توسادى.
”كەۋدە جانە قان تەكسەرۋ - ولشەۋىنىڭ ناتيجەسىنە قاراي، شيپاگەرلەر ناۋقاستى بايقاۋعا قالدىراتىندىعىن - قالدىرمايتىندىعىن ءارى وعان نۋكلەين قىشقىلى تەكسەرۋ - ولشەۋىن جۇرگىزۋ - جۇرگىزبەۋدى تۇراقتاندىرادى“. لەي ۋي تانىستىرىپ بىلاي دەدى: جاڭا تيپتەگى ايدارشا ۆيرۋسپەن جۇعىمدالۋدان بولعان وكپەسى قابىنعان ءبىر ناۋقاستى دا قاعىس قالدىرماۋعا كەپىلدىك ەتۋ ءۇشىن، بۇل شيپاحانا نۋكلەين قىشقىلى تەكسەرۋ - ولشەۋىندە بولىمسىز بولعان ناۋقاستارعا قالدىرىپ بايقاۋ جۇرگىزىپ، 24 ساعاتتان كەيىن تاعى دا ءبىر رەت تەكسەرۋ - ولشەۋ جۇرگىزىپ، بولىمسىز ەكەندىگى تاعى دا تۇراقتاندىرىلىپ بارىپ، قالدىرىپ بايقاۋدى كۇشىنەن قالدىرادى، بۇل كەزدە شيپاحانا الەۋمەتتىك اۋماقپەن بايلانىس جاساپ، ونى ۇيىندە ۇزدىكسىز 14 كۇن اۋاشالاۋعا ورنالاستىرادى. ال تەكسەرۋدەن بولىمدى بولعان ناۋقاستاردى دەرەۋ اۋرۋدان ساقتانۋ - تىزگىندەۋ تاراۋىنا دەر كەزىندە مالىمدەيدى ءارى شوعىرلى قابىلداپ ەمدەيتىن بەلگىلەنگەن شيپاحاناعا دەرەۋ جەتكىزىپ، ىشكەرىلەي ەمدەۋ جۇرگىزەدى.
”الىپ قالىپ بايقاۋ، اۋاشالاۋ كەزىندە ىندەتتىڭ تارالۋ حاۋىپ - قاتەرىن ويلاسۋ تۇرعىسىنان ناۋقاستىڭ وتباسىنداعىلارمەن كەزدەسۋىنە بولمايدى، وسى سەبەپتى شيپاحانا ارناۋلى شيپاگەرلەر - سەسترالار گرۋپپاسىن قۇرىپ، الىپ قالىپ بايقالاتىندارعا تاماق جەتكىزۋ، ءدارى الۋ سياقتى قىزمەت وتەۋمەن قامدايدى، كوپشىلىكتىڭ الىپ قالىپ بايقاۋ كەزىندەگى تۇرمىس ماسەلەسىنەن الاڭداۋىنىڭ مۇلدە قاجەتى جوق“. لەي ۋي بىلاي دەدى: شيپاحانا كۇندىز - ءتۇنى شيپاحانانى زارارسىزداندىرۋ قىزمەتىن ويداعىداي ىستەپ، ناۋقاستارعا حاۋىپسىز ەمدەلۋ ورتاسىن ازىرلەۋگە كەپىلدىك ەتەدى.
